السبت، 20 يونيو، 2009

عيد ميلاد


عدت سنه... و الليله هطفي شمعه الجرح الغريب

جرحى انا

جرحى اللى عشته من فراق اغلى حبيب

شمعه دموع.....شمعه الم

شمعه حنين ....شمعه ندم

قرب يا قلبي من الشموع.....الليله عيد اصعب دموع

عيد ميلاد جرحى انا

الذكريات المؤلمه والجرح والاحزان ضيوفي ....والورد معزوم انما خجلان وحيد يشبه لخوفي

لا الشوق يا قلبي بامرنا ولا كان بايدي اختار نصيبي ...يبقي خلاص مكتوب لنا رغم البعاد يفضل حبيبي

شمعه دموع ..شمعه الم

شمعه حنين ...شمعه ندم

قرب يا قلبي من الشموع..الليله عيد اصعب دموع

عيد ميلاد جرحى انا


فاضل ثوانى قليله ويعدى اول عيد لجرحى والجرح هيعيش جوا منى مش هيمحيه اى فرح

الذكرى مش ممكن تموت او يجي يوم وتختفي الذكرى هيكون ليها صوت مع كل شمعه بتنطفي


شمعه دموع...شمعه الم

شمعه حنين ....شمعه ندم

قرب يا قلبي من الشموع...الليله عيد اصعب دموع

عيد ميلاد جرحى انا

غروب

65 التعليقات:

Lady E يقول...

انتي كده بتصحي الجراح جواكي يا سوسو

حاولي تنسيها مش تعملي ليها عيد ميلاد

للأسف جرح الحبيب اصعب جرح بس هنموت نفسنا ولا هنعمل ايه يعني

وبطلي تسمعي الاغاني دي لهاني شاكر

ربنا يهون عليكي ويسعدك

ماما أمولة يقول...

ساسو هي دي اغنية هاني شاكر ولا كلامك

هو في عيد ميلاد للجرح يا ساسو ؟

لو كدا هايبقى عندنا اعياد كتيرة قوي

اتعلمي من الجراح وانسيها

وخلي أعيادك فرح واتهني بيها

سلام يا ساسو

بنجاواتى يقول...

ربنا يهون الجراح

ويعوض الجراح بحاجات جميلة مفيهاش اى جراح


تحياتى

عاشقة الأحزان يقول...

السلام عليكم

حبيبتى الغاليه

وحشتينى قووى قووى

وبجد الاغنيه دى انا بموت فيها ياساره وفكرتنى بحاجات كتيره كانت جوايا


اليوم جئت باغنية تصف عذاب و لوعة الشوق
انه عيد ميلاد جرح الحبيب لترك حبيبه
ان اصعب شىء بين اى حبيبين الفراق
فانه حقا عيد ميلاد جرحى انا
و الاسوأ ان كون احدهما لا يهتم او يتأثر بهذا الفراق

لا شوق ياقلبي بامرنا
ولا كان بيدي اختار نصيبي
يبقا خلاص مكتوب لنا
رغم البعاد يفضل حبيبي


إختيار حزين ويغلب عليه الروعه

نعم ما أصعب أن يتذكر الحبيب

يوم جرحه ورحيل حبيبه عنه

بل ويفعل لهُ يومها عيد ميلاد

رائعة أنتى

وأبعد الله عن قلبكـ أى جرح


شمعت دموع شمعت الم
شمعت حنين شمعت ندم
قرب ياقلبي من الشموع
الليلة عيد اصعب دموع




ابدعت فى انتقائك


تحياتى ومودتى حبيبتى

انوسه

عاشقة الأحزان يقول...

جامده قوووى

جامده قوووووى

احيك من كل قلبى

بحبك وبموت فيكى

ياقمرايا

ونورتى مدونتك

ويارب دايمآ منورة الدنيا كلها


الذكرى مش ممكن تموت
أو يجي يوم وتختفي
الذكرى حيكون ليها صوت
مع كل شمعة بتنطفئ
هايله هايله

بصراحه نفسى اتكلم كتير

ياساره
بس اكيد انتى حاسه بيا
سلاموز باللوز
انوس

hager za3bal يقول...

:((((((((((((((

ليه بس كده

ايه المووود ده

hager za3bal يقول...

لااااااااااااا

ماليس دعوه بقي

مش هسيبك تفضلي في المووود الوحس ده :((

طيب اجيبلك مثاثه وتضحكي؟؟

hager za3bal يقول...

طيب اقولك حاجه

زمان قالوا

الضربه الليمتموتنيش تقويني

انا بقي بقولك

الجرح اللي ميهدنيش يعلمني

ahmed_k يقول...

