الثلاثاء، 15 سبتمبر 2009

مش باقي منّـــى




بسم الله الرحمن الرحيم


مش باقى منى غير شوية ضى فى عنيا

انا هديهملك وأمشى بصبرى فى الملكوت

يمكن فى نورهم تلمحى خطوة

تفرق معاكى بين الحياة والموت


مش باقى منى غير شوية نبض فى عروقى

خدى وعيشى و أفتحيلى تابوت

افرح بريحة ورد فرعونى

وربنا فى عونى


اذا دخلت الجنة ولا النار

هشتاق الى ضحكتك وقاعدتى فى الدار

و القهوة متحوجة من طيبة العطار

فى كل يوم الصبح اشرب حليب قبطى

وفى النهار

و المسا

امسك ستار الكعبة لو سبتى

و اثبت اذا هربتى

أهديكى عمرى و حسى وجوارحى

أهديكى جرحى

هو الى باقى فى دنيتى لما خلص فرحى


مش باقى منى غير شوية لحم فى كتافى

بلاش يتبعتروا فى البحر

بلاش يتحرقوا فى قطر الصعيد فى العيد

بلاش لكلب الصيد تناوليهم

خدى اللى باقى من الأمل فيهم

وابنيلى من عضمهم فى كل حارة مقام

وزورينى مرة وحيدة لو كل ألفين عام

ألم الجراح يتلم


مش باقى منى غيرشوية دم

متلوثين بالهم

مّــرين وفيهم سم

كانوا زمان شربات

والنكتة سكرهم

شربتهم الخفافيش فى قلب اوكارهم


مش باقى منى غيرشوية دم

مقدرش اسقيكى مواجعهم

وبرضه مقدرشى ارميكى و أبيعهم

يمكن فى مرة تعوزى تطلبينى شهيد

هاحتاج يوميها الدم

يمضى على شهادتى


مش باقى منى غير شوية قوة فى ارادتى

على شوية شعر من خطى

حاسبى عليهم وانتى بتخطى

وانتى فى صبح الدلال بتعطرى شطى


مش باقى منى غير شوية ضى فى عنيا

انا مش عايزهم

لو كنت يوم هلمحك وانتى بتوطّى

فى معركة مفيهاش ولا طيارات ولاجيش

وانتى فى طابور العيش

بتبوسى ايد الزمان ينوّلك لقمة

من حقك المشروع


مش باقى منى غير .. شهقه فى نفس مقطوع

بفتحلها سكة ما بين رئة وضلوع

ما بين غبار و دموع

وانا تحت حجر المقطم فى الدويقة بموت

انا والعطش و الجوع

يئن تحت التراب وانا صوتى مش مسموع

يا حلمنا الموجوع

من المرور ممنوع


مستنى لما يمرموكب سلاطينك

مش باقى منى غير شوية رحمة من طينك

على شوية صبر من دينك


مش باقى منى غير حبة غنى تايهين

فى الضلمه

مش لاقين

حس الفواعلية

ولاصوت مراكبى المعّدية

ولا صوت بناتى العزارى فى كل صبحية

والغنوة امنية

ياما نفسى اقابل حبيبى وانا ع الزراعية

صوتك و صوتهم غاب

وانا تحت حجر المقطم باموت لوحديه


الليلة راحت عيونى تطل ع البستان

وجناين الرمان

رجعتلى توصف عناد الغل و الدخان

وسحابة سودة تضلل على الغنى الغلبان


رجعتلى توصف هبوب الموت على الألوان

رجعتلى توصف خيال الزل فى موائد الرحمن

رجعتلى توصف


مش باقى منى غير شوية كفر بشروقك

وانا منبع الأيمان


مش باقى منى غير شوية ضى

وعنيا مش قادرة تلمحنى

في وحدتى محنى

خايف اموت من الخوف والضعف يفضحنى


السجن عشش فى قلبى وماشى فى شوارعك

نفس الى باعنى انا بالرخيص بايعك

أشيل حمولى انا ولا هاشيل حملك


ما عدت املك شئ فيكى ولا فيا

ولا قيراط ولابيت ولانسمة صافية

تلاغى النيل بحرية


مش باقي منى غير شويه حب جارحنى

ولا باقي منى غير شوية ضى فى عنيا



جمال بخيت ....وقصيده ابكتنى

43 التعليقات:

الازهرى يقول...

هيييييييييييييييييه
أول تعليق

الازهرى يقول...

وكمان التانى

الازهرى يقول...

من زماااااااااان
وأنا باحب رقم تلاته

الازهرى يقول...

مش فاكر رقم اربعه ايه ظروفه لكن ما يضرش

الازهرى يقول...

كفايه كده ؟

ماعلينا

الازهرى يقول...

مش باقى منى غيرشوية دم
مقدرشى اسقيكى مواجعهم
وبرضه مقدرشى ارميكى و ابيعهم
يمكن فى مرة تعوزى تطلبينى شهيد
حاحتاج يوميها الدم
يمضى على شهادتى
باقى منى غير شوية قوة فى ارادتى

جميل الاختيار جدا جدا جدا


لكن انا عايز اسأل
انت كتبتيها ولا نسختيها مباشرة من مكان ؟

تحياتى دوما

الازهرى يقول...

