والله زمان
قبل 8 أعوام
الخميس، 6 مايو 2010
بسم الله الرحمن الرحيم
الاول : لينك الجزء التانى من نسيان دوت كوم على مدونة ( قرأت اليوم )
مش عاوزه حد يستغرب من عنوان البوست بس هى دى الحقيقه
انا فعلا لسه صغيره
ناس بقه تسالنى يعنى ايه لسه صغيره ؟؟؟ وصغيرة على ايه بالضبط ؟؟؟ انتى فاكره نفسك سعاد حسني ولا ايه ؟؟
هاقول ببساطه احسن منها ههههههههههه
المهم : اللى خلانى اكتب البوست ده هى المواقف الآتيه :
اولا : حوار ليه مع سلمى ( واحده من مربع صديقاتي الانتيم) اتناقشنا فيه عن السن المناسب للانسان اللى المفروض
واحده في عمرنا ترتبط بيه
وبما اننا في بداية العشرينات .. يبقي المفروض نفكر في شخص في وسط العشرينات او تلتها الاخير بالكتير وده كان
رأى سلمى واللى كنت أنا باختلف معاها فيه ( ولازلت مختلفه )
انا شايفه انى في عمرى ده المفروض انى أرتبط بشخص لا يقل بأى شكل من الأشكال عن 30 سنه يدوب الفرق كده
كويس
طبعا بنات كتير هتشوف كلامي غلط بس انا لسه مقتنعه بيه .. ودى يمكن تكون النقطه الاولى اللى هاتخرج عن العنوان
ثانيا : الفتره اللى فاتت كنت على وشك الارتباط والشعور بالحب مع شخص ثلاثينى زى م انا محدده من الاول .. لكن
اكتشفت في وقت قصير انه مش هاينفع .. لانى ببساطه حسيت ( انى لسه صغيره )
مش صغيره عليه .. لكن صغيره انى احب اصلا دلوقتى
حاسه انى في مرحلة التكوين .. مش مرحلة الارتباط
واعتقد مش هافكر في الموضوع ده دلوقتى خاااالص .. عاوزه اخد وقتى خصوصا وانى مبقاش عندى استعداد لخوض
اى علاقة عاطفيه ..والحمد لله انى بدون جروح تتسب في انى اعجز بدري
ثالثا : لما جت الانسه ايناس ( واحده من مربع صديقاتي الانتيم برضه ) اتهمتنى بحب شخص ما بعينه .. وللاسف
وجهلى شخص آخر نفس التهمه وتخيلوا بقه مع نفس الشخص .. وأنا أحلف يا جدعان والله ما في اى شئ بالنسبة
للشخص ده ولكن لا حياة لمن تنادي
زعلت اوى لما صاحبتى اللى المفروض عارفه عنى كل شئ تتهمنى الاتهام ده
لدرجة انها توصلنى انى اقولها ( يا ايناس لو انا فعلا بحب فمش فلان هو اللى بحبه ومش هايكون )
وازاى ابقي لسه باقول انى مش مستعده للحب وارتبط بده .. وازاى اكون بافكر في رجل ثلاثينى وأحب ولد في أوائل
العشرينات ؟
لا حول ولا قوة الا بالله
غروب
الاشتراك في:
تعليقات الرسالة (Atom)
13 التعليقات:
اول تعليق
للحجز بس اقرا بقى وارجع اعلق
اممممممممممممممممممم
اولا هو كويس جدا انك عايز تنتظرى شوية عشان تاخدى وقتك ودا بقى المهم
انك مش عايز تاخدى جوة مستعجلةحتى لو توفر الشخص المناسب
لانك عايزة ان انتى كمان تكونى مناسبة
وويا سيتى كل سنة وانتى طيبة من دلوقتى اهو
وان شاء الله تحققى احلامك وربنا يرزقك زوج صالح
احمد راضي:
اكيد يا احمد انا محتاجه فعلا وقت حتى لو توافر الشخص المناسب
يعنى ببساطه المشكله مش هاتكون في الشخص
المشكله عندى انا
المهم بقه انى مش هتنازل عنى الهديه بس في وقتها
ربنا يكرمك يا احمد ويرزقك انت كمان بزوجه صالحه
نورت
نوسه موزه
اوبجيكشن ؟
يععنى ايه الكلام ده انت بتشتمى ولا ايه ؟
ههههههه
نوسه موضوع الاتهام ده ضايقنى منك صحيح بس اللى اكد انى اتضايقت لما حد غيرك جه وجهلى نفس التهمه ومع نفس الشخص تخيلي
ما علينا من الاتهام بقه
لانى قولتلك قبل كده اللى بيته من ازاز ميحدفش الناس بالطوب هههههههههه
مسألة بقه اعتراضك على السن
فكل واحد حر في رأيه يا ستوو
ولكل واحد مذهبه الخاص
لأ دا واضح انك مصممة بقى في حاجتين
نو كمنت يا آنسة
ايناس
خليكي في حالك بقه
هههههههههههههههه
وقومى ذاكرى احسنلك
بجد قومى وكفايه نت بقه عندك امتحان
جميله اوى الفضفضه دى
تعرفى انا سنى قريب اوى ليكى
بس حاسه انى عجوزه
بس تفكيرك مقنع وعجبنى
تحياتى
ليس من العيب أن تخطئ لكن العيب ألا تعترف بخطأك
إذا اعتقد الإنسان في شيء وتبين له خطأه ومع ذلك تمسك برأيه فهذا يعد كذب
الشوكة الناعمه
اهلا بيكي يا قمر
مبسوطه اوى ان الكلام عجبك
عجوزه ايه بس يا بنتى
د انتى لسه في اول حياتك
كان عندى احساس العجز ده لحد قريب
لكن اكتشفت انى لسه بدرى
ياريتك تحسي ده
نورتينى
E73
اشكرك على المرور
وانا بس مش كنت على الجهاز امبارح لان ابن خالى جه وقعد معايا لحد الساعه واحده ونص مش اكتر
عموما ميرسي تانى
كلك ذوووووووووق
بصى يا غروب دة اول تعليق لية عندك .... و ان شاء الله مش هيكون اخر تعليق لان واضح من مدونتك و مواضيعيك انك شخصية مميزة و دماغك كبيرة و متكلفة هههه ... بس انا لما قريت الموضوع اختلفت معاكى فى جزء و اتفقت معاكى فى جزء تانى .... اتفقت معاكى فى ان الواحدة مننا لازم متدخلش فى اى مواضيع ارتباط غير وهى مستعدة تماما و مهيئة لدة و دى انا موافقاكى 100 فى 100 بس الى معترضة علية ان الفرق كبيييير اوى لما تكونى انتى فى اول العشرينات و تاخدى واحد فى التلاتين .... حسة ان فرق السن كبييير اوى .... بس على العموم الاخلاف فى الراى لا يفسد للود قضية
معاكى حق يا غروب بجد لازم الواحد يكون مستعد ومؤهل نفسيا للدخول فى تجربه من دى
وبجد عجبنى اوى عنوان ابلوست
ومش مستغربه انتى فعلا لسه صغننه
وانا كمان
إرسال تعليق