والله زمان
قبل 8 أعوام
الجمعة، 29 مايو 2009
حلم متحققش
يا اجمل حلم متحققش ...وعاش جوايا تاه منى
وراح للى سبق قلبي ...وداب قبـــــــــــــــلي
وساب قلبـــــــــــــــى...لبعد وغيبه تقتلنى
يا اجمل حلم متحققش
بقي لغيري مهوش ليا ...يا اجمل حلم ف عنيا
مهوش ذنبك......وايه ذنبي ؟؟؟؟
عشان الحزن يهزمــــــنى
ويبعد قلبي عن قلــــــبك
وكان حقي وكان حقك
نعيش الفرح لو مره ...ونمحى خوفنا بالمره
يحلّى حبنا المرّه
تشيل عنى ......واشيل عنك
وتمسح دمعتى يدك....وانا عارفه مهو بيدك
تفارقنى
كإن الحلم محلمنيش
عشقته .....بس معشقنيش
وكان بينى وما بينه بلاد
سرااااب عامى القلوب تعشق
وحابس كلمتى تنطق
وسايب قلبي الضعيف يغرق
يا اجمل حلم متحققش
ليه مش راضي تحلمنى
دانا طول عمرى بحلم بيك
وكنت اتمنى تتحقق
غروب
الاشتراك في:
تعليقات الرسالة (Atom)
61 التعليقات:
أنا أولـــــــ تعليقـــــــ
راجع تانى
جميل إسلوبك يا غروب
عجبنى
بس مش كل الحلم بيتحقق
ولا كل حبيب بنفضل معاه
ولا كل من عشقنا بيكون جوانا
ولا نعرف الخير أبدا
طاقة الحزن بتطلع كلام جمييييييييييييل جدا
جميييله اوي ياغروب تسلم ايديكي
وربنا يارب يحقق كل احلامك
ويمكن مستنيكي حلم بجماله مكنتيش تحلمي ,, ولا تعلمي :)
دمتي بألف خيرر
تحياتي ,,,,,,
يا أجمل غروب فى حلمى صرخه منسية
يا أجمل غروب تاهت منى امانيا
يا أجمل غروب حلمت فى يوم يكون ليا
يا أجمل غروب الحلم مش بأيديا
مفيش اكتر من الاحلام يا غروب
بس اللى متحققش منها بيوجعنا
اوقات الحلم من كتر مشيفينة قادم عينيا ومش قادرين نحققة بيصيبنا بصدمة
ما بعدها صدمة
كلامك حرك فيا حاجات كتير اوووووى
حقيقى بوست مرتب وهايل
كل دى غيبة يا غروب ؟
وحشتينى يا بنتى اوى والله
طمنينى عليكى دايما يا ارق غروب فى الدنيا
فى رعاية الله يا قمر
مسائك سكر يا غروب
و الله وحشتنى جدا يا قمر
حمد لله على السلامة الحمد لله انتهت الامتحانات على خير بقى
حتى لو كان الحلم مش اتحقق برده هنحلم ونحلم لان الاحلام مباحة ومتاحة لكل البشر
مش نقدر نعيش من غير احلام حتى وان كانت مستحيلة
رغم اننا احيانا بنكون عارفين انها صعب و مستحيل تتحقق بس بيكون جوانا شعور بامل صعب انه يتحقق وقتها بتقتلنا الحقيقة اوى ان اللى حلمنا بيه مش لينا
طول ما الانسان حى هيفضل جواه احلام ممكن تتحقق واحلام كتييييييييييرة اوى صعب انها تتحقق
ربنا يسعدك يارب و يسعد قلبك
دمتى اختى بالف خير وصحة
تحياتى
يويو
بسم الله ...