عيد سعيد
باذن الله

غروب يقول...

اهلا اهلا

ايه ده ؟؟؟؟؟

احتلال في مدونتى

ازيك يا ازهرى وعيد سعيد عليك باذن الله

بالنسبه للقصيده انا نسختها لكن اكتشفت بعض اخطاء تشكيليه حالا بعد تعليقاتك بحاول اصلحها علشان النطق

نورت

بسمة انور يقول...

ايه ده
ازهرى بيعمل ايه هنا

بسمة انور يقول...

وسع بس كده شويه هقول لحبيبتى حاجه
وووووووووووسع

بسمة انور يقول...

انا مليش دعوة هعتبر نق=فسى اول تعليق

بسمة انور يقول...

غرووووووووووووووب
حبيبببببببببببببببتى
وحشتينى جدا يا قمرايتى

ايه الكلام ده بجد قصيده ولا اروع
تسلم ايدك ياقمر ((عشان نقلتيها مش عشان كتبتيها )))ههههههههههههه

وحشانى خالص مالص جدا اوى وربنا
اموووووووووووووووووواه

غروب يقول...

بسمه

حبيبه قلبي والله انتى كمان وحشانى جداااااااا

ويا ستو ولا تزعلى ويكأنك اول تعليق

هههه

تسلمي يا قمر والحمد لله انها عجبتك لانى نقلتها بس

ههههه

نورتى يا قمره

-_- يقول...

صادقة

VÖltaa يقول...

يابنتى فكك من مود الحزن ده

هى ناقصة عياط ^_^

ال ايه انا داخل عندك ومهموم واقول على الله تكون كاتبة بوست مهيس علشان نضحك شوية

ماشى ماشى ياختى

^_^

كل سنة وانتى طيبة ويارب دايما بخير

♥نبع الغرام♥♪≈ يقول...

وحشتنى قووووووووووى

ايه ده الاحتلالات دى
يافتاح ياعليم يا رزاق ياكريم

ههههههههههههههههههههه

♥نبع الغرام♥♪≈ يقول...

بحب الراجل دة قوي
كشاعر وكانسان
ومش سهل أقبل حاجة بالمباشرة دي دلوقتي
بس قبلتها وأمتعتني

♥نبع الغرام♥♪≈ يقول...

نعم.. لم يبق إلا الشعر …. يزيل فوارق الطبقات ويفضح مالا تراه العيون ومالا تسمعه الأذن …
لم يبق إلا الشعر … يغنى وحيداً ويبكى وحيداً ويطهرا وجعنا وحيداً …..
لم يبق إلا الشعر ينعى من مات فى ظلمات البحر والليل والفساد وهو عائد بفرحة لأطفاله بعد غربة ذليلة طويلة محشوراً فى عبارة الموت المشئومة …
لم يبق غير الشعر يصرخ على أبدان إلتهمها الإهمال العتيق … فى قطارات الموت العنيدة …. لم يبق إلا الشعر يحاول وحده ان يزيح صخرة الظلم الجاثمة فوق ارواح شهداء المقطم
لم يبق إلا الشعر …. يبكينا وينحر قلوبنا ويذكرنا حتى لا ننسى .. وما أروعنا فى النسيان …
جمال بخيت …. يكتب ويالها من كتابة فاعلة …. وبكائية لمصر بحق عزفت على أوتار جراحنا بتفرد وعذوبة وصدق …..
يالها من كلمات تهز القلوب وترعش الأبدان وتوقظ الألم بالذكرى … وبالواقع المرير

♥نبع الغرام♥♪≈ يقول...

أدينا قلنا , وهانقول , وبعدين؟؟؟؟؟؟
زمان لما كان الناس شويه صغننين( يعنى كام مليون بس) كان ممنوع الكلام عشان كان فى عساكر بتقطع كل لسان يتكلم, وكان فى اماكن تترمى فيها جتت الناس اللى بتتكلم, لكن دلوقتى العساكر بقت مش كفايه ومفيش فلوس فايضه عشان يصرفوها على السجون عشان يأكلوا الناس!!!!! قاموا عملوا ايه؟؟؟؟؟؟؟؟
قالوا هانديكم حريه الكلام
واحنا فرحنا اووووووووى واتكلمنا وهانفضل نتكلم
والغريبه احنا وصلتلنا الهبه والمنحه والمكرمه بتاع حريه الكلام على انها انتصار اخدناه من فم الاسد !!!!!!!! مفارقه غريبه والله

------ يقول...

علفكرة وحشتينى اوى

معذرة لطول الغياب

بس الظروف وان شاء الله هفضل متابعاها على طول

بجد انى احبك فى الله

مستنية زيارتك

تحياتى لكى

علفكرة كلماتك فى البوست دا جمييلة جدا

دمتى شرووق

غروب يقول...

sharm

اهلا وسهلا نورت

غروب يقول...

