الاثنين، 9 مارس 2009

تواريخ لن انساها


بسم الله الرحمن الرحيم


عايزه اتكلم النهارده على التواريخ اللى دايما الانسان بيكون فاكرها ومفيش شك طبعا ان كل واحد فينا فيه في ذاكرته تاريخ او اكتر مش بينساه ومرتبط بذكرى معينه على الاقل خالص ممكن يكون تاريخ ميلاده بس انا اراهن ان كل واحد فينا عنده اكتر من تاريخ مستقر في ذهنه ومش ممكن ينساه


التاريخ ده ممكن يكون ليه ذكرى كويسه وممكن يكون ذكرى سيئه بس في الحالتين هو موجود


بنبتسم ابتسامه عريضه اوى لما يجي اليوم اللى تاريخه مرتبط معنا بذكرى حلوه


وبنبكي او نكشر او حتى ممكن نكتئب لما يجي اليوم اللى تاريخه مرتبط بذكرى سيئه


اقبل اما اكتب البوست ده فضلت افكر وافكر وافكر ايه يا بت يا غروب التواريخ اللى انتى حفظاها ؟؟؟؟؟

ايه التواريخ اللى مرتبطه معاكى بذكريات ؟؟؟؟؟؟؟


قولت يا بنتى لازم علشان تكتبي موضوع زى ده على الاقل يكون عندك عشره خماشر تاريخ كده علشان يبقي الموضوع اتراكتيف


لكن الحقيقه بعد بحث طوووويل


لقيت ان التواريخ اللى عالقه في ذهنى قليله اووووووى ومنهم واحد تاريخ ميلادى يعنى طبيعي اكون فكراه


والتاريخين التانين مبقدرش انساهم ابدا .......... ابدااااااااااا ولما بتجي ايامهم باكون فكراها


مش عارفه بقه ممكن التواريخ دى تضيع منى ف يوم او تتمسح من ذاكرتى ؟؟؟؟؟؟؟ طب امتى ؟؟؟؟؟


انا عايزه اسجل التواريخ دى ... علشان لو جه يوم ونسيتها الاقيها ....



11......12

10.....20

6.......21

بس كده تخيلوا؟؟؟؟؟؟؟؟؟

غروب

50 التعليقات:

جارة القمر يقول...

اول تعليق
عندك حق ياغروب فعلا فيه تواريخ كتير مش ممكن ننساها
انا التواريخ اللي دايما في بالي كلها مرتبطة بذكريات حلوة اما الزكريات اللي مش كدة فبحاول انساها
26/10/2004 دةاول يوم شفت فيه حبيب عمري
28/1/2005 دة كان يوم خطوبتنا
26/10/2006 دة كان يوم جوازنا
2/8/2008 دة عيد ميلاد ابني
مش ممكن انسي التواريخ دي ابدا
تحياتي لكي

غير معرف يقول...

ازيك ياغروب


موضوعك جميل يا بنتى

بس فى حاجة ضيقتنى منك بصراحة يعنى

بس متزعليش الصراحة راحة زى ما بيقولوا

انتى مثلا كتبتى التوارخ بتاعتك لكن مقولتيش منسابتها

لية الرخامة دى معلش متزعليش منى اصل انا مبحبش كدة

يعنى مثلا جارة القمر قالت مناسبة التواريخ


ياريت تقوليلنا المناسبة لو سمحتى؟

ahmed_k يقول...

طيب 12/11 وعرفناه تاريخ ميلادك
لكن التاريخين التانيين بتوع اييييه؟؟

وأنتي لسه يا غروب أدامك العمر بإذن الله وحتلاقي من التواريخ اللي ستعلق بذهنك كتير
متستعجليش على رزقك

بس عندي ملحوظه
الموسيقى بتاعت المدونه بجد رائعه
وهاديه ولا تفقد التركيز بعكس الأغاني

إختيار موفق أهنئك عليه

وكل سنه وانتي طيبه بمناسبة المولد النبوي

مـجـنـووون يقول...

