السبت، 4 يوليو 2009

حياه من جمله واحده


بسم الله الرحمن الرحيم


اننا احيانا قد نعتاد الحزن حتى يصبح جزءا منا ونصير جزءا منه ..وفي بعض الاحيان تعتاد عين الانسان على بعض الالوان ويفقد القدره على ان يرى غيرها ..ولو انه حاول ان يرى ما حوله لاكتشف ان اللون الاسود جميل ولكن الابيض اجمل منه وان لون السماء الرمادى يحرك المشاعر والخيال ولكن لون السماء اصفي في زرقته .....فابحث عن الصفاء ولو كان لحظه
..وابحث عن الوفاء ولو كان متعبا وشاقا ولا تترك قلبك ومشاعرك وايامك لاشياء ضاع زمانها واذا لم تجد من يسعدك فحاول ان تسعد نفسك


جمله طويله صحيح ... لكن جميله ........صح؟؟؟؟؟؟
الجمله دى كانت اجابه صاحبتى لما سالتها ليه اتخطبتى للشخص ده بالذات ؟؟؟؟؟؟؟؟


هو انتى نسيتى فلان ؟؟؟؟؟

لا مش نسياه ... بس تفتكرى هفضل فكراه لامتى؟؟؟؟؟؟ وايه النتيجه ؟؟؟؟؟

طيب انتى سعيده بالخطوبه دى؟؟؟؟؟؟؟؟


عااادى

عاادى؟؟؟؟؟؟؟ يعنى ايه ؟ واشمعنه ده ؟؟؟ولما انتى ناويه تنسي فلان اشمعنه الشخص ده اللى وافقتى انه ياخد مكانه مع ان كان قدامك احسن منه كتير ؟؟؟

اسئلتك كتير اوى

...........

جاوبينى

كان لازم افرح واخلى اللى حواليه يفرحوا معايا وكان زيه زى غيره وده الوقت المناسب لانى اكون لابسه دبله

كملى

يعنى زى مقولتلك في الاول : ان لم تجد من يسعدك حاول ان تسعد نفسك

يعنى احساسي وانا مخطوبه احلى من احساسي وانا منتظره عريس (الحب)

بحاول اكون في احسن حالاتى وبس وهو انسان كويس يعنى
...................................................................................

انا مش موافقه على المبدا ده .. انتى ازاى تربطى نفسط بشخص لمجرد انك تعيشي احساس معين

افرضي بقه طلع احساس مؤقت ... انتى مش متاكده من النتيجه لانه احساس جديد الله اعلم هيدوم ولا لا؟؟؟؟؟؟

اللون الاسود جميل بس الابيض احلى : انا عشت الاسود كتير في حب انتهى بجرح وفي انتظار وفي امل اتحطم وذكريات سيئه

وعايشه الابيض في حلم قابل للتنفيذ حاليا في دبله وفستان ابيض وفي زغروطه حلوه خارجه من بيتنا ولمه اصحابي وجيرانى حواليه وضحكه امى وفرحه ابويه

اى كفه هتوزن اكتر ؟؟؟؟؟؟ الاسود ولا الابيض؟؟؟

يا بنتى انا متفقه معاكى في كل الفرح ده بس افرضي بعد فتره مش استريحتى معاه لاى سبب

عادى جدا :::::: ابحث عن الصفاء ولو كان لحظه

هبقي عشت لحظات حلوه وفرحت وجربت احساس احلى من احساس الانتظار والجرح

وافرضي حبتيه وانتهت العلاقه بشكل يجرحك تانى زى الاول؟؟؟؟ وخليكي فاكره ان الجرح الاول كان جرح ليكي لوحدك لكن التانى هيكون ليكي ولكل اللى فرحوا معاكى دول اللى بسببهم كسبت كفه الابيض ؟؟؟؟؟

ابحث عن الوفاء ولو كان متعبا وشاقا : هدور تانى .. حياتى ف ايدي

طيب قدر هو ينسيكي اللى فات ؟؟؟؟؟؟؟؟؟

وهنا بكت بكاء شديد وقالت وصوتها مخنوق :

لا تترك مشاعرك وايامك لاشياء ضاع زمانها

اسئلتى كلها كان ليها اجابات عندها في الجمله اللى بدانا بيها حوارنا

تفتكروا ممكن حد يعيش كده يعيش حياته في جمله واحده ؟؟؟؟؟؟؟

يا ترى انا حياتى كام جمله ؟؟؟؟؟؟؟


..........................................................................


