الجمعة، 22 مايو 2009







بسم الله الرحمن الرحيم



الاول : عاوزه اطمن كل اصحابي على بلوجر انى الحمد لله حليت كويس في ماده اللغه



انا حليت ورقه كويس جدا وورقه نص نص يعنى ان شاء الله اعدى





تانى حاجه بقه هقولها هى يومى التاريخي امبارح في المطبخ






امبارح راح كل افراد العيله الكبار القاهره في زياره عائليه وفضل الصغيرين اللى زى حالاتى في البيت




انا واختى في بيتنا .. وولاد خالتى في بيتهم .. وولاد خالى في بيتهم




حتى الانسه تيته راحت معاهم القاهره




انا بقه قعدت مع اختى وزهقانه اوى من غير ماما .


. فقولت اتسلي ومش لاقيه حاجه اعملها .. فقررت انى اعمل كيكه





اتصلت ببنت خالتى اخد المقادير وفعلا اخدت المقادير بس نسيت



اخد الطريقه فقولت اكيد كل الحاجات بتتحط على بعضها وتبقي كيكه عادى ولازم اثبت انى شاطره



جبت الطبق وحطيت اول حاجه الدقيق ... وبعدين حطيت البيض وقلبت لقيت شكلهم بقه غريب اوى



... قولت احط بقه السكر وحطيت سكر خشن يعنى مش باودر بقه شبه الحبوب



وبعدين قولت اعملها بالبرتقال فلقيت برتقال عندنا بس كسلت انى



اقشره واعمله عصير فلقيت تانج روحت عامله منه كوبايه عصير وحطيته على المكونات السابقه




وبعدين قولت اكيد لازم يتحط ماده دهنيه بس نسيت بنت خالتى



قالتلى ايه قمت حاطه زيت فلقيتها سايله اوى مش عجينه كده وماسك


ه نفسها فقولت خلاص احط شويه كاكو باودر وهى هتمسك شوي


ه وحطيت فعلا وبقه لونها حلو اوى



وبعدين افتكرت ان ماما بتبقي تحط فانيليا وبيكنج باودر ..


فلقيت البيكنج باودر بس لفيت على الفانيليا مش لاقيه قولت اكيد مش مهمه ..



.وخلاص كده قلبت كل الحاجات دى في بعضها




وحطيتها في القالب وتوجهت للفرن ... ان ان ان اااااه تششششششششششششششششش





جريت بقه فتحت الانبوبه وبعدين مش لاقيه الشعل


ه بتاعت الفرن يا ترى بيتفتح منين ؟؟؟؟؟؟؟




بعدين اختى شارت عليه انى اشيل الصاج اللى على الفرن دي



هلاقي الشعله واولعها وعملت كده فعلا شيلت الصاج ده لقيت الشعله شكلها غريب كده




روحت مولعه وفعلا ولعت ياهوووووووو فرحت اوى ورجعت الصاج مكانها


.. بعدين حسيت ان الشعله بتضعف كده وفجاه ................. ان ان ان اااااااااااااه



هووووووووووووووووووووووووووووب ..........



الفرن ولع والنار طلعت برا قمت بسررررررررررررعه طفيت الشعله وجريت قفلت الانبوبه




ولحد دلوقتى مش عارفه الغلطه جت منين ؟؟؟؟؟؟؟؟




طيب وبعدين اعمل ايه ؟؟؟؟؟؟؟؟؟ انا اساسا خفت اقرب من البوتاجاز تانى





فضلت العب على الكمبيوتر شويه وبعدين جاتلى فكره خطيره جدا ..


. ايه رايك يا بت يا ساسو لو حطيتيها على البوتاجاز عادى على نار هااادي



ه وبعدين لما تتسوى من تحت حطيها في الشوايه تتسوى من فوق




وااااااااااو فكره جنان وقمت انفذ علطول ..