بالعكس الجروح مع السنين بتندمل
وتنمحي آثارها
هي تستحق الإحتفال لكن بشرط
أن يكون إحتفال نسيان لا إحتفال تذكره

دمتي بكل خير

EMMY BABY يقول...

غروووووووووووووب وحشانى جداااااا جداااااااا

انا فرحت اول ما لاقيت العنوان قلت اخيرا عيد ميلاد وفرحة

بس بعد لما قريت البوست حسيت ان هيكون ليا اعياد ميلاد كتيييييير اوى

بغض النظر عن الكلمات والاحاسيس تحفة

بس بالله عليكى انسى تاريخه من دماغك وعيشى حياتك اللى جاية وانسى اللى فات بس اتعلمى منه وحطيه فى الجديد

وافتحى قلبك للحياة يا احلى غروووب

امممممممممواة

تحياتى

ايمى

safa7_karmooz يقول...

اللى يبيعك بيعيه ...

اطفى الشمعه بعد اذنك ..

شجر الليمون يقول...

غروب
أنت لي أخت صغيرة والله وحده يعلم كم كنت كمثل ذلك وأعتقد ما كنت لأسبك أو أشتمك ليس لي حق في ذلك وأتمني لك ولكل المسلمين صلاح الحال وبكل صمت لن أقول أكثر من تلك الكلمات ..وبعدين أنا أساسا بصيت في التعليقات مش لاقي ولا تعليق غير معروف
عذرا أختي الصغيرة وأتمني لك الصحة وبارك الله لك في حسن خلقك

Mo7ammed يقول...

ياغروب متحطيش فى دماغك
كله بيروح والله

اقولك حاجة ؟
اليومين دول
بينى وبين اصحابى مشاكل رغم انها تافهة
بس بعدتنا عن بعد اوى
ولو رجعنا لبعض عمرنا ماهنبقى زى الأول

هههه يعنى انا كمان هطفى شمعة الصداقة معاكى

عندك شمع زيادة ولا اجيب ؟

شيماء جمال(شيمو القمر) يقول...

سمعت الأغنية ده كتير قوى وبما غنى عاشقة لهانى شاكر سمعتها كتير

لكن ما حستهاش قوى قد ما قرأتها عندك فكرتنى بأصعب أيام وبرده عدى عليها سنة فى الشهر اللى احنا فيه ده

بس حاولت اكون قوية

انت برده لازم تكون قوية وهتقدرى تعدى اصعب من كده بكتير

تحياتى لك
شيمو القمر

غروب يقول...

ليدي

مش مساله صحيان جراح

انا بس مش بينفع اعدى اليوم ده كده

كمان انا مش اقدر اعيش من غير م اسمع لهانى شاكر هههههه

غروب يقول...

ماما اموله

دى اغنيه لهانى شاكر يا مامايتى

وفي طبعا عيد للجرح يا ماما

بس ان شاء الله مش كتير ولا شئ وربنا يبعد عنك اى جرح او زعل يا امى

غروب يقول...

بنجاواتى

اللهم امين

نورتنى

غروب يقول...

عاشقه الاحزان

والله يا ايناس انا كمان بحب الاغنيه دى اوى وبحب هانى شاكر بصفه عامه

مش هاعرف ارد على كلامك بقه

دمتى مبدعه

نورتنى

غروب يقول...

عاشقه الاحزان تانى

وبعدين بقه ؟؟؟؟؟

هو احتلال ؟؟؟؟
ههههه

جميل ان الاغنيه عجباكى بس ربنا يبعد عنك الجراح يارب

غروب يقول...

هاجر

مود وقتى يزول بزوال اليوم

انتى نورتنيى وصدقينى انا تمام جدا بس هو يوم بيفرض نفسه عليه انى لازم اسجله

غروب يقول...

هاجر

عاوزه اقولك بجد عندك حق

الضربه اللى مش تموتنى تقوينى

تسلمى عليها

غروب يقول...

استاذ احمد


ياااااااه ليك وحشه

نورت

وطبعا ده نوع احتفالي بجد

غروب يقول...

ايمي

ياااااااه

وحشتنى اوووووووىىوالله يا بنتى

الف حمد الله على السلامه

بجد فرحت والله اوى لما لقيت تعليقك

ويا ستى تتعوض في عيد ميلاد المدونه قرب

وصدقينى انا ناسيه اتلاسباب والذكريات وكله لكن اليوم لا

نورتى

غروب يقول...

سفاح كرموز

نبيع حاضر

بس اطفي الشمعه ليه ؟؟؟؟؟

غروب يقول...