هاتعمل ايه لو نمت يوم وصحيت بصيت شوفت نفسك ف المرايه بكيت ؟؟؟

جواك سؤال تصرخ تقول انا مين ؟؟ انا مين ؟؟


انا زى م انا ولا اتقسمت اتنين ؟؟


وبعدين ؟؟؟؟؟؟؟؟؟


قول ياللى ف المرايه ..فهمنى ايه الحكايه ؟؟


فرحان..تعبان ..مرتاح ..ندمان


حاجات كتير في حياتنا اتسببت في حيرتنا.. وادينا


عايشين ..راضين..جايين ..ورايحين


هاتعل ايه لو نمت يوم وصحيت ولقيت اقرب ما ليك ف الدنيا مش حواليك؟

هو انت مين اللى عمل كده فيك ؟؟ مش انت ولا في حد غمى عنيك؟

وبعدين ؟؟؟؟؟


قول ياللى في المرايه ... فهمنى ايه الحكايه؟؟


فرحان..تعبان..مرتاح..ندمان


حاجات كتير في حياتنا اتسببت في حيرتنا ..وادينا


عايشين..راضين..جايين ..ورايحين

غروب

55 التعليقات:

E73 يقول...

أخيرا بقى أول تعليييييييييييييييق

E73 يقول...

بصراحة قلايت البوست قبل ماحجز أول تعليق
وبصراحة اكتر مكنتش ناوية أعلق أصلا لأن مودي دلوقتي مش جايب معايا تعليقات خالص

لكن لما لقيت ان التعليقات زيرو قلت أعملها مرة وابقى أول تعليق

هي فعلا قالت الجملة دي؟!للدرجادي هي حساها ولا كانت حفظاها

الجملة دي أنا عارفاها من زمان قوي اتبعتتلي كذا مرة على اللإيميل من زمان

بس مش عارفة أقول إيه
ماهو مينفعش تعيش على ذكريات
وفي نفس الوقت مينفعش تعيش مع واحد ولسة في ذكرياتها حد تاني

يا تقتل ذكرياتها
يا تقتل مستقبلها

لكن للأسف صاحب بالين كذاب
وللأسف كمان إن ده مش بإيدها وممكن يكون صعب عليها

لكن ده كان إختيارها ولازم تتحمل نتيجة إختيارها

بنجاواتى يقول...

هى جملة عميقة فعلا

لكن اعتقد انها محتاجة تفكشير اعمق من كده

لان الخوف ان اللى انا اشيوفه ابشيضث دلوقت يشتحول بعد كده للون تانى انا مش بحبه

تحياتى

جحا المصرى يقول...

وتستمر الحياة

سوسو الاموره يقول...

الدنيا كدى تروح حاجه تلائي الف حاجه بدلها بين ايديكي دي الحياه الانسان لازم يعيش كل لحظه بلحظتها مش لازم يفضل حابس نفسه بقوقعة الذكريات لازم يعيش مستقبله وحياته الي عملته هو الصح لانوا عمروا ما هيرجعلها الي بعها ولو رجعلها يباه هو هيرجع يبيعها تاني لانوا ادر بالمره الاولى يباه هيادر بالتانيا الحياه بتستمر وهيا هتحب الانسان الي اختارته لانها عاوزه تنسى بكره الزمن ينسيها الجمله عجبتني اوي بس فيها تعابير اجمل من كدى بكتير ممكن تحسيها تقبلي مروري

وحي القلم يقول...

السلام عليكم

هي دي أس المشكلة

احنا لما بنفشل في حياتنا ف نقطة بنضيع

زي اللي نفسه يدخل كليه معينة لما تضيع منه

بيقول اي كلية والسلام

تحيتي

حاجــ عيال ــات يقول...

غروب
البوست ده عجبني

فراشة يقول...

