والله زمان
قبل 8 أعوام
الخميس، 25 سبتمبر 2008
أكتب اليوم لا شعرا ولا نثرا لا فرحا ولا ألما
اليوم أكتب شاكيه زمان
زمان أمرت فيه عيونى بألا تنام
زمان قد تميز من به بكثره الكلام
لم أقل ان زمانى قد ظغي ...فقد ظلمت نفسي بالآلام
ألم حبيب لم يكن حبي يعنيه
وألم صديق به ما به يكفيه
من أجلهم ومن أجلى لم أملك من نفسي سوى اسم
وما بالك بريشه تنقش حروف اسماءهم في قلبي
اليوم فقط وصلنا لباب الاحتمالات
اقترب من قول العامه بأنه ربما حب وقد مات
سأقول :
أننا من الممكن أن نفترق
وفي لحظات غضب نحترق
ويمكننا في طريق طويل ان نشعر أننا أغراب
ولكن في باب الأكيد انه لابد وان نشعر بالعذاب
يحتمل ان نبكي سويا في ساعه لقاء
ويمكننا وقتها ألا نتنفس هواء
يحتمل ان نضحك سويا ضحكه قويه
ضحكه تخرج من قلوب قويه
ضحكه تخرج للحياه
يمكنها وقتها رؤيه النور
ويحتمل خوفها ألم الظهور
من أجلى أنا ....لا تحزنوا
فاننى ان مت يوما
فهذه الضحكه ما لها ان تموت
ستظل جذورها محفوره في ضلوعكم
لم تمحيها الأمس دموعى
ولن تحييها اليوم دموعكم
عاشقه هى لدنياها .........وانتم هذه الدنيا
لن تموت لأجلكم أنتم
الاشتراك في:
تعليقات الرسالة (Atom)
42 التعليقات:
ولسوف يأتى يوما ضاحكا
ارفع فيه كلماتى
وتتصارع فيه حروفى
رافعة راياتى
يوما ساكون فيه مبتسما
وترفرف فيه اجنحة قلبى
يا انا قم وقول من انا
قم قم وتحدى العلا
ها انا اعيش
رغم الهم والالم
رافع رايات سعادتى
لماذا الخنوع لماذا الوهن
طريقى هناك اعرفه
نادى عليا من زمن
وحتما سألبى نداءه
وارفع رايات الامل
و انثر حباته
واجعلها لي دواء من كل الم
ولن اتنازل عنه
مهما كان فيا من وهن
به سأبنى سعادتى
مهما نزف قلبى
ومات من الالم
العنوان موجود والبسمة سر الوجود
تحياتى على كلامك الجميل
مش عارف أقولك ايه
ربنا يبارك فيكي
البوست جميل جدا
بس اتمنى يا أختي العزيزة أن تتخلي عن نبرة التشاؤم هذه.. وان تنظري بعين أخرى للحياه
اللي جي أكيد بإذن الله أحسن
ومش هقولك اللي فات مات وكده
لأ طبعا.. لأن الي ملوش ماضي ملوش حاضر
تقبلي مروري
saso
بجد بوست جميل أوي ومؤثر أوي
واضح كمان انك بتتكتبي كلمات انتي متأثره بيها ربنا يقويكي وتقدري تصمدي
الي مزيد من الابداع ان شاء الله
تحياتي ليكي
علي فكره قصتك فيها كتير أوي من حكايتي
كلماتك جميلة ومعبرة
انا جاية اعتذر لك على اى كلام اتوجه لك من قرينى
منه لله بقى
الصراحه أنا مش عارف أنتي تبجيبي الأفكار دي منين
بجد كلمات رائعة وأحساس جميل
**********************
من أجلى أنا ....لا تحزنوا
فاننى ان مت يوما
فهذه الضحكه ما لها ان تموت
ستظل جذورها محفوره في ضلوعكم
لم تمحيها الأمس دموعى
ولن تحييها اليوم دموعكم
عاشقه هى لدنياها .........وانتم هذه الدنيا
قمة التضحية والأخلاص في الحب والعطاء والإخاء
***************
وطبعا المحب والمخلص يكون كالشمعة التي تحترق لتنير ما حولها
***************
تقبلي مروري
مجنووون
الرائعة والمبهرة ..أري أن كلماتي إليك زادها الحياء
كنت أود لو ألمس عالمك بكلمة
أن أغطيك حين نومك بكلمة
أن أعطي لشفاهك كبسمة كلمة
أن تداعب خصلات شعرك كطفلة كلمة
أكاد أجن فلا أجد بجوار حزنك أي كلمة
قتلتني قصيدتك حقا وقرأتها المرة بعد المرة
ساسو الجميلة
اراك رائعة في القصائد وعلي استحياء ادعوك لهذا الجروب املا الا ترفضي دعوتي
