الخميس، 11 يونيو، 2009

شروق


انسانه عايشه بالغنا
نفسي اسمع للنجوم
لحنى اللى لسه متعزفش
وبايدي اطلع للسحاب واكلمه
عن قلب لسه منهزمش
ولحنى دايما ينطلق ........وبدون قلق
يغلب اعاصير الالم والانكسار
ويروح مع صوت النهار
يرجع يغيب ..ويتوه بعيد
وبيفتكر
اول ما كان
اول زمان
اول ما دق القلب كان
علشانها بس لوحدها
لكنه يصحي من جديد
نفسه يعيد حلم السنين
دقه حنين
من بين عيونها كلمتين
سامعه بكاها وحسّها
اول ما كان الرد لأ
ورجعلى قلبي بحسرته
رجع يعافر من جديد
عايش تعيش ... عايش سعيد
ميهمنيش
عايشه بموت من غير الم
فنانه بحلم بالورق
ميت بايد من غير قلم
لكنى واثقه بانى يوم
هلاقي حلمى اللى اختفي
بفعل الغنا

عندما ياتى الشروق ..........فلا مكان للغروب
when nothing go right .......Go left
النهااااااااااااااااااااااااااااايه

46 التعليقات:

مصعب صلاح يقول...

السلام عليكم

طانت غروب

أول تعليق

هذا هو التميز والاختلاف مع وحي القلم

--------
حلوة اوي القصيدة دي

تأليفك

وعجباني أكتر الجملة دي
عندما ياتى الشروق ..........فلا مكان للغروب

بس دا معناه انك مش موجودة الصبح خالص

تقبلي مروري

صمت المشاعر يقول...

جميل اووووووووووووي اسلوبك وكلماتك

دمتي مبدعه دائما

الشاعر الحزين يقول...

جميله قوى قوى الخاطره دى يا غروب


لا بجد هايله

عجبتنى جدا جدا جدا

بجد ممتاذه أحييكى عليها

تحياتى

yoyo يقول...

صباحك سكر يا حتة السكر

عجبتنى اوى الكلمات و خاصة الجزء دا اوى
ايشه بموت من غير الم
فنانه بحلم بالورق
ميت بايد من غير قلم
لكنى واثقه بانى يوم
هلاقي حلمى اللى اختفي

يعنى رغم الالم والجرح الا انها لسه جواها امل انها تقدر تحقق حلمها
مهما كنا انكسرنا او حتى انجرحنا بنقدر تانى نقوم طالما لسه الامل جوانا موجود

الشروق و الغروب و جهان لعملة واحدة محال ان يتلاقا

تسلمى وتسلم احساسك الجميل
تحياتى
يويو

التكعيبة للتنمية الفنية و الثقافية يقول...

مهرجان النشر الجماعى الاول

تقيم التكعيبة للتنمية الفنية و الثقافية مهرجان سنوي للنشر الجماعي للقصة و القصة القصيرة و الشعر بالعامية و الفصحى، سيكون موسمه الأول هو عام 2009.

و مفهوم النشر الجماعي هو مجموعة قصصية أو مجموعة شعرية لأكثر من مؤلف بين ضفتي كتاب واحد يجمع تلك الأعمال التي سيتم اختيارها عن طريق لجنة تحكيم في كل مجال على حدا، و يتم تحديد أعضاء اللجنة لكل دورة مهرجان.
و يصدر بتلك الأعمال مطبوع/ كتابين أحدهما للقصة و الآخر للشعر سيتم نشره في عامه الأول بالتعاون مع دار دَون، و يتم توزيعه و بيعه في الأسواق
لمساعدة الكتاب أصحاب العمل الواحد و كذا الكتاب الجدد الذين لم تتكون لديهم مجموعة قصصية أو شعرية بعد، في نشر أعمالهم المميزة بدون مقابل مادى

