الأحد، 12 أبريل، 2009

بسم الله الرحمن الرحيم
طبعا بما انى كنت متغاظه اووووووى علشان مش روحت بورسعيد لماميتى اموله والناس الجميله اللى كانوا هناك
ففضلت بقه اعيط واعيط ... واعييييييييييط ... ولسه بعيييييييييييييييييييييييييييييييييط
هههههه
واذ فجأتن .. ( بتتكتب كده) لقيت البنت ريمان جايه تقولى امسحى دموعك يا امال قصدى يا غروب
هنعمل لقاء لينا ... لينا دى تعنى ( حزب فلاحين مصر ) بما ان دايما بيتبص لاهل المنصوره على انهم فلاحين مصر
مش عارفه ليه بجد ؟ مع ان بقه لا مؤاخذه احل ناس في المنصوره
الشياكه والحلاوه والجمال والطعامه وكله ...... في المنصوره .. احم احم
حد معترض ولا حاجه ؟؟؟؟؟؟؟؟؟؟؟؟؟؟
فقولنا انا والبت ريمو نعمل لقاء لطيف لمجرد التعارف بيننا كاصحاب واخوات ونسيب اللقاء الكبير اللى هندعو فيه اهل البندر لبعد الامتحانات باذن الله
خصوصا وان ماميتى اموله مشغوله في الامتحانات حاليا
فاللقاء ده باذن الله هيككون على ادنا احنا حزب فلاحي مصر المحروسه .. اهل المنصوره ( ام الدنيا )
ان شاء الله اللقاء هيكون يوم الثلاثاء اللى هو بعد بكره .. اعتقد اى حد من المنصوره هيلحق يلبس الحته اللى على الحبل ويجي ولا ايه ؟؟؟؟؟؟
ان شاء الله في نادى اطباء طلخا .......وخدوا بالكوا مش البيطرين لانه جمبه اوى .......................وان شاء الله ريمان موجوده من تسعه الصبح ( هتوزع اللبن )
وهننتظر الكل والدعوه مفتوحه لكل اللى من المنصوره وبجد هكون سعيده جداااااااااا جداااااااااا لو قدرت اشوف اكبر عدد من مدونى المنصوره بعد بكره
وان شاء الله :
هنقعد سوا كلنا في نادى اطباء طلخا وبعدين هتشوفوا المفاجاه اللى ريمان هتصدم الكل بيها وانا مش هقولها بقه .... هههههه ( فضيحه )
محدش يتاخر بقه وكل المنصوره تيجي فاهمين .. هزعل من اللى مش هيجي
ودول الناس اللى ان شاء الله جايه اكيد :
غروب ..... ما بعد الغروب
ريمان .....ملائكيه
جهاد مشالى.......حاجات عيال
ايناس .........معجزات
عبد الرحمن الشافعى ....... انا مصري
حسن حنفي ....... شيفا
حسام .....صوت الحريه
جيلان ..... بنت القسام
امجد........ محدش فاهم حاجه
بطوط...... لسه بفكر
خالد فوده........الباحث عن المتاعب
محمد العتر........ خواطر انسان
شمس الحريه
جويريه
دول اللى اكيد اكيد موجودين باذن الله
وفي ناس قالت انها هتيجي بس لسه مش عارفين الحقيقه
زى :
مسدس صغير .... لو مش جيت هخاصمك وياريت تجيب قلم رصاص زى مقولت
والشاعر الحزين
عموما .......... الدعوه عامه لكل عساسيل المنصوره .. واللى مش هيجي واكتشف بعد كده انه من المنصوره مش هكلمه بقه ماشي؟؟؟؟
سلام ومنتظراكوا .. ولو حد قرر انه ييجي ياريت يسيب ليه تعليق بانه اكيد جاى باذن الله
تحياتى
ست الكل .. هههههه ماشي يا ابو على؟؟؟؟؟؟ هههههههه
غروب هانم

44 التعليقات:

ريمان يقول...