اقولك ايه بس يا غروب
انتى بتحكى حكاية مشابهه كتير للى حصلى بس الفرق انى مسلمتش لمجرد انى اضحك على نفسى واقول ان بكده حسعد اللى حواليا

بالطبع اللى حواليا حيفرحوا من قلبهم لما اكون انا فرحانة بالفعل مش بتظاهر بالفرحة

الفرح مش لحظة وحتعدى دى حياة ومسئولية ودنيا تانية
ازاى ابدئها بكلمة اهى فرحة والسلام

معلش يا غروب انا مش موافقة صحبتك ابدا فى اللى هى عملته

على فكرة هى كده بتظلم نفسها وبتظلم اللى حترتبط بيه وبتظلم اهلها

وغير كل ده لو ماقدرتش تنسى اللى كانت بتحبه حتلاقى نفسها بتدخل فى جزئية انا بعتبرها حرام

انا بقول كده لأنى قولت لنفسى الكلام ده قبل ما اقوله لحد
ازاى ارتبط بواحد وكيانى كله مع واحد تانى
هو ده ينفع
لا طبعا ده حرام

جايز يبان كلامى قاسى بس انا صرحيت نفسى عشان تعبت من الحزن ومن الاخطاء اللى بيعملوها الناس وبيدمروا حياتهم بأيديهم ومش عايزه اعمل زييهم
وبصراحه انا عندى ماتجوزش خالص افضل من الاحساس ده

والله اعلم مين اللى صح

بتعجبنى موضوعاتك جدا يا غروب
واستيل مدونتك يجنن
تحياتى

وردة يقول...

غروب الموضوع ده بجد مهم جدااا
بس صعب نحكم علي صاحبتك
اي نعم فراشة عندها حق في كل اللي قالته مينفعش نحب حد ونعيش مع حد تاني
بس نعمل ايه لو الحد ده مش بيحبنا او حتي بيحبنا بس مينفعش نكون لبعض لاي سبب من الاسباب
نستسلم لحب مفيش من وراه غير التعب
مش احنا لوحدنا اللي بنفرح او بنحزن
في ناس بتعيش معانا وحوالينا لازم يكونو في اعتبارنا واحنا بنفكر
وحتخسر ايه لو جربت
مش يمكن خطيبها يعوضها خير عن الحب اللي من وجه نظري كان
انا عارفة ومتأكده ان من اصعب الاشياء علي الارض نسيان حب حقيقي
بس ربنا قادر علي كل شئ
مش يمكن خطيبها بيحبها فعلا وحبه ده حينسيها كل شئ
الموضوع مش سهل خااااالص وربنا يكون في عون صحبتك لان الي هي حساه لا يوصف
بس حتي قرارها مينفعش نلومها عليه
عاوزة تعيش الامل
بتحط نفسها في مود السعادة وجواها بيتقطع يمكن تنسي وجعها والحب الجديد يكون اقوي
بجد ربنا يوفقها
وشكرا علي موضوعك الجميل
سلام

ريمان يقول...

غروب

انا متفقه معاكى


وبرضه مش موافقه ابدا ع المبدأ ده


مفيش حاجه اسمها اى حاجه والسلام او انها تختار الموضوع ده عشان تعيش احساس مؤقت انها لابسه دبله وخلاص

لاء طبعا انا ارفض التفكير ده

الفراشة الصغيرة يقول...

بص يا غروب

مش معنى اننا عايزيين نعيش احساس

جديد فى حياتنا اننا نجازف بحياتنا

لازم برضه نختار صح

وصدقينى اكيد برضه بيبان فى فتر الخطوبه
الاسان ده ينفعنا ولا لا

بس فى بيكون فاكر انه هيتصلح بعد الجواز وده الغلط

اللى بيفكر صح
يشوف حتى لو الانسان اللى معاه ده فى عيوب
هو هيقدر يتقبلها ولا لا لو تقبلها ممكن حياتهم تكمل لكن لو مش ينفع يبقى الفراق من على البر احسن
ما تعيش مأساه اكبر من اللى فاتت

ماء تشرين يقول...

يااااه عارفه انو في ناس كتير عايشين بالمنطق ده لا وبيرسمو السعاده كمان صحيح بيمثلو بس مفيش حد دلوقتى هيستنى السعاده تجيلو ولا بيدور عليها كلو دلوقتى بيحاول يصنع سعادتو بااى شكل حتى لو كان مزيف

بوست فوق الممتاز

تقبلى مرورى

mony يقول...