شجر الليمون

no comment

غروب يقول...

محمد

ازيك يا ابنى

اخبارك


كبر تعيش

على راي اشرف توفيق

ربنا يصلح الحال بينك وبين اصحابمك ولو انى عارفه ان العلاقه دى بالاخص لما بيحصل فيها شرخ مش بيرجع زى الاول ابدا

بس عموما اعم لاللى عليك

نورت

غروب يقول...

شيمو القمر

اشفه انى فكرتك بذكريات مش لطيفه

بس ايه الصدفه الغريبه دى

شهر واحد؟؟؟؟

ربنا يكرم

نورتى

الازهرى يقول...

يا خسااااااااااااااارة
وانا جيت جرى وقلت توتة وخلافه بقى
المه

لو قلت لك انك غلطانه فى تذكر الجرح ابقى كداب ومنافق
تعرفى ليه ؟
لانى انا كمان باعمل كده
المه والهم من كل حاجة ان الجرح يكون دافع للتقدم مش مجرد ذكرى تربطنا بيها وتوقفنا فى مكاننا

تحياتى ودعواتى

مصعب صلاح يقول...

السلام عليكم

الجروح مش تستاهل اي شموع

تقبلي مروري

E73 يقول...

خير يا روبي؟!

ماعلينا كل سنة وجرحك طيب يا آنسة

وربنا ميعيدها أيام بس نفوق بقى

جارة القمر يقول...

الأغنية تحفة


لكن الألم لا ينتهي


لذلك كوني بخير

اللؤلؤة يقول...

الأخت سارة
السلام عليكم
أسعدنى مرورك وبالعكس الجروح مع السنين بتندمل
وتنمحي آثارهابالنسيان لا بالإحتفال
دمتِ بكل خير

blue-wave يقول...

ليه بس كدا؟؟؟
عموما ربنا معاكى

aidy يقول...

يااااااااه يا سارة

ليه بس التشائم ده

يارب كل ايامك اعياد فرح مش اعياد جرح

ربنا يحميكى يا رب

خلى بالك من نفسك

وحشتيييييييييييينى اوى

غروب يقول...

الازهرى
طيب جيت ومش لقيت تورته مش تجيب واحده في ايدك

هههههههه

طبعا ذكرى الجرح دافع لانى اعيش حياه افضل ان شاء الله

نورتنى

غروب يقول...

مصعب صلاح

يمكن ....بس انا شايفه ليها لزمه وقتيه

نورتنى

غروب يقول...

دورنا

يااااارب يا حبيبي

موااااااااه

غروب يقول...

جاره القمر

ان شاء الله انتهى لكن ذكراه بتفرض نفسها ليس الا

نورتنى

غروب يقول...

اللؤلؤه

باذن الله واسعدنى مرورك ايضا

غروب يقول...

بلو ويف

فينك من زمان يا دكتور

نورت

غروب يقول...

ايدي

انتى كمان وحشانى هخلص كمان ساعات

ربنا يستر في الترجمه بقه

وان شاء الله الجاى احسن من اللى فات

ربنا يسعدك ويخليكي ليه

سوسو الاموره يقول...

الدنيا بتنسي فاينسي وعيشي حياتك كل لحظه بلحظتها بكرى تلائي حب جديد ينسيكي جرحك الي راح ان شاء الله ربنا يكرميك يا غروب

رومانسى مشاكس يقول...

مساء الخير



ساسو ليه كل الحزن ده


الحياة ملينة جروح


لكن لازم ننسى عشان نعرف نعيش


او يمكن الجراح تموت


يريت تنسى


تحياتى


رومانسى مشاكس

smilyrose يقول...

ساسو قد يكون اول لقاء

ببيتك الجميل

لكننى وجدت الم كبير بين كلمات تلك

الاغنية ولكن ماذا بعد

لا تتذكرى الالام والجراح تذكرى دائما

كل شئ جميل احسستى به وعشتى معه

هكذا ما فعلته اتخذت من حبى شئ جميل فى

حياتى احيا به ذكرياتى الجميلة

احلامى التى لم احققها

كل هذا ونسيت الالم والجراح

وتذكرت كل شئ جميل احسسته معه

هكذا هو الحب

دمتى حبيبتى

وردشان

روح الحب الصادق

mahasen saber يقول...

اه يا غروب كأنى بسمع الاغنيه بالضبط

انا حاسه بصوت هانى شاكر فى ودانى

ايام صحيح

المهم انتى اخبارك ايه يا جميله
ليكى وحشه جامده بجد

صوت من مصر يقول...

