والله زمان
قبل 8 أعوام
الأحد، 26 أكتوبر 2008
بسم الله الرحمن الرحيم
اتحدث اليوم عنها
نعم هى التى اينما تجده سوف تجدها معه
هى التى احبته دون ارادتها
هى التى صارحته بحبها وانتظرته
هى الحبيبه .....هى الصديقه ......هى الخيال ........هى الواقع
احبته بكل ما فيها ....ودت لوان قدرها يضحك لها يوما
عاهدته منذ اللحظه الاولى على الوفاء ....على الاخلاص ....وعلى العشق
ثم ادركت ان داره به انثي تملا اركانه حبا
شئ لم يثير تعجبها ولم يثير شجونها ...فقد كانت تتوقع الغدر من قدرها الاحمق في اى لحظه
قررت الرحيل دون بكاء ودون نحيب النساء ...ولكنها ادركت انها احبته بكل ما تملك من قوه و من ضعف
احبته بقسوه قلبها وبضف دقاته ....احبته بقوه في رموشها وانكسار دموعها
احبته بجرأه المحبين وخجل المحبات
احبته باتسامه تراها على شفاها ودمعه تقرأها في عينها
نعم احبته
نسيت معه الحياه ....اغلقت كل ابوابها الا بابه
فتحت له كل ابوابها وسمح لها بطرق ابوابه
طرقت بابه وفتح لها ...ثم طرقت الاخر والاخرون
وفتحت لها جميع الابواب
دخلت من هنا وهناك
علمت انها لم ولن تصل الى حجرته الخاصه ولكن كفاها راحتها في داره من تعب السنوات
دخلت واستراحت وهدأت ...وتكلمت ....وبكت على ماض من عمرها لم تكن تعرفه فيه
اخذ كلامها بعطفه المنشود ....اراحها بنظراته من دموع قد تحكم عليها بالموت
جفف هذه الدموع .......وهم يمسحها ولكن ....................يأتى الصراخ
صراخ من غرفته .........أين أنت يا حبيبي ولم فتحت بابك لاخرى؟؟؟؟؟ ومالك تحن عليها وتمسح دموعها هكذا ؟؟؟؟؟
غضبت وتزاحمت الافكار لديها .......ما هذا الصوت الذى يقول لمن تعشقه كلمه ودت ان تقولها هى
عرفت انها الاخرى .....والاخرى عرفت انها الاخرى ايضا
كل منهما كانت بمثابه الاخرى
همت بالرحيل تاركه الدار لصاحبته ولكن صاحب الدار يناجيها.......لا ترحلى ...اجلسي ......عندى ما يقال
جلست ايام وايام
ترى من تحب مع من احب
حياه متقلبه بين دموع وضحكات عاليه
ولانها بشر وليست بالملاك ......لم تفرح لهذه الضحكات ولكنها لم تتمنى ابدا ان تموت هذه الضحكه
من احب لا يتمنى لحبيبه الشقاء
جلست في اخر الدار تنتظر رجوع البطل كل ليله ....يتحدث معها ...يضحك يوما....يبكي يوما
ويشكي ايام
كانت تسمعه بروحها .....ولم يرى ابدا دموعها التى كادت تخنقها
ياتى كل صباح ....وهو مع الاخرى وياتى المساء ليصرح لها باحداث يومه فقط
ادركت انها لن تستطيع البقاء ولا بد لها من الانسحاب
كرامتها الذ لنفسها من حبها عدد الرمال واوراق الشجر
الان يحتدم الفراق
اخذت قرارها ورتبت حالها ولملمت حاجاتها وهمت بالرحيل...... ولكنها تعلم انه لا بد من ان تخبرصاحب الدار بقرارها
وصل صاحب الدار يضحك معها كعادته فاذا بها تعنفه .....فيالطفها ....فتكتم غيظها ....وتحبس دموعها
وتقول في نفسها ..لابد ان اقوى ...ماذا سيحدث ....أيغضب ويطردنى ؟؟؟؟؟؟؟
وما الفرق وهى اخذت قرارها بالرحيل
ظل يلاطفها ويداعبها...... اما كضيفه ....... واما تعودعليها ........ واما صديقه
ايا كان المسمي ولكن الاكيد انه لم يكن يود ان يخسرها او يطردها من داره
ولكنها قسوت على نفسها قبل ان تقسو عليه وزادت في اهانته ....الى ان نفذ صبره وقام بطردها
عنفها ودفعها الى الباب ورماها .....واغلق الباب
وقفت ثوانى لم تستوعب الموقف ؟
ماذا حدث؟
ماذا قلت له؟
ماذا حدث؟
ماذا قلت له؟
ماذا قال لى؟
لما انا هنا الان؟
لما اوسد الباب؟
