الجمعة، 30 أبريل 2010

شوية رغي + تحديث

تحديث : تم نشر أول بوست على مدونتى الجديده ( قرأت اليوم )




قرأت اليوم





بجد حاسه انى بقالي فتره غايبه وساكته زى ميكون حد ظبطنى على الوضع صامت ونساني



واخييييييرا افتكر يعملنى فيبريشن يعنى هزاز بلغة الشعب المصري وترجمة الموبايلات الفاشله



حقيقي بقالي فتره مش حاسه بالحيويه والنشاط ويمكن السعادة اللى حساها دلوقتى

واللى مش كلها سعادة مبررة ( اى ان السبب يكاد يكون مجهول ) مااااا علينا

المهم بقه ان فيه شويه كلام عاوزه اقوله

الحاجه الاولى

انى عملت مدونه جديده بعنوان ( قرأت اليوم ) واللينك بتاعها في السايد بار على الشمال

ودى هاتكون ملخص اى شئ بقرأه ويعجبنى لعل وعسي حد يفوت على المدونه ويعجبه شئ ويستفيد ولو بمعلومه

صغيره ...ويدعيلي

الحاجه التانيه

انى سعيده سعيده سعيده ...... ايون تلاته سعيده

لان صاحبتى الغاليه ويمكن تكون صاحبتكوا برضه ( اللى يفتكرها يعنى ) جهاد مشالي ( حاجات عيال )

راجعه بكره المنصوره اخيرا نهائي ومش هتسافر تانى

بجد كنت محتاجه نكون احنا الاربعه سوا ولما كانت جهاد غايبه حسيت ان المربع ناقص ضلع فبدأ يدخل الهوا من كل

الاتجاهات وبالتالى باظت باقي الاضلاع

جهاد اصلا من صحباتى اللى بتدينى امل في الحياه وبتشجعنى على الاستمرار وعدم التوقف مهما كانت الصعاب

الحاجه التالته

انى اكتشفت ان الغضب ممكن يهد علاقه بأكملها



بمعنى ان اذا تفوق الغضب على حدود العلاقه بين اتنين سواء احباب او اصحاب او ايا كانت العلاقه بينهم فبالتالى بيقوم




الغضب ده باسقاط الشخص من فوووووووق لتحت بمنتهى السرعه ليه بقه ؟


السبب ان الشخص ده اصلا اجتاز كل عقبات نفس الطرف الاخر علشان يوصل لمكانه معينه .. لكن عندما اتى الغضب




وقام باسقاط الطرف الاخر فكان الطريق سهل وسلس خالى من العقبات فكان السقوط سريع جدا


بمعنى انه صعب جدا شخص يطلع لمكانه معينه في حياتى .. لكن سهل جدا ينزل منها

وده حصل الفتره اللى فاتت مع اكتر من شخصيه كانت واخده عندى اكتر من اهميتها واكتشفت ان ( قلتهم احسن بكتييييييييييير )

الحاجه الرابعه

اعتقد ان الحب الناجح هو ذلك الحب الذي يبنى على الخطط .. وممكن كمان يكون هو الحب الذي يتحول الى وظيفه




مش عاوزه حد يفهمنى غلط

انا مش اقصد ان الحب نفسه يبقي وظيفه .. لا طبعا




لان عمر اهداء المشاعر مهتكون وظيفه حد ملزم بيها

يمكن المعنى المقصود هنا .. ان الحب يكون وسيله وليس هدف

وسيله للافضل .. وسيله للتغيير .. وسيله ليست للتعبير فقط عن المشاعر

واذا وصل الحب لنقطه التغيير من اجل الاخر .. ممكن ساعتها يتحول لهدف

مش عارفه كلامى مفهوم ولا انا بخرف .. ارجع واقول .. مااااااااااا علينا

الحاجه الخامسه

هى ممكن تاخد العنوان ده ( ما بين الطاعه والسلبيه )

صعب جدا يعيش انسان مهدد بالفشل لمجرد وجود مفهوم زى الطاعه



ايوه الطاعه واجبه علينا في بعض الاحيان ولا اقولكوا.. في كل الاحيان




لكن اذا كانت الطاعه جايه ضد التيار ؟



وفي ناس تانيه ممن يتوجب علينا طاعتهم او حتى على اخرين مثلنا طاعتهم بيقولوا لا الطاعه في المواضيع دى غلط



ساعتها هتتحول الطاعه لمفهوم جديد وهو السلبية

ساعتها اما الطاعه العمياء ( السلبيه ) واما ( البر وفقط )

