الجمعة، 30 أبريل 2010

شوية رغي + تحديث

تحديث : تم نشر أول بوست على مدونتى الجديده ( قرأت اليوم )




قرأت اليوم





بجد حاسه انى بقالي فتره غايبه وساكته زى ميكون حد ظبطنى على الوضع صامت ونساني



واخييييييرا افتكر يعملنى فيبريشن يعنى هزاز بلغة الشعب المصري وترجمة الموبايلات الفاشله



حقيقي بقالي فتره مش حاسه بالحيويه والنشاط ويمكن السعادة اللى حساها دلوقتى

واللى مش كلها سعادة مبررة ( اى ان السبب يكاد يكون مجهول ) مااااا علينا

المهم بقه ان فيه شويه كلام عاوزه اقوله

الحاجه الاولى

انى عملت مدونه جديده بعنوان ( قرأت اليوم ) واللينك بتاعها في السايد بار على الشمال

ودى هاتكون ملخص اى شئ بقرأه ويعجبنى لعل وعسي حد يفوت على المدونه ويعجبه شئ ويستفيد ولو بمعلومه

صغيره ...ويدعيلي

الحاجه التانيه

انى سعيده سعيده سعيده ...... ايون تلاته سعيده

لان صاحبتى الغاليه ويمكن تكون صاحبتكوا برضه ( اللى يفتكرها يعنى ) جهاد مشالي ( حاجات عيال )

راجعه بكره المنصوره اخيرا نهائي ومش هتسافر تانى

بجد كنت محتاجه نكون احنا الاربعه سوا ولما كانت جهاد غايبه حسيت ان المربع ناقص ضلع فبدأ يدخل الهوا من كل

الاتجاهات وبالتالى باظت باقي الاضلاع

جهاد اصلا من صحباتى اللى بتدينى امل في الحياه وبتشجعنى على الاستمرار وعدم التوقف مهما كانت الصعاب

الحاجه التالته

انى اكتشفت ان الغضب ممكن يهد علاقه بأكملها



بمعنى ان اذا تفوق الغضب على حدود العلاقه بين اتنين سواء احباب او اصحاب او ايا كانت العلاقه بينهم فبالتالى بيقوم




الغضب ده باسقاط الشخص من فوووووووق لتحت بمنتهى السرعه ليه بقه ؟


السبب ان الشخص ده اصلا اجتاز كل عقبات نفس الطرف الاخر علشان يوصل لمكانه معينه .. لكن عندما اتى الغضب




وقام باسقاط الطرف الاخر فكان الطريق سهل وسلس خالى من العقبات فكان السقوط سريع جدا


بمعنى انه صعب جدا شخص يطلع لمكانه معينه في حياتى .. لكن سهل جدا ينزل منها

وده حصل الفتره اللى فاتت مع اكتر من شخصيه كانت واخده عندى اكتر من اهميتها واكتشفت ان ( قلتهم احسن بكتييييييييييير )

الحاجه الرابعه

اعتقد ان الحب الناجح هو ذلك الحب الذي يبنى على الخطط .. وممكن كمان يكون هو الحب الذي يتحول الى وظيفه




مش عاوزه حد يفهمنى غلط

انا مش اقصد ان الحب نفسه يبقي وظيفه .. لا طبعا




لان عمر اهداء المشاعر مهتكون وظيفه حد ملزم بيها

يمكن المعنى المقصود هنا .. ان الحب يكون وسيله وليس هدف

وسيله للافضل .. وسيله للتغيير .. وسيله ليست للتعبير فقط عن المشاعر

واذا وصل الحب لنقطه التغيير من اجل الاخر .. ممكن ساعتها يتحول لهدف

مش عارفه كلامى مفهوم ولا انا بخرف .. ارجع واقول .. مااااااااااا علينا

الحاجه الخامسه

هى ممكن تاخد العنوان ده ( ما بين الطاعه والسلبيه )

صعب جدا يعيش انسان مهدد بالفشل لمجرد وجود مفهوم زى الطاعه



ايوه الطاعه واجبه علينا في بعض الاحيان ولا اقولكوا.. في كل الاحيان




لكن اذا كانت الطاعه جايه ضد التيار ؟



وفي ناس تانيه ممن يتوجب علينا طاعتهم او حتى على اخرين مثلنا طاعتهم بيقولوا لا الطاعه في المواضيع دى غلط



ساعتها هتتحول الطاعه لمفهوم جديد وهو السلبية

ساعتها اما الطاعه العمياء ( السلبيه ) واما ( البر وفقط )

الحاجه السادسه

عن الانتظار

اعتقد بيكون في بعض الاحيان لذيذ رغم احساس الخوف المصاحب له دايما




وده لان غالبا الانتظار بيكون له نتيجه



ولكن ماذا لو كان الانتظار في حد ذاته نتيجه



نتيجه نتوصل اليها عندما يسود الصمت



مين عارف ؟ يمكن النتيجه تخلينا مش نبطل كلام ( تفاؤل ) ويمكن تخلينا نعرف الدنيا ماشيه ازاى ( خبره )



بس في كل الحالات باذن الله مش هيؤدى انتظارنا لــ ( التشاؤم )



