الاثنين، 13 أغسطس 2012


بسم الله الرحمن الرحيم


نادرا ما نجد في حياتنا من يستحق التضحية من اجلة ( فنضحي بالفعل )


وساعات بتكون التضحية بالغوالي


الفرحة وقتها مش بتكون فرحة بالشيء اللى ضحينا من اجلة لكن بتكون لمجرد شعور الانتصار


فقدنا اشياء قد لا نحتاجها في المستتقبل من اجل أشياء اعتقدنا اهميتها في ذات الوقت


فاهمين حاجه ؟؟

مااااااااااا علينا


مش هزهق من انى اغلط وارتكب ما اعتقده ذنوب وارجع الى الله


زمان كنت بحس انى انسانه محبوبة من اللى حوالية واحيانا كنت بحس


بتهافت بعض الشخصيات الهامشية في حياتى انها تتعرف عليه


او تكون ليها علاقه بيه


كنت بتعبره غرور احيانا


واحيانا كان بيرضي غرورى


والعكس الان صحيح ( وانا اللى اديت الفرص )


فاهمين حاجه ؟؟؟؟؟؟؟؟؟؟؟

ماااااااااااااا علينا



حاسة بقالي سنتين انى مغيبه مش حاسة بالوقت معنديش نشاط زمان ومش قادره اقف ع رجلى


وحاسة انى ضيعت حتت ان انا غروب


سمحت لناس تدخل في حياتى تحت مسميات حقيرة


( الحب .. صلة الرحم .. الامر بالمعروف والنهى عن المنكر )


بس دلوقتى طزززززززززز


فاهمين حاجه ؟؟؟؟؟؟؟؟؟؟؟؟؟

ماااااااااااا علينا


حلمت انى بحفظ سورة تبدأ ب ( حم ) ومش عارفه التفسير


وحاولت اوصل اى سورة فيهم اللى كنت بحفظها في الحلم موصلتش


نفسي اعرف التفسير


قبول أم رفض ؟


فاهمين حاجه؟؟؟؟؟؟؟؟؟؟

ما علينااااااااااااااااااااا


مع السلامو عليكو


غروب

السبت، 17 ديسمبر 2011

يوم أمس


هل لديك جديد ؟؟


نعم سأكمل .........


لحظات من فضلك ...


ستبدو إليكم عباراتي واهنة لما بين ظاهرها وباطنها


عندما يمكنني أن أتكاثر ذاتيًا ......... بالطبع سأرحل


احاول أن أقبض منه على شيء يبرد جوفي الملتهب في هذا السقيع


سيسمعني _ هو _ ودموع طفل صغير لا أعرفه


لم يهرب من حديثي اليوم ولم ير نفسه طائر يلهو على أطراف بحيرة جليدية وحيدًا


أنا معك


انتهى


غروب

الثلاثاء، 18 يناير 2011

راجعين



بسم الله الرحمن الرحيم

مدونتى حبيبتى وحشتينى بجد أوى

اعذرينى والله بس الدنيا وخداني

وادعيلي

انا مبسوطه أوي حاسه أنى أسعد واحده في الدنيا

انا بيحصلي حاجه غررررريبه

انا بقيت بعيط من الفرحة

حصلت أكتر من مرة في لحظة معينه أبكي وانا مبتسمه

شوفتها مره في فيلم ومش صدقتها

حسيتها تمثيل أوي وان ده ملوش مسمي

بس لما جربتها صدقتها

بحبك

غروب

السبت، 27 نوفمبر 2010

وحشتينى اوى


بسم الله الرحمن الرحيم




مش عارفه غبت اد ايه ؟؟

مش عارفه حتى ايه اللى حصل في الفتره اللى فاتت


كل اللى عارفاه انى رجعت في احسن احوالى الحمد لله


وحشتينى اوى يا مدونتى وعندي كلام كتير اوووووووى


يمكن هتسمعيه بس ويمكن اقدر اكتبه

بس انا حبيت اطمنك انى لسه معاكى


غروب

الخميس، 9 سبتمبر 2010

توب العيد


كتبت اسمك بحبر الدمع من خوفي

ونقشت رسمك الغالي علي كفوفي

حروف اسمك بتمحي كل أحزاني

تعيد تكويني بعد المر من تاني

تناجي في الهوي روحي

تداوي الباقي في جروحي

أجيلك أجري من ألمي

يفيض الحبر من قلمي

حبيبي يا ريحة المسك في حريري

مين ده اللي يقدر يعشقك غيري

ومين اللي يوقف في الخطا سيري


أزرعك جنينة بلون الورد أرويها

أنقشك مركب في عرض البحر أرميها

أعدي بيك شاطئ الحزن اللي كان

وأبدر نجوم الكون حواليك

يخدم سماك ميت ألف جان

ولو يخون حلمك طريقه

أخطفك وأركب مع الحلم الحصان

لملم كل الشوارع والطرق

هات كل الذكريات

لجل ما نصبح ماضي

وسط أحلام السكات

هات أصحابك وناسك

وأترك وراك قلب مات

إحي قلبك من هوايا

وأدفن العمر اللي فات

شق قلبك من ضلوعه

لو في يوم خانك وقال

إن حلمك مش حقيقة

وإنه أغرب م الخيال

ألبس في عيدك توب المحبة

أفتح دراعك للأحبة

حسس قلبي بالأمان

قبل ما يفوت الأوان

ونبقي غنوة ف كوم دخان

تتبعتر في يوم العيد

أو تتحرق نجمة في قلب قطر

مسافر بحلمك للصعيد

ويبقي مش باقي مني

غير شوية ضي في عنيا

مش هديهوملك

وهعبر طريقي سكوت

يقلعك توب الهنا والعيد

ويشيد لي في كل لحظة تابوت

يفصل ما بين الحب

ويفرق حياة من موت

تدور بينا أيامنا وتجرحنا

مع كل لحظة شوق بتدبح جوارحنا

في عز الغنا الغالي

نلاقي المر شمسه تصّبحنا

الحلم يطلع ع البيبان ضايع

ولو ننده لنور الفجر يسمعنا

بس يا خسارة ما هوش طايع

علقم يا طعم الحب

سودة يا دروب السنين

علقم يا طعم الأسي

والأهة يبلعها الأنين

نور ليلي ليه إنطفي ؟


شباكي من غير هوا


ونهاري من غير ضو


فاقد حروف الكلام


مش لاقي خيط في الجو

 

ما بعد الغروب © 2008. Design By: SkinCorner