محمد:

مش حزن بالعكس انا في احسن حالاتى والله يا ابنى

كل الحكايه ان القصديه اثرت فيه جدا لدرجه البكاء فيها كلمات بجد وجعتنى

حسيت ان بلدنا بقه قاسيه اوى علينا

عموما فرفش يا عم ده العيد قرب

كل سنه وانت طيب

غروب يقول...

عاشقه الاحزان

عااااااااااا المدونه احتلت يا ايناس

غروب يقول...

عاشفه الاحزان تانى

رغم انى مش متابعه جيده لجمال بخيت

الا انه ابدع بصراحه في القصيده دى من وجهه نظرى وتعبيراته كويسه جدا والالتزام بقواعد الشعر مظبوطه جدااا وده كنت مش بحسه في اللى قريته ليه قبل كده ويمكن ده من اسباب عدم متابعتى ليه

لكن بجد المره دى يستاهل التحيه

وجميل انك بتقدرى راجل زى ده

لانه زى مقولتى زمن الكلام

ومين فينا هيتكلم احسن من الشعراء

غروب يقول...

دموع القمر

انتى كمان يا قمر وحشانى

ونورتينى وان شاء الله يتم التواصل

مدونتك جميله

وانا كمان بحبك في الله

ومبسوطه ان الكلام عجبك

نورتى

aidy يقول...

عرافة يا غروب انا اول مرة اعرف القصيدة دى كنت سمعتها على اليوتيوب بجد عجبتنى اوووووووووووووووووى
احسنتى الاختيار لأنها بجد قصيدة توجع اى حد يقراها

حلوة اوى

غروب يقول...

ايدي


ياااااااااااه نورتى والله

وحشتينى ووحشتى المدونه كلها

وهى فعلا قصيده جميله
وموجعه

حـــــروف متــبعترة " عــمرو الشــايب يقول...

مش باقي مني

غير شرقة ف نفس مقطوع

بس الكلام دة حلو انتى جايبة الموالل كلة

تسلم ايديك يا جميل

غروب يقول...

عمرو

ميرسي

المهم يكون الموال كله عجبك

نورتنى

لاسع افندى يقول...

هى فعلا قصيده جميله جدا

شوفيها بعيون لاسعه فى مدونة تخاريف
http://tkharifplus.blogspot.com/2009/07/blog-post_09.html

منــار فايد يقول...

رائعه جمال بخيت
سمعتها لما استضافته منى الشاذلي معاها
بكيت لما سمعتها
لانها اول مره ليا اسمعها
شكرا ليكي

سوسو الاموره يقول...

خلوه اوي الكلمات دي يا غروب
كل سنه وانتي طيبه عيد سعيد *_^

عابرة السبيل يقول...

سلام عليكم

صدقت .... قصيدة ابكتنى مع روعة شجونها و ماساتها

حسبنا الله ونعم الوكيل

فشكووول يقول...

السلام عليكم غروب

تحياتى


عيد سعيد عليكم وعلى عائلتكم

كل عام وانتم بخير

يعيده الله عليكم بالخير واليمن والبركات

غروب يقول...

لاسع افندى

ههههه

عيون لاسعه

نورتنى

غروب يقول...

منار

شباك موارب

فعلا فيها تعبيرات تبكي

نورتينى يا قمر

غروب يقول...

سوسو الاموره

انتى اجمل وكل سنه وانتى طيبه يا اموره

غروب يقول...

عابره سبيل

خير الكلام

حسبنا الله ونعم الوكيل فاللى سابوا بلدنا توصل لكده والله

بلدنا قسيت علينا

نورتينى

غروب يقول...

عمو فشكول

وحضرتك طيب وبالف خير وصحه انت وعائلتك الكريمه

غير معرف يقول...

السلام عليكم ورحمة الله
كل سنة وانتي طيبة

أسف كثيرا وليس ليس القصد هو السب والذم ولكن ..

ما كنت لأكذب في يوم لأني أملك نفسي جيدا وكلي لله عز وجل

أنا صارحت بكل صدق عما حدث ولكن لا فائدة يقول المثل العامي عندنا
الجنس علي الجنس رحمة
يعني انتي حنيتي لمن هو من جنسك حتي ولو كان ببيكذب

عموما فعلا الطرف التاني لأنا أثق في انه طيب القلب علشان كده صالحته وفعلا بعزه كتير واحنا اخوة في الله
اتمني تكون الصورة اتضحت
وكل سنة وانتي طيبة

السلام عليكم ورحمة الله

Soul.o0o.Whisper يقول...

غروب الجميلة

كل سنة و انتى طيبة
و عيد سعيد عليكى

و رغم الاه فى كلمة بالقصيدة
لكن اكيد يبئا الامل بعدد حروف و كلمات القصيدة


دمتى بكل الخير

غير معرف يقول...
أزال أحد مشرفي المدونة هذا التعليق.
أحمد الصعيدي يقول...

كل عام وأنتم بخير
عيد سعيد

 

ما بعد الغروب © 2008. Design By: SkinCorner