جريت مهروله الى بابه الاخر لتطرقه فوجدته سبقها بغلقه في وجهها
لما انا هنا الان؟
لما اوسد الباب؟
جريت مهروله الى بابه الاخر لتطرقه فوجدته سبقها بغلقه في وجهها
جريت على اخر ...اغلق
ياه مصيبتاه
تبكي .......وتصرخ
افتح بابك من جديد
انا احبك بالله عليك لا تتركنى
جريت ......وجريت ......تمسح عرقها الذى امتزج بدموعها
ما هذا الشعور الذى انتابها وقتها؟؟؟؟
انا وحيد
انا وحيد
انا مطروده
حبيبي الذى احببته بكل ما املك يطردنى؟
حبيبي الذى تحملت حبه للاخرى يطردنى؟
حبيبي الذى تحملت حبه للاخرى يطردنى؟
لتجد اخيرا بابا لم يغلقه في وجهها
وقفت امام الباب تبكي وتعتذر
كيف هانت عليه وكيف تركها وحدها بعد تعب السنوات؟
سمع لها وسمعت له........ عاتبته وعاتبها
سمع لها وسمعت له........ عاتبته وعاتبها
سامحته من قبل العمر بعمر............ وسامحها حين طرقت بابه منكسره
ولكن السؤال
لم هذا الانكسار ؟؟؟؟؟؟؟؟؟
ولم جريت على بابه المغلق بعد ان قررت اغلاق بابها اولا ؟
ولم سامحها؟
والاهم الى متى ستظل ضيفه في داره
ولم سامحها؟
والاهم الى متى ستظل ضيفه في داره
الى متى ستظل خارج حجرته ؟؟؟؟؟؟
هل ستدخلها يوما؟؟؟؟؟؟؟ ام ستطرد من آخر الدار مره اخرى؟؟؟؟؟
غروب...saso
هل ستدخلها يوما؟؟؟؟؟؟؟ ام ستطرد من آخر الدار مره اخرى؟؟؟؟؟
الاشتراك في:
تعليقات الرسالة (Atom)
34 التعليقات:
لأ
كده أنا تهت خالص ..
ثواني أقرا تاني
ماسى ماسى
تانى تعليق
أوك ..
أول سؤال : لم الإنكسار ؟
لإن اللي بيحب لازم يدوق الإنكسار ده من ألف باء الحب ..
تاني سؤال : ولم جريت على بابه المغلق بعد ان قررت اغلاق بابها اولا ؟
ده إسمه تردد وده ناتج من جنون الحب أو موش ناتج لأ هوه من أعراض الجنون في الحب ..
أو ممكن تقولي إنها لما قررت تقفل بابها في الأول كانت بس عاوزة تتقل عليه موش أكتر ..
بس اللي أنا حاسه هو إنها حبته جداً وخافت من حبه يدمرها فحاولت تبعد ولما بعدت حست بالضياع والتوهان وفقدان الأمان .. فقالت ترجع حتى لو خان ..
بس اكيد موش أي حد أكيد كان ساحر شوية .. أكيد قدر يشدها .. أكيد عارف نقاط ضعفها ..
تالت سؤال : لم سامحها ؟
ممكن يكون بيحبها .. أو ممكن يكون بيستغلها .. أو ممكن يكون بيشفق عليها وموش عاوز يجرحها .. أو ممكن يكون سامحها عشان تسامحه على خيانته "يعني واحدة قصاد واحدة" ..
بس الأكيد إنها هي اللي تعرف تجاوب عالسؤال ده .. إبقي إسأليها ..
السؤال الرابع : إلى متى ستظل ضيفة في داره ؟
إلى أن يرث الله الأرض ومن عليها ..
لا .. بجد .. طول ماهي بتحبه أو بمعنى أوضح طول ماهي لعبة في إيده ..
السؤال الخامس : "هو يعتبر تلات أسئلة في بعض" : الى متى ستظل خارج حجرته ؟؟؟؟؟؟
هل ستدخلها يوما؟؟؟؟؟؟؟ ام ستطرد من آخر الدار مره اخرى؟؟؟؟؟
هي حتفضل بره الغرفة لحد مايزهق من الأخرى ويجي عليها الدور ويدخلها ..
ولما يزهق منها يطردها من الغرفة "موش من البيت" ويدخل الأخرى وهكذا .. أصل موش من مصلحته يطرها بره البيت خالص ..
أصل أوقات بيقولوا اللي يلاقي العبيط وما يستعبطوش يبقى حرام عليه ..
أنا طبعا موش مع لكلام ده .. بس اللي أقصده إنه بيحصل كتير في الحب ..
هو شايفها متعلقة بيه .. خلاص يستغل التعلق ده بأكبر شكل ممكن ..
موضوع التعلق المرضي بشخص ما او بالحبيب تحديداً إسمه "الإعتمادية" ودي حاجة مدمرة تماماً لأنها أوقات بتوصل لتهميش شخصية الفرد وتلاشيها أمام شخصية المحبوب ..
..........
آخر حاجة ممكن أقولها :
الحب كده ..
