الخميس، 25 يونيو 2009

كام يوم في عمرى



بسم الله الرحمن الرحيم


ازيكوا كلكواااااااااااااا وحشتونى خالص بالص مالص


اخيرا اخيرا ومش قادره اصدق نفسي خلصت الامتحانات .....اااااااخر امتحانات اجباريه في حياتى ....الحمد لله وعدت بسلام


خلصت يوم الاتنين وبعدين لسه يدوب مروحه علشان ارتاح شويه لقيت الانسه شهد بنت خالتى بتكلمنى بتقولى انا نازله علشان عاوزه اشترى اكسسورات واللذى منه علشان الفرح


عقبال عندكوا .. فقولت اووووك مش مشكله ...اشترينا الحاجات وبعدين قررنا اننا نروح نقضي الليله في بيتهم وقد كان .. صحينا الصبح قصدى العصر لقينانا مقررين اننا نروح لتيته ولسمكه هانم نقضي معاهم كام سنه ...ههه قصدى كام يوم


روحنا لتيته بقه وقعدنا سوا نفتكر الذكريات ....احنا التلاته ( شهد وساسو وسمكه ) ذكريات طفولتنا الجميله واللى ممكن تكون دى اخر مره نقدها سوا في الوقت الحالى وده طبعا لان ده موسم التزاوج البشري....وعلشان كده فرح سمكه اخر شهر سبعه وفرح شهد بعدها بكام يوم بس مش في مصر


تخيلوا يا عيال اننا صعب بعد كده نقعد كده ونحكى ونضحك بصوت يسمع الشارع اللى جمب اللى جمبنا ؟؟؟؟؟؟؟؟؟


المهم واحنا قاعديت اكتشفنا ان ال ايه ؟؟؟ظ خير اللهم اجعله خير فرح بلال ابن خالنا اول شهر تمانيه ماشاء الله ..يارب زود افراحنا


وساسا انا فرح ابن عمى انا يوم 77


والاهم بقه من ده كللللللللللللللللله : خبر انا نفسي مش مصدقاه وفرحانه اووووووووى اووووووووى اووووووى وسعيده جدااااااا جدااااااااااا جدااااااااااااا


جاءنا البيان التالى :


تم خطوبه الانسه آيه ( انتيختى ) على الاستاذ هشام ....... لولولولولوولوووووووووووووووووى


مش مصدقه والله البت ايه اتخطبت وبقت عروسه وبتتكسف من خطيبها والذى منه ؟؟؟؟؟؟؟؟؟؟؟؟ سبحان مغير الاحوال


غير فرح صحباتى بقه ( ساره وريفان وايه ..واحده تانيه )

ياه يا جودعان .........ده موسم فعلا الناس دى كلها بتتجوز ورا بعضها ليه كده ؟؟؟؟؟؟

انا في حاجه واقفه في زورى عاوزه اقولها : تيته .......الست تيته .........الانسه تيته ......اه من اللى عملته فيه انا وشهد اليومين اللى كنا عندها فيهم ههههههه


اصل تيته من النوع اللى يعز الصحيان بدرى وانا وشهد العكس ...


اول يوم نامت شهد على سرير لوحدها وانا قولت هنام جمب تيته حبيبتى ..المهم انى فوقت على زغزغه في الرجلين وال ايه ؟؟؟؟تيته بتقولى قووووووومى كفايه نوم هنتغدى ايه ؟؟؟؟؟؟؟؟؟؟؟؟
ههههههههه ايه ده يا ست انتى هنتغدى ايه ؟؟؟؟؟؟ طب قولى هنفطر ايه ؟؟؟؟

اصل بجد تيته من اولويات حياتها هو تجهيز الغدا لازم تكون عارفه هناكل ايه وامتى والساعه كام ؟؟؟؟؟؟

المهم طبعا لولا انها تيته كان هيبقي ليه تصرف تانى ...صحيت وامرى لله


تانى يوم بقه اخدنا الكارو وروحنا راس البر من ورا تيته ههههههههههههه روحنا بقه على البحر وعلى النيل واشترينا حجات حلوه خالص مهى يمكن تكون اخر مره نروح سوا


المهم ان تيته كانت متوقعه رجوعنا الساعه تسعه بالكتير اوى .......واحنا متاخرناش جامد يدوب وصلنا الساعه تلاته وتلت الصبح


نخبط بقه على تيته مش بتفتح ..... انتى يا ست انتى .... مفيش


هنبات في الشارع؟؟؟؟؟؟؟ روحت اخدت طوبه من الارض وحدفتها على البلكونه وبرضه مفيش فايده