لكل واحد ذكري جميلة لما يجي ميعادها بيتذكرها وبيبقي فرحان بيها


والي ملوش ماضي ملوش مستقبل

بس مش المفروض توضحي بتعني ليكي ايه الارقام الي كتباها دي


تقبلي مروري
مجنووون

غروب يقول...

جاره القمر:

اهلا وسهلا بيكي نورتينى

وربنا يسعدك ويكتر من التواريخ اللى ذكرياتها حلوه معاكى وخلي ليكي ابنك

بس بالحق ؟؟؟؟؟

هو مرتبط؟؟؟؟؟؟؟؟؟؟؟

غروب يقول...

الاستاذ الغير معروف:

اولا اشكرك جدا على طريقتك المهذبه جداااااااااااااااااااا في الرد

ولانى مش بعاده امسح تعليقات ولا احجر على راى حد فهسيب كلامك

ثانيا انا مطلبتش من جاره القمر او غيرها يقول مناسبات تواريخه ولا انا كتبت في موضوعي مناسبات التواريخ اللى تخصنى

اعتقد دى خصوصيات

هى مجرد تواريخ تهمنى ....ايه فايده ان حد يعرف مناسباتها

هتستفيد حضرتك ايه يعنى؟؟؟؟؟؟؟؟؟؟

غروب يقول...

استاذ احمد:

اولا فهلا التاريخ الاول هو تاريخ ميلادى

احم احم

اديكوا عرفتوه منتظره بقه كل سنه الهدايا

ههههههههه

التاريخين التانيين يا استاذ احمد لو كنت عاوزه اقول مناسبتهم اكيد مش كنت هنتظر حد يسالنى عنهم

وطبعا اكيد انا مطلبتش في البوست من حد انه يذكر اى تاريخ يخصه ولو ذكره اكيد مكنتش هساله على المناسبه

متشكره جدا على رايك في الموسيقي

وعلى فكره دى موسيقي لعمر خيرت اسمها قلبي يا غريب

وكل سنه وحضرتك طيب ورساله حضرتك وصلتنى مرتين

متشكره جدااااااااااااا

وياريت تكون رسالتى وصلت

نورتنى

غروب يقول...

مجنون:

اهلا وسهلا منورنى بجد

طبعا اللى ملوش ماضي اكيد مش ليه مستقبل

بس مش المفروض توضحي بتعني ليكي ايه الارقام الي كتباها دي

هو ده سؤال؟؟؟؟؟؟؟؟ ولا معلومه ؟؟؟ موضحتش حضرتك

نورتنى

مسدس صغير يقول...

فعلا فيه تواريخ الواحد ما بينساهاش.
زى يوم ميلادى فى 1/7
ويوم 20 مارس وما تسألنيش ليه
ويوم ميلاد بابا 1/2
وماما 10/6 وكده يعنى وتعيش وتفتكرى
سلام

غروب يقول...

مسدس صغير :

اهلا بيك نورت

ومش هسالك طبعاااا لانى رافضه المبدا ومجاوبتش ععلى حد سالنى على اى تاريخ


وتعيش انت كمان وتفتكر

نورتنى

غروب

حاجــ عيال ــات يقول...
أزال المؤلف هذا التعليق.
شخـا بيــط مـحـجـوب يقول...

ههههههههههههههه
ههههههههههههههه
اكيد طبعا لازم منساش التواريخ

هو الواحد اية غير شوية تواريخ وشوية حاجات فوق بعضيهم

تحياتى ليكى

شخابيط mahgoub

غروب يقول...

جهاد :

صاحبتى وانتيمتى وحبيبتى

وحشتينى على صفحات التدوين وان شاء الله اشوف الليله البوست الجديد

بصى يا جوجو

هى فعلا صدفه غريبه اتفاق تواريخي مع توارخ تهمك

لكن طبعا انا التواريخ عندى تعنى ذكريات تانيه خالص مش مبره زى م انتى قولتى انى اقلها

حاجــ عيال ــات يقول...