http://www.new.facebook.com/group.php?gid=27340798257
كلماتك واحساسك اكثر من رائع
ومدونتك جميلة
تقديرى ومودتى
أحمد
جميله اوي بس حزينه جدا
يريت يكون عندك شوية تفاؤل
اكيد في ايام عصيبه في حياتنا واكيد برضو في ايام سعيده
هيه ديه سنة الحياه وزي ما بقول دوما
لولا الايام العصيبه ما عرفنا معنى وطعم الفرحه
تحياتي
برافو
عندك موهبة كمان في كتابة الفصحي زي العامي
شعرت في كلماتك حزن شديد ربما من حبيب او صديق أو الاثنين معا
بالتأكيد الحزن يكون أشد عندما يأتي بسبب ممن نحبهم
سمعت جملة معبرة تقول ( أصعب الجروح ان تتلقي طعنه ممن كنت تنتظر منهم وردة)
عموما لا يوجد شيئ يستحق ان نحزن من أجله
الاهم هو ان كلماتك مؤثرة ورائعة
تحياتي
السلام عليكم
دى اول زيارة ليا
كلماتك معبرة قوى وبتدخل القلب علطول
انا عرفت السكة وهاجى تانى
ارجو التواصل دائما
سلالالالالالالالالالالالالالالالالالالالالالالام
السلام عليكم saso
كلام جمي ل اوى ونظم اكثر من رائع تسلم ايديكى على الكلام الجميل ده
وما اجمل الكلام
================
فاننى ان مت يوما
فهذه الضحكه ما لها ان تموت
ستظل جذورها محفوره في ضلوعكم
لم تمحيها الأمس دموعى
ولن تحييها اليوم دموعكم
عاشقه هى لدنياها .........وانتم هذه الدنيا
================
فهذه الضحكة مالها ان تموت
دمتى لنا بخير ومرورك الكريم على مدونتى المتواضعة حاجة تشرفنى ورأيك الغير مختلف مع رأيي خالص كل الموضوع انه حصل لبس فى فهم البوست ياريت تراجعى الكومنتات على الموضوع حاولت اوضح ليكى الموضوع
ويلا سلام
و الله الواحد خايف يقول اي كلام مايوفيش حق كلماتك
بس اقدر اقولك ان المعني قوي جدا جدا بجد
احيكي من قلبي علي كلماتك و احساسك
تحياتي
الله عليكى . بجد رائعة . متتخيليش قد ايه كلامك عجبنى وعلى فكرة بيعبر عن كتير مننا فى الحياة . بصراحة كلامك كله اكتر من رائع واكيد هكون متابعة دايمة ليكى
donea
ههههههههههههههه
على فكره إنتي لازم في كل بوست تنبهي لمكان التعليقات
يا إما ترجعيها لمكانها الطبيعي علشان متفضليش تنبهي كل شويه هههههههههه
كلماتك جميله يا ساسو ومعبره
بس كوني متيقنه أن الحب والصداقه الحقيقيه لا تنتهي لمجرد مرور سحابة صيف
تفبلي مني خالص التحيه
مع كل وجعة ألم
في القلب بقعة نور
ادمعت العين ساعة
وابتسمت الشفاة ساعة
وإلى الله العودة دائما
--
بجد كلماتك جميلة جداا
واحساس معبر من قلب صادق
تقبلي مروري المتواضع
http://www.alaq-alnada.com/vb
سيكون العنوان ظاهرًا ، وسيعود الأمل والحياة، من ثنايا هذا اليأس والمرار !!.... صدقيني ....
الدنيا بتبقى حر وبرد :)
.
.
خالص تحياتي
بقالى ساعة حزين
عارفه ليه
بدور على التعليقات ملقتش
بحسبك قافلها
قلت بينى و بين نفسى
اذ ربما يكون فوق
و لقيته الحمد لله
هههههههههههه
بجد جميله جدا
و اسلوبك رائع
و احساسك عالى جدا
المدونة كلها عجبتنى بجد
تحياتى
اسلام
saso
كل سنه وانتي طيبه
وعيد مبارك عليكي
ان شاء الله
رائع يا ساسو بس ليه الموت فى الموضوع
مبلاش سيرته خليها مختفيه زى ما ساعة ما بيجى ....
بس رائع يا ساسو مقدرش ااقول غير انها حقا كلمات رائعه...
وكل ستنه وانتى بالف خير وسلام
وعيد سعيد عليكى
وعلى كل من تحبين
وكل سنه وانتى بالف خير وسلام...