متهيالى ان الحب زى الزرع
لو مهتميناش بيه بيموت ولو اهتمينا بيه هينموا ويكبرويزيد
يعنى احنا ممكن نتحكم فى استمرار الحب من عدمه
***بسسسسسسسس من اوله*****
انا متفقه مع فراشه فى كل كلامها
وفيه مثل بيقول "قعده الخزانه ولا جوازه الندامه"

وردشان smilyrose يقول...

تصدقى يا غروب

هى قدرت تعمل اللىمش قادرة

اعمله حاولت تسعد اللى حواليها

لكن انا مبقاش فحياتى غير الجرح

والدموع والالم ونظرت الحزن الللا دايما

عايشة معايا لكن حاولت

لكن مقدرتش معرفتش ارتبط بانسان وج

وجايا انسان تانى حرام

دا هيكون خيانه لنفسى قبل الانسان دا

حاجات كتير قلبتيها عليه

ربنا يوفقها للخير

وردشان

روح الحب الصادق

Ahmed يقول...

بحس اننا بنتعمد نكتب قصة حزن جديده في حياتنا وباختيارنا
ونرجع نقول اننا كنا مجبرين

مش هنكر اني بقع في نفس الغلط

لكن مش بالطريقه ديه
كأنها متعمده تتعب نفسها وتظلم شخص اخر معاها

فشكووول يقول...

ازيك يا غروب
على فكره المرايه مش بتكذب خالص وبتقول الحقيقه اللى احنا بنخبيها على نفسنا

تحياتى

الازهرى يقول...

تعرفى انى احترت كتير وانا بفكر فى المكتوب

لانى كتير واجهوا نفس المشكلة والبعض قرر يقف والباقى قرر يستر فى الحياة منهم على مبدأ صاحبتك ومنهم على وجهة نظر مختلفة
المهم انهم استمروا
انا شخصيا من الفئة التانية استمريت فى الحياة والحمد لله نجحت فيها
صيح ان باقول انى شخصية مرحة
لكن القريبين منى بيقولوا انى على الرغم من كل ده برضه سجين ذكرياتى


تحياتى دوما

yoyo يقول...

صباحك سكر

عارفة البوست دا اغلب حال ناس كتير اوى
ناس حاولت تبدا حياتهم بس مع الاسف مش قدروا يهدم الماضى بذكرياته
جواهم لسه حنين وشوق له
لانهم ببساطة لسه عايشين فى الماضى وايامه
حاولوا يبداو لمجرد اهوا واحد والسلام
وافرح اهلى و اصحابى
و انتقل من مرحلة بنوتة لمرحلة بنوتة مخطوبة لابسة فى ايدها الدبلة
ساعات مشاعرنا بتخدعنا و نضحك على نفسنا و على الكل نحاول نعيش لحظات سعادة مزيفة واحنا من جوانا اكبر حزن

البداية الصح اننا ننهى الماشى وايامه ونعيش الحاضر ونختار انسان مش لمجرد انه عريس و السلام عشان مش نظلم نفسنا ولا حتى نظلم الانسان دا معانا

حبيبتى ربنا يرزقك الزوج الصالح اللى يسعدك يارب
دمتى اختى بالف خير
تحياتى
يويو

مامة مازن يقول...

السلام عليكم
اسعدنى دخولى الاول لمدونتك فقد قرات موضوع مهم جدا ويمس حياتنا وحياة كتيير من الناس اتمنى تكون امورك كلها بخير او عسى ان المقصودة بكلامك صديقتك وفى كل الاحوال ربنا يهيىء لكى كل خير

aidy يقول...

يااااااااااااه يا غروب

ايه الموضوع اللى جاى ع الجرح ده

انا مش ناقصة والله

الاغنية والجملة دى تحفة بجد

خلونى أسأل نفسي نفس السؤال بتاعك انا حياتى فى كام جملة

مع اختلاف وجهات نظرى مع صاحبتك ومع رؤيتى للموضوع بعينى انا

الشاعر الحزين يقول...

تعرفى يا غروب أنا لما قرأت الجمله

فضلت أفكر فيها كتير قوى قبل ما أقرأ باقى الحوار لأنها بجد جمله بتوجع قوى

لكن أنا تعليقى هتلاقيه داخل الموضوع نفسه

وهو البكاء الشديد اللى هى بكته لما سألتيها

قدر هو ينسيكي اللى فات ؟؟؟؟؟؟؟؟؟

البكاء ده هو الإجابه

وبس

افهميها بقى

تحياتى

ahmed_k يقول...

