الجمعة، 10 أبريل 2009

انا زعلالالالالالانه

تحديث بسيط لزوم حرقه الدم:
ماميتى اموله كلمتنى دلوقتى وهما مبسوطين ربنا يسعدها كمان وكمان يارب
وكمان استاذ احمد ك كلمنى وبيغيظنى عااااااااا انا زعلانه اوى
بس يا ويل اللى مش هيجي المنصوره
عموما واضح ان يومهم جميل ربنا يكرمهم ويجازيهم خير
بسم الله الرحمن الرحيم
انا بعيط دلوقتى
مليش دعوه بقه .. اهئ اهئ اهئ
كنت عاوزه اروح النهارده مع ماما اموله واستاذ احمد ك والناس كلهم للقاء بتاع بورسعيد
بس مش نافع اروح لوحدى وايناس انتيمتى مش قادره تروح لانها رجعت الثلاثاء من الاقصر واسوان وروحنا الاربعاء دريم بارك فهى تعبانه جدا
انا بجد كان نفسي اروووووووووووح ..
انا زعلانه خالص ..................... كان نفسي ابقي مع ماميتى اموله
وكمان استاذ احمد ك قالي امبارح انه مش رايح ولسه مش اخد قرار وجاى يقولى دلوقتى انه في الطريق اهئ اهئ اشمعنه انا بقه ؟؟؟؟؟؟؟؟؟؟؟
استنوا كده .. انا مش بعيط دلوقتى
بصوا بقه قرار ............. ان شاء الله هنعمل لقاء في بلدنا المنصوره ام الدنيا هحدد معاده ومكانه مع ايناس انتيمتى ( معجزات ) وجهاد ( حاجات عيال)
وان شاء الله هبقي انا على اتصال مع اصحابي اللى من خارج المنصوره علشان ييجوا وطبعا اللى من المنصوره لو حد فيهم مجاش هخاصمه جداااااااااااااااا ماشي؟؟؟؟؟
ويايت اللى من المنصوره يعرفونى نفسهم بقه ويعرفونى ممكن ييجوا امتى علشان خاطرى
علشان انا متغاظه اووووووووووووى ... ليه كل اللقاءات في القاهره واسكندريه وبورسعيد
مع ان المنصوره احلى بكتيييييييييييييييييير يعنى احم احم
خلاص اتفقنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قولولى بقه رايكوا هتيجوا ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو هتيجوا مش هعيط بقه ولو مش هتيجوا هعيط ...يلا بس
سلام

49 التعليقات:

الشاعر الحزين يقول...

غروب

أنتى أكيد عارفه انى من المنصوره

بس بصراحه مش عارف

ياترى وجودى فى اللقاء مرغوب فيه ولا غير مرغوب فيه ؟؟؟؟؟

خالص تحياتى لكى

romansy يقول...

هى تبقى ظروف بس يا غروب
خيرها فى غيرها
شوفى بس اامتى الميعاد
ونشوف بقى مدونين المنصوره كلهم
وبلاش تعيطى كفايه المدونه غرقت

أحمد الصعيدي يقول...

السلام عليكم
معلهش بالصعيدي ربنا يكرمك ويقدرك تحضري أي إجتماع حتي لو القمة العربية مش عارف شاغلين بالكو ليه بلقاءات المدونين ماعندكوش شغل ولا ايه هههههه\

عموما ابقي افتكريني في دعوة لو عملتي اجتماع وأنا أجي طيران أنا نفسي أنزل المنصورة لأني بحبها جدا فيها بيت خالي وكتير ناس غاليين عليا

غير معرف يقول...

ايدي على كتفك يا مرات ابني
ربنا يسعدنا جميعا يا رب
طبعا نوسة انتيمتك بس بعيد عنك الاختلاس وسنينه اللي مضيع هويتنا ده
عوزة اكلمك بس مش عاااااااااااااااااااااااااارفة

نوسة انتيمتك مفيش غيري

غروب يقول...

الشاعر الحزين

ليه كلمه اكيد؟؟؟؟؟؟


عموما اهلا وسهلا بيك من اى مكان

غروب يقول...

