السبت، 4 أكتوبر، 2008

كدبك أصبح مكشوف


كدبك وخلاص مكشوف

بكره هتعرف وتشـــوف

وتلف ف وسط ألــــــوف

على قلبي وتبكي عـــــليه

قلبك يبقي بيتمنى ..................لو فكرنى هقوله استنى

مهو برضه ماهوش معقول

نازل ف كلام عــــــــــلطول

اعمل نص مـــــــــا بتـــــقول

يــــــمكن ربـــنا يـــــــهــديك

مهو لا انا هاخرج م الجنه

ولا قلبي مــــــــــعاك اتهنى

ده فاكرنى هقوله استـــــنى ؟

قلبك يبـــــــــــقي بيـــتمنى

وكفايه أنا قلبي اتعلم ...................قبل م يختار يتأنى

28 التعليقات:

ماما أمولة يقول...

حلوة يا سارة

وكفايه أنا قلبي اتعلم ...................قبل م يختار يتأنى

كلامك صح المهم اننا نتعلم

منكررش الخطأ

ربنا يحفظك

saso يقول...

ازيك يا ماما

نورتينى والحمد لله اننا بنجاول نتعلم يا حبيبتى

طـــائر الليــــل الحـــــزين يقول...

هاى يا قمر
بجد حلوة قوى . واحلى ما فيها انك بتقوليله انك خلاص فهمتيه وكمان هتبطلى انك تبكى عليه عموما مفيش احسن من اننا نتعلم من تجاربنا
وانا بهنيكى على كلامك الجميل

ليكوريكا يقول...

جميله اوي

بحب الشغر الغنائي عموما

بس دي جديده والفكره برضو اوي لذيذه

كل سنه وانتي بخير

ليكوريكا

saso يقول...

طائر الليل الحزين:

نورتى يا قمر وطبعا اللى ميتعلمش من اخطائه يبقي ايه؟؟؟؟؟؟؟؟

هههههه

كل سنه وانتى طيبه يا قمر

وشكرا على متابعتك

saso يقول...

ليكوريا:

اهلا لايا قمر ف اول زياره ويارب مش تكون الاخيره

شكرا لرايك ف الفكره

وكل سنه وانتى طيبه

bluestar4 يقول...

أسلوب جميل وحلو اوي

البساطة في اختيار الكلمات

ومعنى عميق بجد جميلة جدااا


ربنا يسعدك حبيبتي ويكرمك

قلم رصاص يقول...

جميل جدا جدا ياساره

ههههههههههههه

ايه الاحساس العالي أوي ده
وايه الأفكار الجميلة دي

ويارب تبقى خير ان شاء الله

كل سنة وانتي طيبة وعيد سعيد عليكي

تقبلي مروري

ABOALI يقول...

ماشى يا ستى على الكدب اللى اصبح مكشوف
بس لو دورت انا هلاقى منك الوف
بيحبوا كدبى وصدقينى حبى ليكى مش مألوف
على العموم دى كانت تجربة
والمعمل لسه مفتوح
لو صارحتينى من الاول
يمكن الكدب مايكونش مكشوف
وكنت سعتها غطيته
بدل غطى واحد
لاء قولى الوف


تحياتى
جميلة كده وسريعة واحلى ما فيها انه كلام مكشوف

فارس بلا جواد يقول...

احساسك في الكتابة جيد بس ليا كام نصيحة يا ريت تتقبليهم مني
حاولي تسخدمي صور والفاظ أعمق و تبعدي شوية عن الصور والالفاظ المستهلكة لأن انا شايف ان موهبتك واضحة في الاوزان واسلوبك بيوصل للقلب بسرعة
الوزن كان جيد في البوست ده ماعدا بيت واحد كان تقيل شوية في ودني

قلبك يبقي بيتمنى ..................لو فكرنى هقوله استنى

اقترح تبقي
قلبك يبقي بيتمني
ويحلم لو أقوله استني

أو أي حاجه تانية تشوفيها انتي مناسبة بس تصلح الكسر اللي في الوزن

والله أنا مش باحب انقد كتير عشان ماحدش يزعل مني ويفتكر ان ده غرور مني .. بس بجد باحب تكون مشاركة القراء دايما فعالة مش مجرد رد زيارات وخلاص

بالتوفيق دايما ودمتي بكل الود

ahmed_k يقول...

الله ينور يا ساسو
كلام في الصميم بجد
كتير من الناس فاكره إنها بالحب فقط تملك وتتحكم
ولكنهم خاطئون فإن لم يقابل الحب بالعطاء
تاه الحب وسط زحام الهموم والعذاب


يسلم قلمك الذي خط تلك الكلمات

دمتي بكل خير

saso يقول...

بلو ستار :

اهلا يا قمر شكرا على زيارتك ورايك

واشكرك على الدعوه الغاليه



قلم رصاص:

اهلا ازيك يا استاذ سيد نورت البلوج واشكرك على متابعتك وكلامك الجميل وعيدك سعيد


ابو على :

ههههههههه اتاخرت انت المره دى هههه
عموما ملحوقه البوست الجاى
اشكرك على كلامك وكل سنه وانت طيب

saso يقول...