لية ما جربتيش يا ساسو تكتبي قصة!!!!!
كانت الفكرة دي هاتكون رائعة في قصة عنها في خاطرة
ولا انكر اني اعجبت بالخاطرة بس القصة كان مذاقها هايكون مختلف
كنت مشغلة اصالة ع الهيد فون و بتصفح المدونات و مدونتك و لما دخلت في الغويط في البوست لاقيتني بشيل السماعة من علي وداني عشان اركز و افنجل عنيا هههههههههههه
عجبتني الفكرة
بس هل في واحدة تحتمل انها تكون الثانية او انها تكون في الظل !!!!
حتي لو الحب كبير و لو هو بالنسبة لها الرجل الاول و الاخير لازم في اللحظة دي القلب يقف و العقل هو اللي يقيم العلاقة و متهايقلي علاقة اخيرها عذاب و وجع و فشل
ما عتقدش اني اقدر اكون مكان البطلة او اني احب شخص زي البطل و الله اعلم او حتي اكون الطرف الثالث
تحياتي
لالالالالالالالالا
يا ناس كده الموضوع اتفهم غلط خاااااااااالص
استنوا بقه لما ارد واحد واحد
حب يعنى يعنى
عشق يعنى يعنى
غرام يعنى يعنى
هيام يعنى يعنى
التقاء يعنى
فراق يعنى يعنى
انكسار يعنى يعنى
اوكيه
حين اغلقت الابواب
لم ادرى من انا
عشقك ام حبك
روحك ام المك
سكنك ام همك
قربك ام بعدك
فرحك ام حزنك
ربيعك ام خريفك
شتاءك ام صيفك
ولكنى الان خارج الابواب
هذا هو اناااااااااا
انا حواء مهما كان طريقى
ستكون هناك لى
انا الام
انا الاخت
انا الصديق
انا الحبيب
انا العشيق
انا ضمتك فى الظلماء
انا احضانك وقت البكاء
انا روحك وقت الالتقاء
انا طفلتك وقت المساء
انا كل شيىء
وسترانى اينما كنت
انااااااااااا
حوووووووووووواء
جميله يا جميل
هى محيره شويه
بس ليها وقع درامى لذيذ
تقبلى كل التحية
عمر:
انت فهمت الموضوع غلط خااااالص
لو لاحظت انا مذكرتش ابدااااااا اى نوع من الخيانه
البطل مش خاين
لم اذكر ابداااااااااا ان البطل قال للبطله كلمه حب
بالعكس انا ذكرت ف الاول خاااااالص ان هى اللى صارحته بالحب ولم تكن تعرف وقتها انها سوف تكون ضيفه
ولكنها حينما تاكدت من وجود انثي في الدار علمت بانها الضيفه التى بما لا يرغب فيها من قبل صاحبه الدار
الظلم الواقع على البطله ليس من البطل
وهذا هو الذى دعاااانى لكتابه الخاطره
والتساؤلات ليست موجهه للبطل
وليست ناتجه عن خيانه او جرح؟؟؟؟؟؟؟
انما نتجت عن لحظه اغلقت فيها الابواب
من شخص لم يصرح لها بحب
ربما يكون يحبها كما قلت انت وربما لالالالالا
ولكن في كلا الحالتين انا قلت ان البطل لم يكن يرديد ابدااااا طردها
وهنا اتى سؤالى لماذا؟؟؟؟؟؟؟؟؟؟؟؟؟
اتمنى فكرتى توصل بجد
لانى كده هنتحر ههههههه
الفكره اتفهمت بالمتشقلوب ( لغه المنصوره) ههههههه
منتظره ردك
شهد :
حبيبتى منوره
اولا مفكرتش اكتب قصه لانى ادرك تماما اننى لا اهتم بقواعد واشذ عن المالوف كثيرا
وانا مش حمل نقد
يعنى لو قلت انا باكتب قصه وحاولت فيها هيكون مجرد ادعاء باطل لن اقدر على تحمل نقده او عواقبه
دى اول نقطه
ثانيا:
قوليل بقه كنتى بتسمعى اغنيه ايه وقتها لاصاله ؟؟؟؟؟؟؟؟؟؟؟؟؟؟
ثالثا:
برضه يا جوجو الفكره وصلتك نص نص
البطله يا ناس ليييييييييست تلعب هنا دور تانى
لان لا يوجد بينها وبين البطل قصه حب متبادل
هى دخلت كضيفه ولكنها احبته ولم تكن تدرك انا هناك ملكه لهذا العش
وحينما علمت بذلك حاولت الابتعاد
وبالفعل اخذت قرارها ولكن البطل لم يسمح لها بذلك
هنا بقه مربط الفرس والاسءله الكتير
ليييييه؟
فهمانى؟؟؟؟؟؟؟؟؟
ابو على :
يمكن انت الوحيد دلوقتى اللى يمكن فهمت الفكره شويه
ايوه هى فعلا حواء
ولكن هل هى هنا حواء الصديقه
حواء الحبيبه
حواء الطيبه؟
حواء الخبيثه؟
اى حواء ؟؟؟؟؟؟؟؟؟؟؟
بما انى فهمت زى الكل يبقى احاول ارد على تعليقاتك اللى انا فهمت من خلالها الخاطره صح و الله أعلم