رومانسي

ان شاء الله خريها في غيرها

وان شاء الله انا لسه كنت بكلم نوسه انتيمتى وبقولها عاوزين الميعاد يكون قريب قبل دوشه الامتحانات وكده

وان شاء الله تيجي بقه

وخلاص مش هعيط وعاوزين حد ينشف المدونه بقه

ههههههههه

نورتنى

غروب يقول...

شجر الليمون

وعليكم السلام ورحمه الله وبركاته

القمه العربيه؟؟؟؟؟؟؟

لالالالالالا
انا طلبونى فيها اكتر من مره بس انا برفض انا مشغوله

وان شاء الله اكيد تيجي اللقاء وتشوف المنصوره ام الدنيا وبيت خالك

وتنور المنصوره كلها يا صعيدي

نورت

غروب يقول...

ايناس

انتيمتى وصاحبتى واختى وحبيبه قلبي

وحشتنى حروفك على النت اوووووووى يا ايناس والله ربنا يفك اسرك

بس ايه مرات ابنك دى؟؟؟؟؟

هو بقه ابنك هنهزر ؟؟؟؟؟؟


يلا ربنا يسعدك ونحدد ميعاد قريب يا نوسه

سلام علشان اكلمك في التيلفون بقه هههه

Lady E يقول...

لسه عالامتحانات اقل من شهر يا غروب

انا مش من المنصورة بس لو سمحت الظروف وعرفت اجي هاجي ان شاء الله

الفراشة الصغيرة يقول...

غروب بجد ومن غير عياط

سلملى على اهل المنصورة
ومدونين المنصورة

ونلقاكى فى اسكندرية عن قريب

لان انتى عارفه المنصورة بعيده
عليا

الفراشة الصغيرة يقول...

بس هستنى لما تيجى تصيفى فى اسكندرية

تبقوا تبلغونى

اعشق فى الليل ضوء القمر يقول...

غروب انا اسف متأخر شويه لكنى قرأت البوستين السابقين
وعد منى لو أتاحت لى الظروف لأحضر إلى المنصوره ومنها فرصه اشوف ابن عمى هناك و كمان أحضر معاكم
بسى جولى ميته
ههههههه
ويارب تكون الوقت مناسب معى

جارة القمر يقول...

مممممممممم
انشالله بيلبوا دعوتك
تلقائيتك وطبيعتك بالكلام رائعة جدا
دمك شربااااااااااااااات

غروب يقول...

ليدي

ياريت والله انا اتمنى اشوفك

غروب يقول...

الفراشه الصغيره

سلامك واصل يا قمر

ياريت الظروف تسمح ونتقابل قريب في اى مكان

غروب يقول...

عاشق ضوء القمر

حاضر هبقي اقولك على الميعاد

وهننتظرك

وفرصه فعلا نشوف قرايبك

غروب يقول...

جاره القمر

ان شاء الله يا حبيبتى

انتى الاروع والله

نورتينى

مـجـنـووون يقول...

ان شاء الله لو في حاجه في المنصوره هحضر

وعلي فكرة انا مرحتش بورسعيد علشان المشوار بعيد قوي

تقبلي مروري
مجنووون

مسدس صغير يقول...

خلاص خلاص
متعيطيش طمنى الناس كلها ان انا اول واحد جاى"انا من المنصورة"
انا عايزك تقولى لشعبى ان الرئيس بيحبكو اوى وجاى يعنى جاى ان شاء الله
ويمكن اعملكو مفاجأة واجيب قلم رصاص معايا..
يبقى بقينا اتنين مش واحد..
حددو المعاد اى يوم بس ابقو قولولنا قبلها باسبوع واحنا ان شاء الله نكون متواجدين..
احييكى على الفكرة

yoyo يقول...

و الطنطاوية مش لهم مكان يعنى ولا ايه يا غروب ؟؟؟

اللقاءات بتكون جميلة جدا جدا وكمان بتحاول تقرب الناس من بعضها اكتر واكتر
بس مع الاسف احيانا الظروف مش بتكون مناسبة او الاماكن بتكون بعيدة اوى عشان كدا مش بنعرف اننا نتقابل

انت بس انوى كدا وحدد ميعاد و الكل ان شاء الله يعرفه

بلاش عياط بقى المناديل خلصت هههههههههه

تحياتى
يويو

طـائر الليــل الحـزين يقول...

