الخميس، 9 أبريل، 2009

احساس متاخر


بسم الله الرحمن الرحيم

انا مش عارفه ايه اللى بيحصلي ومش متوقعه الاحساس ده في اليوم ده بالاخص

النهارده انا لسه صاحيه من شويه بالظبط الساعه تلاته من امبارح بعد رجوعى من رحله دريم بارك اللى قلتلكوا عليها

الحقيقه كانت رحله جميله جدا ... مش عارفه احكى التفاصيل ولا اركز في اللى بيحصلي دلوقتى ... بس الغريب ان الاحساس اللى انا فيه دلوقتى بسبب الرحله

سبحان الله احساس مجاليش من فتره كبيره وكنت بدات اقول انه خلاص مش هيجي تانى .. اتاخر عليه اوى الاحساس ده

بصوا ... انا بكون تعبانه جدا لما بحس انى مقصره دينيا ... بس اللى بيريحنى اوووووى انى برجع ابكى واندم على اى شئ غلط بعمله

بجد والله مش هتعرفوا اد ايه الدموع دى في وقتها بتبقي مريحه وجميييييييييييييييييله

من زمان اوى الدموع دى منزلتش ... مع انى حاسه انى بغلط كتير ... كتير اووووووووووى

تخيلوا بسبب الرحله الدموع دى نزلت النهارده ..

انا طبعا عارفه السبب ... عارفه مين السبب في انى احس بالذنب وابكي ندم على اخطائي

حاسه ان ربنا عاوزنى تانى ........... انا حقيقي مقصره ووحشه اوى

ومن زمان مجاليش اى رسايل تنبيه وكان ده تاعبنى اكتر

هو خلاص ربنا مش عاوزنى ؟؟؟؟؟؟؟؟؟؟؟؟؟؟؟؟؟؟؟؟؟

بس النهارده حسيت ان ربنا بينادينى تانى والله

وياااااااااااااااااارب انا بكتب وعارفه انك عارف انا عامله ازاى دلوقتى وشايف دموعى


يااااااااااااااااااااااااااااارب : انا اسفه ورجعالك بكل ذنوبي واخطائي

يااااااااااااااااااااااارب : سامحنى

يااااااااااااااااااااااااااااااارب: اغفرلي

ياااااااااااااااااااااااااااااااااارب : خلينى معاك

يااااااااااااااااااااااارب : اقبل دموعى واحساسي بالذنب

انا خايفه ....

يارب : انا بدعيك وعارفه انك سامعنى وشايفنى وعارفه كمان انك هتسامحنى وهتهدينى

علشان كده بعتلى الرساله اللى وصلتنى


يارب ابعد عنى كل شئ يبعدنى عنك

يسر لى كل الامور وابعدنى عن الناس اللى ممكن يبعدونى عنك

وانا عارفه اخطائي وهبعد عنها ............ساعدنى يارب

بحمدك يارب على الرساله دى وانها وصلت .. هى صحيح اتاخرت والاحساس اتاخر

بس الحمد لله انها وصلت دلوقتى ...


يااااااااااااااااااااااااااااااارب


انا العبد السقيم من الخطايا .. وقد اقبلت التمس الطبيب

انا العبد الشريد ظلمت نفسي .. وقد وافيت بابكم منيب

انا العبد الذى كسب الذنوب .. وصدته الامانى ان يتوب

28 التعليقات:

A.SAMIR يقول...

ربنا يتقبل ندمك ويثبتك على طاعته

ماء تشرين يقول...

يااااااااه بجد دموعى نزلت من غير قصد فكرتينى بالحديث الشريف "اهل محبتى اهل طاعتى واهل معصيتى لا اجنبهم من رحمتنى ... الحديث " يارب وانا كمان
قربنا نك ومتسبناش في دنيا منعرفهاش احنا عايزين نرجع لبيوتنا عندك


جميل اووى البوست
ويارب يثبتك ويثبتنا

صمت المشاعر يقول...

ربنا يارب يبعد عنك ما يضر ولا ينفع

ويوجهك دايما للطريق الصح طريق الطاعه والهدايه

جميل اووي الاعتراف بالتقصير بس في ناس مقصره جداا بس للاسف مبتعترفش بدا ودا بيخلق سواد في القلب وزياده المعصيه

ربنا يارب يكرمك ويوفقك دايما للصح

مسدس صغير يقول...