الحاجه السادسه

عن الانتظار

اعتقد بيكون في بعض الاحيان لذيذ رغم احساس الخوف المصاحب له دايما




وده لان غالبا الانتظار بيكون له نتيجه



ولكن ماذا لو كان الانتظار في حد ذاته نتيجه



نتيجه نتوصل اليها عندما يسود الصمت



مين عارف ؟ يمكن النتيجه تخلينا مش نبطل كلام ( تفاؤل ) ويمكن تخلينا نعرف الدنيا ماشيه ازاى ( خبره )



بس في كل الحالات باذن الله مش هيؤدى انتظارنا لــ ( التشاؤم )



الحاجه السابعه




عن الاشتياق

هنا بقه جينا لشويه احاسيس على الماشي



فعلا احساس الاشتياق احساس حلو وكل مايزيد هايكون احلى



خصوصا لو حاسس ان الاخر كمان بيشتاق ليك بنفس القدر



ولو حتى مش كان كده كفايه انك ترسم لنفسك الصوره دى

وانا اشتقت بقه ههههههههههه



انا لازم اقوله انى باتعب في غيابه عنى والكبرياء ظلمنى صعبه في بعده الحياه


د انا حتى لما باغني بيبان في غنايا حزنى مهو قلبه حتى منى ازاى ميقولش اه ؟


ازاى بس ازاااااااااااااااااااى ؟؟؟؟؟؟؟؟؟؟؟


جزء من اغنية صابر الرباعي ( واحشنى جدا )

خلى ثقتك في الله كبيره

الحاجه الاخيره
هى انه احساس راااااااااااااائع لما تمسك موبايلك تنضفه فاهم ازاى؟

يعنى تشوف مين الناس اللى مش ليها لزمه تمسحها




الرسايل المجهوله



الناس اللى مبقاش ليها لزمه تمسحها وطبعا تفرق عن الاولى



نصيحه للكل



امسك موبايلك وامسكي موبايلك وشيلي كلللل الناس واللى عاوزك ييجي يقدم طلب ويكتب اسمه في ورقه



واعملى ابليكشن للتعارف افضل



كفايه كده النهارده




غروب

19 التعليقات:

E73 يقول...

بسم الله الرحمن الرحيم
السلام عليكم ورحمة الله وبركاته

وأول تعليق كدة بالصلاة على النبي

هروح أكمل قراية وأرجعلك

E73 يقول...

دانا كان هيجيلي نقطة والموقع مش راضي يبعت التعليق وقلت أنا كدة مش هبقى أول تعليق

المهم نرجع لمرجوعنا بقى

أنا بقى أسعد انك أخيرا بقيتي فيبريشن وشكلك هترقص يا حضري

أول حاجة كانت عن المدونة العسولة وأنا في انتظار مقالاتها

المهم نيجي للمربع اللي ربنا يسهل ويتركب بكرة بقى

بعدها أه بتحصل كتير معلش مش عارفة أركز دلوقتي عشان اديكي تعليق حلو عالنقطة دي

عجبتني أوي يا سوسة واخدة بالك يا سوسة الحاجة الرابعة دي واللي مخلياكي متغيرة بقالك فترة واخدة بالك من دي برضه مش كدة ما علينا بقى

ربنا يهدي سرنا جميعا يا رب ويهديلنا العاصي ساعات الواحد بيبقى بيغلي ومضطر يكون سلبي عشان الطاعة الواجبة دي بتربط بين التحكم في الغضب وبين الطاعة فينفس الوقت وأعتقد بذلك فهي بتبعد عن السلبية وربنا يجازينا خير دائما يا رب

في انتظار ينقط وفي انتظار يشل وفيه انتظار زي العسل على قلب الواحد على حسب بقى هو منتظر ايه

أيوة يا عم المشتاق اللي عنده لوعة

على فكرة بعملها كتير الحاجة الأخيرة دي كل فترة والتانية وببقى فعلا في قمة السعادة وأنا حاسة ومتأكدة ان كل اللي على موبايلي انا عارفاه وفاهماه وعوزاه ومفيش اي اضافات غير مرغوب فيها

هههههههههههههههههه لأ حلوة النصيحة الأخيرة دي الصراحة

دمتي سعيدة يا اختيش

E73 يقول...

إيه دا دانا كنت اول وتاني وتالت تعليق كمان

الناس الظاهر نايمة في مية البطيخ

كل سنة وانتي طيبة

اه احتلال أصله

غروب يقول...

ايناس ؟

بالصلاة على النبي؟؟؟؟؟؟؟؟؟؟

انتى داخله سوق

ايه دا ؟؟؟؟؟؟؟؟؟؟؟؟؟

غروب يقول...