هههههههههههههههههههه


ههههههههههههههههههههههههههه

ههههههههههههههههههههههه

ريمان يقول...

يوه نسيت اقول انى اول تعليييييييييق

ريمان يقول...

بقولكم ايييييييييه

محدش يطلب منى انى ابقى المنظمه

انا بقول اهو

هو مش اجتمااااااااااع

ده لقاء تعارف كده

ها

ههههههههههههههههههه

محدش يدبسنى

حلوه اوى يا ساسو موضوع اللبن ده
هههههههههههه

شكلكم داخلين على طمع بقى

وهنبقى نشوف موضوع الفضيحه ده

انا من رايى اننا ناخد بس اصحاب المزاج وندبسهم بقه فى مصاريف الفضيحه بقه

هههههههههههههههههههههههه

غروب يقول...

ههههههههههه

ريمو

دونت ورى مفيش منظمين ولا شئ

هو فعلا تعارف

واللبن ده لانى اعتقد تسعه بدرى خالص

عموما انا على ما اصحي والبس واجي فيها للظهر


وفعلا الفضيحه محتاجه ناس اصحاب مزاج اوى

ههههههههههه

يلا اشوفك بكره زى م اتفقنا وبعده في اللقاء باذن الله

مسدس صغير يقول...

ان شاء الله جاى بس ادعى ميبقاش فيه شغل
بس انا جاى ان شاء الله بنسبة 80 %
وقلم رصاص كمان جاى بنسبة 79 %
جاى جاى

غروب يقول...

مسدس صغير

حلوه اوى حكايه 80 و 79 دى ههههه فرق فظيع يعنىىىىىىىىى

منتظرينك

جنّي يقول...

السلام عليكم

يا بختكم يا بتوع المنصورة بغروب

تحيتي

aidy يقول...

ههههههههههههههههههههههههههههه

ههههههههههههههههههههههه

ازيك يا ست الكل ;)

ياريتنى كنت من المنصورة يا ستى

Lady E يقول...

والله انتي بتهيسي يا غروب

وانا زعلانه منكو جداااااااااا

يوم الثلاثاء بالذات عندي محاضرات لغاية الساعة 3 وبيني وبينكو ساعتين سفر وكنت ناوية اجي

والله زعلانه منكو جدا

Lady E يقول...

وانا بقى اللي هعيط
عاااااااااااااااااااا

Lady E يقول...

تعليق كمان علشان انا مفروسة

يا بختكوووووووووووووووووو لان كده مش هعرف احضر عاااااااااااااااااا

غروب يقول...

جنى

احرجتنى

( وش مكسوف )

متشكره اوى

غروب يقول...

ايدي

هههههههههههههههههههههه

حلوه ست الكل دى ؟؟؟؟؟؟؟؟؟؟؟؟؟؟؟؟

اصل ده سيم بينى انا وابو على

هههههههههههههههه

حركه يعنى بغيظ

ياريت يا قمر كنتى من المنصوره وان شاء الله نلتقي قريبا

غروب يقول...

ليدي

يا بنتى سيبك من المحاضرات قولتلك هشرحهالك محنا قسم واحد

كمان مش لالالالالالالالالالالازم يعنى اليوم ده مستقبلك مش هيضيع من يوم

وتعالى بارحتك زى مقولتلك وروحى براحتك برضه

فكرى وقررى وقوليلي

ahmed_k يقول...

إن شاء الله متجمعين في الخير دايما
ويكون لقاء جميل وظريف ولذيذ
زي تجمعنا في بور سعيد
بس بجد يوم بور سعيد كان روووووعه
إن شاء الله يكون تجمعكم حلو زي تجمعنا يوم بور سعيد ههههه

Lady E يقول...

