السبت، 26 سبتمبر، 2009

حاله


بسم الله الرحمن الرحيم
...........................................
ياللى حاسدين الحبايب
حبي ضايع مش لاقيه
مين يجيبلي حق قلبي
اللى لما كان ف صدرى
شده موج الحب منــّى
مين يحاســــــــــــــــــب ؟؟؟؟؟؟؟
اللى يجرح ... واللى يكسر
واللى بيهرب
لما يحس الخوف مقرب
مين يواسي ...مين يطبطب
مين؟؟؟؟؟......ومين ؟؟؟؟؟
ملقيناش غير اللى يضرب
ع الوجيعه اللى ف قلوبنا
والحقيقه ..........
كل واحد جايله حـــقه
هما ليهم وقلبي ليه
قلبي جايله الف حسره
وهما ليهم الف فرحه
والبراءه ........
اللى كان دافع تمنها
اللى حبوا من زمان
اللى ضحوا عشان قلوبهم
والامل كان في رجوعهم
رجعوا بس بالف صرخه
................................................
يا حبيبي
ياللى حبك ليه قوتى
ليه حكمت انت بموتى
احنا متنا الف مره
ميتين م الخوف ...نكابر
مش قادرين نحلم...نعافر
ميتين م الفرقه لكن ...
خوفنا نرجع
يحفرلنا الضععف المقابر
...................................................
يا حبيبي ......
رغم انى لسه خايفه برضه منك
بس لازم انى اقولك
عمرى ما اقدر انى احبك
مش هكونلك قلب صافي
مش هشيلك وقت جرحك
اصل ضايع معاك حقي
رجعلى من تانى حقي
يا حبيبي تلاقي حقك
..................................
غروب

33 التعليقات:

غير معرف يقول...

غروب هانم

اصلحي مابينك وبين قلبك يستقيم مابينك وبين حبيبك

جميز

اعتقد ذلك

Mo7ammed يقول...

"يا حبيبي
ياللى حبك ليه قوتى
ليه حكمت انت بموتى
احنا متنا الف مره
ميتين م الخوف ...نكابر
مش قادرين نحلم...نعافر
ميتين م الفرقه لكن ...
خوفنا نرجع
يحفرلنا الضععف المقابر "



كلام جاى فى وقته اوى اوى

تسلم ايدك ياغروب

غير معرف يقول...

وكمان ايه البوست الحزين ده

خليكي دايما مبسوطة

جميز

3mr wa2el يقول...

اية الكلام الجامد اوى دة هو احنا بقينا كلنا احساس انسان حزين ولا اية

بس احلى حتة عجبتني الى هي بتاعت انى مش هشيللك ف جرحك الحتة دى جامدة جدا

بجد تسلم ايدك

محمد عتلم يقول...

كل سنه وانتى طيبه

الازهرى يقول...

مش عارف صراحه يا غروب فى ايه ؟

بس فى لمحات حزن فى كتاباتك الأخيره مش كويسه
اتمنى تكونى بخير وحاولى تفكى من الحالة دى
يعنى افرحى اضحكى عيشى مع الناس مش مع نفسك وبس هتلاقى الوضع اتغير كتير

وكمان تعالى هنا ذكريات زعلانه منك ولو عدى يوم كمان وانت بعيده عنها هتخاصمك خالص

الحــ ــزين يقول...

الحــ ــزين
ان شاء الله كله هايبقى كويس .,وربنا هايحققلك كل اللى انتى بتتمنيه علشان انتى حد كويس.يارب تتحقق امانيكى
الحــ ــزين

غروب يقول...

جميز

:

الموضوع كده شكله اتفهم غلط

لان انا مش حزينه ولا في اى شئ يخص حاله حب

هى مجرد حاله عاديه مكتوبه على ورق

وانا ما زلت مستمتعه بالحاله اللى انا فيها

حاله قلبك نادانى

نورت

غروب يقول...

محمد:

ميرسي يا محمد

وسعيده ان الكلام عجبك

نورت

غروب يقول...

محمد:

ميرسي يا محمد

وسعيده ان الكلام عجبك

نورت

غروب يقول...

جميز

مش تقلق انا الفتره دى في حياتى جميله وسعيده بهيا

ادعيلي تستمر

نورت

غروب يقول...

عمرو وائل

لا طبعا مفيش حزن عندى

اتمنى الكل اللى يدخل عندى يكون سعيد

وهى مجرد كلمات

بس كويس انها عجبتك

يا قلالالالاد

هههههههه

نورت

غروب يقول...

محمد عتلم

وانت طيب

فينك من زمان

نورت

غروب يقول...

الازهرى

:

ايه اللى انت بتقوله ده يا عم انت ؟

حزن ايه ؟

ههههههههههه

شكلك لسه صاحي من النوم كالعاده

انت شكلك بتفتح عينك اساسا على المدونه علشان كده مش بتاخد بالك كويس

انا قايله انى سعيده الفتره دى اوى

وقلبك نادانى وكده

ههههههه

ايه بقه اعمل اكتر من كده ايه

لكن كلمات البوست المره دى

هى مجرد كلمات كتبتها ونشرتها

لكن الحمد لله انا في حاله جميله من السعاده

واكيد انا روحت لذكريات

مش هقدر تزعل منى

نورتنى

غروب يقول...