امين يارب
اللهم استجب
اللهم اغفر لنا ذنوبنا واسرافنا فى امرنا وثبت اقدامنا وانصرنا على القوم الكافرين

انا العبد السقيم من الخطايا .. وقد اقبلت التمس الطبيب


انا العبد الشريد ظلمت نفسي .. وقد وافيت بابكم منيب


انا العبد الذى كسب الذنوب .. وصدته الامانى ان يتوب

احييك على البوست
غفر الله لكى
وجزاكم الله خيرا

ريمان يقول...

السلام عليكم

ازيك يا حبيبتى

قد ايه فرحانه اوى بالبوست بتاعك ده

وفرحانه اوى ان ربنا خلاكى انك تحسى انك بعدتى عنه ورجعتى تانى ليه

فى ناس مش بتحس خالص

ده انتى المفروض تحمد ربنا انك حسيتى بالاحساس ده

انا دايما بدعى ربنا بدعاء جميل اوى

ابقى قوليه

يا رب املأ قلبى بحبك انت وحدك

يلا قوليه

بحبك اوى اوى يا قمر

تحياتى ليكى

Bant El7ag Dracula يقول...

بجد دموعك دى اكبر دليل انك كويسه وبجد ربنا معاكى ويغفر لك

من الواضح
انك انسانه
كويسه

Lady E يقول...

امين يا رب

ربنا يستجيب ليكي ولينا بجد دي مشاعر مرهفة وجميلة جدا

ربنا يثبتك

ومعلش مردتش عليكي في موضوع لقاء المدونين لأني مش هقدر اروح
ان شاء الله يبقى يوم جميل

ســـهــــر يقول...

ربنا يتقبل منك
واد اية فعلا الدموع دى بتكون كالبلسم للروح

مسائك سكّر

الرومانسي الأخير ... يقول...

ربنا يتقبل منك و يغفرلك و يهديكي للطريق المستقيم

قولي آمين

yoyo يقول...

الحمد لله يا حبيبتى على كل حال
الحمد لله ان ربنا معاكى فى كل خطواتك وبعت لك الرسالة اللى تفوقك وقت اللزوم
والله كلامك بيدل على انك انسانة كويسة جدا ومش بتحب انها تغلط وحتى لو غلطت بتصلح الاخطاء دى وتحاول تكفر عنها

ربنا يتقبل منك ياااااااااارب
ربنا رحمته واسعة اوى بس احنا نخلص و نكون صادقين مع نفسنا
ربنا يبعد عنا الاخطاء اللهم آمين يارب و يتقبل منا ويعفو عنا

ربنا يسعدك ويسعد قلبك يااااااااارب
تحياتى
يويو

الشاعر الحزين يقول...

الحمد لله
الحمد لله

تأكدى ان دموعك دى ثوابها عظيم جدا عند ربنا سبحانه وتعالى

الرسول صلى الله عليه وسلم يقول فى الحديث الشريف

سبعه يظلهم الله فى ظله يوم لا ظل الا ظله

...... وذكر من ضمن السبعه ( رجل ذكر الله خاليا ففاضت عيناه )

أبشرى يا ساره

واعلمى أن الله سبحانه وتعالى
قال فى كتابه العزيز

( إن الله لا يغفر أن يشرك به ويغفر مادون ذلك لمن يشاء )

فأبشرى واعلمى أنكى فعلتى ما طلبه الله منكى

وتقبل الله منك ومنا أجمعين

والحمد لله على نعمة الإسلام

وأشكرك جدا على التذكره الرائعه

ولكى منى كل التقدير والاحترام

أخوكى الشاعر الحزين علاء الدين

طالب فى كلية الدراسات الاسلاميه
قسم أصول الدين

غروب يقول...

ا.. سمير

امين

اشكرك

غروب يقول...

ماء تشرين

اسفه انى اتسببت في دموعك يا قمر

وربنا يتقبل منى ومنك ان شاء الله

وان شاء الله ربنا مش هيسيبنا تايهين في الدنيا الوحشه دى

ربنا يكرمك

غروب يقول...