حطيتها فعلا على البوتاجاز على نار هاديه اوى وبعدين حسيت ان ريحيته



ا طلعت بس مش ريحه كيك اوى يعنى .. فنقلتها على الشوايه




وفعلا استوت برضه بس ملهاش ريحه او ليها ريحه بس غريبه شويه



المهم جاتلى فكره تانيه انى اقسمها نصين او يعنى تبقي طابقين



واحط في النص كريمه وحاجات حلوه كده وشيكولاته

وقسمتها وطلع حتت زياده كده جيت ادوقها لقيتها استغفر الله العظي


م يارب وحشه اوووووووى وطبعا علشان شكلى ميبقاش وحش ادام اختى قولت انها فظيعه جدا

قولت طيب انا هاعمل ايه دلوقتى انا حاسه انها مش مسكره خالص



جاتلى فكره انى اعمل شربات واحطه عليها فهى تشرب الشربات ده هتبقي مسكره


وعملت الشربات فعلا وحطيته عليها .. بعدين عينكوا متشوف الا النور



بقت حاجه وحشه اوى وقررت انى اعترف انها وحشه وحطيتها في التلاجه لحد ماما متيجي وخلاص



جت ماما بقه الساعه تلاته الصبح فقولتها على الكارثه اللى


عملتها وطبعا زعقتلى جدا على توليع الفرن والمصيبه اللى كنت هاعملها .



. والحمد لله كانت جايبه بليله معاها وعوضت رغبتى في اكل حاجه حلوه



ودلوقتى الكيكه في التلاجه مش عارفه مصيرها ايه




بس خالتو بتقترح اننا نكتب عليها كيكه ونرميها في الشارع جايز القطط تاكلها



بابا من شويه كان نايم وصحي فقولتله تاخد حته يا بابا دى حلوه اوى .



.. وطبعا بابا مش بيرضي يكسفنى فقالي هاتى يا حبيبتى

عطيته حته صغيوره اوى كلها ونااااااااااااااااااااااااااااااااااااااام علطول كانها فيها مخدرات



الحمد لله على كل حال



اسكتوا مش حصل النهارده حاجه حلوه اوى ..



الموبايل وقع من الشباك من الدور التالت ونزل في الشارع فتافيت



يلا سلام بقه واشوفكوا في يوم تهييس تانى



غروب

41 التعليقات:

أحمد الصعيدي يقول...

أووووول تعليق
أخيرا
هههههههههههههه

أحمد الصعيدي يقول...

والله أنا خايف القطط مش ترضي تاكلها
ياوكسته العريس
غيري اسمك علشن ما يعرفكيش
هههههههههههههههه
ههههههههههههههههههه
تهييييييييييييييييييييييس

Ahmed يقول...

هوا افضل حل للموضوع ده انك تكليها كلها تحت تهديد السلاح
ههههههههه

مبروك انتي عملتي اكله جديده وتقدري تسميها غروب

saragebaly يقول...

سارة

اولا الحمد لله انك حليتي كويس بالامتحان
يارب بالنجاح والتوفيق ان شاء الله

ثانيا بقى
ممممم

مش عارفة اقول ايه
انا مش قادرة ابطل ضحك بجد
دي كيكة تتكتب في التاريخ
بس تفتكري ان القطط هترضى انها تاكلها؟؟
انا بقول خليها في التلاجة احسن
وقومي انتي بالواجب وكليها
تعالي على نفسك بقى
هههههههههههههه


ثالثا / سلامته الموبايل الف سلامة
فداكي
يجي غيره
بس عندي سؤال
هو داق الكيكة او شم خبرها؟؟

يا خوفي لا يكون انتحررررر
ولا يكون اغمن عليه وهوواقف ع الشباك ونزل فتافيييييت


انا شكلي ههيس انا كمان

تصبحي على الف خير يا قمر

دمتـِ بحب

سارة

yoyo يقول...