الحزين

متشكره جدا لذوقك وكلامك

وباعتذر عن سوء التفاهم اللى حصل

نورت

'' حطام (ك) بقايا '' يقول...

كلمات قوية فعلا
كل واحد مننا هيحسها على حسب اللي بيمر بيه
بجد جميلة موت
تسلمي يا قمر

طـــائر الليــــل الحـــــزين يقول...

ايه يا قمر الكلام الجامد ده
ده انا كان نصنى كتير
وعلى فكرة كل سنة وانتى طيبة مع انها جاية متأخرة
ويارييت تسامحينى على التقصير وعد المتابعة

الازهرى يقول...

كرى كرى كرى
وقعتى فى المقلب

أولا رجعتك تعلقى من تانى بعد ما كنتى غايبه عن الكل ويا ريت تستمرى وبلاش تستخبى
ثانيا وهو الأهم انا نفسى اعرف ليه الحزن فى الكتابه والكلام عن الجراح وانت فرحانه
فرحى الناس معاكى
اكتبى عن الضحكة البسمه
اكتبى عن الحياه والفرح
اكتبى عن كل شىء جميل

مش باحجر على كتاباتك والله بس نفسى الكل يفرح ويبقى سعيد

اتفقنا ؟

حلو المقلب ؟
فى مقلب بقى قبل خفة اليد راجعيه وقولى لى رأيك

غير معرف يقول...

كل لحظة حزن تخلق ألف حب
احزان بطعم اابتسامة

جميز

غروب يقول...

حطام

اهلا وسهلا بيكي
نورتى

وسعيده ان الكلام عجبك

اتمنى تكررى الزياره

الفراشة الصغيرة يقول...

على ايه حسدينه

دول هما اللى فكرينه

روح حلوه وزهن صافى

لكن طلع شىء نافى

وناس زايفه ووش رايحه

لسكة متلقلهاش قطر ماشى

غروب يقول...

طائر الليل الحزين

وانتى طيبه يا قمر

وكفايه انك نورتينى

غروب يقول...

الازهرى

ايه ده بجد

طلع مقلب وفيه مقلب قبله كمان
؟؟؟

هههه

انا صدقت والله

ماااشي

الزمان بيننا مسيري اضحك عليك

عموما ربنا يسهل وبعض اللى اكتبه يكون مفرح والناس تفرح معايا

نورتنى

غروب يقول...

جميز

مش في كل الحالات

غروب يقول...

الفراشه الصغيره

هههه

غلبتينى يا قمر

تسلم ايدك

وحشانى جدا والله

كل سنه وانتى طيبه

شيماء جمال(شيمو القمر) يقول...

ملقيناش غير اللى يضرب ع الوجيعه اللى ف قلوبنا والحقيقه ..........كل واحد جايله حـــقه هما ليهم وقلبي ليه قلبي جايله الف حسره وهما ليهم الف فرحه والبراءه .......

بجد الحته ده فى الجون

وحشانى يا قمر

ربنا يوفقك

شيمو القمر

غير معرف يقول...

جميز ينادي
هل تسمعني

فينك يا غروب هانم
يعني لازم نغرق الدنيا جميز علشان تظهري

سلام مجمز بالجميز

hager za3bal يقول...

يا حبيبي
ياللى حبك ليه قوتى
ليه حكمت انت بموتى
احنا متنا الف مره
ميتين م الخوف ...نكابر
مش قادرين نحلم...نعافر
ميتين م الفرقه لكن ...
خوفنا نرجع
يحفرلنا الضععف المقابر


الله يا غروب

حلو اوي بجد

بس ليه لمسة الحزن دي :((

يارب تكوني بخير

تحياتي

aidy يقول...

غروب

بجد عملتى حالة حلوة اوى
الكلمات جميلة جدا والاسلوب راقى ويشد القارئ لأنه يكمل
والتقسيمة حلوة اوى

بس ليه الحزن ده بس

غروب يقول...

شيمو القمر

والله انتى كمان وحشانى وكنت عندك قريب علشان ابارك ليكي بس مدونتك كانت تقيله اوى

عموما الف مبروك يا حبيبتى وربنا يتم عليكي بخير

وسعيده يا قمر ان الكلام عجبك ولو انك اكيد عاوزه كلام حب دلوقتى

هههه

نورتينى يا قمر

غروب يقول...

جميز

:

مش لحقت اغيب

نورت

غروب يقول...

هاجر زعبل

ازيك يا جوجو

منوره

مفيش حزن ولا حاجه

هى مجرد حاله تم رصدها في كلمات

لكن مش شرط اكون باععيشها

المهم انها عجبتك

صح؟؟؟؟

نورتينى

غروب يقول...

ايدي

كل ده؟

الحمد لله انها عجباكى

ربنا يكرمك وان شاء الله مفيش حزن ولا حاجه

نورتى

 

ما بعد الغروب © 2008. Design By: SkinCorner