والله زمان
قبل 8 أعوام
السبت، 26 سبتمبر 2009
بسم الله الرحمن الرحيم
...........................................
ياللى حاسدين الحبايب
حبي ضايع مش لاقيه
مين يجيبلي حق قلبي
اللى لما كان ف صدرى
شده موج الحب منــّى
مين يحاســــــــــــــــــب ؟؟؟؟؟؟؟
اللى يجرح ... واللى يكسر
واللى بيهرب
لما يحس الخوف مقرب
مين يواسي ...مين يطبطب
مين؟؟؟؟؟......ومين ؟؟؟؟؟
ملقيناش غير اللى يضرب
ع الوجيعه اللى ف قلوبنا
والحقيقه ..........
كل واحد جايله حـــقه
هما ليهم وقلبي ليه
قلبي جايله الف حسره
وهما ليهم الف فرحه
والبراءه ........
اللى كان دافع تمنها
اللى حبوا من زمان
اللى ضحوا عشان قلوبهم
والامل كان في رجوعهم
رجعوا بس بالف صرخه
................................................
يا حبيبي
ياللى حبك ليه قوتى
ليه حكمت انت بموتى
احنا متنا الف مره
ميتين م الخوف ...نكابر
مش قادرين نحلم...نعافر
ميتين م الفرقه لكن ...
خوفنا نرجع
يحفرلنا الضععف المقابر
...................................................
يا حبيبي ......
رغم انى لسه خايفه برضه منك
بس لازم انى اقولك
عمرى ما اقدر انى احبك
مش هكونلك قلب صافي
مش هشيلك وقت جرحك
اصل ضايع معاك حقي
رجعلى من تانى حقي
يا حبيبي تلاقي حقك
..................................
غروب
الاشتراك في:
تعليقات الرسالة (Atom)
33 التعليقات:
غروب هانم
اصلحي مابينك وبين قلبك يستقيم مابينك وبين حبيبك
جميز
اعتقد ذلك
"يا حبيبي
ياللى حبك ليه قوتى
ليه حكمت انت بموتى
احنا متنا الف مره
ميتين م الخوف ...نكابر
مش قادرين نحلم...نعافر
ميتين م الفرقه لكن ...
خوفنا نرجع
يحفرلنا الضععف المقابر "
كلام جاى فى وقته اوى اوى
تسلم ايدك ياغروب
وكمان ايه البوست الحزين ده
خليكي دايما مبسوطة
جميز
اية الكلام الجامد اوى دة هو احنا بقينا كلنا احساس انسان حزين ولا اية
بس احلى حتة عجبتني الى هي بتاعت انى مش هشيللك ف جرحك الحتة دى جامدة جدا
بجد تسلم ايدك
كل سنه وانتى طيبه
مش عارف صراحه يا غروب فى ايه ؟
بس فى لمحات حزن فى كتاباتك الأخيره مش كويسه
اتمنى تكونى بخير وحاولى تفكى من الحالة دى
يعنى افرحى اضحكى عيشى مع الناس مش مع نفسك وبس هتلاقى الوضع اتغير كتير
وكمان تعالى هنا ذكريات زعلانه منك ولو عدى يوم كمان وانت بعيده عنها هتخاصمك خالص
الحــ ــزين
ان شاء الله كله هايبقى كويس .,وربنا هايحققلك كل اللى انتى بتتمنيه علشان انتى حد كويس.يارب تتحقق امانيكى
الحــ ــزين
جميز
:
الموضوع كده شكله اتفهم غلط
لان انا مش حزينه ولا في اى شئ يخص حاله حب
هى مجرد حاله عاديه مكتوبه على ورق
وانا ما زلت مستمتعه بالحاله اللى انا فيها
حاله قلبك نادانى
نورت
محمد:
ميرسي يا محمد
وسعيده ان الكلام عجبك
نورت
محمد:
ميرسي يا محمد
وسعيده ان الكلام عجبك
نورت
جميز
مش تقلق انا الفتره دى في حياتى جميله وسعيده بهيا
ادعيلي تستمر
نورت
عمرو وائل
لا طبعا مفيش حزن عندى
اتمنى الكل اللى يدخل عندى يكون سعيد
وهى مجرد كلمات
بس كويس انها عجبتك
يا قلالالالاد
هههههههه
نورت
محمد عتلم
وانت طيب
فينك من زمان
نورت
الازهرى
:
ايه اللى انت بتقوله ده يا عم انت ؟
حزن ايه ؟
ههههههههههه
شكلك لسه صاحي من النوم كالعاده
