والله زمان
قبل 8 أعوام
السبت، 4 أكتوبر 2008
كدبك وخلاص مكشوف
بكره هتعرف وتشـــوف
وتلف ف وسط ألــــــوف
على قلبي وتبكي عـــــليه
قلبك يبقي بيتمنى ..................لو فكرنى هقوله استنى
مهو برضه ماهوش معقول
نازل ف كلام عــــــــــلطول
اعمل نص مـــــــــا بتـــــقول
يــــــمكن ربـــنا يـــــــهــديك
مهو لا انا هاخرج م الجنه
ولا قلبي مــــــــــعاك اتهنى
ده فاكرنى هقوله استـــــنى ؟
قلبك يبـــــــــــقي بيـــتمنى
وكفايه أنا قلبي اتعلم ...................قبل م يختار يتأنى
الاشتراك في:
تعليقات الرسالة (Atom)
27 التعليقات:
حلوة يا سارة
وكفايه أنا قلبي اتعلم ...................قبل م يختار يتأنى
كلامك صح المهم اننا نتعلم
منكررش الخطأ
ربنا يحفظك
ازيك يا ماما
نورتينى والحمد لله اننا بنجاول نتعلم يا حبيبتى
هاى يا قمر
بجد حلوة قوى . واحلى ما فيها انك بتقوليله انك خلاص فهمتيه وكمان هتبطلى انك تبكى عليه عموما مفيش احسن من اننا نتعلم من تجاربنا
وانا بهنيكى على كلامك الجميل
جميله اوي
بحب الشغر الغنائي عموما
بس دي جديده والفكره برضو اوي لذيذه
كل سنه وانتي بخير
ليكوريكا
طائر الليل الحزين:
نورتى يا قمر وطبعا اللى ميتعلمش من اخطائه يبقي ايه؟؟؟؟؟؟؟؟
هههههه
كل سنه وانتى طيبه يا قمر
وشكرا على متابعتك
ليكوريا:
اهلا لايا قمر ف اول زياره ويارب مش تكون الاخيره
شكرا لرايك ف الفكره
وكل سنه وانتى طيبه
أسلوب جميل وحلو اوي
البساطة في اختيار الكلمات
ومعنى عميق بجد جميلة جدااا
ربنا يسعدك حبيبتي ويكرمك
جميل جدا جدا ياساره
ههههههههههههه
ايه الاحساس العالي أوي ده
وايه الأفكار الجميلة دي
ويارب تبقى خير ان شاء الله
كل سنة وانتي طيبة وعيد سعيد عليكي
تقبلي مروري
ماشى يا ستى على الكدب اللى اصبح مكشوف
بس لو دورت انا هلاقى منك الوف
بيحبوا كدبى وصدقينى حبى ليكى مش مألوف
على العموم دى كانت تجربة
والمعمل لسه مفتوح
لو صارحتينى من الاول
يمكن الكدب مايكونش مكشوف
وكنت سعتها غطيته
بدل غطى واحد
لاء قولى الوف
تحياتى
جميلة كده وسريعة واحلى ما فيها انه كلام مكشوف
احساسك في الكتابة جيد بس ليا كام نصيحة يا ريت تتقبليهم مني
حاولي تسخدمي صور والفاظ أعمق و تبعدي شوية عن الصور والالفاظ المستهلكة لأن انا شايف ان موهبتك واضحة في الاوزان واسلوبك بيوصل للقلب بسرعة
الوزن كان جيد في البوست ده ماعدا بيت واحد كان تقيل شوية في ودني
قلبك يبقي بيتمنى ..................لو فكرنى هقوله استنى
اقترح تبقي
قلبك يبقي بيتمني
ويحلم لو أقوله استني
أو أي حاجه تانية تشوفيها انتي مناسبة بس تصلح الكسر اللي في الوزن
والله أنا مش باحب انقد كتير عشان ماحدش يزعل مني ويفتكر ان ده غرور مني .. بس بجد باحب تكون مشاركة القراء دايما فعالة مش مجرد رد زيارات وخلاص
بالتوفيق دايما ودمتي بكل الود
الله ينور يا ساسو
كلام في الصميم بجد
كتير من الناس فاكره إنها بالحب فقط تملك وتتحكم
ولكنهم خاطئون فإن لم يقابل الحب بالعطاء
تاه الحب وسط زحام الهموم والعذاب
يسلم قلمك الذي خط تلك الكلمات
دمتي بكل خير
بلو ستار :
اهلا يا قمر شكرا على زيارتك ورايك
واشكرك على الدعوه الغاليه
قلم رصاص:
اهلا ازيك يا استاذ سيد نورت البلوج واشكرك على متابعتك وكلامك الجميل وعيدك سعيد