اعلق على تاني تعليق يا نوسه موزه

فعلا فيبريشن على الاخر ههههههههه

ادعيلي بس نستمر

وارقص يا حضري ولا يهمك

اصل انا بحب الحضري بجد


بالنسبه لانتظار مقالات المدونه الجديده يا بت يا خبيثه انتى .. اظن انتى شوفتى المكتوب قبل حتى النشر

خبييييييييييييثه

ال في انتظار ال

المربع بقه يا ستو

بجد يا نوسه مبسوووووووطه

اولا لان جهاد وحشتنى وهى غايبه

وانتى وحشوتنى وانتوا جنبي وتمنعنا الظروف من اللقاء المستمر

شكلى خلصت جامعه بدرى هههههههه

بس بجد حاسه ان ايامنا راجعه يا ولاد



بالنسبه للنقطه الرابعه تقصدى دى ؟



اعتقد ان الحب الناجح هو ذلك الحب الذي يبنى على الخطط .. وممكن كمان يكون هو الحب الذي يتحول الى وظيفه




مش عاوزه حد يفهمنى غلط

انا مش اقصد ان الحب نفسه يبقي وظيفه .. لا طبعا




لان عمر اهداء المشاعر مهتكون وظيفه حد ملزم بيها

يمكن المعنى المقصود هنا .. ان الحب يكون وسيله وليس هدف

وسيله للافضل .. وسيله للتغيير .. وسيله ليست للتعبير فقط عن المشاعر

واذا وصل الحب لنقطه التغيير من اجل الاخر .. ممكن ساعتها يتحول لهدف

مش عارفه كلامى مفهوم ولا انا بخرف .. ارجع واقول .. مااااااااااا علينا



ههههههههههههههه

انتى اتجننتى

؟؟؟؟؟؟؟؟؟؟

متغيره ازاى؟

ولو حسانى متغيره يا تلبه ازاى مش تواجهينى بالتغيير

لا بقه بجد عاوزه اعرف ايه وجه التغيير اللى حصل

اظن مش انتى اللى محتاجه اقولك ان مش كل ما يكتب يعبر عن حالات خاصه

وبرضه هاتفهيمنى قصدك ويا ويلك لو طلع قصدك هو اللى في بالي ها

هاقولها ساعتها نوووووووو

لا يا امى مش انا

واللى بيته من ازاز ميحدفش الناس بالطوب ههههههههههههههههه


بالنسبه للسلبيه والطاعه

لا يا ايناس انا اقصد هنا بجد الطاعه اللى بتقف في طريقنا مع ان الغير من مستحقي هذه الطاعه رايهم زينا

يعنى زى متقولى طرف اه وطرف لا وده مجرد مثل

يبقي اشمعنه انت اللى عاوزها طاعه عاميه .. م غيرك شايف فيها مصلحه

مش عارفه اوصل اللى عاوزاه بصراحه



بالنسبه للانتظار زى مقولتلك هو بيكون احلى لما بيكون هو نفسه نتيجه خصوصا لو نتيجه لصمت

لكن لو الانتظار بينتظر نتيجه واخده بالك انتى من الانتظار ينتظر دى؟

يبقي ملل ورعب



انا مشتاق وعندى لوعة

ههههههههههههههههه

حسابك عليها بكره اما اشوفك



بالنسبه للموبايل كويس انك معايا

اصلي لسه عامله الحركه دي قريب في الرسايل

عقبال الاسامى


مشكوره يا ستو على التعليق الطويل وععلى الاحتلال الحلو

قولتلك انى كلمت طنط كوكو ؟

مش فاكره قولتلك ولاولا ؟

بس بما انك على الجهاز ف انا كلمتها وجهزى فلوسك علشان نروح نجيب منها البرنامج على اسطوانه بكره اووووووك ؟

سي يو تومورو

ســـهــــر يقول...

حمد الله على سلامه كل احساس حلو عايشه فيه وبية وحمد الله على سلامه صديقتك تنور الدنيا كلها
ومبروك عليكى وعلينا المدونة الجديدة يا قمر
وان شاء الله دايما تبقى فى احسن حال
تحياتى

الازهرى يقول...

يا نهار أبيض على وجع الدماغ

ايه كل الرغى ده
انت فاكرة دماغنا مصفحة
ثوانى اروح اخد علبة اسبرين وارجع


لا يكون الإنتظار لذيذا إلا إذا كان مصحوبا بالأمل

وحمد لله على سلامة الضلع

تحياتى دوما

E73 يقول...

ههههههههههههههههههه

أنا مبسوطة قوي من شقاوتك ومودك يا سوستتي

بالنسبة يا ستو للتغيير اللي انتي فيه فأنتي ذات نفسك حساه

وهو تغيير للأحسن واللي بيخليكي ترني عليا كل يوم الفجر

ها عرفتي التغيير ولا لسة يا حسبه؟

بالنسبة بقى للإزاز والطوب فخليها لما نتقابل يا عم أحمد شوقي

غروب يقول...