هو المبدأ حلو وجميل بأن يبحث الإنسان بنفسه عن ما يسعده ولا ينتظر السعاده تأتيه
ولكن أليس في هذا الإحساس ببعض الظلم للحبيب المرتقب أو لنقل الزوج المرتقب
فعليها أن تنفض عنها أحلاما باله وحبا زائلا لأن الحب الذي لا يكون له نهاية شرعيه فهو وعدمه سواء ويصبح مجرد تسليه وتضييع وقت

ربنا يقدرلها الخير وبحب زوجها لها وحبها له وإخلاصهما تتحول حياتهما لنعيم وصفاء دائم

تقبلي خالص تحياتي

جارة القمر يقول...

غروووووووووووووب


هي محقة في كل ماقالت


ولها كل الحق

لا تلوميها على محاولتها لاسعاد نفسها

ولو فرضنا السيئ لن نحيا ولن نستمتع في حياتنا


مودتي

صدفة جميلة يقول...

لا اعلم ماذا اقول وبما اعلق ولكن ساترك دموعى تغزل كلماتها لتوصف حالها
كلما اكتب شيىء امحوه لا اعلم بت لا اعلم بت سراب لا ينفع ولا يفيد صدقتك دى ظالمه لانها ممكن ان تجرح انسان ليس له ذنب سوى انه احب بس احاول ان اعلق لكن تابى الكلمات ان ترتسم لتصبح معنى يفصح عما بداخلى

صدفة جميلة يقول...

لا اعلم ماذا اقول وبما اعلق ولكن ساترك دموعى تغزل كلماتها لتوصف حالها
كلما اكتب شيىء امحوه لا اعلم بت لا اعلم بت سراب لا ينفع ولا يفيد صدقتك دى ظالمه لانها ممكن ان تجرح انسان ليس له ذنب سوى انه احب بس احاول ان اعلق لكن تابى الكلمات ان ترتسم لتصبح معنى يفصح عما بداخلى

صدفة جميلة يقول...

لا اعلم ماذا اقول وبما اعلق ولكن ساترك دموعى تغزل كلماتها لتوصف حالها
كلما اكتب شيىء امحوه لا اعلم بت لا اعلم بت سراب لا ينفع ولا يفيد صدقتك دى ظالمه لانها ممكن ان تجرح انسان ليس له ذنب سوى انه احب بس احاول ان اعلق لكن تابى الكلمات ان ترتسم لتصبح معنى يفصح عما بداخلى

فراشة يقول...

غروب المشرقة للحياة

وحشتينى ونفسى اقرالك جديد وجميل زى اللى فات وزى كل مرة

آفشنا حرامي يقول...

نتمنى مشاركتم معنا
لأن كل ما يهمكم يهمنا
وحرية القلم ملك لنا كلنا

غروب يقول...

دورنا هانم

اول تعليق اوووووك

الجمله مش تاليفها يعنى يا نونو لكن جمله معروفه وهى امنت بيها اوى

انا برضه كان راى كده مش هينفع تعيش مع واحد ودماغها مع واحد

بس تبريرها للكلام برضه في اقناع مش كده؟؟؟؟؟؟؟؟؟؟؟؟

غروب يقول...

بنجاواتى

صح والله

الواحد ممكن يشوف حاجه لونها ابيض ومع الايام يكتشف ان ده مش لونها الحقيقي وتبدا تغمق لدرجه الاسوده وتبقي الحياه مره

نورتنى

غروب يقول...

حجا المصري

تمام

خير الكلام

نورت

غروب يقول...

سوسو الاموره

اول راى يتفق معاها

انا والله متحيره جدا

مش عارفه اذا كانت صح ولا غلط

بس رايك عاجبنى برضه

ونشوف باقي الاراء وربنا يهديها للصح

نورتى

غروب يقول...

مصعب صلاح

مهى عملت العكس يا مصعب مش كانت عاوزه توقف حياتها على الذكريات بس تفتكر بقه الطريقه صح؟؟؟؟؟؟؟؟؟؟؟

بس عملت فعلا زى مساله اى كليه والسلام

غروب يقول...

حاجات عيال

عقبال متكتبي شئ يعجبنى يا ست جوجو

غروب يقول...