الموضوع مجمله ان البطله حبت البطل و هى لا تعلم بوجود انسانه فى حياته
و لما عرفت بوجودها حاولت الابتعاد هنا بنقول حاولت مش قررت
لانها رغم رغبتها فى الابتعاد فهى من داخلها تريد البقاء
و هنا شعور الانانيه هو اللى كان مسيطر على البطله لانها بتحب البطل
هى عشان تريح ضميرها حاولت تبعد لكن هى فى الاساس ماكنش عندها النيه و ده بان فى اخر الخاطرة
اما سؤالك ليه البطل لم يسمح لها بذلك
ممكن نقول بردو انانيه من البطل او حب تملك لكن اكيد مش حب لانك قولتى فى بدايه الخاطره ان فى انسانه فى حياته بيحبها
سؤالك البطله اى نوع من انواع حواء
مش هاقول الصديقه لان الصديقه دائما تحب لأصدقائها الخير ..و كما ذكرتى ان حبيبة البطل الحقيقيه رفضت وجود البطله
يعنى رجوعها للبطل ممكن يسبب انفصاله عن حبه .. حتى لو هو اللى متمسك بالصديقه
من واجب الصديق النصح لكن الواضح من خاطرتك ان كل واحد فكر فى ذاته فقط مش فى الاخر
ماظنش بردو الحبيبه لان المعروف ان اللى بيحب بيحب الخير لحبيبه و هنا بردو دخولها يعنى احتمال انفصالهم عن بعض يبقى كده مافيش خير
احترت فى الطيبه و الخبيثه لان للأسف من الصعب التفرقه بينهم لان الاتنين نفس التصرفات الا القليل هو اللى بيظهر النوع بالظبط
يعنى هنا البطله واقعه مابين حواء الطيبه و حواء الخبيثه
و طبعا لانك اللى كاتبه الخاطره يبقى اكتر واحده ممكن تحدد بالظبط اى منهم
القصه واضح فيها الانانيه لأبعد الحدود من قبل البطل و البطله
و بعد التحليل اللى انا عملته و الرد الطويل ده متهيألى هاتقوليلى امشى اطلعى بره المدونه هههههههههههههههههه
خاطره رغم ان فيها بعض الظلم لكنها واقعيه و جميله
تقبلى زيارتى الاولى و ليست الاخير ان شاء الله
ورده الصباح
لالالالالا متخافيشمش هقولك اطلعى برا ولا حاجه
د انتى تنورى ف اى وقت
كمان تشربي ايه؟؟؟؟؟؟؟؟؟
نيجي بقه للتعليق:
بصي يا ستى
اولا كلامك الى حد كبير يوحى انك فهمتى القصه صح اوووووى
لكن انتى ظلمتى البطل والبطله جامد
وكلامى ده له احتمالين :
اما اننى بدافع عنهم لانهم ابطالي وانا اللى صنعتهم فلالالالازم احبهم وادافع عنهم
واما ان كلامك صح اوى فسبب وجع ليه بدافع برضه حبي للشخصيات
مساله ان البطله مش صديقه لانها مش بتحب الخير للبطل لانه مرتبط فدى شئ مستبعد والا مكنتش غصبت على نفسها انها تقوله كلام ممكن يخليه يطردها وده اللى حصل
انا قلت البطله كانت حابسه دموعها وهى بتعنف البطل
معنى كده ان ظهر معنى التضحيه لما عرفت بوجود ملكه للدار
ثانيا كونها ليست حبيبه دى نقطه مفقوده لان البطل لم يصرح بها ابدا خلال القصه
مساله وقوع البطله بين الطيبه والخبث
دى بقه هنسيبها للزمن وهنسيبها لباقي التعليقات هنشوف رأيهم ايه ونكمل كلامنا معاهم
نورتينى يا قمر ف اول زياره وياريت متكنش الاخيره
saso
حرام عليكى . بصى كل كلمة انتى كتبتيها انا عشتها . كل احساس وصفتيه انا حسيت بيه . مش هنكر انا حسيت قوى بالموقف ده وعارفة يعنى ايه تحبى شخص بكل كيانك وهو ملك لأنسانة تانية . عذاب ما بعده عذاب . كأنك وصفتى حالتى . لكن مع الفرق انى عمرى حتى ما فكرت اصارحه بحبى ولا حتى حولت احاصر قلبه بحبى ليه . عشان الانسانة التنية اللى يمكن تكون بتحبه اكتر منى . مع ان مستحيل يكون فى حد بيحبه اكتر منى ولا بيخاف عليه زى . بصراحة يا استاذة انا كنت بحاول افتكر . اصلى معرفتش انى انسى
تحيـــــاتى على احلى وصف لأقرب موقف لية . بهنيكى على كل كلمة
ده احساس الهجر وبعديه يعقبه الشعور الجاف للطلاق
.....