متعيطيش يا غروب
معلشى الجايات اكتر من الريحات
وبجد هدى روحك والا انا كمان هيصعب علية واعيط
اموووووووووووووووه

ريمان يقول...

على فكره

انا هحضر لقاء مع كام حد كده من اصحابى فى المنصوره وهما برضوا مدونين وهنتقابل يوم التلات فى نقايه الاطباء بطلخا من الصبح كده

تعرفى تجيبى اصجابك وتجيى وتدعى اللى عايز ييجى ؟

يا ريت بجد

المهم مش تزعلى نفسك يا قمر والجايات اكتر من الرايحات بس فكرى كده ولو ينفع قوليلى

ماء تشرين يقول...

لا لا متعيطيش المنصورة حلوة ومصر كلها حلوة بس احلى اسكندريه طبعاوش بيطلع لسان
انا عمرى محضرت لقاء مدونين اصلى مش متخيله الصراحه شكلهم هيبقه ايه عموما ابقى اعزمينى يمكن افكر في الموضوع ده

وبطلى عياط لحسن المدونه هتغرق ومنعرفش ننشفها




تحياتى ياجميل

غروب يقول...

مجنون

ان شاء الله بس مش ترجع في كلامك بقه

غروب يقول...

مسدس صغير

ان شاء الله يا سياده الريس احتمال يكون يوم التلات بما ان ريمان قالت كده

عموما هتفق معاها واقولك وتجيب معاك قلم رصاص اللى هو صديقي من زماااااااااااان بس ناسينى خالص انا زعلانه منه .. واكيد هو برضه زعلان منى

عموما بلغه سلامى على ما اشوفه بقه

سلام

غروب يقول...

يويو

لا طبعا الطنطاويه احلى ناس

بصي لو بجد عرفتى تيجي المنصوره يوم التلات يبقي جميل بس هقولك قبلها برضه لما اتفق مع ريمان

واصحابنا

ويا ستو طنطا اقرب للمنصوره من اى مكان تانى فعلا

حاولى بس وقوليلي

انا نفسصي اشوفك بجد

غروب يقول...

طائر الليل الحزين

هههه

حاضر مش هعيط

بس مش تعيطي انتى المدونه غرقت خالص ههههه

مواااااااااااه ويارب يجي يوم واقدر اقابلك فيه بجد

غروب يقول...

ريمان

موافقه جدااااااااااااا

وان شاء الله نتقابل يوم التلات بس شوفي انا سبتلك الايميل بتاعى حاولى تكلمينى علشان نتفق

وان شاء الله هقول لاصحابي واللى يعرف ييجي

غروب يقول...

ماء تشرين

هههههه غرقت خالللللص

انا كمان مش حضرت لقاءات قبل كده وبجد في شخصيات كتييييييير اتمنى اشوفها

بصي في ميعاد لسه مش مؤكد لكن هبقي اقلك عليه وياريت تقدر تيجي

أحمد الصعيدي يقول...

غروب
وشك وحش
ههههههههههههههههههههههه
بس لو تشيلي الكوفية اللي انتي لا بساها دي علشان نشوفه كويس
ههههههه
متشكرين يا قمر علي شعورك

جنّي يقول...

السلام عليكم

ربنا يجمعك بمن تحبين دائما على خير وان يكون اللقاء لله وفي الله ..

وفقكم الله

كيكى عوووووو يقول...

ههههههههههههههه
هو انتى مروحتيش معاهم مش ليدى كانت هتروح معاكى
1!!!!
يلا معلش تتعوض فى اللقاءت القادمة
**خدى بقى منديل ومتعيطيش
عووووووو

أحمد الصعيدي يقول...

http://shagarellemoun.blogspot.com/

Unknown يقول...

والله انا أول مرة أسمع بموضوع اللقاءات دي
وبجد فكرة هايلة وعايزنها تنتشر
وتبقى صداقة حقيقية مش صداقة عنكبوتية

الله ينور

ومتزعليش لعله خير وكل تأخيرة وفيها خيرة

عمرو جويلى يقول...

الأخت غروب
بلاش عياط كثير
وربنا جمعكم فى الجنة وأنا أتمنى ىحضور هذا اللقاء ليزداد الترابط
بين المدونيين ولكن للأسف ظروفى لا تسمح
دمت بكل الخير
وبطلى عياط عشان دماغنا صدع
ههههههههههههههه

غروب يقول...