و ترسل الأعمال مرفق بها اسم الكاتب، عنوانه,رقم تليفونه,ايميله، وظيفته، سنه، سابقة نشره للعمل المقدم من عدمه او فوز العمل فى اى مسابقات ادبية
و ذلك في رسالة إلكترونية معنونه باسم المجال الذي يريد المشاركة في مسابقته مرفق بالرسالة العمل بصيغة وورد، و يفضل أن تكون تلك الأعمال مسجلة باسم أصحابها لكنه ليس شرطا لقبول العمل

ترسل الاعمال على ايميل
nashrgama3y@gmail.com

لمزيد من المعلومات حول المهرجان
http://eltak3eiba.blogspot.com
او
http://www.facebook.com/group.php?gid=94334335985#/group.php?gid=94334335985

مزيد من المعلومات حول التكعيبة
http://www.facebook.com/groups.php?ref=sb#/group.php?gid=29491316206

ملاحظات :
الاعمال المشاركة بالمهرجان هى فقط التى ترسل عبر الايميل او تسلم باليد
مسموح بالاشتراك بأكثر من عمل فى اى مجال
اخر موعد لتلقى الاعمال 15-7-2009

مع تمنياتنا للجميع بفرصة عادلة فى النشر
احمد حسن
0193953620
رقم محمول داخل جمهورية مصر العربية

ماء تشرين يقول...

غاليتى اعتقد ان منظر الشروق اجمل بكثير م منظر الغروب لانه ياعنى البدايه دائما

اتمنى لك كل التوفيق

تقبلى مرورى

لاسع افندى يقول...

وعلى صوتك بالغنا لسه الاغانى ممكنه



تحياتى

aidy يقول...

ما بعد الغروب .... شروق طبعا

بجد كلماتك حلوة اووووووووووووووى

شكلك كده هتكتبى خواطر من ورايا


:D

بجد انتى موهوبة يا سارة

انا هستنى كلماتك بعد كده

طـــائر الليــــل الحـــــزين يقول...

غروب
ما اجمله الشروق
ليتنا دائما نعيش فيه
بجد البوست جميل المرة دى
عشان يمكن فى حالة انتى حساها
تحيااااااااتى

ريمان يقول...

بالرغم من الحزن اللى حسيته فى كلماتك لكنى لاقيت اصرار وعزيمه وقوه كمان

ghorBty يقول...

السلام عليكم

يارب كلنا نلاقي حلمنا اللي اختفي


كلمات جميلة ياغروب


ادام الله نبض قلمك الحساس ...

mira يقول...

بوست حلو اوى ومعناه احلى
بس المعنى اللى انا فهمته وحسيته
انك حزينه على قلبك اللى كان بحسرته
بس انتى قوتيه على الحياه من تانى
واديتيه امل وحلم جديد
بس احب اقولك حاجة الحياه شروق وغروب
من غير الغروب ما فيش حياه
تحياتى
ميرا

فراشة يقول...

جميل ان يكون دائما للغروب شروق
وجميل ان يظل التفائل يملؤكى هكذا
ماشاء الله
بحييكى على كلماتك التى دائما تصل للقلب والعقل فى وقت واحد
دومتى مشرقة

حلـم،، يقول...

مش اول مرور برغم الطناش انا رامي دي علشان اتوصل مع الست غروب بوست رااااااااائع واحساس مسك..والمهم الخاتمة ماسية اية الادب دة..الحلم اللي اختنق ما اختنق في الورق..بهنيك ياست غروب وتقدقي ايتها الفارسة علي صورة النيم خلابة اتمني ان تكون انتي..حلم..

حلـم،، يقول...

مش اول مرور برغم الطناش انا رامي دي علشان اتوصل مع الست غروب بوست رااااااااائع واحساس مسك..والمهم الخاتمة ماسية اية الادب دة..الحلم اللي اختنق ما اختنق في الورق..بهنيك ياست غروب وتقدقي ايتها الفارسة علي صورة النيم خلابة اتمني ان تكون انتي..حلم..

ماما أمولة يقول...

كلمات جميلة جدا ولكن لما النهاية ؟

وحشتيني يا ياساسو

E73 يقول...