اها ما انتي مش عارفة

انا من اول الترم مبنزلش الكلية الا كل فين وفين بس الاسبوع ده اخر اسبوع لتسليم الشيت دكتورة اسماء اكيد عارفاها
ومحاضرتها الساعه 9

وكمان علشان اجي لازم اصحى من الفجر علشان انزل الساعه 7 علشان اوصل على 9
وانا مش بصحى بدري اوي كداااا
عاااااااااااااااا والله زعلانه جدا ومقهورة بس خيرها في غيرها

وعالعموم ممكن تسيبيلي ايميلك او موبايلك على مدونتي انا عاملة موديريشن متقلقيش

yoyo يقول...

صباحك سكر يا أحلى غروب

ان شاء الله يكون يوم جميل و تستمتعوا بيه

هو حد يقدر يعترض فى ان المنصورة عاصمة الجمال يا قمر المنصورة بلد جميل

انا فى انتظار معرفة تفاصيل اليوم الجميل دا

يارب دايما متجمعين على الف خير يارب
تحياتى
يويو

جارة القمر يقول...

طبعا ماحدش معترض ولا يستجر يعترض على انه احلى واشيك واطعم بنات من المنصورة ..
أحلى وأذ بنوتات
ههههههههههههههههه
عنجد ضحكتيني من قلبي طريقة كلامك بتعقد ومهضومة كتير
ممممممممممممممم
ياريتني كنت بمصر كنت جيت مممممممممم يلا خيرها بغيرها
حلو كتير كلامك ياحلوتي
ربنا يهنيكم يارب

ماما أمولة يقول...

ان شاء الله متجمعين في الخير دايما

وبعد الامتحانات ان شاء الله

نعمل لقاء تدويني كبييييييييييييييير

يجمع كل الناس الحلوة والنقية

سلام يا ساسو

♥♥♥♥♥ Jennifer™® ♥♥♥♥♥ يقول...
أزال أحد مشرفي المدونة هذا التعليق.
غروب يقول...

استاذ احمد ك

انت جاى تغيظنى يا راجل انت

ان شاء الله بكره هيكون يوم ولا كل اليومات

هههههه

وان شاء الله برضه بعد الامتحانات اتفقت انااميتى اننا هنعمل لقاء كبيرررررررررررر

بس هه

كان نفسي تيجي والله بس مش مشكله بقه تتعوض

يلا سلام

غروب يقول...

ليدي

اسماء؟؟؟؟؟؟؟
نياهاهاهاهاها

طبعا عارفاها

مشوفتهاش من اول السنه الحمد لله

والله تصدقي بالله انا عمرى معملت شيتس ولا اهتميت بوجع الدماغ ده اصل انا عارفه اخرتها الورقه هى الفيصل

بس عموما انا مش بحرضك على الفشل هههه

بس هو انا اتمنى بجد اشوفك والله

عموما هسيبلك ايميلي على مدونتك ومنه اعطيلك موبايلي

سي يو

غروب يقول...

يويو

صباحك عسل يا احلى يويو


احرجتينى بكلامك

ههههههه

ايه الناس الذوق دى؟

ان شاء الله يكون يوم جميل ويوم م اشوفك يبقي يوم اجمل

وانتظرى يا ستو التفاصيل

سي يو

غروب يقول...

جاره القمر

قمررررررررر

قمررررررررر

قمررررررررر

بموت في اللهجه دى يا ربي

انا مهضومه ؟؟؟؟؟؟؟

ههههههههههههههه

د انتى اللى عسل ومهضومه كتير

ان شاء الله تيجي مصر قريب واشوفك يا قمر

غروب يقول...

مامايتى :

مواااااااه ع الصبح كده قبل اى شئ

ثانيا

ان شاء الله يا ماما بعد الامتحانات نعمل لقاء كبير يا حبيبيتى

ربنا ميحرمنيش منك

غروب يقول...

جينيفر

:
شكرا كتير

شجر الليمون يقول...

