والله زمان
قبل 8 أعوام
السبت، 2 مايو 2009
من يوم ميلادى .. كان من عاداتى اسرح ف حلم
احلم واشوف .. افرح بطيف
يجينى ضي ........ اعشق اغانى
يجينى ليل........وانام تانى
لحد مجاتنى ليله محلمتش
واقوم م النوم وكأنى مقمتش
سنين احلامى مخصمانى
وكأنها سافرت لمكان تانى
احلامى كانت دنيا
بس دنيا ناسها ماتت
والموت عليّه انا بس ساكت
بس ازاى ناسي دول
ف حلم جديد عليه هانت ؟؟؟؟؟
فضلت اسال كل الرموش
ليه اهل حلمى مبيحلموش ؟
وشوشهم سودا مبيضحكوش؟
بالذمه يا عينى دى تبقي وشوش؟؟؟؟
واشمعنه انا لسه بحلم ؟
واهل حلمى عليه تندم
جواب سؤالى لسه معرفته
وكل شئ ف حياتى وقفته
لحد ليله امبارح بس
وكنت خلاص عرفت اليأس
نمت وبدات بالحلم احس
الشاشه فاتحه
وهاجمه ايد....هجوم شديد
وقلب عنيد
والايد شدانى .. على فين وخدانى ؟؟؟
رجليه سابت نصي الفوقانى
وكل جسمى بيتالم
وسمعت الايد بتتكلم
قالت بصي قدامك.. شوفي نهايه احلامك
بصيت لقيت مبنى لعين .. قلت اكيد ده بيت شياطين
علشان احلامى كانت حلوه .. رسمتلى كل يوم غنوه
لكن دخلت ومش بايدي ... بايد خنقانى
قاطعه شريانى ووريدي ومش سيبانى
بصيت لقيت ابطال احلامى
كلهم معايا وقدامى
زى الملايكه بدون جناحات
والحلم ده احلى من اللى فات
مهو الاحلام عندى غيه
بس ليه مبصوش ليّه ؟؟
وسمعت واحد منهم قالي
انتهت مهمتنا خلاص
ادينا عملنا باخلاص
جينا الحلم علشان نموت
فصحيت وبصرخ بعلو الصوت
بطلت اناااااااااام
الحلم حراااااااااااام
والنوم اجراااااااااااام
وعلشان كده النوم في ضلام
غروب
الاشتراك في:
تعليقات الرسالة (Atom)
43 التعليقات:
الحق تاني تعليق
ههههههههههه
ايناس واقفة علي باب البلوج
ههههههههههههههه
شوفي يا ست غروب هانم
طول ما ايناس بتعلق عندك اول واحدة
مافيش تفريج للكرب
هههههههههههههه
قلمك جميل
بس عايزة صبر حبة
غروب
جميله قوى قوى الكلمات
لكن اللى جواها احساس صعب قوى
لكن هتصدقينى لو قلتلك ان قلة الأحلام أحلى بكتير قوى قوى من وجودها
صدقينى أحيانا بنصدق أحلامنا ونتعب قوى قوى لما نكتشف انها كانت مجرد حلم
يبقى عدم وجود الحلم أريح من صدمة وجوده
نامى وارتاحى وودعى الأحلام وأنتى مرتاحه
لكى خالص تحياتى الغاليه
الأخت الفاضلة غروب
السلام عليكم
أهدى لكى دعاء فك الكرب
لا إله إلا الله الحليم الكريم
لا إله إلا الله العلى العظيم
لا إله إلا الله رب السماوات السبع ورب العرش العظيم
دمتِ بكل الخير
طانت سارة
مش هاقولك غير ان الميزة ف الانسان هو ان عنده أمل ديما
وربنا نهى عن اليأس فقال : إنه لا ييأس نت روح الله الا القوم الكافرون "
ياريت منبطلش حلم ولا تفائل
دا حتى بلاش