ازيك يا سارة
كل سنة وانت طيبة
يارب تكوني بخير
طمنيني عليكي
اسفه على التاخير ف الرد جميعاااااااااااا
ابو على:
شكرا جزيلا على احتفاظك لحد دلوقتى بالرد الاول عندى ومتشكره جدا على كلامك واهتمامك وكل سنه وانت بالف خير
قلم رصاص:
اهلا وسهلا يا .......... نورت المدونه كالعاده
ونبره التشاؤم ان شاء الله تروح
متشكره اوى على اهتمامك ووجودك معانا دايما
وكل سنه وانت بخير
امير :
اهلا اهلا : نورتنى حقيقي وبانتظر زيارتك بجد دايما
والحمد لله ان الكلمات عجبتك ويارب دايما تعجبك
والقصه اللى شبهك ربنا يصبرك عليها
كل سنه وانت طيب
قطه الصحراء:
يا قمر اعتذار ايه؟ انتى كفايه نورك ف المدونه والله ........
كل سنه وانتى بالف خير يا حبيبتى
مجنون:
اهلا بيك منور .......شكرا على كلامك والحمد لله ان البوست عجبك
بالنسبه للافكار انا فعلا مش باكتب اى شئ بدون احساس .......وربنا يصبر الجميع هههههههه
تحياتى ليك وكل سنه وانت طيب
حسام:
كلامك خلى وشي يحمر خجلا والله:
متشكره اوووووووى على المجاملات الفظيعه دى وعلى كلامك الجميل
كل سنه وانت طيب
احمد الصباغ:
اهلا اهلا اهلا يا خالو
كنت منتظره زيارتك والله ولو انى اتاخرت شويه بس اعذرنى
نورررررررررررت والله واشكشك على رايك ويارب دايما تنورنى
وكل سنه وانت بالف خير
عماد الدين يوسف:
هاخد اخر كلامك واقول ان لولا العصبيه مكناش هنحس بطعم الفرحه
الحمد لله على كل شئ
المهم انك نورت المدونه كلها
وكل سنه وانت طيب
فارس بلا جواد:
الحمد لله انك جيت بكون دايما ف انتظار رايك
والحمد لله انها عجبتك رغم حزنها وجميله اووووووووى الجمله اللى قلتها
شكرا على الزياره الجميله والكلام الحلو
وكل سنه وانت طيب
حدوته:
طبعا السكه مش تتوه خاااااالص تاكسي وتيجي دايما او هاتى تك تك خصوصى ههههههههه
نورتى يا قمرايه وطبعا هتابع مدونتك ان شاء الله وكل سنه وانتى طيبه يا قمر
جمعاوى :
اهلا بيك نورت ورايك اشكرك عليه
اما البوست بتاعك انا قراته تالت مره بس يمكن انا اللى مش فاهمه عموما بسيطه ولا يهمك المهم انك نورت
وكل سنه واتنت طيب
شهد الكلمات:
والله من اوائل الناس اللى بانتظر زيارتهم حقيقي وبمووووووووووت ف كلامك الرائع ومدونتك الرائعه وموهبتك الجميله
انا متشكره اوى على رايك وذوقك
كل سنه وانتى طيبه يا قمر
طائر الليل الحزين:
اهلا وسهلا والحمد لله ان الكلام عجبك واتمنى توزينى دايما
كل سنه وانتى طيبه
ahmed _k
اهلا وسهلا نورت ......المهم ان الناس توصل للتعليقات هههههههههه وانا هقول كل مره مش مشكله
وطبعا الصداقه مش بتنتهى بسرعه لكن بيجي حجات تصعب الموقف وتتعب القلب ........الحمد لله
كل سنه وانت طيب
بلو ستار فور:
اهلا وسهلا نورت المدونه وكلامك عجبنى جداااااااااااااا بجد ...
واشكرك على وروك الجميل ردك الاجمل
كل سنه وانت طيب
ابراهيم...معايا:
ربنا يسمع منك وكل سنه وانت طيب واشكرك على زيارتك الجميله
مواطن نايم:
اخيرا يا استاذ اسلام نورت البلوج
الحمد لله
بجد كنت منتتظره الزياره بتاعت الدم الخفيف ده
شكرا على كلامك ورايك الجميل ف المدونه واتمنى تنورنى دايما
كل سنه وانت طيب
امير
معلش انا اتاخرت اووووووى بس كل سنه وانت طيب طبعا والسنه كلها تبقي فرح وعيد عليك ان شاء الله
استاذ احمد:
اللهم تقبل منا ومنك واللهم امين
وكل سنه وحضرتك بخير
محاسن صابر :
وحشتينى بجد والله
كل سنه وانتى طيبه يا قمر التدوين
وبلاش سيره الموت ليه؟؟؟؟
كل نفس ذائقه الموت
بس متخافيش ههههههه ان شاء الله ليكي عمر طويل
سلام يا عسل
ماما اموله :
ازيك يا ماما ؟ وحشتينى جدا بجد
وكل سنه وانتى بخير يا قمر
معلش انا غايبه بقالي فتره بس انا بخير الحمد لله وانتظرتك امبارح ...ووصل ليه سلامك
( بوسه)
Wonderful!...and for you...
"love is the one who masters all things"
Mawlana Rumi.
إرسال تعليق