الكلام عجبنى ومس حاجه جوايا
قولت لاز اكتب تعليق مع انى عااوز اناااااام
---------
الاحلام .. عدم وجودها يعنى حياه بارده
خاليه من الطموح والتمنى .. والتطلع
الاحلام .. منفذ فى وقت الضيق الى عالم آخر بلا عقد وبلا موانع .. كل شىء متاااح
الاحلام .. شىء جميل رائع نحياه .. ولكن السلبيه الوحيده له .. ان البعض ينجرف ويغرق فى الحلم الى حد تصديقه
فيصدم بالواقع المرير المؤلم
-----------
اسعد الله ايامكم
وحقق احلامكم
وبارك فيكم وفى اوقاتكم
تمنياتى بأسعد حياه
والسلام عليكم ..؛؛
العزيزه غروب
تحياتى
هايل يا غروب
تعبيرات غير نمطيه فى العشق الضائع
والحب من جانب واحد
ويلكم باك يا غروب ^_^
"
يا اجمل حلم متحققش
بقي لغيري مهوش ليا ...يا اجمل حلم ف عنيا
"
ياااه
فكرتينى بحلم كنت حلمته
الحمدلله
منورة مدونتك تانى
شفتى ازاى احنا فرحنا اما انتى جيتى
اقفليها تانى بقى
هههههه
يااااااااااااااااااه يا غروب
حرام عيكى والله
بجد كلامك وجعنى قوى قوى
تعرفى
كأنك دخلتى جوايا وكتبتى احساسى
بس أعتقد انى لو كنت أنا اللى كتبت احساسى مكنتش هكتبه بالجمال ده
بجد تسلم ايدك
وربنا يحقق أحلامك
رااااااااااااااااائعة واكثر
لكي اسلوب مميز
احترامي
كلمات غاية فى الروعة
احساس جميل يظهر فى الكلمات
يا اجمل حلم متحققش
ليه مش راضي تحلمنى
دانا طول عمرى بحلم بيك
وكنت اتمنى تتحقق
اتمنى تحقيق حلمك ويحلمك
احييكى على البوست
هقولك ايه
ربنا يعوضك بحلم احلى منه ويتحقق ان شاء الله
وربنا يوفقك يارب يارب
للاسف يا ساسو فى احلام كتير بنحلمها ومش بتتحقق
وليس كل ما يتمناه المرء يناله
سبحانه له فى ذلك حكم
تحياتى ليكى
ركزى فى امتحاناتك وادعى لى انا كمان معاكى
يا رب ننجح
عاشق ضوء القمر
مبروك اول تعليق
ومتشكره جدا على رايك في الاسلوب
وكلامك صح طبعا وليش معنى كلامى بكاء على الاطلال
هو مجرد حلم ومدركه جدا انه متحققش
فاهمنى ؟؟؟؟؟؟؟؟
احمد ابو العلا
ههههه لا وانت الصادق طاقه الامتحانات
بس للعلم الكلام موجود من زمان بس تم تاجيل نشره
نورتنى واشكرك جدا
قلب ارهقته الاحلام
يمكن فعلا اتمنى ده
ربنا يكرمك يارب
نورت
سهر الله عليكي
الكلام الحلو ده ليه ؟؟؟؟؟؟
وحشانىاوىىىىىىىىىىىىىىىىىىىى والله
انا لسه راجعه من امتحان اول مادتين
والحمد لله عدوا بسلام عقبال الباقي
ايه اللى اتحرك جواكى يا بت ؟؟؟؟
هههههههههههههههه
الغيبه ؟؟؟؟؟؟؟؟
الامتحانات بقه م انتى عارفه
ان شاء الله اخلص وافضي ليكي بقه علشان نتكلم بطريقه اخرى
سي يو يا اجمل سهر
يويو
مسائك شربات يا احلى يويو
لا يا بنتى انتى فهمتى غلط الامتحانت مش انتهت دى لسه البدايه كانت النهارده
ههه
ادعيلي وهى بس اول طلعه اللى بتبقي صعبه وبعدين الباقي بيتجر وراها