الحاجه السابعه




عن الاشتياق

هنا بقه جينا لشويه احاسيس على الماشي



فعلا احساس الاشتياق احساس حلو وكل مايزيد هايكون احلى



خصوصا لو حاسس ان الاخر كمان بيشتاق ليك بنفس القدر



ولو حتى مش كان كده كفايه انك ترسم لنفسك الصوره دى

وانا اشتقت بقه ههههههههههه



انا لازم اقوله انى باتعب في غيابه عنى والكبرياء ظلمنى صعبه في بعده الحياه


د انا حتى لما باغني بيبان في غنايا حزنى مهو قلبه حتى منى ازاى ميقولش اه ؟


ازاى بس ازاااااااااااااااااااى ؟؟؟؟؟؟؟؟؟؟؟


جزء من اغنية صابر الرباعي ( واحشنى جدا )

خلى ثقتك في الله كبيره

الحاجه الاخيره
هى انه احساس راااااااااااااائع لما تمسك موبايلك تنضفه فاهم ازاى؟

يعنى تشوف مين الناس اللى مش ليها لزمه تمسحها




الرسايل المجهوله



الناس اللى مبقاش ليها لزمه تمسحها وطبعا تفرق عن الاولى



نصيحه للكل



امسك موبايلك وامسكي موبايلك وشيلي كلللل الناس واللى عاوزك ييجي يقدم طلب ويكتب اسمه في ورقه



واعملى ابليكشن للتعارف افضل



كفايه كده النهارده




غروب

الأربعاء، 28 أبريل 2010

Catch ya




Moon so bright, night so fine

Keep your heart here with mine

Life's a dream we are dreaming


Race the moon, catch the wind

Ride the night to the end

Seize the day, stand up for the light


I want to spend my lifetime loving you

If that is all in life I ever do


Heroes rise, heroes fall

Rise again, win it all

In your heart, can't you feel the glory

Through our joy, through our pain

We can move worlds again

Take my hand, dance with me


I want to spend my lifetime loving you

If that is all in life I ever do

I will want nothing else to see me through

If I could spend my lifetime loving you


Though we know we will never come again

When there is love, life begins

Over and over again


Save the night, save the day

Save your love, come what may

Love is worth everything we pay


I want to spend my lifetime loving you

If that is all in life I ever do

I want to spend my lifetime loving you

If that is all in life I ever do

I will want nothing else to see me through

If I can spend my life time loving you

الأربعاء، 21 أبريل 2010

انا كتير عليك





و ابتدى شئ ينجرح جوة الوجوووووووود

و ابتدينا اسئله مالهاش ردوووووووود

..............

ملنا عالشباك نخبى دمعة فرت مننا

..............

بصة م الشباك على البحر البعيد

و احنا رايحين بالأمل عالم جديد

......................

الوجوة من تلج و عيون من قزاز

شوقى زاد للعشرة و الناس العزاز

.......................

و أبتديت أكتب و انا فوق السحاب

أبتديت يا حبيبى فى أول جواب

...............................

قالوا فاضل نص ساعة عالوصول

قولت اية معنى الساعات و لا الفصول

الا فى الأرض اللى فيها ذكريتنا و حبنا

...................................

و ابتدى شئ ينجرح جوة الوجوووووووود

و ابتدينا اسئله مالهاش ردوووووووود

الثلاثاء، 20 أبريل 2010

كذبك حلو

السبت، 17 أبريل 2010

رؤية



في رؤيتي اليوم

تلاشت حجب وانكشفت أستار


كان الزمان كهيئته يوم الخلق

وكان بدني يخضع للاختبار


سقطت تجربة الانسان

فاتحدت أزمنة وأمكان


في معادلة الرقم... 11


وها أنا قد أدركت الرؤيه بكل رموزها


فهل سوف أقوم بالتفسير ؟

الجمعة، 16 أبريل 2010

حاسس بيه ؟

الثلاثاء، 13 أبريل 2010

إبعد




إبعد

لما بقولها مش معناها ان انا كرهاك


مش يمكن لما بقولها بكل كيانى بكون عيزاك؟؟!!


إبعد

هى كلمه قاسي معناها عليـــــــــــــــــــــــــــــك


غصب عنى يا حبيبي انى اشوف دمعه ف عنيك


بس كل واحد فينا كتبتله الدنيا طريــــــــــــــــــــق


رغم اخلاصنا وشوقنا ...رغم احساسنا البرئ


عمرى م هعتب عليك او حتى ف يوم هلوم


عارفه انك مش بايدك بعدنا عن بعض يوم


إبعد
ابعد وانت حبيبي


دمعة عينى بتقول عشقــــــــــــــــــــــاك


ابعد ياللى عشانك ممكن ابيع الدنيا فداك


ايوه بقولك ابعد .....وانا بجنون بجنون عيزاك



بحلفلك بليالي هواك....والحب اللى عرفته معاك


لو كل الدنيا هتتغير ....انا عمرى ف حبك م اتغير


هبقي بعيد عنك ومعاك



وبقولك ناسيه وفكراك


وابعد واتشوق للقــاك


لو عينى مش شايفه عيونك....روحى اكيد شايفه وحساك


سيبانى ورايحه وعايشه معاك


لو هوصفلك حبـــــــــــــــــي ف كــــــــــــــــــلمه


راح اقول اكتر من ...............


عشــــــــــقــــــــاك

غروب

الجمعة، 9 أبريل 2010

إهداءات خاصة






 

ما بعد الغروب © 2008. Design By: SkinCorner