والله زمان
قبل 8 أعوام
الاثنين، 28 يونيو 2010
إحساسي الليلة غريب .. أول مرة احسه معاكي
دايما حاسة إن انا بشتاق لك
أول مرة اكون كرهاكي
حضنك كان دايمًا مفتوح .. هوا روحي بيعيش بهواكي
علطول أذكر إسمك قبلي
اول مرة اكون نسياكي
شغلتي عقلي وحيرتيني .. بين شرياكي وبين بيعاكي
والمرة دي ما فيها عتاب
أول مرة مش عوزاكي
دمعة عيني تمنها وداع .. مش محتاجة خلاص لهواكي
بعد ما كنت باقول عايشه لك
أول مرة هاقول ذكراكي
غروب
الاشتراك في:
تعليقات الرسالة (Atom)
11 التعليقات:
غروب
ارق غروب
غروب الجميله
الله قد ايه انتى جميله اووى
تعرفى حبيتك بجد ومبسوطه بزياره الجميله لمدونتى
على الرغم من ان فى بوست تانى اتعمل ولاذم تزورينى ماليش دعوه هرفه بلاغ لعمونا بلوجر
اى بوست اعمله لاذم تشرفينى فيه وقد اعذر من انذر
ممممممممممم
كلام صعب وكله تناقض بين مشاعر حب
واحساس بالكره
مش عارفه اقولك ايه بجد
أكيد حاجه حصلت خلاتك تقولى وتحسى الاحساس ده
عامة ده اختيارك ومحدش هيلومك عليه
لان مافيش حد هياكل لقمه غصب عنه
دمتى حبيبتى بكل الخير
منتظراكى لانى بحبك ومش كراهكى
هههههههههههههههه
توتا
معنى كلامك ايه وداع ايه بس
بجد انا بحب مدونتك موت وبعشقها ليه كده حرام ظلم انى احتج انى اعترض
انا بيطرية يا غروب
مالك يعنى ايه البوست الجديد مش فاهمة حاجة
فى حاجات كتير كده جت ورا بعض بس مارضيت افكر فيها اصلا وليع قافلة تعليقات البوست الجديد
انا مش فاهمة فى ايه
غروب ياريت تردى على تعليقاتنا
طمنينى ارجوك
لاتغربى ياغروب
حبيبتى غروب اتمنى لو تطمنينا عليكى خير يارب
أختى الغالية
بصراحة حاسس من الكلام
وفى حزن وشجن كتير بين السطور
أتمنى تطمنينا عليكى
خالص تحياتى ودعائى
احساسك واصل يا غروب .. بس كلمة كره دي كبيره اوي .. واللي بيحي بجد مبيعرفش يكره علي فكره ..
يارب تكوني بخير :)
مالك مين مزعلك يارب تكونى بخير
مبسوطه انى اطمنت عليكى ياقلبى ويارب تكونى بخير ويارب يسعدك ويبعد عنكى اى شر
بحبك والله لله فى الله
وبفرح لما بلاقيكى منورانى متعرفيش قد ايه فخر ليا انك تدخلى عندى بجد بسعد بوجودك الرائع
ربنا يديم عليكى السعاده يارب
والله العظبم بحبك فى الله
انا هعمل بوست الوقتى لان بصراحه مزاجى مش قد كده بقالى كام يوم بالرغم من ان حسام خطيبى والله مالى عليا حياتى
بس الامر مش يستغنا اكيد بتيجى لينا حاجات كده بتعكر صفو حياتنا
زى ما تقولى كده ياغروب ان الفرح والسعاده مش من نصيبنا معلهش والله بكتب ليكى وانا ببكى
ربنا يوفقك يارب
توتا
وحشتينى حبيبتى فينك
وايه الغيبه دى كلها ياريت طمنينى عليكى
لانى قلقانه عشانك موووووووووووت
وحشتينى اوووى
إرسال تعليق