انت شكلك بتفتح عينك اساسا على المدونه علشان كده مش بتاخد بالك كويس
انا قايله انى سعيده الفتره دى اوى
وقلبك نادانى وكده
ههههههه
ايه بقه اعمل اكتر من كده ايه
لكن كلمات البوست المره دى
هى مجرد كلمات كتبتها ونشرتها
لكن الحمد لله انا في حاله جميله من السعاده
واكيد انا روحت لذكريات
مش هقدر تزعل منى
نورتنى
الحزين
متشكره جدا لذوقك وكلامك
وباعتذر عن سوء التفاهم اللى حصل
نورت
كلمات قوية فعلا
كل واحد مننا هيحسها على حسب اللي بيمر بيه
بجد جميلة موت
تسلمي يا قمر
ايه يا قمر الكلام الجامد ده
ده انا كان نصنى كتير
وعلى فكرة كل سنة وانتى طيبة مع انها جاية متأخرة
ويارييت تسامحينى على التقصير وعد المتابعة
كرى كرى كرى
وقعتى فى المقلب
أولا رجعتك تعلقى من تانى بعد ما كنتى غايبه عن الكل ويا ريت تستمرى وبلاش تستخبى
ثانيا وهو الأهم انا نفسى اعرف ليه الحزن فى الكتابه والكلام عن الجراح وانت فرحانه
فرحى الناس معاكى
اكتبى عن الضحكة البسمه
اكتبى عن الحياه والفرح
اكتبى عن كل شىء جميل
مش باحجر على كتاباتك والله بس نفسى الكل يفرح ويبقى سعيد
اتفقنا ؟
حلو المقلب ؟
فى مقلب بقى قبل خفة اليد راجعيه وقولى لى رأيك
كل لحظة حزن تخلق ألف حب
احزان بطعم اابتسامة
جميز
حطام
اهلا وسهلا بيكي
نورتى
وسعيده ان الكلام عجبك
اتمنى تكررى الزياره
على ايه حسدينه
دول هما اللى فكرينه
روح حلوه وزهن صافى
لكن طلع شىء نافى
وناس زايفه ووش رايحه
لسكة متلقلهاش قطر ماشى
طائر الليل الحزين
وانتى طيبه يا قمر
وكفايه انك نورتينى
الازهرى
ايه ده بجد
طلع مقلب وفيه مقلب قبله كمان
؟؟؟
هههه
انا صدقت والله
ماااشي
الزمان بيننا مسيري اضحك عليك
عموما ربنا يسهل وبعض اللى اكتبه يكون مفرح والناس تفرح معايا
نورتنى
جميز
مش في كل الحالات
الفراشه الصغيره
هههه
غلبتينى يا قمر
تسلم ايدك
وحشانى جدا والله
كل سنه وانتى طيبه
ملقيناش غير اللى يضرب ع الوجيعه اللى ف قلوبنا والحقيقه ..........كل واحد جايله حـــقه هما ليهم وقلبي ليه قلبي جايله الف حسره وهما ليهم الف فرحه والبراءه .......
بجد الحته ده فى الجون
وحشانى يا قمر
ربنا يوفقك
شيمو القمر
جميز ينادي
هل تسمعني
فينك يا غروب هانم
يعني لازم نغرق الدنيا جميز علشان تظهري
سلام مجمز بالجميز
يا حبيبي
ياللى حبك ليه قوتى
ليه حكمت انت بموتى
احنا متنا الف مره
ميتين م الخوف ...نكابر
مش قادرين نحلم...نعافر
ميتين م الفرقه لكن ...
خوفنا نرجع
يحفرلنا الضععف المقابر
الله يا غروب
حلو اوي بجد
بس ليه لمسة الحزن دي :((
يارب تكوني بخير
تحياتي
غروب
بجد عملتى حالة حلوة اوى
الكلمات جميلة جدا والاسلوب راقى ويشد القارئ لأنه يكمل
والتقسيمة حلوة اوى
بس ليه الحزن ده بس
شيمو القمر
والله انتى كمان وحشانى وكنت عندك قريب علشان ابارك ليكي بس مدونتك كانت تقيله اوى
عموما الف مبروك يا حبيبتى وربنا يتم عليكي بخير
وسعيده يا قمر ان الكلام عجبك ولو انك اكيد عاوزه كلام حب دلوقتى
هههه
نورتينى يا قمر
جميز
:
مش لحقت اغيب
نورت
هاجر زعبل
ازيك يا جوجو
منوره
مفيش حزن ولا حاجه
هى مجرد حاله تم رصدها في كلمات
لكن مش شرط اكون باععيشها
المهم انها عجبتك
صح؟؟؟؟
نورتينى
ايدي
كل ده؟
الحمد لله انها عجباكى
ربنا يكرمك وان شاء الله مفيش حزن ولا حاجه
نورتى
إرسال تعليق