طائر الليل الحزين
ايه يا بنتى الصدف دى؟
كل م انتى تكتبي حاجه انا باكون عيشاها وتصحى فيه مشاعر ما والعكس كمان
اوعى نطلع ف الاخر نعرف بعض
هههههههههه
سيبي يا حبيبتى كل شئ لله
محاسن صابر:
ازيك يا قمر
بس طلاق مين تقصدى
هل هيطلق ساكنه القصر ولا الضيفه ؟؟؟؟؟؟؟
عزيزتى ساسو
اشف على تلك المراه التى كانت فى صراع بين قلبها وعقلها الى ان هداها عقلها لهذا الموقف الذى صنعته ولكن سرعان ما خفق قلبها من جديد وعرفت انه يحبها وانها لاغنى عنه حتى ولو تزوج الفا غيرها فهو قلبها وهى قلبه
فيلزم عزيزتى التضحيه فى الحب ان يحب كل الاخر وان يضحى من اجله لاسعاده حتى لو كانت تلك السعاده على حساب قلبها
ههههههههههههههه
دانا طلعت غبي أوي
ههههههههه
بس تصدقي يبقى أحسن لو فيها خيانة
يعني .. يبقى فيه أكشن
:)
خلاص المرة الجاية إكتبي قصة فيها خيانة
عايزين تشويق
ناس مجروحة
ناس بتنتحر
قتل
حجات من دي
صحيح ..
المنصورة بجد من أجمل المدن اللي روحتها
قعدت إسبوع فيها في مارشال عالنيل
منظر جميل وموقعها حلو
و شوارعها حلوة
وبناتها حلوة
موش بعاكس والله
هههههههههه
بس دي الحقيقة
لا بجد أهل المنصورة ناس ذوق
وفيه واحد بتاع جمبري عندكم أكله حلو موش فاكر إسمه جلفانو أو جندوفلي حاجة زي كده بس مشهور
كمان مستوى الموضة متقدم في المنصورة
شبابها شيك
فيه إيه تاني !!!!!!!!!
أه إشارات المرور الجديدة حلوة برضه
نظامها جديد
تعتبر من أحدث الانظمة على مستوى الجمهورية
حقيقي موش بأهرج
فيه واحد بقى بتاع بيتزا بس موش فاكر إسمه برضه كان ورا مبنى المحافظة تقريباً كان أكله جميل برضه
كمان فتحو عندكم فرع ل"مترو" ..
لا بلدكو نضيفة بجد
أمال زلعة إيه بقى !!
معلش خرجت عن الموضوع ..
كنا بنتكلم في إيه !!
اااه
لا بس البوست جامد
معلش هيست
سلام
كلمات المبدعه دائما ...
احييك بشدة على ما خطه قلمك .. واسلوبك الادبى الرائع بحق
وقفت كثيرا اما تلك الاقصوصة التى رويت على احساسك الذى عاشها مع كل جرة قلم
الحب فن وربما عند الاخرين اصطناع ..
الحب ربما هو ان نحب ان نعيش الادوار كل حسب تسلسل المشاهد .. الحب واقع خيالى :)
دعينا الان نتشارك الحروف
لم هذا الانكسار ؟؟؟؟؟؟؟؟؟
سيدتى الجميلة ... اى انكسار .. ان احببنا ذهبت كل التعريفات البشرية وتبقت تعريقات وقوانين الحب فقط لتحكم .. الانكسار لنا نحن من نقرا ونشاهد .. احساسنا بالانسكار لها هو اننا خارج تلك اللعبه تماما ..
الانكسار هو مفهوم لا يعترف به الحب ... فانه غريزته الاولى فى اعلان الحرب بالعذاب
هى شعرت انه هو العالم وهذا ما ذكرتى .. فالانكسار فى البعد عنه
ولم جريت على بابه المغلق بعد ان قررت اغلاق بابها اولا ؟
جريت على بابه .. تقصدين باب الحب الابدي ... قولى لى اى انثى تستطيع ان تغلق الباب فى وجه عالمها الذى تكونت منه .. لن نتفوه ونقول هناك العديد من الاقوياء ولكن اسمحى لى كل القصص وكل الاحبار التى نقشت .. نقشت ان اعلان الاغلاق هو اعلان عن انتهاء حياة بكل الصور
ولم سامحها؟
يبدو ان آدم هنا هو من محبى الامتلاك هو من يقسو ممتلكا احاسيس تسمى العاطفة .. فانه يعلم جيدا كيف يتحكم فى ادواته .. ولكنه بالفعل ليس آدم ... كيف لآدم ان يخسر حب امراة اخرى وامتلاك أخر .. ففيها تسكن بعض ذكرياته التى يحيا بها عندما ينظر بعينيها
والاهم الى متى ستظل ضيفه في داره
انها ليست بضيفة سيدتى الجميلة .. انها احد الاركان فى ذلك المنزل .. فانه اعلن ثورانه من خلف ضهره .. ليعلن لها انه مستعد انه يستطيع التخلى عنها .. ولكن داخله تلك ليست الحقيقة .. فلا يوجد اخرى كى تعوضه ما اخذت هى منه .. اذن الاجابه معروفة
الى متى ستظل خارج حجرته ؟؟؟؟؟؟
ستظل خارجها الا ان تقبل ان تكتشف انها وبحق انثى ولها ادوات اخرى .. فكل شىء يتعلق بها هى فلما الانتظار وهى تحمل داخلها ما لا تعرفه .. لابد لها ان تقرا من هى ...