السلام عليكم
دي ندالة دي
ههههههههههههههه
عموما الإجتماع بتاعكو ده أكيد هيكون علي حصيرة تحت الشجرة يا فلاحين مصر هههههههههههه

انتي وعدتي انك هتدعين عموما ... يارب الدنيا تمطر ..وطلخا تتلطخ بالمية كتير علشان الإجتماع يتلغي
هههههههه

غروب يقول...

شجر الليمون

هههههههههههههههههههههههههههههه


انت بتدعى علينا يا راجل انت

ايه ده هما الصعايده غيرانين من الفلاحين ولا ايه ؟؟؟؟؟؟؟؟؟؟؟؟؟؟؟؟؟

بس انا فقلا قولت الدعوه عاااااااااااااااااااامه

وانت عارفان مصر كلها بتقدر الصعايده

تعالى بقه وبلاش نداله انت

بس انا شايفه المسافه واااااااااااااااااااااو يعنى

بس عموما بجد بو قدرت تيجي والله هكون سعيده جدااااااااااااااااااااااااااااااااااااااااااااااااااااااااااا

منتظره ردك يا صعيدي

الشاعر الحزين يقول...

غروب
ان شاء الله أنا جاى
لأنى بجد كان نفسى أوى أتعرف
على أغلى أصدقاء عرفتهم

وشكرا جدا ليكى أنتى وريمان عشان أنتوا سبب اللقاء ده

خالص تحياتى

شجر الليمون يقول...

أنا سألت علي مواعيد الطيران مفيش معاد قريب .. وبعد كدة إزاي واو د طيارة أكون عندك بعد 3 ساعات إيه هو اللي واو...
وبعدين تعالي هنا نتي عارفة إيه معني طيارة طيب لو عارفة شوفتيها قبل كدة .. ويا تري المطار عندكو في الزرع ولا علي الترعة ...هههههههههه

دمك سكر ..ياريت كنت أقدر أحضر مش أتأخر بس أنا كلام في سرك معمولي عمل عندكو في المنصورة مش قادر أدخلها
ههههههه

امـنــيــتــي يقول...

الو
مرحبا
اهلا بيكي اختي اكلماتك روعه
اتمني لكي المزيد

واتمني لكي زياره مدونتي وشكرا

Bant El7ag Dracula يقول...

هتروحى اخيرا

بطلى عيييييييييييييييييييييط بقا

اهو حاجه تصبرك لبعد الامتحنات

وابقى احكيلى عملتى ايه؟؟؟

ريمان يقول...

ساسو


هستناكى بكره يا قمررررررررر


اموااااااااااااااااه

غروب يقول...

الشاعر الحزين

العفو واحنا موجودين بكره انشاء الله

غروب يقول...

شجر الليمون

ايه الاحراج ده؟؟؟؟؟؟؟؟؟

انا كنت فكراك هتيجي بعربيه مثلا او حتى مواصلات عامه

لكن طياره

الا قولى يعنى ايه المصطلح ده

على فكره احنا مش فلاحين اوى كده

وتعالى هنا

انتوا اللى بتتكلموا يا صعايده

الله يرحم ....... ايام .... ها اقول؟؟؟؟؟؟؟


بيقولك واحد بلديات

هههههههههههههههههههههههههههههه

بجد ياريت اقدر اشوفك قريب

انت دمك شربااااااات قبلي

واحنا شربات بحري

يعنى احنا شربات ورد

وانتوا شربات خروب

هههههههههههههههههههه


يلا سلام

اخدت من وقتى كتير

غروب يقول...

امنيتى

اهلا بيكي نورتى واشكرك جدا

وان شاء الله اكون في مدونتك قريبا

غروب يقول...

بنت الحاج دراكولا

حاضر هبطل عياط بس ههاتلي شيكولاته

هههه

ان شاء الله احكيلك

نورتنى

غروب يقول...

ريمان

ان شاء الله يا حبيبه قلبي جايه

عاشقة الأحزان يقول...