غروب الجميلة روح قلبي ونور عيني وصحبتي انا...
أتا اتأخرت عليك كتير لكن انت عارفةظروفي وهتسامحيني
البوست جميل فعلا وبيلمس كل حد فينا والتاريخ مش مجرد رقم ليوم وشهر وسنة لكن هو ذكرى لأيام جميلة بنتمني نقضيها تاني بكل تفاصيلها
وأنا ذكرياتي كتير وتواريخي أكتر وانت اختاراتي تكتبي التواريخ من غير الذكريات ..ودي حريتك الشخصية ..وطبعا مفيش أي حد يقدر يحجر على حريتك دي
وطبعا احنا فاهمين ان التوريخ دي مجرد أمثلة لزيها في حياتنا
فكرة البوست فعلا جميلة ياغروب
وربنا يخلي كل تواريخ حب وسعادة

غروب يقول...

محجوب :

فعلا هههههههه



نورتنى

وربنا يديم عليك التواريخخ الحلوه

غروب يقول...

جهاد:

هههههههههه

يخرب بيت اللبخ

يلا مش مشكله بقه عديها

mohamed ghalia يقول...

لا انا المناسبات الحلوة عندى كتير من كترها مش بعرف احفظ تورايخها
دمتى فى سعادة

غروب يقول...

محمد غاليه:

ربنا يديم عليك سعادتك

أم فريده يقول...

لا انا بقى مختلفة فى حياتى تواريخ لازمن احفظها عن ظهر قلب

وطبعا من اهمها عيد ميلاد جوزى حبيبي وميلاد حماتى حياتى والا يغضب علينا ابوالغضب

هههههههه

وتوارخ ميلاد اخواتى وبابا وماما وزاد عليهم اخوات جوزى


بس انا هعمل زيك ومش هقول التواريخ


سلام يا قمر

غروب يقول...

زوجه عنيده :

ههههههههههه

ربنا معااكى والله

وربنا يجعل ايامك كلها ذكريات حلوه يا قمر

نورتى الغروب

أمل حمدي يقول...

ازيك يا غروووب

عاملة ايه حبيبتي ان شاء الله تكوني في احسن حال يارب

انت لسه صغيرة كل سنة هاتعدي من عمرك ها تخزني منها تواريخ
ولسه كمان لما تتخطبي وتتجوزي وتخلفي ان شاء الله هاتلاقي في تواريخ كتيرة قوي متتنسيش

ربنا يصلح حالك يارب

سلام حبيبتي

طـائر الليــل الحـزين يقول...

موضوع جميل جدااااا
حاجات كتير فى حياتنا بتربطنا بلحظات حلوة او مرة عشناها زى ما قولتى وفعلا منها التواريخ
بس انا هحتفظ بالتواريخ اللى ليها زكرى فى حياتى لنفسى زى ما اتعودت دايما
تسلم ايدك يا قمر على البوست الجميل ده واللى فكرنا بأيام مهمة فى حياتنا
تحيااااااااااااااتى

نفرتارى يقول...

بجد بجد موضوع هايل .. تواريخ لن انساها .. حتى اختيارك للاسم رائع ..
فى تواريخ كتير فى حياتنا بعضهم هام جدا ومستحيل ننساهم وبعضم مهم بس بيمروا علينا مرور الكرام .

دمتى بكل حب وتقدير ،،


نفرتارى

ريمان يقول...

السلام عليكم

وحشانى بجد يا قمر

انتى كنتى قافله تعليقات البوست اللى فات ليه

انا قريته وكان حلو اوى وكنت عايزه اعلق


المهم انك وحشانى

عارفه بقى

انا اصلا التواريخ الى كانت فيها ذكرى حلوه فى حياتى مش فاكره منها ولا واحد ابدااااااااااا

بس حاليا مش بقدر انسى تلات تواريخ

وهما براحه بيذكرونى بحاجات مش كويسه خالص خالص

ومش قادره انساهم ابدا

SHAPE YOUR LIFE (ABOALI) يقول...

غرووووووووووووووووب
تورايخ لن انساها
حدث فى مثل هذا اليوم

تك تك تك تك اليكم البيان التالى

قامت قواتنا المسلحة فى ساعته وتاريخه
بعبور قناة السويس والاستيلاء على النقط الحصينة

وتم رفع العلم المصرى على الرمال المتحركة هناك

انتهى البيان
من ذاكرة الامة
تواريخ لن انساها



يعنى من ضمن التفاعل مع التورايخ بقى غروب
استحملى بقى

فشكووول يقول...