هل ستدخلها يوما؟؟؟؟؟؟؟ ام ستطرد من آخر الدار مره اخرى؟؟؟؟؟
سيدتى الانوثه طاغيه ... والضعف يضعف الانوثه .. وبطلتنا ضعيفه .. ستظل هكذا حواء الى ان تكتشف من هى .. وماذا يجب ان تفعل ؟؟ الحياة صرخات .. كل ما علينا هو ان نصرخ الصرخة المناسبه بالطريقة المناسبة .. الحياة جنون .. نحتاج لبعض من الجنون لاجل تحقيق رجولتنا او انوثتنا
دمتى بكل حب وعطاء كلمات
لكى منى احلى وردة :)
...فقد كانت تتوقع الغدر من قدرها الاحمق في اى لحظه
----------------
س حبيت اقول انه حرام نسب القدر ولا الدهر لان ربنا قال في حديث قدسي فيما معناه
لا تسبو الدهر فانا الدهر
معلومه بس مش اكتر
ساسو بصراحه انا تهت اوي وانا بقراها وبعدين قريت التعليقات فهمت شويه :):)
بس هو ذنبها هي وهي الليتستاهل
محدش بيرمي نفسه في النار وبعدين يعيط انه اتلسع!
كانت قدر اوي تنسحب بشرف بدل الكسره دي...
مجرد رأ]
محستش معاها بتعاطف معرفش ليه
بس انا عارفه قلبي جامد شويه :))
تحياتي
باختصار يا سيدتي .. هذه ملهاة
ملهاة إغريقية .. توجع الفؤاد و تمحو بقايا ما قد ثبت من العقل
هي مدينة غير مأهولة .. هجرها كل سكانها و باتت تفوح منها رائحة الخواء
جارية في قصر الملكة !!! لم تقبل أن تبقى جارية ؟ أهو الحب ؟؟
هل وقفت خلف الباب .. تسترق السمع ؟؟ !!
هل زاغت عيناها و اختلست نظرة .. من ثقب خيانة ؟؟ !!
هل همزت أو لمزت جارية القصر مليكتها ؟؟ !!
يرغبن و يتمنعن .. هل حقا كانت صادقة أن تغلق باب حجيرتها ؟؟
و لم فتحته ؟
لم صرخت كالمجنونة تجري .. تطرق كل الأبواب .. أن يفتحها .. و تعود جويرية القصر ؟؟ !!!
لم نسمع نبسا أو همسا لمليكة ذاك القصر
هل كانت نائمة ؟ لا تدري أن جويرتها همت أن تغلق أبوابا !!
أم ان جويرية الحب التزمت صمتا تنتظر سقوط قلاع ؟؟ !!
هل هتف الساحر يخبرها أن الملكة .. قتلت طفليها و انتحرت ؟؟ !!