تحياتي
مصعب
لا ياساره متقوليش كده لو بطلنا نحلم نموت مهو لازم حاجه من ارض الخيال تصبرنا على الواقع مش معناها نغرق في الاحلام لا طبعا كترها زاى قلتها الاتنين مش كويسين
يارب تتحقق كل احلامك وتبقه حقيقه
بس اوعى تنسينا
تقبلى مرورى
السلام عليكم
انا يا غروب هانم امبارح مش قريت البوست كويس صراحة جميل جدا
الأحلام وااااااااااااااااو
ده حاجة جميلة قوى
أنا بعيش كل ما أتمنى فى خيالى
اصنعى لك حياة وعيشى فيها وباللى جواكى هتخليها حقيقة
الدنيا لسة فيها خير
ركزى فى مستقبلك
وحطى الخطط لأحلامك وأهدافك
ابعدى عينيك عن كل شئ وحش
وخليه جوه عنيكى حلو
دمتى مبدعة
تحياتى
شيمو القمر
لا اله الا الله
انتى اللى كاتبه الكلام ده؟
الصياغه ميه ميه والاسلوب جميل
من ناحيه المضمون بقى
بصى
انا بطلت احلم
وبحس كتير ان الحلم مش من حقى
انا مش بحب احلم احلام كبيره عليا عشان ماتعبش
خلينا عايشين فى الواقع احسن
ارض الاحلام مش بتاعتنا
بسم الله الرحمن الرحيم
السلام عليكم ورحمة الله وبركاته
بت يا سارة!!!!!!!!!!
البتاعة دي تحفة والله
بس مالك يا بت انتي فيكي ايه؟
الكلمات خراااااااااااااااااافة
بس مالها كئيبة ليييييييييييه؟!
غروب
هى الاحلام زى الاسم
بس ما تفكريش كتير فيها
لانها مش احلام
دى كوابيس
والاحلام احلى من كدا
وربنا معاكى ويفك ضيقتك
وتحياتى
لو بطلنا نحلم نموت
مهما كانت حياتنا ومهما كانت ظروفنا بيكون جوانا دايما احلام بنحاول على اد ما نقدر اننا نحقهها و نوصل لها
رغم ان الاحلام فيها امل الا انها بتكون سبب كبير فى تعاسة والم الانسان بسبب لحساسه بالعجز انه مش قدر يحقق احلامه واتصدم مع الواقع و مراراته
يبقى يا ترى هنفضل نحلم ولا حتى الحلم بقى صعب علينا
حبيبتى ربنا يخفف عنا و يسعدك يارب
مش تخلى حاجة مهما كانت تأثر فيك كدا
دمتى بالف خير
تحياتى
يويو
غروب
الكلمات حكايه
والاسلوب حلو قوي
بس الحزن كتير
ما ينفعش نعيش من غير ما نحلم
والا يبقى يأس واليأس من رحمة ربنا حرام
لا احلمي لو حلمك حزين اخرجي منه وخلقي حلم جديد سعيد
مروه
السلام عليكم
غروب أجمل شيئ هنا بدخل اسمعها
بي استمرار المقطوعة الموسيقية الا حطاها
جميلة جدا
اما البوست بتاعك جميل جدا
رغم نبرة الحزن الأا تنزف من قلمك
لتسطر أجمل مايقرأ
ولابد من الأمل علشان نقدر نستمر
في الحياة ونعيش
ربنا يسعد أيامك يارب
ربنا يوفقك
السلام عليكم
يا سلام .. يا عيني على الكلام الحلو ..
بس ليه الحزن والشجن ..
ولحد امتى ها تتحول احلامنا لكوابيس ..
لحد امتى تتسرق منا احلامنا ولا تجيش ..
دي هي اللي بتفرج عنا احيانا غربتنا ووحشتنا ..
لحد امتى ..