المهم في الاخر جالنا فكره اننا نجيب العربيه لحححححححد قرب السور اووووووى ونطلع على شنطه العربيه وننط من البلكونه لانها دور ارضي طبعا


شهد طبعا عملتها ببراعه وانا معرفتش فجابتلى كرسي وطلعت عليه وطبعا تيته مش طيقانا .....نمنا بقه وتانى يوم تيته كاالعاده بتصحينا بدرى ههههه


بس على مين بقه مقمناش غير الساعه 12 لما مامتى جت وعملنا الغدا وارتاحت تيته


وبعدين مشينا بقه وتيته زعلالالانه واحنا التلاته زعلانين لان ربما تكون دى اخر لقاء لينا قبل سفر شهد وجوازها برا مصر وجواز سمكه ومحتمل تسافر كمان


وانا هفضل زى القرده لوحدى .....هههههههه



بس كده دول يومين غاليين في حياتى حبيت اسجلهم


وعاوزه اقول ليويو انتيختى الف مبروووووووووووووووووووووووووك يا حبيبي وعقبال الفرح وربنا يسعدك يارب بس من غير تريقه هههههه


سلام بقه


غروب هانم

39 التعليقات:

حاجــ عيال ــات يقول...

حمدالله على السلامة ياساسو
بحجز تعليق بس

ahmed_k يقول...

ألف ليون مروك لسمكه وشهد وآيه وبلال
وكل العرايس والعرسان اللي قلتي عنهم
وربنا يتمملهم بخير ويتجوزوا ويخلفوا صبيان وبنات ,
وبصراحه كتر خير تيته معاكم بقا رجعينلها بعد 3 صباحا ده كويس إنها سابت لكم باب البلكونه مفتوح أو مبلغتش الشرطه وتقول بنات مخطوفين

المهم ربنا يسعد كل العرسان وعقبالك

دمتي بكل خير

E73 يقول...

تالت تعلييييييييييييييق

ثواني وراجعة

E73 يقول...

بت يا سوسو

هي اية اتخطبت وانتي محضرتيش الخطوبة؟!

وبعدين مين هشام ده انا معرفوش

اوعي يكون الواد اللي شفناه واقف مع الشلة بتاعتها

ما علينا

ربنا يباركلك في ايامك

ويجعل حياتك كلها سعادة

ملاحظة انا ان جوجو روح قلبيب معلقة عندك اول تعليق

كنتي فين يا غالية؟!

والله العظيم ليكي وحشة

امتى هنتلم احنا الاربعة تاني بقى

وعقبال مانحس شلتنا يتفك على ايد اي واحدة فيكم بقى

ماء تشرين يقول...

اخيرا خلصتى هما بيقولو ايه كفاااااااااااااره

ياله وهتنضمى لصفوف البطاله

ده في حد ذاته انجاز عظيم ياله الف مبروك

وايه يابنتى الافراح دى كلها ماشاء الله عقبالك كده ياقمر يارب

وبعدين ايه العملتو في تيته ده وكمان بتنطو من البلكونه لا ميتخفش عليكم مستقبلكم باهر باهر باهر مين باهر ده
ماعلينا
ياله حمد لله على السلامه

لاسع افندى يقول...

واخيرا خلصت الامتحانات ...الف مبروك
ومليون مبروك ل يويو


تحياتى

غروب يقول...

حاجات عيال

جوجو حبيبي

منتظراطى يا قمر

غروب يقول...

استاذ احمد

الله يبارك فيك وعقبالك كده ونفرح فيك

ههههه فعلا كتر خيرها انها استحملتنا برضه

متشكره جدا

نورت

غروب يقول...

دورنا

حبيبي

ايه لبست الدبله بس وشوفتها طبعا لكن لسه على الحفله شويه هبقي اكلمك احكيلك التفاصيل وطبعا هشام مش من الشله المتخلفه بتاعتها دى

اه واخده بالك ان جوجو منوره هنا

احنا اتكلمنا امبارح ميل وهى بتدرب في جريده دلوقتى عقبالك

بت تنزلى ويايا النهارده ؟؟؟؟

غروب يقول...

ماء تشرين

ههههه كفاره ماششي

عموما صفوف البطاله زادت دفعه هههههه


الله يبارك فيكي وعقبالك يارب

وعقبالي انا كمان بقه
ههههه

صحيح مين باهر ده؟؟؟؟؟؟

غروب يقول...