صباحك سكر

حمد لله على السلامة يا قمر
وان شاء الله تظهر النتيجة وتكون تمام
ويبقى لنا حاجة حلوة
بس فى عرضك و النبى بلاش الكيكة دى هههههههههههههههههههههههههههه
ههههههههههههههههههههههههههههه
ههههههههههههههههههههههههههههههه

و الله يا بنتى دا اختراع يكتب فى التاريخ باسمك كيكة على البوتوجاز
وبعدين احمدى ربنا ان مش كان فيه اى خسائر نتيجة للاكل الشىء المسمى بالكيك دا هههههههههههه
ههههههههههههههههههههههههههه
والله انا بتخيل المنظر بموت من الضحك

عادى عادى خدى من التجارب دى كتير هو فى حد بيتعلم بسهولة بس يا امى اتعلمى فى نفسك اضمن برده
ههههههههههههههههههههههه
وبعدين بلاش لعب كتير فى الفرن
خلى بالك شوية

اعتقد ان حتى القطط مش هتخوض التجربة دى ربنا يعوض عليكم فى المقادير بقى

امممممممم هو الموبيل انتحر ولا ايه
ولا دا حادث أليم ؟؟؟

فداكى 1000 موبيل يا قمر

رحمة باللى فى البيت بلاش اختراعات تانى الناس هتبطل اكل كدا هههههههههههههه

ربنا يسعدك يارب و يسعد قلبك
تحياتى
يويو

مسدس صغير يقول...

ههههههههههههه
ملكيش فى الكيكة بتعملى كيكة ليه؟؟
اعملى شاى
اعملى ينسون
اخرك
هههههههههه
اما الموبايل مبررررروك
هههههههه
سلام

الشاعر الحزين يقول...

يا حزن الحزن

يا همى يا همى

أمه داعيه عليه

طبعا انتى عارفه هو مين

أمه داعيه عليه اللى هطلب منك كيكه

حرام عليكى

بس أقولك على سر خطير


شوفتى الشربات اللى انتى حطيتيه فى الكيكه عشان تبقى مسكره ؟؟؟

أنتى بقى دمك أخف من الشربات ده يا شربات والله

ههههههههههههههههه

والله عثل عثل بس من غير كيكه

بنجاواتى يقول...

هههههههههههههههههههههههههههههههه

بوست فظيع

جيت ادوقها لقيتها استغفر الله العظيم يارب وحشه اوووووووى

الاعتراف بالحق فضيلة

طيب انا شايف انك تشيليها من التلاجة لحسن التلاجة يحصل لها حاجة وربنا يستر ع القطط بقى

سلام

ماء تشرين يقول...

اولا مبروك مقدما انشاء الله

بالنسبه للكيك طب كنت قوليلى ده انا تخصص كيكات حرام عليكي يابنتى يامفتريه طب باباكى زنبو ايه بس ولا القطط ياعينى عليها بس اكيد مش هتعرف تقرا
ياله تعيشي وتعملى كيكات تانيه

وبالنسبه للنوبيل فداكى الف نوبيل بس هو نوعو ايه عشان اعرف بس

الأمير يقول...

بسم الله ...

اهم شىء الاصرار على عمل شىء مفيد
حتى ولو فشل .. تكفى المحاوله


اطيب التمنيات بالنجاح والتفوق ..؛؛

VÖltaa يقول...

هههههه

دى ينطبق عليها المثل القائل
"ماطرح مايمشى يهرى "

ربنا يكون فى عون الانسان اللى هتتجوزيه ان شاء الله
ويارب يكون بيعرف يطبخ علشان يريحك

على فكرة من اول بصة كده ..مدونة ظريفة جداا

الازهرى يقول...

طيب انت واحدة

انا بقى عندى فى البيت تلاته بنات
ومطلوب منى انى اكل كل تجاربهم
واقول رأيي
طلعت حلوة ( ودا نادرا) كويس
طلعت نص كم
يقعدوا يعملوا حساباتهم من جديد ويجربوا تانى
ومطلوب منى برؤضه اكل

يعنى ربنا يكون فى عونى

قلب امراه يقول...