كلمات رائعه
وبلغة عميقه
ما أحوجنا للحلم لكي تكون هي رابط بين أجسادنا والحياه
فعندما يفقد الإنسان القدره على الرؤيا فقد فقد رابط مهم بين جسده وما في حياته من مجريات وأحداث
وعلى رأي الشاعر
لو بطلنا نحلم نموت
خللي إتكالك على الله فهو من يهبنا أحلامنا والقادر على تحقيقها
دمتي بكل خير
السلام عليكم
يمكن أن يكون هناك استثناء للتعليق في مدونتي
حتي لاتغرب الشمس
بدعيلك ربنا يكرمك ويوفقك بإذن الله أختي الصغيرة
السلام عليكم و رحمة الله و بركاته
غروب الجميلة
ليه كدا يا غروب؟؟
الحياة حبيبتى مش بتنتهى عند حلم
و احنا لازم نقاوم عشان خاطر نحلم و نحلم
يعنى حرام حتى الحلم نمنع نفسنا عنه
ربنا يكرمك يارب يا جميل
و عاوزة أسمع عنك أخبار حلوة
دمتى بكل الود يا قمر
اول زيارة للمدونة الاقيكى حزينة كدا
حبيبتى ربنا يفك كربك ويبعد عنك الحزن والهم
هي بتعبر عن حاله صعبة أنتِ بيتمري بيها
حتعدي والله ,, كل حاجة في الدنيا بتبدأ صغيرة وتنتهي كبيرة عدا المصيبة تبدأ كبيرة وتصغر
ويبقى التواصل
شجر الليمون
ما عليناااااااااااااا
شجر الليمون تانى
ما علينننننننننننننننننا
الشاعر الحزين
اهلا يا علاء منور
بتنصحنى اودع الاحلام
وتفتكر اقدر اعيش ؟؟؟؟؟؟؟؟؟؟؟؟؟؟؟
مش ده الحل
اللؤلؤه
ربنا يكرمك
مصعب صلاح
كلامك جميل
بس فعلا الاحلام شئ جميل وصعب جدا
خصوصا لما تحس انك بعيد عن احلامك ومش قادر تحقق شئ منها يبقي بلاش نحلم احسن
ماء تشرين
يارب يا حبيتى
وان شاء الله لو اتحققت هنساكوا طبعا
ههههههههه
وحشاانى موووووت
شجر الليمون
تالت
هيصه بقه
شكرا ي عمووووو
شيمو القمر
مهى المشكله في الخيال
ضللللللللمه
ربنا يستر
ريمو
تفتكرى ده صح ؟؟؟؟؟
انا خايفه اقرر ابطل احلام وارجع ندمانه
نوسه
روح قلبي وحياتى
وحشتسنى على صفحه التدوين جداااااااااااااااااااا
طبعا لانك معايا كل يوم
والتليفونات اشتكت
وكمان دى بتاعه ؟؟؟؟؟
بتاعه ؟؟؟؟؟؟؟؟
ملقتيش تعبير تانى يا اموره ؟
نتكلم بليل
فشكول
عمو والله كلامك سليم يمكن اكتر كلام ريحنى الى الان
يمكن فعلا اللى بشوفها كوابيس
لكن في احلام تانيه حلوه لسه مش شوفتها ؟؟؟؟؟؟؟؟
ادعيلي
يويو
ربنا يخليكي ليه يارب
تسلمى يا قمر على الدعوه الجميله دى
بنت السحاب
الاول اشكرك على كلامك عن الكلمات
لكن مش هينفع تقريبا اخلق حلم جديد سعيد
لانه مش بمزاجى
ساعتها هيبقي وهم
القالب الحزين
اشكرك جدا
والمقطوعه لعمر خيرت طبعااااااا لازم تكون جميله
واسمها غريب يا قلبي
جنى
زودت حيرتى
داخل بتسال اسئله جوايا يعنى؟؟؟؟؟؟
للاسف معنديش اجابه
استاذ احمد
اهلا اهلا
سيبك من الكلام ده كله
فيييييينك ؟؟؟؟؟؟
افتقدناك
شجر الييمون
ممكن ليه لا؟
سول
ربنا يخليكي يا قمر
وانش اء الله يجي الفرح
ادعيلي
نورتينى
كوكيتا
الظروف بقه معلش
ان شاء االله تيجي تانى وانا بضحك ونضحك سوا
نورتينى يا جميله
معتز شاهين
تمام كلامك
نورتنى وسامحنى على التقصير
إرسال تعليق