طبعا يا يويو الاحلام مباحه وشئ جميل وعلشان كده انا لسه بحلم مع انى قريب كنت كتبت شئ اسمه بطلت انام وكان ضد الاحلام لكنى لقيت مفيش امل
لازم الحلم يعيش
لكن ده حلم متحققش لكنه لسه شئ جميل
ربنا يسعدك يا قمر
نورتينى
الامير
يعنى المفروض اقول هابي دريمز ولا ايه ؟؟؟؟؟؟؟
ههههههههه
سعيده جدا ان الكلام عجبك
وكلامك صح جدا الاحلام فعلا شئ جميل حتى لو مش بتتحقق لكن الكوابيس بقه ؟؟؟؟؟؟؟؟؟؟؟؟؟؟؟؟؟؟
ماااااااااااا علينا
على فكره دايما دعوتك الاخيره بتفرحنى اوى
ربنا يكرمك
فشكول
اووووووووو
ايه الكلام الكبيبر ده يا عمو ؟؟؟؟؟
نمطيه؟
العشق الضائع
مش انت عارف انى وحشه في العربي
خليك في الكلام الشعبي السلس بتاعنا
ههههههههه
عموما مش لازم يكون الحب من طرف واحد في الحلم ده
هو مجرد حلم متحققش لكن الاسباب ؟؟؟؟؟؟؟؟؟؟؟؟؟
نورتنى
محمد
ايه ده ؟؟؟؟؟؟؟؟؟؟؟؟؟
مين سمحلك تيجي هنا وكمان جاى تهزر ؟؟؟؟
هههههههههههههههه
ازيك يا كابتن محمد
منور بلوجر ومن عونيه نقفلها تانى
وايه بقه اللى افتكرته انت بتعلقنا يعنى ؟؟؟؟؟؟؟؟؟؟؟؟؟؟؟؟؟
الشاعر الحزين
مش باعرف ارد اوى على التعليقات اللى شبه كده
بس ببقي سعيده جدا لما كلامى يوصل جوا حد اوى كدا
ربنا يفرج كربك ويحقق حلمك يا علاء
نورت
جاره القمر
اشكرك
وايه الغيبه دى؟؟؟؟؟؟
نورتينى ومش تتاخرى تانى بقه
مسدس صغير
اهلا يا متر
منور
متشكره اوى اخجلتم تواضعنا
وانت عارف طبعا ان ده اقل شئ عندى
ههههههه
ربنا يكرمك ويحقق احلامك انت كمان
جندى مجند احمد راضي
حمد الله على السلامه
نورت بعد غيبه وعقبال متنهى الخدمه خالص
هانت
متشكره جدا يا احمد
نورتنى .......... مش هتروح الفرح؟؟؟؟؟؟
ريمو
حاضر هركز
انا حليت الليوم اول ماده ببراعه
ههههههه
نورتينى يا قمر
ويبقى الحلم الذى لم يتحقق اجمل الاحلام
تحياتى
لاسع افندى
وبتقول لاسع
احلى جمله اتقالت بجد
نورت
السلام عليكم
والله يا بنت يا سارة انتي خسارة في البلدي
بجد اقر واعترف اني مصاحبة اروع مبدعة في الكون
ربنا يحققلك كل احلامك "اللي فيها الخير" ويهدي سرك ويسعدك دائما
نحن واياكم قولي آمين
وحشتيني بجد يا قطتي على صفحات النت
نوسه
قلبي انا
والله
انتى كمان وحشتنى زياراتك
وزياترتك بس
لانك في وشي ليل ونهار
هههه
وطبعا مش محتاجه اقولك ان ده اقل حاجه عنددى
هههههه
مواااااااه يا روح قلبي
السلام عليكم ورحمة الله وبركاته
بخخخخخخخخخخخخخخخخخخخخخ
انا جيت ممكن اعلق ياماما ولا فى مانع
طنط غروب
بسم الله ماشاء الله ربنا يحميكى احساسك عالى قووى
ربنا يكرمك خير يارب ويوفقك ياقمرايا
لانك بجد تستهلى كل خير
بحبك موووووووووت
اموووووووووووووووووووووووه
نوسه النوسه كونوسه
سلاموز
غروب كلامك مؤثر وتملكِ