عزيزتي
عاجبني البوست قوووي اسلوبك فظيع في شرح طريقة عمل الكيك يعني الي ميعرفش يتعلم منك وتبقى نوع جديد لسه محدش جربه المقادير على فكره تمام هي بس كانت ناقصه بس اكم ميت حاجه وتبقى كيكه معتبره هههههه
المهم عندك افكار خلاقه ومش بتياسي وده الحلو فيكي
عاجبني ان الوالد ربنا يخليه حاول يرفع معنوياتك واكل شويه منها
المهم تفتكري القطط حاولت تاكل منها والا ما قدرت على طعمها الوحش قصدي اللزيز
حاولي مره تانيه اكيد حتطلع افضل من دي واهي تجربه حلوه بس تنسيش تعزمي الحبايب عليها علشان ياكلوا او يصوتوا ... من الفرحه هههه
بوست لزيز زي الكيكه بتاعتك
دمتي بفرح وحب

غروب يقول...

شجر الليمون

لا القطط هتاكلها ان شاء الله

نورت

غروب يقول...

احمد ابو العلا

هههههههههههه

فعلا دى اكله جديده من اختراعى

تاخد حته

؟؟؟؟؟؟؟

غروب يقول...

ساره جبالي

يخرب عقلك يا بنتى انتى اللى تعليقك موتنى من الضحك

الموبايل انتحر ههههههههههههههههه

ادعيلي بقه احل في باقي المواد كويس

مدونتك على فكره جميله اوى

نورتينى

غروب يقول...

يويو

مساء النور يا قمر

برد عليكي بعد كاااااااااااام يوم

وكنت ناويه اساسا على نيه تانيه خالص بس سيبك محدش يستاهل

المهم ان وحشانى

وكمان بتتريقي عليه

د انتى ايامك مش هتفووووووووووت

هههههههههه

ادعيلي يا يويو في الامتحانات بتاعتى

وربنا ميحرمنيش منك
موااااه

غروب يقول...

مسدس صغير

ايه يا متر

انت بتهزر

د انا طباخخخخخخخخخخخخخه هههههه

بس مش بقول علشان الحسد


وعقبالك في الموبايل
هههههههههههه

نورت

غروب يقول...

الشاعر الحزين

هههههههههه خضتنى

ايه حزن الحزن وهم الهم
ايه اول مره تشوف اختراع يا فندم؟

كمان انا عارفه ان امه داعيه ليه ماشي

اطلع انت منها بس

هههههه

وميرسي احرجتنى

غروب يقول...

بنجاواتى

ههههههههههه

طبعا لازم اعترف

مهو انا لو انكرت هتدبس في اكلها هههههههههه

وهى فعلا اتشالت واترمت خلاص

كل سنه وانت طيب بقه

نورتنى

غروب يقول...

ماء تشرين

ههههههههه

ايه يا بنتى هو اللى انا عملتها وحشه علشان استعين بحد؟
ههههههههههههه

عموما الطبخه الجايه ابقي اسالك فيها ماشي؟؟؟

ههههههههه

الموبايل نوعه ايه ؟؟؟؟؟

ههههههه

دى دعايا ولا ايه ؟
اسمه
8560

او

6085


مش فاكره انهى فيهم بقه
هههههههههه

عموما هو لما اشترتيه من سته اشهر كان ب 850

يلا الحمد لله بقوا في الارض

ههههه

سلام يا قمر

غروب يقول...

الامير

ربنا يكرمك كده زى مبترفع معنوياتى

هههههه
اشكرك

نورت

غروب يقول...

محمد

اهلا اهلا بالغاليين اصحاب الاسامى الغاليه

شوفت انا فتحت البلوج تانى علشان خاطرك

ههههه

عموما ادعيلي بعريس ست بيت كويس

نورتنى ومش تتاخر بقه

غروب يقول...