فارس بلا جواد:

هى دى المشاركات والا بلاش

بجد بجد والله مبسوطه اوى برايك ونصيحتك

وحضرتك مش اول واحد يعلق على نفس البيت وكانت النصيحه الاولى من اعز اصدقائي لكن بحكم ان البوست ليس جديد والكلمات مكتوبه من فتره وليها مناسبتها فكان ردى انها عزيزه عليه ومش هاقدر اغيرها رغم اقتناعى بسقوط الوزن

بس بجد اشكرك واحاول اغيرها

وكل سنه وانت بالف خير

saso يقول...

ahmed _k

اهلا يا استاذ احمد نورت والله وكلامك في الجووووووون

ناس بتعتقد ان الحب يساوى الامتلاك

لكن المفهوم ده لازم يتصحح

اشكرك على زيارتك وكلامك وكل سنه وانت بخير

yoyo يقول...

عجبتى اوى انك مش انجرحتى وخلاص لا كمان اتعلمتى


بكره هتعرف وتشـــوف


وتلف ف وسط ألــــــوف


على قلبي وتبكي عـــــليه



حلوة اوى روح الثقة والاعتزاز بالنفس دى

مهو لا انا هاخرج م الجنه


ولا قلبي مــــــــــعاك اتهنى


ده فاكرنى هقوله استـــــنى ؟


قلبك يبـــــــــــقي بيـــتمنى

الصحوة قبل فوات الاوان واستمرار العيش فى الاوهام والافاقة على واقع اليم

الانسان المخادع لا يستحق البكاء عليه ولكن الندم على اضاعة وقت فى حب انسان لا يستحق ولكن كل تجربة نتعلم منها ونحاول الا نتركها تعلم فينا ما يجرح ويصعب على الزمان اصلاحه

تحياتى
يويو

saso يقول...

يويو:
ازيك يا قمر وحشانى

جميل اوى كلامك وفعلا لازم نتعلم
....

نورتينى يا قمر واتمنى تيجي علطول

enjy يقول...

سلاااااااااامو عليكوا ايه الحلاوة دى؟؟؟ والله انت زى الفل وكلامك حلو وحلوة الحتة الاستنكارية اللى فى النص دى جامدة جدا.....
مين اللى هيحاسب على التاكسى؟؟؟

saso يقول...

انجي انتى جيتى؟؟؟؟؟؟؟؟؟؟؟؟؟

طب قولى حساب التاكسي بس كام وانا مش دفعاه

نورتى يا قمر

أمير البلانكو يقول...

عزيزتي saso

كلمات رائعه بجد

بس دعيني أهمس في أذنك صدقيني طول مأنتي بتحبي بجد وبأخلاص عمرك ماهاتتعلمي لان الحب الصادق بقي صعب أوي اليومين دول

بدعيلك ربنا يوفقك

وبأدعوكي لزياره مدونتي والرد علي السؤال اللي فيها

تحياتي ليكي

saso يقول...

امير:

اهلا بيك ازيك؟

نورتنى
بس عايزه اقولك ان لو تجربه حد فاشله ومكنتش مبنيه على اسس صح يبقي مش هتبكي عليها طول عمرك وهيجي اليوم اللى هتعرف فيه انك كنت اهبل لما بكيت

انا رحت رديت على سؤالك ويمكن هناك تلاقي الرد المطلوب

سلام

Son of Egypt يقول...

السلام عليكم ورحمة الله
اول زياره
عرفت انك من المنصوره قلت اجى ازورك

بصراحه كنت جى مجامله
لكن بعد اللى قريته انتى اللى تجاملينى وتقبلينى ضيف عليكى

تحياتى والى مزيد من الزيارات القادمه ان شاءالله ودمتى متألقه رائعه
nageh

☼♫♪ عمــاد الدين يــوسف ☼♫♪ يقول...

بجد هايله جدا جدا
انا بحترم الانسانه اللي تاخد قرار في حاله زي ديه مش تستكين وتسلم بالامر الواقع
تحياتي

تامر المصرى يقول...

احساسك جميل واى وربنا يوفقك وتسعدينا

saso يقول...

ناجح:

اهلا بيك وبكل اهل المنصوره

نورتنى ويشرفنى انك تزورنى دايما واشكرك على كلامك

سلام

saso يقول...

استاذ عماد الدين يوسف:

اهلا وسهلا بيك نورت واشكرك على رايك

وانا قريت وجهه نظرك عندك وليه تعليق

saso يقول...

تامر المصرى:

اهلا يا تامر نورت واشكرك على زيارتك الجميله وكلامك الجميل

الازهرى يقول...

عزيزتى ساسو

حياة طويلة ومليئة
ولكن الانسان لا يملك ان يمتلك كل شىء
فانا ايضا قمت باشياء ولم استطع القيام باخرى لاننى ولد

وهذا سنة الحياة


تحياتى

البرنامج الأذاعى انت تسال والكمبيوتر يجيب يدعو الجميع يقول...

ندعوكم للأشتراك فى برنامجنا الأذاعى وهو عن النت والمدونات ويذاع يوميا من الأذاعه الرئيسيه لمصر ...
كافة التفاصيل فى مدونتنا وموقعنا
المدونه
http://netonradio.blogspot.com
ويمكن الدخول للموقع من رابط بالمدونه
ويهمنا سماع آراءكم فى الأسئله المطروحه فى المدونه لأذاعتها
ويسعدنا ان نشير فى برنامجنا الى هذه المدونه
تحياتنا واطيب التمنيات

 

ما بعد الغروب © 2008. Design By: SkinCorner