ابو على :
ههههههههه اتاخرت انت المره دى هههه
عموما ملحوقه البوست الجاى
اشكرك على كلامك وكل سنه وانت طيب
فارس بلا جواد:
هى دى المشاركات والا بلاش
بجد بجد والله مبسوطه اوى برايك ونصيحتك
وحضرتك مش اول واحد يعلق على نفس البيت وكانت النصيحه الاولى من اعز اصدقائي لكن بحكم ان البوست ليس جديد والكلمات مكتوبه من فتره وليها مناسبتها فكان ردى انها عزيزه عليه ومش هاقدر اغيرها رغم اقتناعى بسقوط الوزن
بس بجد اشكرك واحاول اغيرها
وكل سنه وانت بالف خير
ahmed _k
اهلا يا استاذ احمد نورت والله وكلامك في الجووووووون
ناس بتعتقد ان الحب يساوى الامتلاك
لكن المفهوم ده لازم يتصحح
اشكرك على زيارتك وكلامك وكل سنه وانت بخير
عجبتى اوى انك مش انجرحتى وخلاص لا كمان اتعلمتى
بكره هتعرف وتشـــوف
وتلف ف وسط ألــــــوف
على قلبي وتبكي عـــــليه
حلوة اوى روح الثقة والاعتزاز بالنفس دى
مهو لا انا هاخرج م الجنه
ولا قلبي مــــــــــعاك اتهنى
ده فاكرنى هقوله استـــــنى ؟
قلبك يبـــــــــــقي بيـــتمنى
الصحوة قبل فوات الاوان واستمرار العيش فى الاوهام والافاقة على واقع اليم
الانسان المخادع لا يستحق البكاء عليه ولكن الندم على اضاعة وقت فى حب انسان لا يستحق ولكن كل تجربة نتعلم منها ونحاول الا نتركها تعلم فينا ما يجرح ويصعب على الزمان اصلاحه
تحياتى
يويو
يويو:
ازيك يا قمر وحشانى
جميل اوى كلامك وفعلا لازم نتعلم
....
نورتينى يا قمر واتمنى تيجي علطول
سلاااااااااامو عليكوا ايه الحلاوة دى؟؟؟ والله انت زى الفل وكلامك حلو وحلوة الحتة الاستنكارية اللى فى النص دى جامدة جدا.....
مين اللى هيحاسب على التاكسى؟؟؟
انجي انتى جيتى؟؟؟؟؟؟؟؟؟؟؟؟؟
طب قولى حساب التاكسي بس كام وانا مش دفعاه
نورتى يا قمر
عزيزتي saso
كلمات رائعه بجد
بس دعيني أهمس في أذنك صدقيني طول مأنتي بتحبي بجد وبأخلاص عمرك ماهاتتعلمي لان الحب الصادق بقي صعب أوي اليومين دول
بدعيلك ربنا يوفقك
وبأدعوكي لزياره مدونتي والرد علي السؤال اللي فيها
تحياتي ليكي
امير:
اهلا بيك ازيك؟
نورتنى
بس عايزه اقولك ان لو تجربه حد فاشله ومكنتش مبنيه على اسس صح يبقي مش هتبكي عليها طول عمرك وهيجي اليوم اللى هتعرف فيه انك كنت اهبل لما بكيت
انا رحت رديت على سؤالك ويمكن هناك تلاقي الرد المطلوب
سلام
السلام عليكم ورحمة الله
اول زياره
عرفت انك من المنصوره قلت اجى ازورك
بصراحه كنت جى مجامله
لكن بعد اللى قريته انتى اللى تجاملينى وتقبلينى ضيف عليكى
تحياتى والى مزيد من الزيارات القادمه ان شاءالله ودمتى متألقه رائعه
nageh
بجد هايله جدا جدا
انا بحترم الانسانه اللي تاخد قرار في حاله زي ديه مش تستكين وتسلم بالامر الواقع
تحياتي
احساسك جميل واى وربنا يوفقك وتسعدينا
ناجح:
اهلا بيك وبكل اهل المنصوره
نورتنى ويشرفنى انك تزورنى دايما واشكرك على كلامك
سلام
استاذ عماد الدين يوسف:
اهلا وسهلا بيك نورت واشكرك على رايك
وانا قريت وجهه نظرك عندك وليه تعليق
تامر المصرى:
اهلا يا تامر نورت واشكرك على زيارتك الجميله وكلامك الجميل
عزيزتى ساسو
حياة طويلة ومليئة
ولكن الانسان لا يملك ان يمتلك كل شىء
فانا ايضا قمت باشياء ولم استطع القيام باخرى لاننى ولد
وهذا سنة الحياة
تحياتى
إرسال تعليق