الازهرى

ههههههههههههههه

يعنى عاملينك حقل تجارب
هههههههههههههه

معلش استحمل علشان لما يتجوزوا يبقي عريسهم يشكرك بدل ميعمل حاجه تانيه

هههههههه

نورتنى

غروب يقول...

ريم

هههههه

بجد عاجبك طريقتى في الشرح

طيب متشوفيلي برنامج طبيخ في التى في اقدمه

وحاولى تكتبيلي بقه المقادير ههههههه

بجد نورتينى وكلامك جميل

وحي القلم يقول...

السلام عليكم
ايه يا طانت خلتي المدونة للمدعوين فقط ليه ؟
عموما حمدا لله ع السلامة
وعوما حرام تتعبي القطط بالاكل الغريب ده الرحمة حلوة
تقبلي مروري

أم أحمد المصرية يقول...

صديقتي الجديدة غروب
بما اننا اصدقاء جداد فأنا مش عارفة اللغة العربية بناعة سنة كام اللي انت امتحنتيها:))))))))
اما بالنسبة للكيكة مش كان الاوفر يا قمر تتصلي ببنت خالتك تسأليها عن الطريقة بدل هذاالاداع الفظيع
لما تعوزي كيكة يا بنتي ابقي قولي لي
و انا اقول لك علي طريقة سهلة

اقول لك حقولها دلوقتي بس تعمليها و تيجي تزوريني في مدونتي و تبلغيني النتيجة و هي سهلة جدا


1.كوب لبن و كوب سكر و كوب زيت " نوع كويس" و ملعقتين كاكاو بودر كبيرة و ملعقة نسكافيه كبيرة
كل ماسبق يوضع في خلاط العصير و يضرب و تتركي منه كوب مليان في التلاجة

2.باقي الكمية تضعي عليها 3 بيضات مضروبة ثم كوب و نصف دقيق و باكو بيكنج بودر " حوالي ملعقتين صغار "
و تخلطيهم معا و تضعيهم في صينية كبيرة بعد دهان قاعها بالسمن و رش قليل منالدقيق عليه حتي لا تلتصق الكيكة

3. اسألي ماما الفرن بيولع ازاي و اتركيه يسخن 5 ق ثم ضعي الصينية و و لا تفتحي قبل ربع ساعة و تابعي سواها بغرس سكين فيها لو خرج دون بواقي عجين تبقي استوت

4. فد تحتاجين للشواية لتلوين وجهها قليلا و قد تجديه ملائما دو ن شواية يكو ن احسن حتي لا يحترق الوجه منك

5. بعد خروجها من الفرن صبي عليها الكوب الي كنا شلناهفي الثلاجة فاكراه :)

و ضعيها في التلاجة قليلا و بالهنا و الشفا
انا منتظرة اسمع النتيجة

Israa El-sakka يقول...

هههههه
لا ده تأثير ماما رهيب
هههه بصي نصيحة عن خبرة طول ما ماما مش موجودة علقوا يافته على باب المطبخ ممنوع الإقتراب اللمس التصوير
و المايه إشربوا معدنية و
الاكل قدوها هوم دلبقفري
شوفتي حلتهالك إزاي
مستنية جيدك

محمد يقول...

هههههه



بالهنا والشفا


لا تعليق


ربنا يستر علي المسلمين جميعا

اه صحيح

شكرا علي ويارتك لمدونتي يا اختنا الفاضلة

VÖltaa يقول...

ايه ده مخدتش بالى انك فتحتى البلوء تانى

ياه انا فرحان اوى

اقفليها تانى بقى لاحسن تاخد برد ولا تستهوى

هههههههههه

مبروك الرجوع ياغروب
اسمعك بقى بتقولى هقفل المدونة تانى
@_@

لاسع افندى يقول...

تسمحيلى اخد الطريقه دى واعملها كيكه اديها للى فى بالى

mahasen saber يقول...