لاسع افندى

الله يبارك فيك يارب وعقبال عندك

وردشان smilyrose يقول...

السلام عليكم

الف الف مليون مبرووووووووك

ليهم كلهم ويارب عقابلك

ونفرحلك معاهم

وردشان

روح الحب الصادق

حاجــ عيال ــات يقول...

بت يا درونا وحشتيني يخرب عقلك انت احلويتي كده ليه ما شفتكيش من زمان
بس خسيتي شوية
أخبار كوكو ايه وسحورة
سلمي عليهم كتير


عقبالك يا سارة انت وايناس وسلمى وابقى العانس بتاعكم

المهم بطلي فضايح اون لاين ياسارة مجرد تدريب وفضحتيني أمال لما أشتغل وأجيب فلوس هتعملوا ايه

يالا أول مرتب ليكم عزومة ان شالله ماحد حوش

ابقى رني وانت داخلة

aidy يقول...

يااااااااه يا غروب فكرتينى بالايام الحلوة

ههههههههههههههه

ربنا يسعدهم يارب وانتى كمان بقي تتجوزى بس تفضلى تسألى علينا ساعتها ومتختفيش

وبجد انبسطت لخطوبة ايه صحبتك يارب كتر افراحكوا يارب


وضحكت اوى على موقف النط من البلكونة

هههههههههههه

اصلى دور ارضى وعملتها قبل كده ساعتها خرجت من غير مفتاح ومكنش فى حد فى البيت

فنطيت من البلكونة بمساعدة الجيران

ههههههههههههههههههه

بنجاواتى يقول...

كل دى جوازات؟؟؟؟

ربنا يزيد ويبارك

وعقبال كل اللى عاوز يتجوز انه يلاقى حد يحبه

تحياتى

yoyo يقول...

مسائك سكر يا ساسو

الحمد لله ان الامتحانات خلصت على الف خير يارب
ويارب عقبال ما نطمن على النتيجة

الف مليون مبروك لكل العرايس ويارب عقبالك انتى كمان قريب ان شاء الله

بس تعالى هنا بقى حد يرجع الساعة 3 الفجر وكمان تدخلى من البلكونة
ههههههه

ربنا يسعدكم يارب و يجمعكم على الف خير يارب

ربنا يسعدك و يسعد قلبك يارب
تحياتى
يويو

أم فريده يقول...

طبعا حمد على سلامة الفرح فى حياتك

ايوة كدة اديها انبساط شوية

كاية نكد وربنا يسعد ايامك يا رب

وعقبالك وعقبال كل البنات

أمل حمدي يقول...

الحمد لله على انتهاء الامتحانات

ويارب يجعلك من الناجحات اللهم امين

وعقبالك زي اصحابك وقرايبك يارب

ويارب يسعدك يا ساسو اللهم امين

الأمير يقول...

اللى صعبان عليا هى جدة حضرتك او تيته زى ما بتقولوا

----------

بس الساعة تلاته الصبح ..؟؟

--------------

ربنا يحفظكم

والف مبروك للجميع

اعشق فى الليل ضوء القمر يقول...

مبارك للعرسان و العرايس كلهم
وربنا يبارك فى تيته
ويعزها و يخليهالك

بس لما كل دول يمشوا هتفضلى إنت قاعده لينا

لا يا ستى شوفيلك عريس بسرعه عايزين نفرح فيكى

ههههههه

وحي القلم يقول...

السلام عليكم

طانت غروب حمدا لله ع السلامة

ألف مليون وخمسماية الف مبروك وربنا يتمم بخير

تقبلي مروري

شيماء جمال(شيمو القمر) يقول...

حمد الله على السلامة
ومبروك لنهاية الامتحانات
ومبروك لزواج قرايبك وصحابك واكيد هتجى ايام احلى من ده كتير


تحياتى وعقبالك
شيمو القمر

غروب يقول...

سمايل روز

الله يبارك فيكي يا كميله وعقبالك

وعقبالى كمان ونعمل الافراح هنا بقه

ويا ولاد بلدنا يوم الخميس هكتب كتابي وابقي عريس

ههههههه

شكلي مهيسه

غروب يقول...