السلام عليكم

بقى كدة يا روبي!!!!!!!!
مش انا التيستر بتاعتك ينفع كدة ابقى الرد رقم 17؟!
داحتى شكلي يبقى وحش

انتي طبعا عارفة تعليقي على الكلام الجميل ده من وقت ماكتبتيه

بس ارجع واقولك تاني راسك بتخرج درر يا بهية

بجد تسلم الهاماتك

عاشقة الأحزان يقول...

السلام عليكم

حبيبتى الغاليه ساره

وحشتنى قووى
وبجد انتى انسانه جميله ومحترمة ربنا يسعدك ويبارك فيكى وتنجحى بدعيلك من قلبى

واشكرك على سؤالك عنى ويارب تدوم المحبه

سعيده قووى انك جاوبتى على التاج واجابتك كلها ربنا يحققها ليكى يارب ويسعدك

وجميل قووى البوست الاخير ده يا غروب

ربنا يديم عليك السعاده
اختك
ايناس

وردة يقول...

حلو اووي التفائل اللي في البوست بتاعك
ربنا يكرمك
ويديم عليكي الشروق
ويفرح قلبك دايما
سلام

hager za3bal يقول...

عايشه بموت من غير الم
فنانه بحلم بالورق
ميت بايد من غير قلم
لكنى واثقه بانى يوم
هلاقي حلمى اللى اختفي
بفعل الغنا
عندما ياتى الشروق ..........فلا مكان للغروب

الله دي دي كتابه
الله علي ده احساس..

اقولك حاجه
يسلم قلمك..:)

غير معرف يقول...

ساذجة وغبية ومتكبرة دائما تبحثي عن االلا صدق وتودين أن تسمعي الكلمات التي ترضيكي حتي لو عن خطأ ويوما ما ستندمي علي ذلك وتعلمي أنك بعتي من يتمني لك الخير حقا

فشكووول يقول...

ازيك يا غروب
كل القصيده من اولها ياس لكن فى اخرها امل ودا المهم
تحياتى غروب

E73 يقول...

طيب يا عم الغير معروف مش كنت تعرفنا بنفسك قبل ما تتكلم
ولا هو حضرتك بتتكلم على اساس انك عارفة وحضرتك انسان مجهول اصلا جاي تقول كلمتين وتجري؟!

سوري يا غروب على اني علقت على رد عندك
بس مبحبش الناس الخوافة اللي بتستخبى ورا ستار علشان تعرف تتكلم

بيثيروا اشمئزازي

عاشقة الأحزان يقول...

السلام عليكم


حبيبتى وحشتينى قووى

اخبارك ايه

انا جايا اطمن عليكى وقوللك وحشتينى قووى


وايه الغيبه الطويله دى


يارب تكونى بخير

قلقانه عليكى

ومش بتردى على التليفون

طمنينى عليكى ياساره ضرورى لان بجد قلقانه عليكى

ايناس

غروب يقول...

مصعب صلاح

اهلا اهلا منورك طنط غروب وكل سنه وانت طيب وعقبال مليون سنه

مبسوطه ان الكلمات والعبارات عجبتك

وعاجبنى اوى انك اكتر واحد فهمت نقطه معينه كده

بس مش هصرح بيها

نورت

غروب يقول...

صمت المشاعر

اشكرك

نورتنى

غروب يقول...

الشاعر الحزين

متشكره يا علاء

نورتنى

غروب يقول...

يويو

مساءك عسل وسكر

وحشانى مووووووت

مبسوطه ان الكلام عجبك والجزء اللى عجبك اوى ده انا كمان بحبه اوى بصراحه

وفعلا الشروق والغروب وجهين لعمله واحده بس مستحيل يتقابوا وده اللى الكل مش فهمه من جملتى

حينما ياتى الشروق فلا مكان للغروب

والبوست اسمه شروق وانا غروب

الكل فهم البوست متفائل بس للاسف هو كان العكس

اتضايقت اوى لما محدش فهمنى

ما علينا بقه

المهم انك نورتينى يا قمر

غروب يقول...

ما تشرين

والله هى وجهات نظر ونفساويات يعنى في ناس تشوف البدايه في الغروب وناس تلاقيها في الشروق

الله اعلم فين البدايه ؟؟؟؟؟؟
نورتينى

غروب يقول...