السلام عليكم ورحمة الله وبركاته
انا اسفه ياساره معلهش
فى ظروف حصلت
بس بجد وعدتك فى التليفون وعلى الميل هجى ليكى زياره خاصه
فى اقرب وقت
وياريت متزعليش منى مهما حصل
وياريت تخلى بالك من نفسك
وبجد سعدت بدعوتك ليا لحضور اللقاء
وكمان أسعدت أكتر بسماع صوتك
يارب تدوم المحبه
ويبعد عنا الناس الغشاشه المنافقه
اللى معندهمش ضمير ولا أخلاق
معلهش اصى تعبانه شويه ياساره
مانمتش من يومين
ادعيلى
ومنتظراك بليل على الميلعشان أعرف عملتى ايه
طمنينى عليكى
بحبك قوووووووووووووووووووووى
ودى أحلى بوسه لأحلى بنوته
أموووووووووووووووووووووووووو

شجر الليمون يقول...

السلام عليكم
في تعليق عندك باسم jennifer
ياريت تشيليه علشان ده مش كويس
السلام عليكم

غروب يقول...

عاشقه الاحزان

نتكلم بعدين

غروب يقول...

شجر الليمون

معلش والله انا مش كنت شوفتها وبالفعل تم الحذف

اشكرك جدا يا صعيدي ومتحرمش منك ابداااااااااااااااا

شجر الليمون يقول...

السلام عليكم
غروب يا ست الكل ولا اسمك سارة ولا مش عارف ايه... هههههههههه ..زي ما يكون
عدم فهمك للغة العربية والإعلام اللي ملا عقولكو حاجات مش صح خلاكي تشوفي كلمة مشبوهة معناها كل حاجة مش كويسة
ارجعي للغة هتعرفي انها بتعني كل حاجة مش واضحة يعني لاتمت للي في دماغك بصلة إلا التليفزيونات اللي ملت عقولكو بحاجات غريبة وصورت لكو ان الجنيا كلها زي ما انتي فهمتي من كلامي قبل كدة
يا سارة انا لراجل اللي في قلبي علي لساني مش بحب أخدع حد ومش ممكن الاقي حد مضايق وما أعرفش أساعده دي طبيعتي ولما كتبت التعليق كان الفكرة اللي عندي اتبنت ان في حد من البنات اللي تعرفيها خانت واحدة صاحبتك وصاحبتها وده كان معني كلمة مشبوهة
بس أنا زعلت علشان مهما نضحك علي صفحات المدونات ماتوصلش انك تكسري فرق السن اللي بيني وبينك
وفي الأخر انا بحترمك جدا جدا وواضح انك قلبك ابيض
وكمان أسف مرة كمان انك كنت وصلت اسلوب مش مفهوم
عموما حصل خير
هأبقي أعملك قصيدة للغروب أصالحك بيها
وهأكتبلك فيها مثلثات ومربعات ومسدسات وصعايدة بيحدفوا طوب وبنات صغيرة مش فاهمين حاجة وكله كله
هههههههههههههههههههههههه
ههههههههههههههههههههههه
هههههههههههههههههههههههههه

غروب يقول...

شجر الليمون

اولا انا اسفه فعلا لو كان كلامى وصلك انى كسرت فرق السن

لا طبعا والله

انت من الشخصيات اللى عرفت مدونتهم فجاه وحبيتها فجله وتابعتها كمان

ومن الشخصيات القليله اللى بحترمها لانك زى في انى اللى ف قلبي على لسانى علطول ايا كان

علشان كده لما زعلت من كلمتك جرررررررريت اقولك

فاهمنى

العتاب بين الاخوه بس

مش بين الاغراب

عموما انا مسمحاك بقه مش مشكله

انا الكبيره

هههههههههههههههههههههههه

سلام يا صعيدي

 

ما بعد الغروب © 2008. Design By: SkinCorner