اولا مبروك انك حليتى فى العربى كويس ابدعتى يعنى يا ساسو

ثانيا نصيحه من اخت كبيره لاختها لما تبقى فاضيه وكل اليى حواليكى سافروا اوعى حسك عينك تدخلى المطبخ تانى لتعورى نفسك ههههههههههههه انا بقلك اهه

لس الموبايل دى اليى نقدر نقول عليها ختامه مسك
اعتقد ده عقابا ليكى على دخولك المطبخ
وغسل ذنوب عن اليى اتعمل فى مقادير الكيك

تعيشى وتعملى غيرها يا قمر
طب ممكن حته لبيرو

غروب يقول...

مصعب

ازيك ؟؟؟؟
المدونه رجعت خلاص بس ادعيلي اخلص زيك لانى بحقد عليك دلوقتى

كمان كلمه الرحمه حلوه دى ضحكتنى اوى فكرتنى بمحمود القلعاوى كان بيقولها في مسرحيه بس بطريقه غريبه
ههههه

نورتنى يا مصعب وسلملى على القمر الجديد اللى طل عندكوا

غروب يقول...

ام احمد المصريه

ازيك يا قمر

سعيده جدا بالتواصل ده والله واسمك بجد محسسنى بكميه حنان واصاله غريبه

ربنا يكرمك يارب

بالنوسبه للامتحان فهو امتحان نهائي اداب انجليش بس ماده لغه عربيه وبما انى فاشله فيها فالكل عارف ادا ايه الامتحان ده كان انجاز يعنى

ادعيلي بقه اخلص على خير

بالنسبه لطريقه الكيك بتاعتك والله هجربها فعلا وان شاء الله تطلع حلوه

واجى اديلك حته

نورتنى

غروب يقول...

اسراء السقا

ايه يا بنتى ده

ليه يعنى

قصدك ايه

انى مش باعرف اطبخ

عااااا

لا د انا شطوره بس اتلخبطت

ههههههههه

نورتنى يا قمر

غروب يقول...

هذه حياتى

هههه لا تعليق من جمالها طبعا صح؟؟؟؟؟

متشكره اوى رفعت معنوياتى جدا

نورتنى

غروب يقول...

محمد

ايه الخفه دى يا عمو

ههههههه

بفرح اوى لما بشوف اسمك

حاضر من عويناتى نقفلها تانى

الشتاء الجاى

نورت يا استاذ

غروب يقول...

لاسع افندى

يعنى لو عاوز تموت حد مضايقك اوى فميش مشكله اجيبلك حته المره اللى جايه لان المره دى اترمت خلاص

ههه

نورتنى

غروب يقول...

محاسن صابر

حبيبه قلبي نورتى المدونه من زمان مش جيتى

وانتهز الفرصه بقه واقولك هنا كمان كل سنه وانتى قمر

الموبايل تقريبا زى م اتقال انه انتحر

ههههههه

اجيب حته لمين ؟؟؟؟؟

لالالالالالالالالا
انا مرضاش

انا اشتريله واحده احسن

ادعيلي اكمل الامتحانات على خير

موااااااه

E73 يقول...

ههههههههههههههههههههههه
هههههههههههههههههههههههه
ههههههههههههههههههههههه
هههههههههههههههههههههههه
ههههههههههههههههههههههه

بجد مش قادرة امسك نفسي من الضحك القراية غير السمع خالص
يعني انتي لما حكيتيلي في التليفون مكنتش متخيلة العبط اللي انتي عملتيه

ربنا يكون في عون أهلك كلهم

غروب يقول...

نوسه

ههههههه

يا بنتى دى اقل شئ عندى

انتى عارفه انى طباخه بريمو يعنى

ههههه

زيك تمام وبلاش نقلب الصفحات

هااااا؟؟؟؟؟

 

ما بعد الغروب © 2008. Design By: SkinCorner