صمت المشاعر

اللهم امين

انا معترفه طبعا انى بغلط لانى مش كامله بس يااااااااارب يتقبل توبتى عن الذنوب ويغفر لى ولكم

نورت

غروب يقول...

مسدس صغير

اهلا بلدياتى

نورت

وربنا يتقبل منا ومنكم

غروب يقول...

ريمان

الحمد لله فعلا انا ارتحت ان الاحساس ده جالى لانه لما اتاخر انا تعبت

الحمد لله

جميل دعائك وقولته يا حبيبه قلبي

وربنا يتقبل

وانا كمان بحبك في الله جدا والله

واتمنى اشوفك

غروب يقول...

بنت الحاج دراكولا

اهلا يا حبيبه قلبي نورتى

وربنا يكرمك

غروب يقول...

ليدي :

اهلا يا قمر بتوحشينى جدا والله

ربنا يتقبل منى ومنك ان شاء الله

والله يا قمر انا كمان مقدرتش اروح على اخر لحظه

قدر الله وما شاء فعل

وان شاء الله ماما اموله تحكي لينا على اللى حصل

نورتينى يا جميله

وبما انك بلديات برضه اتمنى بجد اشوفك

غروب يقول...

سهر

صباحك عسل وسكر

وربنا يتقبل

فعلا الدموع دى مريحه اوووووووووووووووووى

غروب يقول...

الرومانسي الاخير

آآآآآآآآآآآآآآآمين

نورت يا محمد .. وبلغ سلامى وسلام ايناس ليوم جديد كله بس ظروف منعانا عن الدخول شويه

نورت

غروب يقول...

الرومانسي الاخير

آآآآآآآآآآآآآآآمين

نورت يا محمد .. وبلغ سلامى وسلام ايناس ليوم جديد كله بس ظروف منعانا عن الدخول شويه

نورت

غروب يقول...

يويو

فعلا والله الحمد لله الف مره انى فقت شويه

وان شاء الله اعمل الصح واحاول اصلح اخطائي

وربنا معايا

نورتينى يا احلى يويو

بحبك جدا يا بت والله

هههههههههههههه

غروب يقول...

الشاعر الحزين :

اهلا وسهلا

اشكرك

شجر الليمون يقول...

السلام عليكم
أحم أحم
أولا أنا مش عارف الإسم يمكن فيه غلط
ثانيا القالب ده كلام صعيدي صرف يعني مافيهوش أي حاجة ممكن توحي بإنك ممكن تكتبيه إلا إذا كنتي لطشتيه من أحمد الصعيدي اللي بتقولي عليه ..هههههههه..

ثالثا البوست ده أوله بس معروف عندنا في الصعيد أما الباقي أنا مكمله مابين عديد الصعيد وأحساسي

رابعا مادام بتقولي الكلمات جميل وعجبك يبقي القالب مش بتاعك .. ههههه

عموما علي أي حال شرفتي المدونة وياريت ماتكونش الأخيرة وأتمني التواصل
علي فكرة أنا بس كنت في شات روتانا باسم أحمد الصعيدي غير كدة معرفش حضرتك بتتكلمي علي مين

شركا لمرورك سيدتي

شجر الليمون يقول...

انتي قصدك علي القالب أأأأأأأه
أنا فاكر علي الكلمات ... معلش صعيدي بقه
هههههههه

غروب يقول...

شجر الليمون

هههههههههههههه
فعلا لولا التعليق التانى كنت هقولك ايه كلام الصعايده ده
هههههههههههه

القالب يا عمو القاااااااااااااالب

الكلمات بتاعتك مقولناش حاجه بتعطيش الجيم بقه

ههههه


عموما اوك حصل خير

نورتنى وان شاء الله نتواصل

سلام

جارة القمر يقول...

لربما دموعنا تغسل الكثير والكثير من زنوبنا
أثرت فيا كتير كلماتك
ربنا يهديكي عفكرة انتي رائعة جدا

غروب يقول...

جاره القمر

يارب

انتى اروع نورتينى

 

ما بعد الغروب © 2008. Design By: SkinCorner