والله زمان
قبل 8 أعوام
الثلاثاء، 9 يونيو 2009
بسم الله الرحمن الرحيم
النهارده يوم غريب عليه اوى .. عندى فيه كميه مشاعر متناقضه كتييييير
اولا فرحانه جدا ... لان الحمد لله فات من الامتحانات الكتير ومش باقي الا القليل والحمد لله ماشيه تمام
ثانيا : فرحانه اوى لان بمجرد نهايه الامتحانات عندى 3 افراح لاعز الناس عندى عقبالكوا جميعا
الاول فرح كيمو ابن عمى على مونى صاحبتى
ثانيا فرح شهد بنت خالتى وصاحبتى
ثالثا فرح سمكه بنت خالتى وصاحبتى
فرحانه اوى للتلاته من قلبي لكن في نفس الوقت زعلانه اووووووووووى
زعلانه لانى حاسه انى هبقي لوحدى ... اصل انا وشهد وسمكه عمرنا م افترقنا
اتربينا لمده عشرين سنه سوا ... وتقريبا في بيوت واحده
ولحد لما كبرنا واتخطبوا الاتنين واحنا بنشوف بعض دايما ومع بعض
دلوقتى حصل شئ غريب
سمكه فرحها اخر الشهر وهتروح بيت جديد .. وشهد هتتجوز وتسافر السعوديه ومش هترجع دلوقتى
احنا اساسا بنتجمع كل يوم تثلاثاء كلنا مهما كانت اشغالنا ..مش متخيله دلوقتى انى هروح ابقي لوحدى
مفيش سمكه ومفيش شهد .. انا وبس
حاسه بالوحده والحزن كتير اوى .. قلبي بيوجعنى فعلا
ده اول احساسين متناقضين ..غيرهم بقه
احساس غبي شويه ... حاسه انى عاوزه احب ..ههههههه محدش يضحك
ايوه والله حاسه انى عاوزه احب دلوقتى حالا وعاوزه اتحب
انا عارف ان كتير هيسال والاحساس ده يا بنتى جالك فجاه؟؟؟؟؟؟؟
انا عارفه ان كل احساس ليه دافع داخلى والدافع موجود مش مجنونه ولا حاجه .. بس النهارده بالصدفه سمعت مكالمه بين سمكه وخطيبها
كنت فرحانه بحاله الحب دى اوى .. بس في نفس الوقت اتمنيتها
اتجننت صح؟؟؟؟؟؟؟؟
ما علييييييييييييينا
احل بقه التاج اللى جالى من ايناس عاشقه الاحزان بالمره
أذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
اولا .. حلم عاطفي اتمنيته زمان بجنون ولو رجع بيه الزمن اعتقد عمرى مهفكر احلمه لانه كان كابوس واتخدعت فيه
ثانيا : حلمت حلم طبيعي بتصليح خطا اسرى وحاولت فعلا احول حلمى لواقع بس للاسف اتقلب على دماغي فلو رجع الزمن برضه عمرى مش هحلمه
ثالثا: حلمت من فتره بحاله حب جديده واكتشفت انها فاشله ولو رجع الزمن برضه مش هحلمها لانها متنفعش حب هى تنفع زى مهى ماشيه وبس ليس الا
رابعا : حلمت زمان انى اكون طبيبه بس حاليا مش متوقعه نفسي غير في مكانى وفي مجالى وعلشان كده ده كان حلم غلط برضه
خامسا : حلمت اوصل للنجوم اللى بعيده عنى اوى ولما حاولت اوصلها فعلا وقعت واتكسرت جامد ولسه الحلم ده بياذينى لمجرد انى افتكره
أذكر خمس أحلام على الأقل ..تخص مستقبلك ؟؟؟
زى اى بنت انى ارتبط بانسان اعرف احبه ويعرف يحبنى
نفسي جدا احج...ياارب اكتبها لى
نفسي اصلح علاقه معينه في حياتى كسرها سبب لي ازمه نفسيه وعلى الهامش ..مش علاقه عاطفيه
بحلم اشوف الحزن في عين بعض الشخصيات .. محدش ينقدنى
بحلو بصراحه بيوم فرحى وعيلتى الجديده هههههه كتير اووووووووى خصوصا تفاصيل الفرح
مجنوووونه والله
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن ?