سهر

حبيبتى منوره

الله يسلمك يا جميل

وان شاء الله استمر في الاحساس ده لفتره كويسه

ادعيلي بس

اما بقه المدونه الجديده عاوزاكى تشوفيها اكيد مع نزول اول بوست واول كتاب هتستفيدي اوى وهايعجك اختيارى

نورتينى يا كميله

غروب يقول...

الازهرى

ايه ده ؟؟؟؟

انت بتقول عليه انا رغايه ؟؟؟؟؟

ماشي ماااااااشي

ولا اقولك ماااااااا علينا

ههههه

الله يسلمك يا ازهرى

وسورى على الصداع

واكيد فعلا الامل في الانتظار جميل

نورتنى

غروب يقول...

نوسه مووزه

ااااه

فهمت

بس ايه علاقة ده بالحاجه الرابعه

بت انتى هتتلائمى عليه انا ؟؟؟؟

اما اشوفك نوسه انا مش عارفه هانزل امتى ؟

متكلمى جهاد تساليها انا مفلسه رصيد ورسايل وكله

أحمد الصعيدي يقول...

شكرا لمرورك


قربت شوية في البوست بتاعك

والاختصار أقدر أقولك

كل يري الناس بعين عقله

ومبسوط انك بترني علي صحابك في صلاة الفجر وياريت تقربي وتتعمقي في الدين كمان أكتر هيتكشف ليكي حاجات كتير يمكن تكوني مش مقتنعة بيها دلوقتي

الفقه يا سارة حاولي تتدارسي الفقه

السلام عليكم ورحمة الله

جارة القمر يقول...

غروب حبيبتي

بجد وحشتيني

ويارب تكوني بخير

انا زعلت منك عشان ماسألتي

بس يمكن العتب بين الاصحاب بيدل على معزتهم لبعض


كلامك كتير حلو وبجد نوع من الفضفضة مريح جدا

فكرة كتابة اللي بيعجبك من خلال قراءاتك كتير حلوة وحتفيد الكل

انتي اكتر من رائعة

ويارب تدوم المحبة

غروب يقول...

احمد الصعيدي

شكرا جدا

وفعلا كل يرى الناس بعين عقله


متشكره على النصيحه

غروب يقول...

جارة القمر

حبيبتى انا وضحتلك اللى حصل

بجد بقالي خمس شهور تعبانه ومش باكتب ولا بروح لحد خالص والله

بس طبعا مع اول فوقان افتكرتك حبيبتى

وزعلت لحزنك ده

ربنا يهون عليكي يا قمر

نورتينى

ليله شتاء يقول...

السلام عليكم
ياسلااام رغيك حلو أوى
أولا لازم يكون فى وقفات مع النفس والتفكير فى اللى فات علشان ميتكررش تانى فى اللى جاى
ثانيا حمد لله على سلامة جهاد وربنا يخليكوا لبعض

****
خيركم من تعلم القرأن وعلمه جميييييل جدااا أن تقولى قرأتى اه علشان الكثير يستفيد ويمكن كمان يعنى نااااااااس تقرأ

أحسن حاجة أن كل فترة ننظف الموبايل من كل اللى ملهومش لازمة

أسفة تأخيرى فى المتابعة


الظاهر أنى رغيت كتيييييييييير كمان
هههههههههه

دمتى بخير

مهموهة أحمد يقول...

غــروب يا حبيبة قلبي و الله مدونة غاية في الرقة و الجمال و الله

ماشاء الله عليكي ربنا يكرمك دايما يا رب

و نصيحة مني اوعي تخليكي سايلنت خالص
خليكي فايبريشن و عيشي حياتك

العمر فيه كام يوم حتى نعيشه ب آآآه


سعيدة اوي اني زورت مدونتك الجميلة دي


و اكيد ضيفتها عندي علشان اتابعها

تقبلي مروري الاول و ان شاء الله مش الاخير

خالص حبي و تقديري

غروب يقول...

ليلة شتاء

منوره يا قمر

الله يسلمك يا حبيبتى

واكيد طبعا الوقفات مع النفس دي مطلوبه في حاجات كتير

وان شاء الله مش هانقع

مش رغيتى ولا حاجه يا حبيبتى اعتبرها مدونتك وقولى كل اللى في نفسك

نورتينى يا قمر

غروب يقول...

مهموهه

يا قمر انتى مدونتك احلى بكتير

ربنا يكرمك

عارفه رغم ان المفروض تكون حالتى النفسيه سيئه النهارده

الا انى منتهى الفيبريشن

ههههههههههههه

ادعيلي

بس بجد البوست الاخير عندك رااااائع

نورتينى يا جميله

 

ما بعد الغروب © 2008. Design By: SkinCorner