الأربعاء، 17 سبتمبر 2008

لحظه غـــرام



قرب نعيش لحظه غرام........... غمض وهات ايديك اوام

ايــــــاك تفكر وقتـــــــها........... ف اللحظه دى التفكير حرام

سيب الكلام يحكى ف كلام من غير كلام

وقف سنيــــــــنك كلـــها............. قول للساعات مش وقتها

فرحه حياتى في حضن قلبك حســــــــــــها

ادخل معايا الجنـــــه نســـــــقي وردهـــــــا

نحفر سوا قصه خلود على أرضــــــــــــها

40 التعليقات:

Blue Nile يقول...

كلمات رقيقة وجميلة
تنفع اغنية بجد

عجبتني الحتة دي اوي
ايــــــاك تفكر وقتـــــــها........... ف اللحظه دى التفكير حرام

Unknown يقول...

بجد كلام حلو قوي وموزون ينفع يبقى أغنية بجد والله مش بتريأ يعني ده موزون وجميل قوي ماشاء الله
ربنا يوفقك

مهرة سالم يقول...

كلماتك رقيقه وموزونه...
..................
تقبلي مروري..
دمت بخير...

فراشة البساتين يقول...

ما اجملها من لحظة

تلك التى تاخذنا بعيدا عن عالم الواقع

اجدتى جدا فى التعبير عنها

لكى خالص تحياتى

SHAPE YOUR LIFE (ABOALI) يقول...

قربى منى نعيش لحظة عشق وغرام
نامى فى قلبى وتعالى اوام
نحلم نعشق ايام
وماتوقليش كلام
نبض قلوبنا
هايقول كل الكلام
ادخل معايافى بستانى
هناك هايكون عنوانى
وحقق هناك
اغلى الامانى
هتلاقينى مستنيه
وبقولك تعالا اوام



تحياتى لمن رفع معنوياتى

☼♫♪ عمــاد الدين يــوسف ☼♫♪ يقول...

بجد مبدعه
كلمات جميله اوي ومعبره جدا واكيد لازم يكون الواحد عايش الحاله ديه عشان يعرف يوصفها
تحياتي

دعاء مواجهات يقول...

جميله الكلمات

اتمنى التوفيق

تحياتى

(احمد سكر ) يقول...

فرحه حياتى في حضن قلبك حســــــــــــها

ادخل معايا الجنـــــه نســـــــقي وردهـــــــا

نحفر سوا قصه خلود على أرضــــــــــــها

جميل جدا احساسك

وتعبيرك وتشبيهلك

دمتى بكل الود

احمد

yoyo يقول...

كلماتك رائعة جدا وتشبيهاتك لها سحر جميل
الكلمات كانها اغنية ذات الحان بديعة

تقبلى مرورى فى اول زيارة لمدونتك وان شاء الله يدوم التواصل بينا و ميرسى لمرورك على مدونتى المتواضعة

دمت مبدعا
تــــحياتى
يويو

قلم رصاص يقول...

ماشاء الله

المره دي الكلام اجمل واجمل

بارك الله فكي

انتظر كل ماهو جديد من بين يديك

تقبلي تحياتي

Unknown يقول...

كلماتك كلها عذوبة
وجمال ورقة احاسيس
بجد سلمت اناملك
ووفقك الله

فارس بلا جواد يقول...

ايــــــاك تفكر وقتـــــــها........... ف اللحظه دى التفكير حرام

ايه الكلام الجامد ده
بجد كلماتك غير انها مظبوطة من حيث الوزن لكن كمان بتحمل معني جميل .. و ده يدل انك موهوبة فعلا
انا بصراحة بطلت اكتب عامي من زمن .. بس لما بالاقي حاجات حلوة كده زي اللي كاتبها بتفكرني بحلاوة الشعر العامي
تسلم ايدك
تحياتي

غروب يقول...

blue nile:

نورتنينى واول تعليق كمان انا المفروض امسك الخشب شكرا ليكي حبيبتى على مرورك وعلى رايك الجميل ....وعلى فكره اخر حاجه كتبتيها عجبتنى ولى تعليق عليها ابقي شوفيه

باى يا قمر

غروب يقول...

كاتب مصري:

ههههههههه انا مش بتهمك بالتريقه شكرا ليك على رايك الجميل وممكن بقه تشوف لي ملحن كويس بس انا قلت قبل كده اقل من وليد سعد او عمرو مصطفي نو وااااااااااى

شكرا ليك وكل سنه وانت طيب

غروب يقول...

fire bird:

عندك حق ما اجمل اللحظه البعيده عن دنيا الواقع المليئه بالاوجاع

شكرا ليك نورتنى

غروب يقول...

ابو على :

دايما بتحرجنا بكلامك الحلو.......

شكرا ليك على الاهتمام والمتابعه

نورتنى

غروب يقول...

استاذ : عماد الدين يوسف

ربنا يخليك على كلامك الجميل اخجلتم تواضعنا

زيارتك اسعدتنى جدااااااا

واضافتك لمدنتى شئ يشرفنى

شكرا جزيلا وربنا يوفقك

غروب يقول...