و انتظرت حتى تخطو في تؤدة نحو العرش ؟
الملك جريييييييح .. طريح فراش
قد أمر بهدم القلعة
و بيع جواري القصر
بعد وفاة الملكة
رومانسي
اهلا بيك
موقفك تجاه البطله يشعرنى بالقلق اكثر مما يشعرنى بالفرحه
لا ادعى ان اشفاقك عليهالا يفرحنى فهى بطلتى من صنعى
ولكن اى تضحيه تقصد؟؟؟؟؟؟؟؟؟؟
هى ليست في حيره بين قلبها وعقلها فالاثنان في اتجاه واحد
ولكن الموقف يحتم عليها الوقوف
نورتنى واسعدنى ردك
عمر:
قصص الخيانه ماليه الدنيا
كفايه بقه خيانه واكشن خلينا نغير
اشكرك على كلامك على المنصوره
البحث عن شئ جنونى
اشكرك على المقدمه الجميله اولا
ثانيا:
قلت ان الانكسار لا يعرفه الحب
اختلف معك سيدي فاعلى انواع النكسار يكون الحب
انكسار اذا خان احد الطرفين
انكسار عند فقدان احد الطرفين حتى ولو بسبب خارج عن الاراده وهكذا
هنا ياتى الانكسار
بالنسبه لجاباتك على الاسئله عجبتنى جدااااااااااااا بجد
نورتنى
بنت الماضي:
ايمي طبعا اتناقشنا سوى فى اختلاف الدهر عن القدر ووصلنا لنتيجه كويسه
فما علينا من النقطه دى
رغم ان احساسك بالبطله فيه شويه قسوه الا انى احترم رايك وعدم تعاطفك معاها
اسطي في زمن البلي:
اهلا يا بشمهندس محمود
اولا البطله لم تذكر ابدا بكلمه الجاريه فلا يوجد لدى اى ابطال جوارى
زمن الجوارى انتهى اساسا
ثانيا هى قبلت ان تكون ضيفه لانها احست ان البطل تقبل وجودها كبطله وكم هى حاولت الانسحاب ولكنه يصر على بقاءها ولك ان تساله
ثالثا: نعم وقفت خلف الباب تسترق السمع
ولكن سرقه شرعيه
سرقت بعض الكلمات وحاولت الاصلاح ببعض اخرى من اجل ضميرها اولا
لم تقف تنتظر دمعه
قلت في القصه انها سمعت كثيرا ما بين دموع وضحكات عاليه ورغم جرحها من ضحكات عاليه الا انها لم تتمنى ابدا موت هذه الضحكات
مساله اختلاس بعض النظرات من ثقب الخيانه
البطل كفيل بالرد عليها
اذا كانت نظرت من هذا الثقب يوما كانت وصلت الى غرفته يوما اما عن طريق شرعي واما عن طريق ملتوى
ولكنها لم تحب الخيانه ولم اذكر في القصه اى باب للخيانه
لا من البطل ولا من البطله ولا من الملكه
الكل في دائره مغلقه ليس لها اى ثقوب
تقول هل همزت او لمزت الجاريه المكله
اتفقنا على عدم تسميتها بالجاريه
فالضيفه في البدايه لم تكن تعلم بوجود الملكه فكان البطل يخفي سر وجودها في قصره
وتميزت الملكه في هذه الفتره بالهدوء فلم تسمع لها ضيفه همسا في القصر
ولكن لك ان ترى موقف الضيفه بعد علمها بوجود الملكه
كانت صادقه كل الصدق في اغلاق الباب
ولكن القصه كتبت حينما اغلق الابواب
قد كانت لا تدرى ماذا ستكون حالتها عندما ترحل فاذا بها لا ترحل لالالالالالالالا انها تطرد
انه شعور مختلف جعلها تجن ...تجرى وتبكي وتصرخ انها بشر يا اخى
ظلمت الضيفه ظلما كبيررررررررررررررررا حينما قلت بانها كانت تنتظر سقوط القلاع
كم حاولت البطله الحفاظ على هذه القلعه ولكن بالاحتفاظ بحجيرتها بها
كفاها ظلم بالله عليك فهى لم تحاول ابدا اسقاط الملكه ولا اخذ مكناها ولا كانت تنتظر موت الطفلين فقد كانت اول من بكى عليهن
واول من واسى البطل فكما قلت انه كان ياتى اليها كل مساء يتحدث معها ويبوح باسراره
تقول ان الملك جريح؟؟؟؟؟؟؟؟؟؟؟
هدم القصر؟؟؟؟؟؟؟؟؟؟؟؟؟؟؟؟؟؟
ماتت الملكه
هل انت اعلم بالنهايه من خالقها ؟؟؟؟؟؟؟؟؟؟؟؟؟؟؟؟؟؟؟؟؟؟
اما بالنسبه لقراره ببيع الجوارى فهى ليست جاريه ولن تباع في سوق الجوارى
واذا انهدم القصر فأين سيكون لها الرواح؟؟؟؟؟؟؟؟؟؟؟؟؟؟؟؟؟؟؟؟؟؟؟
نورتنى ولو عندك تعليق اسمعه ؟
ايتها الرقيقه كلمات
وجدت نقشتى ان اعلى انواع الانكسار هو الحب ...
وبعدها ذكرتى الاسباب وهى الخيانه او فقد احدهما ... فابتسمت بعمق
ما علاقة الحب بالخيانة ايتها الرقيقة وما علاقة ان نخسر احد الطرفين ..
الحب موضوع مختلف تماما عن الخيانه والفقدان
فالحب لا يعترف بخيانه ولا يعترف بفقدان
فنحن من صنع تلك القوانين واسميناها فيما بعد انكسار ... الحب قوة عندما نحب بعمق .. فاى مجال لكلمة تدعى انكسار حتى لو بفقد احدهم
الحب الحقيقى يدوم دون انكسار
وفى كتابى الاول .. تلك الجملة .. ما تعطيه من احاسيس هو ملك لك وحدك
جميل ان نتناقش عن ذلك الاحساس العجيب :) وجميل ان تكونين هنا بين السطور تدافعين بقوة عن ارائك .. اعجبتنى بشدة المداخله ...