شجر الليمون

نوووووووو مش هشيل القناع ده ابدا

بس انا وشي وحش اهئ اهئ

انازعلانه بقه

بس بجد يا صعيدي مش تمشي انا بزعل اوى لما حد يسيبنا فجاه كده

ويارب تقتنع بكلامى اللى عندك

يلا سلام

غروب يقول...

جنى

اللهم امين

اشكرك جدا وموضوعك الاخير حلو جداااااا بجد

بتاع اليمامه

غروب يقول...

كيكي

عووووووووو؟؟؟؟؟؟؟؟؟؟
انتى بتخضينى في مدونتى
لالالالالالالا

بلاش اللون ده معايا

هههههه

ليدي قاللتلى مش هتقدر تروح وانا كان المفروض اروح مع نوسه انتمى بس زى مقولت كانت ميته فعلا

ومشكان هينفع اروح لوحدى لان لا ماما راضيه ولا ماما اموله راضيه

بس
انش اء الله تتعوض بقه قريب

تيجي؟؟؟؟؟؟؟؟؟

غروب يقول...

شجر االيمون

هنذكرك وانت وسطينا ومعانا زى مقولتلك يا صعيدي

غروب يقول...

معتز شاهين

لا الفكره مش جديده هى عباره عن لقاء للمدونين كل فتره وممكن في المناسبات وغالبا بتكون لاعمال الخير

واتمنى نشوفك قريب

تقديري

غروب يقول...

اللؤلؤه

ياريت ظروفك تسمح في مره بجد ونلتقي جميعا في الخير

وقصدك ايه ب صدعنا دي؟؟؟؟؟؟؟؟

انا هاعمل نفسي مش واخده بالي خاااااالص

سلام

أمل حمدي يقول...

ازيك يا حبيبة قلبي عاملة ايه ؟؟؟

كان نفسي تبقي موجودة معلش تتعوض ان شاء الله

لقاء المنصور ان شاء الله أكون موجودة لو مافيش امتحانات

ربنا معاك ومعنتيش تعيطي تاني يا ساسو

سلام

aidy يقول...

انا مش هعرف اروح المنصورة لوحدى

:(

انا من القاهرة يا غروب

وبعدين اغيب يومين الاقيكى منزلة موضوعين انا زعلانة انى مردتش على اللى فات

اه صحيح ما تعملى حركة جدعنة واللقاء يبقى فى القاهرة

انا عمرى ما خرجت برة القاهرة لوحدى هههههههههههههههههههههه

غروب يقول...

ماميتى :

انا الحمد لله كويسه وانتى ؟؟؟

خلاص مش هعيط بقه بدام انتى جيتى


وان شاء الله يا ماما نعمل لقاء كبيرررررر بعد الامتحانات

وان شاء الله انا اجى بورسعيد يوم مع ايناس

مواااه

غروب يقول...

ايدي

اهلا يا قمرايه
وحشتينى ولا يهمك المهم انك نورتينى

بصي يا ايدي انا سوف انزح الى القاهره يوم 24 او 25 او 26 الشهر ده

ان شاء الله لما احدد هقولك وياريت بجد اشوفك

لانى مقدرش انزل القاهره بدون سبب او لوحدى

ريمان يقول...

حبيبتى ساسو

بقولك اسفه اوى النت فصل وانا بكلمك ع المييييييييل

بقولك

زى ما اتفقنا بقه

اوعى تنسى

هستناكى

باقى سيبيلى تعليق على مدونتى بلاش اوف لاين ع الميل لو انا مش موجوده لان الاوف لاين ساعات مش بيوصل

بقولك

الشاعر الحزين جاى ان شاء الله

هستناكى التلااااااااات

اوعى تنىس بقه

امواااااااااااااااااه

aidy يقول...

ياريت

تعالى بقي وانا هنزلك بس قوليلى قبلها

عشان ابقى موضبة معاهم فى البيت انى نازلة ماشي لما تقررى قوليلى فى مشاركة عندى فى المدونة

غروب يقول...

ريمو

اووووووووووووووك

غروب يقول...

ايدي

ان شاء الله يا قمر

 

ما بعد الغروب © 2008. Design By: SkinCorner