والله زمان
قبل 8 أعوام
الأحد، 6 ديسمبر 2009
بسم الله الرحمن الرحيم
ازيك يا مدونتي العزيزه : وحشانى بجد
بعيد عنك بس في بالي دايما
النهارده يا مدونتى الحبيبه عاوزه اتكلم معاكى شويه صغيرين كده
عاوزه اقولك شويه كلام سر ... ماشي ؟
الأول انا عاوزه أسالك ؟
هو الحب بيجي الاول ولا الغيره اللى بتيجي الاول ؟
فهمانى ؟؟؟؟؟؟؟؟؟؟؟
يعنى هو انا احب الاول وبعدين أحس إنى باغير على حبيبي مثلا ؟
ولا أغير على شخص ما .. وتكون دى علامة تؤكد حبي للشخص ده ؟
يعنى هو انا احب الاول وبعدين أحس إنى باغير على حبيبي مثلا ؟
ولا أغير على شخص ما .. وتكون دى علامة تؤكد حبي للشخص ده ؟
انتى طبعا عارفه انى غيوره خالص ... صحيح مش لدرجة الجنان لكن أكيد باغير زى اى بنت يعنى
تعرفي رغم ان الغيره شعور انسانى ساعات بيكون مؤذى .. الا إنه كتييييييييييير بيكون شعور لطيف اوى
مش بس أنك تحس ان فلان غيران عليك .. او فلانه غيرانه عليك
لا انك تحس العكس ... تحس ان انت اللى غيران ... والاجمل انك تكون غيران على حد لسه مفيش بينك وبينه كلمه ( بحبك)
لسه بينك وبينه ...( نظره ...كلمه...ابتسامه...وقت ............وقت جميل ممكن تقضيه معاه )
مش عاوزين الغيره دى تتحول لسكينه تدبح بمجرد م تحس انها اخدت وضعها الطبيعي وانها خلاص بقت حق مشروع
انا خطيبك: من حقي اغير عليكي ....... من حقي اخنقك ......؟؟؟؟؟؟؟؟؟؟؟!!!!!!!!!!!
انا خطيبتك: مين فلانه ؟؟؟؟؟ وكانت بتقول ليك ايه ؟؟؟؟؟؟؟؟؟؟؟
الغيره مجرد سماعها لكلمه الحب بتتحول لشبح بيحاول يكسر كل شئ حلو
لكن في بدايتها جميله
يا ترى هتفضل كده علطول ؟؟؟؟؟؟؟؟؟هاديه ؟
ولا هو تحورها طبيعي زى وجودها ؟؟
ولا هو تحورها طبيعي زى وجودها ؟؟
طولت عليكي يا مدونتى ولا ايه ؟
سورى بقه ... مش ورايا شغل
اشوفك تااااااااااانى
بااااااااااااى
الاشتراك في:
تعليقات الرسالة (Atom)
17 التعليقات:
حلوة الغيرة
مش وحشة
وربنا مايكتب عليكى الوش الوحش منها
خلينا فى الوش الحلو بس
الغيرة شعور لذيذ بس لو كان زى نسمة صيف وتعدى مش زوابع بس لما بتزيد بتبقى صعبة وبتتقلب لشك ربنا يعافيكى من مرها
دمتى بكل الخير والسعادة
بيعى ان الحاجه لما بتزيد عن الحد بتنقلب للضد
بس مننكرش ان شعور الغيرة ده شعور جميل اووووى
وحشتينى اوووووووووى ياسارة
وعايزة اتكلم معاك كتير والله
الغيره احساس حلو وجميل لما بيكون هادى لكن لما يزيد ويتحول ان خطيبك او جوزك يكلم اميلاتك مثلا او يكلم الارقام المتسجله على تليفونك يبقى كدا زودها اوى وكمان اتحولت لشك يهدم كل حاجه حلوه بينكم
تحياتى ياساسو قديما
وغروب حديثا
بت يا غروب وحشانى يا مختفيه انتى
وينك ووين اخباراتك
بصى ياجميل حلوة الغيره بس اما تكون
معتدله ولما تكون شئ حلو يظهر المشاعر
لكن لما تتحول لشئ يالم ويتعب
ويتسبب فى مشاكل بتبقى وحشه
وخلى بالك الاعتدال فى كل شئ مطلوب
لا التجاهل حلو
ولا الغيره الزيادة حلوه
مش تغيبى تانى
ازيك يا غروب
اختفيتى كتييييييييييير ووحشتينا
انتى كاتبه موضوع جميل
بس هو مفيش حب بدون غيره
بيكون لها شعور جميل ولذيذ
لكن لما الغيره بتزيد عن حدها بتتحول
لحب امتلاك وخنقه وكمان ممكن الشك
تحياتى يا قمر
وما تغيبيش تانى
باى باى
الغيره شعور جميل
بصى هى اصلا بيشبهوها بالشطه والفلفل
بتحلى الحب وتديله طعم لكن لو ذادت عن
حدها بتتحول لشيىء فظيع بتخنق الحب
وعلى راى حاحا كتر الشطه يجيب......
تحيه لاسعه
الحب احساس رائع والغيرة اكيد بتحليه
المهم انى الغيرة متبقاش عمياء عشان متحولش الحياة لجحيم
حمدا لله على السلامة
نورتى المدونة من جديد
أول مرة أدخل المدونة بس بجد جميلة أوى
وأعتقد إن الغيرة بتيجى مع الحب ولا قبلة ولا بعدة
السلام عليكم وزرحمة الله
اهلا بك غروب كيف حالك ان شاء الله تكوني بخير
الغيره اكيد دليل على الحب لكن لازم تكون في حدود الغيره المفرطه تتحول الى شك وهذا اكيد يؤدي الى ما لا تحمد عقباه وتصبح العيشه مستحيله بين الحبيبين خطيبين كان او زوجين
تحيااتي لك
حلوة الغيرة جدا
بس مش ديما
بس لازم نغير ما انتى بشر
دومتى بكل خير
ماهو انتى مش هتكتشفى انك بتحبى الا لما تغيرى الاول
يعنى لو لقيتى نفسك بتغيرى يبقى بتحبى
مساء الخير انا جاى امسى
انا خطيبك: من حقي اغير عليكي ....... من حقي اخنقك ......؟؟؟؟؟؟؟؟؟؟؟!!!!!!!!!!!
عجبتني قوي الجملة دي فحبيت أسجل إعجابي بيها
مش معنى إني بحبك وبفوتلك وبطنش انك تتحكم فيا وتخنقني
كل له ما له وعليه ما عليه
بالتوفيق
السلام عليكم إزيك يا غروب
همساتك لمدونتك جميله
فالحب بدون غيره كالحياه بدون ماء
لا يمكن أن يحيا الحب بدون الغيره
ولكن بشرط أن تكون غيره عاقله موزونه
وليست غيرة قاتله
تقبلي خالص تحياتي
الغيره شعور مؤلم للى حاسسها و عايشها لانه احيانا يتحول لشك و يقين و قد يكون الوضع الحقيقى غير ذلك و ده بسبب الغيره
إرسال تعليق