فراشتى

كلامك مش قاسي ولا حاجه هو صح جدا بس هى مش اتظاهرت اوى بالفرحه يعنى هى اكيد حست بفرحه ولو للحظات

انا مشفقه عليها ومش عارفه اقولها ايه والاراء متناقضه

نورتينى وربنا يستر

غروب يقول...

ورده

هههههههههههه

شوفتى لسه كنت بقول لفراشه ان الاراء متناقضه

انا احترت والله

انا نفسي كنت رافضه قرارها وبعد كلامها معايا وكلام بعض الناس حسيت انها ممكن تكون صح ودلوقتى نماس بتقول لا ودخلت ف انها ممكن تكون حرام

يادى الحوسه

هههههههههه

غروب يقول...

ريمان

ازيك

وحشانى

وعاوزه اسالك اذا كنتى انتى اللى ضفتينى في تاجد ولا تشابه اسماء وبلاد ؟؟؟؟

عموما

رايك زى راى اللى بدا يحتار اوى

غروب يقول...

الفراشه الصغيره

كده انتى بتوافقى على الخطوبه اساسا

مهى دى المشكله

هو انسان كويس بس يا ترى هتتنسي اللى فات ولا هتفرح بالدلبله والفرح وعلى كده؟

غروب يقول...

ماء تشرين

والله كلامك صح كل واحد بيصنع السعاجه باايديه

سعاده تفصيل يعنى

بقينا بنتحايل على الضحكه

غروب يقول...

مونى

ههههههههههههههههه

حلو المثل ده اوى

ورايك يحترم طبعا

غروب يقول...

سمايل روز

ربنا يخفف عنك يا قمر

ويبعد عننك الحزن وان شاء الله يكون ربنا كاتبلك الاحسن

غروب يقول...

احمد ابو العلا

وليه مش تقول انها بتحاول تكون سعيده باى طريقه هى كده كده مش عارفه تحب تانى يبقي تحاول تسعدد الباقي وتسعد الانسان اللى حبها ده

والله اعلم الصح فين

غروب يقول...

عمو فشكول

صح كده اول واحد يعلق على المرايه

نورتنى

غروب يقول...

الازهرى

مفيش حدد مننا مش عنده ذكريات اللى بعضها ممكن يكون مؤلم ويتسبب في جرح ممكن يتداوى وممكن لا

بس الحياه هتستمر على راى حجا

غروب يقول...

يويو

صباحك سكر يا قمر

بصي كلامك صح اوى

اكتر شئ عجبنى انه فيه حل منطقي
انها ممكن تحاول تنسي الماضي فعلا بس مش لازم بالعريس والدبله

ممكن تنساه بدراسه وشغل والخ

لحد متلاقي اللى تحبه وهى واثقه انها نسيت الاول خالص

نورتينى يا قمر وكلامكعجبنى اوى

غروب يقول...

مام امازن

هههههههههههههه

بحب الامهات اللى فاهمه عيالها دى

عموما نورتينى جدااا في اول زياره واتمنى مش تكون الاخيره واشكرك على دعوتك

غروب يقول...

ايدي

سلامتك من الاه يا حبيبتى

ربنا يصلح الحال ويسعدك يارب

ويا رتى فعلا حياتى كام جمله؟؟؟؟؟؟؟؟؟؟؟؟

غروب يقول...

الشاعر الحزين

ربنا يخفف عندك وعن الكل

نورت يا علاء

غروب يقول...

استاذ احمد

كلامك تمام

وربنا يهيئ لها الخير

نورت

غروب يقول...

جاره القمر

يادى الحيره

كنا بدانا نقتنع انها غلط

هههههههههههه

والله الواحد احتار خالص

بس انا حاسه انها صح دلوقتى

غروب يقول...

صدفه جميله

اسفه لهذه الدموع

غروب يقول...

فراشه

انتى وحشتينى اكتر

وانش اء الله الجديد قريب

غروب يقول...

افشنا حرماى

دخلت البلوج قريب

وربنا معاكو

الفكره جميله

وردة يقول...

غروب
ازيك
مفتقدينك يا حبيبتي
وكل سنة وانتي طيبة ياقمر
بمناسبة ليلة الاسراء والمعراج
ربنا يكرمك
سلام

غروب يقول...

وردتى

وانت طيبه يا قمر

ربنا يخليكي ليه

 

ما بعد الغروب © 2008. Design By: SkinCorner