حاجات عيال

هههههه

انتوا عاملين البلوج عندى شات ولا ايه ؟؟؟

امشي يا بت من هنا

عقبالنا كلنا يا جوجو

وبلالالالالاش فضايح اوك

بس منتظره العزومه ومش هقبل اقل من كوك دور

معلش انا مش عارفه ادخل شات كتير لان فرح شهد زى م انتى عارفه وبننزل كلللل يوم والله م انتى مكلمانى يا بنتى الساعه 12 لقيتينى برا

وبعدها اسماء والخ الخ

هبقي اكلمك

وابقي طمنينى عليكي في الغربه

غروب يقول...

ايدي
ههههههه

كلنا هذا الرجل امال يعنى فايده البلكونه ايه الوقوف فيها والبص على اللى رايح واللى جاى لا طبعا

ههههه

ربنا يسعد ايامك ونفرح فيكي كمان قريب

غروب يقول...

بنجاواتى

خمسه

هههههه

اه كل دى جوازات ولسه

عقبالك

غروب يقول...

يويو

مساءك فل ونرجس

الله يبارك فيكي

وعقبالك يا قمر يارب

شوفتى البلوكنه بقه مفيده ازاى

كنتى تعرفي انتى قبل كده الاستخدام ده

؟؟؟؟؟

ادعيلنا بقه


موااااه نورتينى يا جميله

غروب يقول...

حبيبه سي السيد

عندك حق والله بلا وجع دماغ وحزن

خلينا في الفرح

الله يبارك فيكي وعقبال اللى عندك كلهم

مش عارفه اقولك عقبالك
ههههههه

نورتى

غروب يقول...

ماما اموله

الحمد لله يا ماما خلصت

وربنا يباركلنا فيكي يارب

ويسمع منك

ههههه

مواااااه

غروب يقول...

الامير

هههههههه

تيته صعبانه عليك؟؟

بعد اللى عملته فينا ده؟

بس عموما مش تقلق مش كانت لوحدها كان ابن خالى وبنت خالتى معاها

ربنا يسعدك

نورتنى

غروب يقول...

عاشق ضوء القمر

الله يكرمك ويبارك فيك وعقبالك

اما انا فعلى قلبكوا هنا

هههههههه

حتى لو بقه عندى احفاد

فاهم ؟؟؟

غروب يقول...

مصعب صلاح

اهلا بيك منور طنط غروب والله

هههههه

الله يبارك فيك وعقابلك يارب بس لسه شويه

غروب يقول...

شيمو القمر

الله يسلمك ويبارك فيكي يارب وعقبالك يا قمر بس تبقي تعزمينى

رومانسى مشاكس يقول...

والله انا مفهم حاجة معلش فهمى على ادى


هههههههههههه
كل الى فهمتوا انك خلاص ربنا كرمك وخلصتى امتحنات


والف مبروك للعالم الى اتجوزت والى اتخبطتت دى



سلام


رومانسى مشاكس

فراشة يقول...

ربنا يكرمك انتى كمان ياغروب وتحصليهم كده
وتعيشى فى هنى وسعادة يارب
زى ما بتتمنى الخير لكل اللى حواليكى
خليكى دايما متصلة بيهم
اكيد الحياة حتخدهم شويه بس دايما ابدئى انتى بالسؤال عمرهم ماحينسولك ده

ربنا يخليكوا لبعض ويسعد ايامك يارب

غير معرف يقول...

الف ألف مليون مبرووووووووك لكل الناس الكتيرة دى D:

انا برضه فرح جارتى حبيبتى اخر 7 و الله الواحد متأثر

و مبروك صحيح انك خلصتىامتحاناتك

لولولولولولولولى

عقبالنا كدة بعد 3 سنين إن شاء الله

و تقريبا كدة كل التيتات بيفكروا بنفس الطريقة يعنى احنا مثلا نبقى بايتين عند تيتا و جدو يوم الخميس و أول ما نصحى يوم الجمعة نلاقيها قبل اى حاجة تقولنا حتتغدوا إيه و عايزين إيه الأكل ووووووووووو



ربنا يهديهم بقى و يبطلوا يسألونا و يصحوا متأخر :)

غروب يقول...

رومانسي مشاكس

هههههههههههههههه

الله يبارك فيك وخلاص

غروب يقول...

فراشه

ربنا يخليكي ليه يارب

غروب يقول...

انا ودماغي الله يبارك فيكي ومبروم\ك لجارتك وعقبالك يارب

وان شاء الله تخلصي على خير

وااضح فعلا ان كل التاتو بيفكروا كده

حاجه غرييييييييبه

ههههههههههه

نورتينى ووحشانى اوى

 

ما بعد الغروب © 2008. Design By: SkinCorner