الانسان بطبعه يتذكر الافراح وليس الاحزان
الجرح سهل انه يتنسى ارجوكى انسى

حلم بيعافر يقول...

ليه كده؟
ماتخلينا ناسيين

hager za3bal يقول...

بوست جديد بقي يا غروب
:)

hasona يقول...

السلام عليكم

جرحي انا - اعتقدت انها أغنية هاني شاكر

،،،،،
لكن عندما يعود الجرح لينزف من جديد
وكأنه يعلم الميعاد
ويترك الاثر مرة أخري

كلماتك تحمل معاني صعبة

حاجــ عيال ــات يقول...

ساااااااااااااااااااسو
وحشتيني
كل سنة وانت طيب ياجرح
كل سنة وانت طيبة يا كل الجراح
بس بعيد بعيد بعيد
وحشتيني يابت
مرسي على التاج

yoyo يقول...

صباحك سكر يا ساسو

لا يا قمر بعد الف مليون شر عليكى من الجراح
مش نحتفل بالجرح لا نحاول نداويه و نكمل حياتنا
يعنى نتعلم منه و نحاول نتفادى الوضع دا

ربنا يسعدك يارب و يسعدك قلبك
تحياتى
يويو

ghorBty يقول...

غروب

ان شاء الله تكوني بخير ..

ان همدت الجروح ونامت .. فالاولي لها ان تبقي هكذا الي الابد ..

فلا تشعلي لها شمعه ولا تحتفلي بها ..

اسعد الله ايامك واذهب عنك كل مكروه ..

دمت بكل خير ..

حبيبه سى السيد يقول...

عيد ميلاد الجرح اية يا بنتى

انا اعرف ان عيد الميلاد دة اتعمل للفرح لكن الجرح
لالالالالالالالالالالالالا

بصى انا معاكى اوعى تنسى ابدااااااا

لانك لو نسيتى هيتكرر تانى اللى حصل

لكن بعقل يعنى مش تقعدى كل شوية تضيعى فرحتك فى الدنيا وتفتكرى احزان وتبكى عليها

ايامنا لحظات بتعدى فى عمرنا مش بنحس بيها الا لما بتعدى وتهرب من بين ايدينا


تحياتى ليكى وتمنياتى بالسعادة

غروب يقول...

سوسو الاموره

ربنا يسمع منك

نورتينى يا قمر

غروب يقول...

رومانسي مشاكس

مش حزن والله اد مهو يوم بفتكره ولازم اسجله مش اكتر بيفرض نفسه عليه مش بسترجع فيه شئ حزين لكن يوم موجود شئت ام ابيت

ربنا يسعدك

غروب يقول...

سمايل روز

اهلا وسهلا باول زياره

نورتى البيت ده واشكرك على رايك فيه

وان شاء الله يروح الحزن واللى الجاى يكون احلى

نورتينى

غروب يقول...

محاسن صابر

انتى وحشانى اكتر

انا بموت في هانى شاكر وياريت يكون سماعك ليه مش بيترتب عليه اى حزن

ربنا يسعدك دايما

انا بخير الحمد لله وخلصت الامتحانات وكله تمام

غروب يقول...

صوت من مصر

ياريت يكون كلامك صح

ان شاء الله انسي

نورتنى

غروب يقول...

حلم بيعافر

هههههه

مش عارفه ارد ؟؟؟؟؟؟

غروب يقول...

هجوره

عيونى

تامرى

غروب يقول...

حسونه

اهلا وسهلا ايه الغيبه دى؟؟؟

هى اغنته تمام

بس الحمد لله كله تمام حاليا يوم وررررررراح

غروب يقول...

حاجات عيال

مش مصدقه ؟؟؟؟؟؟ظ مين انتى؟؟؟؟؟؟؟

ههههههههه

وحشنى اسمك يا بت انتى

وربنا يسهل وتفتحى البلوح للكل تانى ونشوف الناس كلها عندك نشوف كل حبايبنا

ولا مرسي على واجب لالالالازم يتعمل

موااااه

غروب يقول...

يويو

صباحك نرجس

وحشانى

انا خلصت امتحانات تخيلي؟؟؟؟؟؟؟؟؟؟؟

ان شاء الله كله يبقي كويس

غروب يقول...

غربتى

كلامك حلواوى ويريح بجد

حسيت انى مرتاحه وانا بقراه رغم قلته

اشكرك

غروب يقول...

حبيبه سي السيد

اهلا اهلا بالقمر

حمد الله ع السلامه اول زياره بالنيو لوك

مبسوطه اوى بيها

وكلامك صح بس ادعيلي

مواااه

 

ما بعد الغروب © 2008. Design By: SkinCorner