التمثالين اللى اتكسروا منى البوست اللى فات بس لسه مش عارفه اذا كانوا هيفضلوا معايا بكسرهم ولا هتخلى عنهم؟
ذكر شخصين على الأقل غير متواجدين فى حياتك حاليا كنت تود وجودهم الان
الرسول صلى الله عليه وسلم
تيته الله يرحمها وجدو
واتمنى بجد بجد ان يكون ابراهيم الفقي جمبي وموجود في حياتى بكتبه وبرامجه من زمان اوى
تحدث عن ستة أسرار قد لا يكتشفها من يقابلك للمرة الأولى ؟
انا شخصيه واضحه لدرجه ان اى حد ممكن يكشف كل شئ عنى من اول لقاء
تهدى التاج لمين ؟؟
انا دايما الحقيقه مش بحب ادبس حد لكن المره دى خلينى اهدى التاج لاتنين غاليين لمجرد تدبيسهم
جهاد مشالى ... حاجات عيال لما ترجع بالسلامه
ودورنا ....معجزات
بالهنا والشفا
انا طبعا مش خصيت الاتنين دول لاى سبب غير انهم انتيماتى واعرفهم بدون تدوين
لكن اصحابي المدونين كتير ونفسي اهديهم كلهم التاج لكن اخاف انسي حد فاللى عاوزه ياخده
غروب
الاشتراك في:
تعليقات الرسالة (Atom)
14 التعليقات:
السلام عليكم
أول تعليق
ياسلام أنا أول تعليق
المهم
ردودك ع التاج رائعة جميلة جدا ، وألف مبروك أكتر على الأفراح اللي عندكم
وعقبال فرحك يارب
تقبلي مروري
ربنا يكرمك بحب خالص لوجه الله
إجاباتك عن البوست جميل
ممكن سؤال سمكه بنت خالتك هى نفسها
سمكه واحده
مصعب
اهلا منور اول تعليق عند طنط غروب
الله يكرمك ويبارك فيك وعقبال منفرح فيك يارب
عاشق ضوء القمر
ههههه ربنا يسمع منك
متشكره اوى لرايك في الاجاابات
المشكله بتاعت اللخبطه دى حصلت لما فتحت مدونه اهالينا مع سمكه بنت خالتى
لان سمكه واحده دخلت زعلانه من سرقه الاسم ههههههه
سمكه واحده مش بنت خالتى
بس طبعا هى مدونه جميله
نورتنى
صباحك سكر يا حتة السكر
الحمد لله يا قمر ان الامتحانات قربت تخلص على الف خير وان شاء الله تكون النتيجة زى الفل
ان شاء الله ربنا مش هيضيع تعبك
الف مليون مبروك و يارب ان شاء الله عقبالك قريب انا عارفة الاحساس برغم حبك لهم و فرحك لهم زعلانه على فراقهم
ان شاء الله تحبى وتتحبى من الانسان اللى يستحقك و يقدرك
احلامك جميلة جدا وان شاء الله تقدرى تحققى كل احلامك وامالك يارب
ربنا يسعدك ويسعد قلبك يارب
دمتى اختى بالف خير
تحياتى
يويو
كالعاده يا غروب
جرأه وصراحه مطلقه ومتزعليش منى جنووووووون
بس من غير ضرب أنا عارفك بتضربى اللى يزعلك
عموما
ألف مبروك لكل من يستاهل المباركه
وجميله جدا أحلامك على فكره
تحياتى
ربنا يوفقك في الباقى ياجميل وكلنا نفسنا نحب ونتحب مش انت بس ياجميل ده شعور طبيعى
مبروك على الافراح وعقبالك ياقمر
تقبلى مرورى
السلام عليكم
وااااااااااااااااااو
ايه الجنان ده
بس ده مش جنان وبس لأ ده وضوح مع الناس ومع نفسك
مش بتحاولى تخدعى حد ولا تحطى وش العقل والحكمة
ربنا معاكى
وأحلامك حلوة قوى
وأنا سبأتك وحليت التاج الجامد ده
تحياتى
شيمو القمر
عقبال يا رب ما نفرح بيكى يا قمر
وننجح انا وانتى السنه دى يا رب
وجميل اوى تاج الاحلام ده
ربنا يحقق لك كل احلامك يا رب
أولا ربنا يارب يكتبلك الحج و يبقى مقبول إن شاء الله
ثانيا...طبعا الحب إحساس جميل و سامى أوى و كلنا بجد بنحلم نلاقيه بس معلش كل حاجة بتيجى فى وقتها و وقت ربنا ما يريد حتعيشى أحلى أيامك إن شاء الله
ثالثا...أنا كمان بموت بجد فى إبراهيم الفقى و بحب كلامه أوى و قشطة عليكى عشان بتحبيه :)
رابعا...بجد وحشتينى أوى أوى
يارب يابنتي تحبي وتتحبي
يــــــــــــــارب
"انا بدعي بالجامد اهه علشان الملك يقولي ولكي مثلها"
هههههههه
وان شاء الله نفرح بيكي قريب انت كمان تحصليها
اجاباتك علي التاج جامدة جدااا
ربن يوفقك يا حبيبتي
سلام
ايه العسل ده ^_^
على فكرة انا تقريبا فى نفس المود بتاعك
المتناقض اياه ده
علشان كده حاسس بيكى
قلبى معاكى ياتنت ^_^
ثانيا بقى ردودك عالتاج زى الفل
اينعم كالعادة فيها سنة غموض
بس برده جميل
بس حلو اوى التاج ده
رايق كده
مش التاج اللى انا اتبلبيت بيه
"اسرائيل تقصف كل جنوب بحثا عنك "
ليه يعنى
هوه حسن نصر الله
هههههههههه
ومبروك للتلات اصحاب اللى هيتجوزو
عقبالك ان شاء الله
هنفرح فيكى امتة بقى ونخلص
نياهاهاااه
اولا مبروك لقريباتك على افراحهم
بجد ربنا يديم الافراح دايما
ودى سنة الحياة يا سارة
انتى كمان بكرة تحبى وتتخطبى وتتجوزى ونفرح فيكى :D
عجبتنى باقى ردودك اوووووووووى
وعجبنى انك نفسك تحبى يارب تحبى وتتشنكلى بسرعة كده ونفرح فيكى
وفيا انا كمان :D
خلى بالك من نفسك
وركزى فى باقى امتحاناتك
سلااااااااااااااام
اولا الاحاسيس الغريبة العجيبة بجد يا ساسو مش عارفة اقولك ايه انا نفسي من غير حاجة بتبقى احاسيسي متناقضة فتخيلي بقى لما يكون فيه سبب كمان اكيد هولع في نفسي
بالنسبة للتاج يا حلوة انتي ربنا يخليكي ليا يا رب
انا عمالة افكرة وادور وادعبس احله فين
شكلي هحلة في مدونة كلام في سري
اجاباتك جميلة بس في بعض اسئلة كنت متخيلة اجابات مختلفة
إرسال تعليق