الأربعاء، 30 سبتمبر 2009

على موعد



بسم الله الرحمن الرحيم
................................................
يمكن بقالي ايام كتير مش كتبت كلام عن نفسي ولا قولت انى فرحانه ليه او زعلانه ليه

بس انا النهارده زعلانه وحسيت انى عاوزه اكتب

حاسه ان دنيتى واقفه ضدي بشكل يخوف ..كل ما احب حاجه تاخدها منى

هى مش عاوزانى انا بالاخص افرح ؟؟؟؟؟ ولا في ناس تانيه كده برضه ؟؟؟؟

ولا ايه ؟؟؟؟

في ناس غابت عن حياتى اثر اوى غيابها

الناس دي اللى كانت غروب ممكن تترمى في احضانهم وتبكي

دلوقتى حتى اللى عاملين بيحبوها برضه احضانهم شووك على رايك يا حليم

مش عارفه اقول خلاص مش عاوزه منك حاجه يا دنيا .. لانى لسه عاوزه كل حاجه

ولو سمعتينى بقولها هتعصي عليه وتدبحينى

اذا كنتى يا دنيا مغروره ...غرورى ممكن يقتلك ...بس انتى اسمحيلي

اسمحيلي اعدى ..واشوف بعينى .. اجرب الفرحه والدموع في ثوانى

متهدميش افكارى .. ومتبقيش قاسيه معايا كده

انا اتخلقت فيكي علشان اعيش ... ليه راضيه تخلينى عايشه بموت فيكي كل كام يوم مره

يارب ... مليش غيرك ابكي ادامه ومش حاسه بضعف

تنزل دموعى ادامك بكل ما فيها من الم وعذاب ومش هحكى ايه السبب

م انت عارف .. ساعدنى يارب

ساعدنى

محتمل اغيب شويه عن المدونه وعن كل شئ

اعذرونى

بس زى مقولت الدنيا مهنش عليها تسيبنى فرحانه كتير وده مش جديد

الحمد لله

غروب

15 التعليقات:

أمل حمدي يقول...

ليه كل دا يابنتي والله ماهي مستاهلة الحزن

انت لسه الدنيا قدامك ولسه ها تتعلمي حاجات كتير

متبعديش يا ساسو خليكي وسطنا

ربنا يفرج كربك ويهدي الحال

حفيدة الصحابة يقول...

السلام عليكم

اول مره ازرو المدونة و بجد اعجبتني و اعجبني كلامك و مشاعرك و رقة الفاظك

بس محبتش تكون اول زيارة و انتي زعلانه

زي ما قلتي حبيبتي الدنيا مش بتدي كل شئ

بس عايزة اقولك جملة حلوة اوي ممكن تريحك شوية

ما اصابك لم يكن ليخطئك و ما اخطأك لم يكن ليصيبك

خلاص يا حبيبتي رفعت الاقلام و جفت الصحف و اللي ربنا مش كاتبه من نصيبنا مفيش قوة في الدنيا هتجيبهولنا..و اللي ربنا كاتبه من نصيبنا مفيش قوة في الدنيا هتبعده عننا

و في الاول و الاخر ربنا بس اللي عارف الخير لينا فين عشان كده بعد عننا حاجه بنحبها اوي ظنا منا ان سعادتنا كلها فيها بس الحقيقه هي اكبر شر ممكن يحصلنا
عارفه ليه لاننا بنبص للي قدامنا و الظاهر لينا و بنبص تحت رجلينا
لكن ربنا بس اللي عالم الغيب و عارف هنبقى سعدا بايه و ايه ممكن يتعسنا

بجد احمدي ربنا على كل شئ و اعرفي انه اكيد اكيد خير

و كل شئ بيبدأ صغير الا الحزن بيبدأ كبير و بيصغر فاكيد فترة صغيره و هتهدي و هترجعي احسن من الاول

و الدنيا كده لازم نجرب و نفشل و نتعلم و نرجع تاني نجرب و منيأسش

و مش انتي لوحدك كده

بجد لو كتبت اللي حصل و اللي فقدته في حياتي بجد هتدمع عيني و هتدمع عين كل من يقرأ كلامي
لكن بجد مفيش غير اني اصبر و احتسب و ان ربنا يبدلني خيرا
خاصة لما تكوني اتعلقتي بحاجه و حسيتي انها خلاص حياتك كلها هي الحاجه ديه و من غيرها هتحسي ان ملكيش لازمه و الحياه في عينيكي ولا حاجه و حبتيها من كل قلبك و بكل احساسك و مش قادره تنسيها
لكن في الاخر ربنا مش رايدهالك
يبقى خلاص مش هقدر اغضب ابدا من امر ربنا و هرضى و اطلب من ربنا يعوضني خيرا منها

ربنا يعوضك يا اختي

yoyo يقول...

صباحك سكر ياساسو

هى الدنيا كدا يا قلبى مش بيتدينا كل حاجة بس لازم نقول الحمد لله
هونى على نفسك وعلى قلبك
مش تزعلى نفسك اوى كدا
الحياة لسه قدامك وان شاء الله تحققى كل احلامك

ينفع حد يبعد عن اخوات واهله و ناسه
خليكى هنا معانا
مش تغيب عنا وياريت تطيمنا عليكى
فى انتظارك
دمتى اختى بالف خير و سعادة
تحياتى
يويو

حـــــروف متــبعترة " عــمرو الشــايب يقول...