ازيك يا غروب .. حكاية التواريخ دى حكايه تقيله على الذاكره شويه .. فى الشباب تقدرى تحفظى لكن اما تكبرى يمكن ما تلاقيش غير تاريخ واحد او اتنين هما المهمين .. يعنى انا يادوب حافظ تاريخ ميلادى وتواريخ ميلاد اولادى وخلاص وتاريخ دخول الجيش طبعا عشان مرتبط بحرب اكتوبر .. وخلاص
تحياتى يا غروب

elsha3er يقول...

فعلا هو فى تواريخ مش بتتنسى وعلى فكرة انتى مش حتنسى التواريخ دى ابدا لو مهمة

انا بصراحة قعدت افكر ما لاقتش غير يوم الميلاد بس

تحياتى

احمد الشاعر

اعشق فى الليل ضوء القمر يقول...

موضوع جميل جدا بس نفسى أعرف ليه البنات بتهتم كثير بالموضوع ده أكثر من الصبيان
يمكن علشان كل حاجة عندنا بترطبتبالمصارييف وهدايا وحاجات كده يعنى

على فكرة القالب ده حلو كثير
لكن المرادى جت معاكى بخير وماتمسحش البوستات القديمة
مبارك

طوبه فضه وطوبه دهب يقول...

عارفه كنت ديما اقولها ان فى تواريخ بتتحفر فى الذهن مش ممكن تتنسى ابدا واحداث كل انسان عباره عن مجموعه تواريخ ما يعرفهاش غيره عشان كده مش هسئلك دى تواريخ ايه لانها اكيد بالنسبه لك حاجه كبيره اوى ومهمه اوى عشان كده ما نسيتهاش

ايمان روحي يقول...

فعلا معك حق وبصراحه البست حلو رغم بساطته
ويارب تكون التواريخ دي ذكراها حلوةعليكي
وفعلا انا السنه اللي فاتت بنفس اليوم دة كان يوم مأساوي جدااااااااا
وخصوصا يوم 15/3 كان يوم السبت بجد مش هنساه هو من ضمن تواريخ كتيره بس ده التاريخ بالذات مش هنساه لانوا فيه حجتين 1_ يوم مولد اختي شبيهتي
2_كان حصلت حاجه بدي اليوم كانت هتموتني وتقضي علي حياتي

بس الحمد الله وانا بجد خايفه لان كل حاجه بتتكرر التاريخ جاي وحتي نفس اليوم وكل حاجه بتعيد نفسها يوم الخميس وربنا يستر الجمعه
هههههههههههه
اسفه رغيت كتير بس حبيت اتكلم
ههههههههههه
متقوليش عني رغايه
هههههههه
تحيــــاتي
ههههههههههه

mahasen saber يقول...

اكيد تواريخ حياتنا لا يمكن نسيانها

انا تاريخ ميلاد ابنى مجرد ذكره بيعملى حاله من السعاده

Unknown يقول...

أنا شايف أن حياتنا عبارة عن تواريخ كلها تواريخ وكلامك صحيح 100/100

وأدعوك لزيارة مدونتي والمشاركة فيها

Tamer Nabil Moussa يقول...

السلام عليكم


كلامك صحيح فى تواريخ لايمكن ان تنسى مهما مر عليا من الايام والشهور والسنين


هتفضل عايشة جوانا

تحياتى

غروب يقول...

ماما اموله

نورتينى يا ماما يا حبيبه قلبي
ان شاء الله الجاى يكون احسن

متغيبيش تانى يا ماما

مواااااااااه

غروب يقول...

طائر الليل الحزين

ازيك يا قمر

منورانى دايما

ربنا يسعد ايامك كلها يارب وتفضل ذكرياتك حلوه دايما

غروب يقول...

نفرتارى:

ازيك يا جميله

والله انتى قمر وبتوحشينى بجد

ربنا يخليى تواريخك كلها حلوه وتعيش وتفتكريها دايما

ومتشكره اوى على رايك في اختيار العنوان من بعض ما عندكم

غروب يقول...