مشاعر صادقة وأحاسيس عالية ولكن أكيد الحلم لم يتحقق
ههههههههههههههه
دمت بكل الخير
كلماتك جميله اوووووووى
مش كل اللى بنحلم بيه نقدر نحققه
ربنا يكرمك ان شاء الله يعوض حلمك اللى ماتحققش بحلم تانى تحققيه ويكون افضل ليكى من الحلم اللى ماتحققش
دمتى بكل خير
السلام عليكم و رحمة الله و بركاته
غروووووووووووب
حمدلله ع السلامة يا قمر
ايوا كدا ارجعى نورينا تانى
بصى يا جميل مهما طال علينا الحلم اكيد زى ما بنحلم بيه هيحلم بينا
و هتجيله لحظة يتحقق
بس .... صبر جميل
ربنا يوفقك يا قمر
دمتى بكل ود
وااااااااااااااااو
ايه الحلم الجميل ده
كلامك حلو قوى خالص
أجمل أحلامنا اللى مش بتتحقق
نفسى أحلم حلم ويتحقق
تحياتى لك وربنا يوفقك فى الامتحانات
شيمو القمر
السلام عليكم
بجد كلماتك جميلة جدا واسلوبك رائع
اتمنى لكى مزيد من الابداع والتميز
دمتى ودام نبض قلمك
تحياتى
رومانسى مشاكس
عاشقه الاحزان
بخخخخخخ؟؟؟؟
خضتينى
اشكرك جدا على الكلام
وربنا يكرمنا جميعا ويهدينا للطريق السليم
تحياتى
نورتى
اللؤلؤه
بتذلنى يعنى انه مش اتحقق ولا ايه
وايه الضحكه الخبيثه دى ههههههه
عموما اشكرك جدا على رايك
نورتنى
صمت الحنين
اشكرك جدااااا
ويارب يقبل الدعوه ويجينى حلم اجمل
نورتنى
سول ويسبر
وعليكم السلام ورحمه الله
تفتكرى ؟؟؟؟؟؟؟؟
ياريت والله اتمنى الحلم يحلمنى
كمان النور ده علشان بس انتى بتجي هنا
مواااه
شيمو القمر
فعلا والله يا شيمو احلى حلم هو اللى مش بيتحقق لانه بيفضل دايما في الذاكره
وبيفضل الانسان يستنشق جماله طول العمر حتى لو من خلال الذكريات
بس تفتكرى يبقي اجمل لو اتحقق؟؟؟؟
ادعيلي
نورتينى
رومانسي مشاكس
وعليكم السلام
اهلا وسهلا منور
كمان ده يجي ايه بس جمب كلام سعادتك
ههههه
لا بجد انا دخلت مدونتك وبجد رومانسيه ورقيقه اوىىىىى
نورتنى واتمنى تيجي تانى
السلام عليكم
يا خبر يا جماعة على موضوع الحزن ده
حتى طانت كمان حزينة
لاء دا انا هاصدر فرمان بتحريم الحزن ف البلوجر
الاحلام ممكن مش تتحقق بس مش لازم نيأس
اسلويك رائع يا طانت
يا اجمل حلم في حياتي
وجوة القلب مخبياه
وبحلم في يوم تلاقيني
وفي اليوم التاني ابقي معاك
واخاف لو اصحي في يوم تاني
والاقي الحلم ماتحققش
يا اجمل حلم في حياتي
اخاف لو يوم ما تتحققش
تسلم ايديك ياغروب
كلماتك راءعة
ربنا يوفقك
سلام
انتى لستى غروب انما انتى شروق للكلمة الرومانسية الرقيقة
كلماتك رائعه
على فكرة الغروب جميل ومنظره روعه
لكنى قصدت المعنى وهو النهاية
اقصد انكى بدايه وانطلاق للاحاسيس الرقيقة
تقبلى مرورى
كإن الحلم محلمنيش
عشقته .....بس معشقنيش
ــــــــــــــــــــــــ
طول عمرك كلامك جامد يا غروب
وطول عمر الاحلام الجميله مش بتتحقق ــــــــــــــــــــــــــــــ