دعاء:

اشكرك يا حبيبتى على الزياره والتعليق

واتمنى ودام التواصل

باى يا قمر

غروب يقول...

احمد سكر:

ربنا يخليك نورتنى انتظر زيارتك والله دائما

مبسوطه ان الكلمات عجبتك

يارب دايما .

تامر المصرى يقول...

كلام جميل والمعانى اجمل بكتير

كلمك يحس بيه كل عاشق وحس بيه
مش عارف اقولك لان الكالم الجميل انتى كتبتيه فى الرساله ديه

غروب يقول...

yoyo:

شكرا يا قمر على كلامك والحمد لله انه عجبك

وان شاء الله يستمر الاتصال بيننا يا قمر

غروب يقول...

قلم رصاص:
اهلا اهلا بيك في مدونتك :

انت فين من زمان مش بنشوفك؟

اشكرك جدا على الاهتمام والمتابعه

رمضان كريم

غروب يقول...

نهر الحب:

شكرا ليكي يا قمر والله بجد انا بحبك في الله

وبنتظر زيارتك جدااااااااااااااااااااا

شكرا على الكلام الحلو والزياره الاحلى

غروب يقول...

فارس بلا جواد:

يا اهلا يا اهلا يا اهلا

نورت المدونه وصاحبه المدونه وكل اهل التدوين والله ههههههه

ربنا يخليك على كلامك ..وياريت ترج للعاميه تانى لان اى حاجه حضرتك هتكتبها هيبقي ليها طابع خاص جداااااا

غروب يقول...

استاذ تامر المصري:

شكرا جدا على الرد والزياره الحلوه والاهتمام..........

سعيده برايك وربنا يصلح حالك

سلام

blue-wave يقول...

حلوة اوى اوى اوى
دانا بقى ليا منافسين جامدين اهو:*))

غروب يقول...

دكتور عمرو:

منافسين ايه بس ايش جاب ل جاب هههه

لو حضرتك اعتبرتنى منافسه يبقي بتظلمنى

انا مش قد المنافسه دى

زياره جميله من شخص اجمل

engy يقول...

المدونه حلوه بجد عجبتنى اوى نهايه دون النهايه واقرب صاحب كل سنه وانت طيبه

غروب يقول...

ميرسي اوى يا انجى ويارب الجاى يعجبك

وكل سنه وانتى طيبه يا قمر

أمل حمدي يقول...

ازيك ياساسو

معلش اتاخرت في الرد

بس عارفاكي قلبك طيب ها تسامحيني

تسلم ايدك على كلامك الجميل

desert cat يقول...

اية العك دة
كل واحد شخبطلة شوية افتكر نفسة ادباتي
ارحمنا يا رب

غروب يقول...

ماما اموله :

وحشتينى اوى والله يا حبيبتى ايه سر الغياب؟؟؟؟؟ يارب خير

وطبعا يا حبيبتى كفايه بسس وجودك ف الصفحه ....( بووووووسه)

غروب يقول...

desert cat:

عايزه اعرف حضرتك انى ف ايدي امسح التعليق لكن انا باحترم كل وجهات النظر بس في نقد بيكون بطريقه لطيفه

طبعااا زى طريقه حضرتك

أمير البلانكو يقول...

saso

ازيك والله معلش انا أتاخرت في الرد غصب عني بجد أعذريني

وبعدين بقي معاكي كل ما أقرأ ليكي مدونه الاقي كل مره حاجه أحسن من اللي قبلها بجد بحييكي علي الابداع دا

علي فكره انا شكلي كدا ها أحسدك

ربنا يوفقك يارب

تحياتي ليكي

غروب يقول...

امير :

ازيك ايه الاخبار ..........مسمحاك على التاخير هههههههههههههه

بس متعملهاش تاتى

وبالنسبه للحسد ابقي امسك الخشب وانت بتقرا عندى ههههههههههههه

لا بجد حسد ايه بس ربنا يخليك

متشكره اوى يا امير على الاهتمام والمتابعه

سلام

مـجـنـووون يقول...

كلمات جميله ، وأحساس عالي

************
المشكله أن اللحظات الحلوه بتعدي بسرعه

ولما تيجي اللحظة الحلوه نحاول علي قد ما نقدر نستغلها

تقبلي مروري
مجنووون

غروب يقول...

مجنووووووون:

اعتبر الكلمات دى دعوه لكل واحد ان يقدر يخطف اللحظات دى مهماكانت الظروف احنا هنعيش مره واحده

شكرا على زيارتك وكلامك

سلام

goodman يقول...

دى تنفع اغنية
اهنيكى عليها
تقبلى مرورى

غروب يقول...

جود مان :

ميري ليك نورتنى
وشوف ليه ملحن كويس؟؟؟؟؟؟؟؟؟؟؟
هههههههههههه

سلام

غير معرف يقول...

مشكلة الصباغ والدكتور زعبولا
بنظرة حيادية لصديق كليهما
مدون يدعى محمد الجوهري
http://goharyblog.blogspot.com/
شوفوها ضروري

 

ما بعد الغروب © 2008. Design By: SkinCorner