ريمان:

انتى كمان بتوحشنى يا قمر بجد

انا قفلت التعليقات على البوست اللى فات واللى اتمسح اساسا لانى حسيته طويل وعلشان مش اجبر حد يرد لمجرد المجالمه مسحتهم ...

اصلي لو دخلت بوست طويل ولازم ارد مجامله ممكن اتضايق فاللى مش بحب اعمله مش هجبر اللى بحبهم يعملوه

عموما انتى حبيبتى والله وتيجي دايما وتعلقي فاهمه ههههه

بصي انا طبعا مش هقولك انسي التواريخ دى الوحشه والا كنت نصحت نفسي

لكن عموما ربنا يهون

وياااااارب الجاى في حياتك يكون احلى

نورتى

غروب يقول...

ابو على:

ماشي يا عم نستحمل مفيش مشكله

المهم انك نورتنى

غروب يقول...

عمو فشكول:

انا مبسوطه خالص ان حضرتك بتيجي عندى

وربنا يعطيك الصحه وتفضل فاكر وان شاء الله تزيد التواريخ اللى بالذاكره عندك يوم فربح اولادك وتواريخ ميلاد احفادك واحفادهم باذن الله

نورتنى

غروب يقول...

احمد الشاعر:

اهلا بيك نورتنى

ان شاء الله مع مرور الايام والسنين تلاقي ايامك كلها ذكريات سعيده

نورت

غروب يقول...

اعشق في الليل ضوء القمر:

بص مش لازم تكون التواريخ المقصوده تورتيخ عاطفيه علشان ترتبط مع الولد بالهدايا وكده

لكن عموما انا مش عارفه ليه البنات بتهتم اكتر

ومعرفش كمان هل المعلومه صحيحه ولا لا

مش يمكن الولاد اكتر

عموما :

نورت

وشكرا على رايك في القالب والحمد لله فعلا البوستس زى مهى

غروب يقول...

طوبه دهب وطوبه فضه:

اهلا يا قمر منوره المدونه

طبعا كل انسان ليه تواريخه الخاصه اللى زى مقولت مش بتتنسي

ربنا يسعد ايامك

غروب يقول...

ايمان روحى:

اهلا يا قمر منوره

وبعد الشر عليكي

لازم تنسي اليوم ده

ههههه

بس انتى مش رغايه ابداااا ولا اىىىى حاجه

لا بجد يا قمر ممكن تدخلى في اى وقت وتقولى كلل اللى انتى عاوزاه امال احنا عاملينها ليه يعنى

نورتى

غروب يقول...

محاسن صابر:

اهلا اهلا بالغاليين الحلوين العسولين ام العيال الجامدين

هههه
ايه رايك في الشعر ده؟؟؟؟؟

حلمنتيشي كده على اد ما قسم ههه

يا حبيبتى ربنا يسعد كل ايامك ويخليلك عبد الرحمن القمر

غروب يقول...

معتز شاهين:

اهلا وسهلا اشكرك على الزياره والتعليق وان شاء الله ازور المدونه

غروب يقول...

تامر نبيل:

اهلا وسهلا

رايك صحيح طبعا

نورتنى

جنّي يقول...

السلام عليكم

اولا يسعدني ويسرني اعادة التواصل ..

ثانيا بالطبع ستجدين كل الناس له تواريخ سعيدة واخرى حزينة ..

واتمنى ان تكون كل تواريخك سعيدة ..

تحيتي

حزينه يقول...

السلام عليكم
حياتنا ايه اصلا الا تورايخ
فعلا فى ايام الواحد عمرة ما بينساها ابدا

بوست جميل

حزينه

غروب يقول...

جنى

يسعدنى اكتر التواصل وتواجدك بمدونتى

متشكره جدا

وربنا يسعد ايامك

نورتنى

غروب يقول...

حزينه:

اهلا يا قمر نورتى

ليه اتاخرتى في بوستك الجديد؟؟؟؟

ربنا يفك كربك وتبقي سعيده بقه

هههه

نورتينى يا جميله

 

ما بعد الغروب © 2008. Design By: SkinCorner