الثلاثاء، 20 أكتوبر، 2009

كل سنه وانت طيب


بسم الله الرحمن الرحيم


10....... 20
Happy birth day to you
كل سنه وانت ...خاين زى ما انت
تعيش وتحب تانى .. وتجرح قلب تانى
تفضل غدار انانى وجارح زى ما انت
ولا اكون انا النهايه .. ولا اكون آخر حكايه
وتزيد الضحايا اللى جارحها انت
...............................................................

كل ما صوت البحر يفكرعينى بصورتك
اندم وارجع واحمد ربي انى خسرتك
نار الجرح خلاص خلتنى بكره سيرتك
كلامك...سلامك ...حنانك ..وغيرتك
كان كله كدب وخداع
كان كله وهم وضياع
كان حلم اخره الوداع
خلالالالالالالالاص
..................................................
ولا همك عذاب سنينى ..........ولا همك يموت حنينى
كان وهم بينك وبينى
خلالالالالالالالالالاص
طبعا واجب عليه
طبعا اقدم هديه
طبعا واجب عليه
طبعا بعد التحيه
اسمع ابسط هديه غنيتها عشانك انت
...............................................
انت غرامك اسود ذكرى عاشت فيه
انت مريض مولود بالجرح وبالانانيه
انا اتمنى الموت ولا انك ترجع ليه
انا والله ..لازم تندم اوى عليه
.......................................................
انا هكبر وهشفي دائى......انا قلبي معتش باقي
انا بعتك خلاص نهائي
انا بكره ساعات لقانا ......انا هقتل سنين هوانا
كفيانا كدب وخيانه
خلالالالالالالالالالالالالالالالالالالالالاص
.........................................................
انا سيبتك لعبت دورك........انا بعت عمرى في بحورك
انا سيبتك رضيت غرورك
خلاص
انا سيبتك لعبت بيه.......انا دورى كان الضحيه
اهى خلصت المسرحيه
خلاص
انا زيك شريك وجارح......كان غدرك طريقه جامح
وانا دايما اقول مسامح
خلاص
انا زيك ظلمت روحى.......انا خنت املى وطموحى
وانا بدفع تمن جروحى
خلاص
انا هكبر وهشفي دائي..........انا قلبي معتش باقي
انا بعتك خلاص نهائي
خلالالالالاص
غروب

9 التعليقات:

(Joudy) يقول...

مش عايزة من التورتة دى خلاص كنت هقول عايزة بش مش ليها لازمة أصعب إحتفال إحتفال بالجرح

يارب يفرح قلبك يا غروب

دمتى بكل الخير والسعادة

همســات عــلى ضــوء الــقمر يقول...

ههههههه
انا كنت داخلة اقول كل سنة وانت طيبة فاكرة عيد ميلادك او عيد ميلاد حد

طلع فى الاخر عيد ميلاد خائن

كلامك جميل اوى ياغروب
ربنا يملا حياتك سعادة

همســات عــلى ضــوء الــقمر يقول...

استغليت ضعف الحب في قلبي البريء لتمضية وقتك

لطخت عالمي الوردي بدماء غدرك وسواد قلبك

فليدم لك سوادك كل عام
وليزدني جرحك بياضا

همســات عــلى ضــوء الــقمر يقول...

يامالكا قلبي ارحل عني

فماعادت خيانتك تلزمني

عرفت دائي ووجدت دوائي

فلماذا مازلت تبحث عن عزابي

وأنت لست في بالي

إليك عني

همســات عــلى ضــوء الــقمر يقول...

طب اكملهم خمسة علشان انا بحب غروب خالص

ويارب متكونيش مضايقة ولا زعلانة منى

وربنا يعلم انى احبك فى الله

ولو فيه اى سوء تفاهم قوليلى على الميل وانا هقولك وجهه نظرى

شاب فقرى يقول...

كله بيروح

مفيش حاجة بتدوم

لا جرح بيدوم ولا فرح بيدوم


ربنا يكرمك بنعمه النسيان

واحب اقولك : مفيش حد يستاهل

كل سنة وانتى بألف خير وأقوى من الأيام

شاب فقرى

لاسع افندى يقول...

صعب احساس الخيانه
وجميله كلماتك





تحيه لاسعه

Saso يقول...

غروب اقرأى كتاب نسيان دوت كوم
كتاب حلو اوى ربنا مايحرمك نعمه النسيان يارب
تحياتى وطمنينى عليكى

مصعب صلاح يقول...

السلام عليكم
ما حدش يستاهل إني أكرهه بالشكل ده

 

ما بعد الغروب © 2008. Design By: SkinCorner