لاسع افندى

حااااااضر لسه هاغنى

خير الكلام بجد

وعاجبنى اوووووى يا لاسع بيه

غروب يقول...

ايدي

واحنا نيجي ايه بس فيك يا قمر

اخبار القصه ايه انا حاسه ان فاتنى كتير

ياااااااارب اخلص بقه لسه ماده

نورتينى يا قمر ومبسوطه اوى ان الكلام عجبك

غروب يقول...

طائر الليل الحزين

اهلا يا حبيبه قلبي منوره

جميل انك بتحبي الشروق لو بتشوفي فيه الجمال والبدايه زى معظم الناس

متشكره يا قمر على رايك الغالي

غروب يقول...

ريمان

فعلا كان حزن اتفهم غلط

وان شاء الله يكون موجود القوه اللى بتقولى عليها دى يا ريمو

غروب يقول...

غربتى

اللهم امين

ربنا يرزقك احلى الاحلام

نورتينى يا قمر

غروب يقول...

ميرا

اخيرا حد فهمنى شويه

فعلا انا مش كاتبه الكلام وانا مبسوطه بلاعكس كنت تعبانه

عموما فعلا الحياه شورق وغروب ومهما عملت مش هاقدر استغنى عن شئ فيهم

لكن انا لسه في انتظار ..ما بعد الغروب

غروب يقول...

فراشتى

حتى انتى شوفتيها تفاؤل

انا زعلانه بجد ان محدش فهمنى

يلا الحمد لله الحاله بتعدى زيها زى غيرها

المهم انك نورتينى يا فراشتى

غروب يقول...

حلم

انا اسفه والله بس مش طناش دى امتحانات

ادعيلي

والست غروب ؟؟؟؟؟؟
ههههه

لا من فضلك اسمي غروب هااااانم

عموما نورتنى وكلامك يسعدنى جدا
وان شاء الله ازور المدونه في اقرب وقت

غروب يقول...

ماما اموله

وحشترنى انتى

وطبعا اذا عرف السبب بطل العجب ....ولا ايه ؟؟؟؟؟

غروب يقول...

E73 :

حبيبه قلبي

طبعا سيبك من رايك في الكلام لانك اول واحده شيفاه قبل نزوله وطبعا ده اقل حاجه عندى زى م انتى عارفه

ههههه

موااااااه

غروب يقول...

عاشقه الاحزان

اشكرك يا ايناس

على التاج وعلى سؤالك الدائم وكلامك الجميل عنى

وانتى كمان وحشانى

بس ظروف الامتحانات

ادعيلي

غروب يقول...

ورده

اهلا باحلى وارق ورده في التدوين

ولو انه مش تفاؤل اوى بس يلا اى حاجه منك حلوه ههههه

يارب يسعجلى قلبك دايما

نورتينى

غروب يقول...

هاجر

هجوره

اهلا يا قمر

منوره

وسعديه ان الكلام عجبك

تسلميلي

غروب يقول...

غير معرف

اشكرك يا ذوق

غروب يقول...

دورنا

طبعا يا كوكى تردى في مدونتى براحتك

بيتك ومطرحك

اما بقه عمو الغير معرف ههههه يا بنتى كبر تعيش

وانا اساسا لا يعنينى كلامه في شئ هو مين اصلا ده حد مجهول؟؟؟؟؟؟؟

بس بالنسبه ليه معروف

عارفه لو كان بالنسبه ليه مجهول كنت علمته الادب

بس لانه معروف فمش هعبره لانه اقل من انى ارد عليه

موااااه

غروب يقول...

عمو فشكول

يا عمو يا جميل ياللى فاهمنى انت

نورتنى

غروب يقول...

عاشقه الاحزان

انتى كمان وحشانى

معلش انا بس مشغوله في امتحاناتى ووقت مكنتى بتتصلي كنت انا نايمه معلش

اطمنى انا بخير الحمد لله

 

ما بعد الغروب © 2008. Design By: SkinCorner