ممكن تزورى المدونه دى هتعجبك اوى
http://el-asfour.blogspot.com/
دى مدونة عبد المجيد عتلم (اخويا)
فيها حاجات شبه اسلوبك وكتاباتك
تحياتى ليكى يا غروب
مصعب
هنعمل ايه بقى
مهو على راى كاظم الساهر
الانسان بلا احزان ذكرى انسان
بس يارثيت تصدر الفرمان ده علشان الواحد بيزعل لما بيلاقي فعلا ناس كتير زعلانه
اشكرك يا مصعب
نورت
طنط غروب
ورده
الله انا كده امسح كلامى بقه
ههههههه
نورتينى ومتشكره جدا
فراشه
ايه الكلام الجميل ده بس اتكسفت
شكرا يا قمر واتمنى حياتك كلها تبقي شروق
نورتينى
محمد عتلم
متشكره جدا
وانا زرت المدونه قبل من اروح الامتحان الصبح
بجد هايله واخوك شاعر عامى ممتاز
نورتنى واشكرك على المدونه الهديه
يـــــااااااااااااااااه
بجد يا غروب كلمات احساسها جميل اوووووووووووووووووووووى
اولا طريقتك فى الكتابة المرة دى فيها شئ مختلف
احساس وفن وتذوق
بجد كلماتك اثرت فيا اوووووووووى
كلماتك لسة بترن فى ودانى
بجد
يارب الحلم يتحقق
والله من غيرتى على كل واحد فيكم وعلى كل كلمة كتبتوها حسيت انى حتجنن لازم ابلغم
يا جماعة مدوناتنا كلنا مسروقة
واحنا قاعدين مش حاسين بحاجه
لازم يكون لينا موقف
بصراحه صديقتنا طفلة صاحبة مدونة
احساس طفلة محبة للرومانسية بس عاطفية
هى اللى نبهتنى لده
بشكرها جدا
بيخدوا كوبى من كل حاجه بنعملها ويا اما بيعملوا مدونة باسمهم او على المنتديات
كلنا نعمل اى حاجه ونبلغ بعض
ياريت كل واحد عنده طريقه نمنع بيها ده نحاول نساعد بعض
حكتبلك اللينكات بس دى مجرد امثلة للى حصل معايا او مع صديقتنا وردة يعنى مش هم دول بس لأ فى كتير جدا
http://love-radwan.blogspot.com/2009/05/blog-post_23.html
واللينك ده http://www.fremuzic.com/vb/t1159.htm
ايدي
وحشتينى اوىىىىىىىىىى
منوره المدونه
ومبوسطه اوى ان الكلمات عجبتك
وبجد القصه بتاعت نور تحفه عجبانى اووووى
تسلمى
فراشتى
مش عارف اقول ايه انا دخلت وشوفت
حسبي الله ونعم الوكيل ومش عارفه لو احد كتب كلامى هاعمل ايه بس اكيد هزعل اووووووووووى
ومش عارفه الحقيقه اى طريقه تحفظ الحكايه ياريت بقه اللى يعرف يقول لينا
اشكرك
غروب
دة الميل بتاعى
raniarachad@yahoo.com
ابعت لى الميل بتاعك وقولى فيه انك غروب عشان ابعت لك دعوة لقراءة مدونتى لانها اتقفلت للعامة وبقت مفتوحة للى عندهم دعوات بس
سلام عليكم
تشيل عنى ......واشيل عنك
ياااه
تصدقنى من زمان وانا كمان باحلم الحلم ده
لكن برضه عايشين على الامر
يمكن بكره يتحقق
اسلوب جمل يسلم هالاحساس وان انشاللة بتحقق احلامك..حلم..سلام اينا
سبهلله
ان شاء الله
نورتى
الازهرى
ربنا يسعدك وتلاقي اللى يشيل عنك
نورتنى
حلم
اشكرك
وان شاء الله تتحق احلامك
نورتنى
إرسال تعليق