لك منى :)
بصراحة يا ساسو قريت البوست أكتر من مرة
عارفة لما تحسى أن قلبك وجعك اوى لحالها دا
عارفة لما تحسى انك بتحبى انسان اوى اوى وفجاة تكتشفى انك بتحبى وهم او حتى سراب
انك عايشة فى عالم ودنيا مستحيل تعيشها على ارض الواقع
بس العلاقة دى فيها أنانية واضحة اوى من الرجل فين حقها عليه ؟؟هى مجرد صديقة وقت الضيق كانها بلسم لجروحه والمه ؟؟ ليه مش حاسس بنارها وجرحها ؟؟ ليه عاوزة دايما جنبه ومعاه رغم انه حاسس بانكسارها وجرحها ؟؟ العلاقة كدا انانية اوى
أمطلوب منها ان تضحى هى فقط بان تظل بجواره وتبقى فى الظل وهو لا يقوى حتى على ان يدخلها حجرته و هو يعلم انها تحبها ؟؟ عارفة فكرة لا بحبك ولا بكرهك بس مش اقدر على بعدك هو البطل هنا كدا
مش عارفة حاسة انى تحاملت عليهم شوية وجايز على البطل اكتر
بس اللى بيحب بجد مش يحب انه يهدم سعادته حبيبه حتى لو كان دا على حساب نفسه يعنى اعتقد انه تلملم جراحها وتنسحب من حياته لان وجوده فى حياته هلاك لها وله
نصيحة لا ترضى الا بادور البطولة مهما طال الانتظار
تحياتى
يويو
البحث عن انا شئ جنونى:
سعيده جدا لمدماخلتك مره اخرى والمناقشه الجميله دفاعا عن الاراء بموضوعيه وبمنتهى الرقي والاحترام على عكس ما اراه هذه الايامفي بعض المدونات
ثانيا :
انا اسمي المعروف للجميع لو حضرتك اخدت بالك هتلاقيه ساسو وليس كلمات
وهذا مجرد توضيح من اجل صداقه دائمه باذن الله
ناتى بقه للتلعليق :
عزيزى لو ابتعدنا عن نقطه الفراق او الخيانه خااااااااااالص
واتينا لنقطه الحب بشده وبعمق كمل قلت فهل لا ترى اى انكسار ايضا ؟؟؟؟؟؟؟؟؟؟
اذا كانت اجابتك لا فانا اقول بشده نعم
المراه مخلوق ضعيف بطبيعته وعندما يحب حقيقيا فانه ينكس ليس الانكسار الوحش يعنى هههههه لا بس الضعف الدائم امام الرجل
ويا سلام بقه لو الراجل ده شخصيه مسيطره اوشخصيه قياديه
وهى للحب العميق اللى حضرتك ببتكلم عنه هتنكسر دايما فى ارائها لانها بتحبه
فى شخصيتها لانها بتحبه
وهكذا
ارجو ان تون الفكره وصلت
بس توضيح اخير
ان ليس كل انواع الانكسار مكروهه
لا انكسار الحب الذى تكلمت عنه شئ مقبول والا لم تكن البطله ترضي به ....
نورتنى ولو عند حضرتك تعليق ياريت اسمعه
ساسو
يويو انتى عارفه مقدارك عندى بس اعذرينى لالالالالالالازم اقوم البس وانزل هرد عليكي برواقه بعد م ارجع
اول حاجة عاوزة اقولهالك يا ساسو ..
القدر ليس أحمق .. هذه الكلمة لا تجوز ..
فالله هو موزع الاقدار ..
حاجة تانية عاوزة اقولهالك يا ساسو ..
الحياة أقصر بكتير من أن نضيعها في انتظار شيء يشبه المعجزة ..
يجب عليها أن ترحل ..
أن ترحل فعلاً.. و أن تذهب إلى دار لها وحدها .. يأنس صاحبه بها .. و ينتظر منها إشارة الدخول و الإقامة ..
اما التطفل على بيوت الآخرين .. فهذا لا يليق بها .. و تستحق ما هو أفضل ..!
يويو:
الف سلامه عليكي يا قمر من وجع القلب
انتى شايفه البطل انانى وانا احترم رايك
واضح ان الاراء اختلفت جامد ف القصه
وده سبب ادعى لحذفها
نورتينى
قهوه بالفانيليا
كلمه القدر الاحمق جالى عليها اكتر من تعليق
وجاوبت عليهم تقريبا
ثانيا :
ترى انتى وجوب الرحيل
احترم رايك ايضا واشكرك على المداخله
نورتينى
عجبتنى مدونتك ال بتكلمى فيها عن الام فعلا هوا دا الموضع ال يستاهل نتكلم فية انا صحيح فقدت امى بس لسا احس بحبها وكم كنت اتمنى انها تكون معى فى هذة الايام
مرسى جدا ليك على المدونة الجميلة دى
وتقبلى مرورى
إرسال تعليق