اية بقى التقليد دة حتى ف الحالة برضة

اية بقى هتقليدنا لحد امتى

بصي يا برنسس

اولا الابتعاد عن المدونة هياثر عليكي لانى حالتى زيك كدة بس مطولة شوية عشان انا قولت هبعد الببعد هيحسسك بالوحدة انما المدونة هتخليكي تردي و تشوفي دة عامل بوست و هتشغلىى وقتك و هتضحكي و هتفرحي و هيبقى مزاججكك حلو

يمكن انك تشغلى نفسك شوية هيخليكي كدة

هي ساعات كتير بتيجي للواحد انا معاكي بس الى شاطر بقى الى يتغلب عليها مش تتملكه فهمتى قصدك مش عاوز ابتعد الغروب بيبقى احلى حاجة ف اليوم و انا اتعودت ادخل عندك يوميا مش تبعدي يا برنسس اخوكي عمرو

VÖltaa يقول...

هقولك ايه ياغروب

الواحد فى الحالة دى مش بيحب يسمع كلام حد

عموما ملكيش غير ربنا

وربنا يخلصك من الحالة دى والدنيا ترجع تضحكلك تانى

بس بلاش البعد عن التدوين

زى ماعمرو قال
هتلاقى معاك ناس وتتفاعلى شوية بدل الوحدة

غير معرف يقول...

نووووووووووووووووووووووووو

لا بعدي ولاتزعلي وكمان مانيش داخل المدونة دي تاني مادام الحزن شاع فيها

غروب هانم ممكن تسمعي كلام جميز وتغيري البوست ده علشان كل اللي بيحبوكي مش عايزين حد يزعل عليكي ولا حتي حد وحش يشمت فيكي

شوفي بقه بكرة بكتيره غيري مودك وغيري كمان البوست

والا جميز مش هييجي تاني عندك


جميز

أحمد الصعيدي يقول...

السلام عليكم

غروب هانم
ايه الناس كلها زعلانة ولا ايه
مالك ربنا يفرج عنك اللي انتي فيه
ويزيل همك ويديكي كل اللي بتتمنيه

خلي ثقتك في الله كبيرة وأكيد هيوفقك في اللي يتتمنيه بس قربي من ربنا اكتر

وياريت تكتري من :

اللهم الطف بنا في تيسير كل عسير فإن تيسير العسير علي يديك يسير

شكرا لمرورك في مدونتي بعد انقطاع

شاب فقرى يقول...

كل شىء فى الحياة ليه حل

كل شىء

ودوام الحال من المحال

ان شاء الله تنسى موضوع الدنيا دا
وتعيشى حياتك

الموضوع عامل زى واحد عطشان

قدامه كوبايه عصير مانجو ساقعة

يا اما يقعد يتمناها ويبص لها بشغف
يااما يشربها ويرضى نفسه
ياما يقلب الترابيزة ويبكى عالمانجو اللى مشربهاش

شوفى انتى مين فى كل دول

واكيد لما تعرفى هتتغيرى وهترتاحى

يعنى مش لازم تفكرى فى الحياة كتير

لازم تعيشيها على طول

ولو عاندتك عانديها
لانها اتخلقت لك
وانتى متخلقتيش ليها

تحياتى
شاب فقرى

♥نبع الغرام♥♪≈ يقول...

سارة حبيبتى
يعنى انا اجى انتى تروحى

معلهش يا قلبى هى حال الدنيا وحصلت معايا كتير واكيد انت عارفه انا بكون ازاى واخر مرة وانا بكلمك كنت بقوينى عشان اتغلب على همى وحزنى وطلبت منى مش ابعد ياساره

ليه انتى كمان متكونيش قويه حبيبتى بجد انا اتعلمت منك كتير قووى
ياريت ممكن اه ترتاحى
بس متخليش حاجه تزعلك واكيد فى حواليك كتير قووى حلوة
بصى للجانب الكويس وسيبك من اى حزن وارمى من ورا ضهرك يا حياتى
انا كنت راجعه وفرحانه انى هطمن عليك بس كده شكلى ماليش نصيب

بس اكيد هنتكلم واطمن عليكى
خلى بالك من نفسك ياقلبى

لا اله الا الله

ابو على يقول...

انتى ليه تزعلى من الدنيا

دا ربك هو اللى مسويها يا بنتى

لو كان خد منك حاجه اكيد فى حاجات تانيه جيالك احسن من اللى فاتها

بس انتى اهم حاجه ارضى بنصيبك

غير معرف يقول...

وبعدين بقه
يووووووه

غير معرف يقول...

مش مستاهله حد يحزن عليها

مالك بس

سيبى امرك لله

هو هيفك كربك ويفرج همك

حنين

rony يقول...

ليه بس الحزن ده كله
ادعى ربنا يبعد عنك كل
شر وكل حزن وكل تعب
وهو كفيل يطلعك من كل اللى انتى فيه
بس قوليله
ياااااااااارب
ربنا معاكى
تحياتى

لاسع افندى يقول...

مافيش حاجه تساوى دموعك وزعلك
قولى يارب
قولى الحمد لله





تحيه لاسعه

(حلـم) يقول...

تمنى لهذة الاحزان ان تغرب



واتمني الت تفعم كل ايامك بالسعادة



هوني ع حالك غروب


ماتزعلي لعلة خير اختي الرائعة


ولكل فارس كبوه


هى كدة الحياة طالعات ونزلاات



ودايما بعد الهبوط صعود


واتمني لكي الصعود نحو كل ماترغبي وتحبي



اشكرك على الزيارة


سلام اختي غروب


بالمصري فتك بغافيه


اخوكي حلم

 

ما بعد الغروب © 2008. Design By: SkinCorner