والله زمان
قبل 8 أعوام
الأحد، 26 أبريل 2009
بسم الله الرحمن الرحيم
اولا قبل م احل التاج الصعب اللى جالى ده .. عاوزه انوه بان ان شاء الله ده اخر بوست ليه قبل الامتحانات
لانى هذاكر بقه .. انا قلقانه جدا الترم ده مش عارفه ليه يمكن لانه اخر ترم .. ولسه مش فتحت الكتب خااااااالص
ادعولى
وان شاء الله لى عوده بعد الامتحانات.. وان شاء الله ايضا هحاول اتابع مدوناتكوا الفتره دى
نيجي بقه للكارثه.. تاج مش كان لا على البال ولا على الخاطر جايلي من ايناس ( عاشقه الاحزان )
ولازم نعمل الواجب
بس لان التاج انا حساه فلسفي شويه وانا بكره الفزلكه .. انا هجاوب بطريقتى الخاصه بدون فلسفه لانى بحسها كدب ف كدب
بسم الله
من أنت ؟ وما الذي تفعله هنا ؟
انا حامل الهوى التعب .. من يستخفه الطرب .. ان بكيت فهو حق لى فليس ما بي لعب
كلما انقضي سبب منى عاد لى سبب ..تعجبون من سقمي ؟ صحتى هى العجب
تضحكون لاهون والمحب ينتحب ؟؟؟؟؟؟؟؟؟
ماذا افعل هنا
اخرج ما يستحق الخروج من الاعماق
إسرائيل تقصف كل جنوب ممكن بحثا عنك ، أي شمال ستقصد ؟
حضن امى لانى بحس فيه بالامان من اى شئ ايا كانت قوته .. ولو متنا احنا الاتنين يبقي انا وصلت للشمال المطلوب باذن الله
أنت مكلف بحذف حرف من حروف اللغة العربية .. أيها ستختار ولماذا ؟
يمكن لو السؤال كان اى كلمه مثلا كانت تبقي اسهل .. لانى لو حذفت كلمه مش هتاثر على حد .. وحروفها ممكن تفضل موجوده بس منفصله
لكن احذف حرف معين مش هينفع لان عدم وجوده هياثر على وجود كلمات تانيه
لو قدر لك أن تدخل السجن فما هي القضية التي تتمنى ان تدخل بها إليه؟
بكل صراحه كالعاده ... تهمه القتل ... لان في اتنين في حياتى اتمنى اموتهم مهما كانت العقوبه
بالمناسبة.. منذ متى اكتشفت نفسك؟
مش من فتره بعيده .. اكتشفت نفسي بجد لما لقيتنى باقدر اضحك في الوقت اللى بيفترض انى ابكي فيه
واكتشفت نفسي لما عرفت كلمه لا .. من بعد م اتعودت اقول حاضر ونعم
على مفترق طريق لافتتان ، اليمنى تقول ( إلى حلمك ) واليسرى تقول : ( إلى ما يحلم به البشر ) ، أي الطرق ستسلك ؟
والله بالنسبه ليه ممكن الاتنين .. لان احلامى مش مختلفه اوى عن البشر .. احلامى عاديه جدا
انا بحلم انى اخلص تعليمى على خير .. واعمل مشروع ناجح .. وارتبط بانسان بحبه وبيحبنى .. واحلام كتير شبه كده ممكن جدا تتشابه مع احلام ناس كتير
مش عارفه بقه هل ده المقصود من السؤال؟؟؟؟؟؟؟
لو كان المقصود انى هل اختار تحقيق حلمى ولا حلم الاخرين يعنى من ناحيه الايثار ؟؟؟؟؟
فالاجابه برضه بصراحه ... هحقق حلمى انا
لانى هعيش مره واحده بس اتمنى اعيش فيها سعيده وغيري يحاول يحقق حلمه بنفسه
الا في حاله واحده .. وهى انى ارتبط بانسان يكون حلمى وحلمه واحد مستعده في الوقت ده احقق حلمه
نحن لا نعيش حياتنا بل نتعلم فيها كيف نعيش» ما تعليقك؟
احنا عايشين وبنتعلم في نفس الوقت .. مينفعش اقول اننا عايشين ومش بنتعلم ولا اقدر اقول ان كل حياتنا تعلم لكيفيه المعيشه
لاننا اذا اتعلمنا من موقف معين واتكرر يبقي احنا بنعيشه .. مش لسه بنتعمله
بجملة واحدة فقط أكتب تعريفاً لكل كلمة من الكلمات التالية
الوطن
بيتى الكبير
الأم
استحاله اعبر بجمله واحده عن معنى الام
الليل
حبيبي بنتظره يوميا
الحب
عذاب حتى في حلاوته
امريكا
دوله ليس اكثر من ذلك
المراه
( الام .. الزوجه .. الحبيبه .. الصديقه .. الخ
الصمت
لغه قويه
الانترنت
عالم جميل
المسنجر
اختراع نص نص
أخترمنصباً واتخذ قرارا؟
رئيس الجمهويه ...
قرار جمهورى رقم راحد : مصر دوله اسلاميه فقط ولا مكان لغير المسلمين
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
لان الرجل ... رجل
والمراه ما هى الا جزء ضعيف منه
والتغييب ده جميل بالنسبه لبعضهن وانا منهن
أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟ علل
لا طبعا ... لا اوافق
لان مش معنى انى غير مطلوبه ان الغلط عندى ... لكن انى اكون مطلوبه لارتكاب جريمه يبقي انا خبيره جرائم
إلى أين تمضي كلمات الحب .. بعد أن تقولها؟
تمضي الى من يستمع لها
هل تجد علاقة بشكل أو بآخر بين المرأة وقطاع الطرق ؟
ايوه .. قطاع الطرق بيقطعوا الطريق ويسرقوا ماديات والمراه بتعترض طريق الراجل لتسرق قلبه
هذا فراق بيني وبينك .. متى ولمن تقولها ؟
انا قولتها فعلا .. متى ولمن .. لا داعى
كيف هو غداً ؟
الله اعلم
لمن تمرر التاج ؟؟
بلاش تدبيس بقه
اللى عاوزه يتفضل طبعا
تحياتى للجميع
وهتوحشونى جدا
غروب
الاشتراك في:
تعليقات الرسالة (Atom)
46 التعليقات:
وكمان تعليق كده على السريع عشان يبقا التانى وأكون مميزه وربنا يستر
ماهى هتغيب علينا عشان الامتحانات
أشعر بأن قلبك يئن وجعا
احترمت كل جاباتك هنا
فهي تحمل طابع الصدق والاحترام للاخرين
كوني بخير
شكرا
غروب
ربنا معاكى وينجحك يارب وينجحنا معاكى
ودايما تعيشى سعيده وتحققى كل أمانيكى
وكويس جدا انك اجتزتى الاختبار الصعب ده لأنه فعلا جالى وأنا عارف هى قد ايه صعب
لكن الحمد لله
وعلى فكره أنا أحيكى على جرأتك فى قبول التاج لأنى أعرف ناس جالها التاج واعتذرت عنه فأنا أحييكى على جرأتك
وربنا معاكى يارب ويوفقك
تحياتى
تحياتى لكِ وتمنياتى بالنجاح
باذن الله تعالى لكِ ولكل الطلبه
واقولك اشفقك عليكِ من (منصب رئيس الجمهورية )فالمسئولية عظيمة امام الناس وامام الله أما ان تصدرى:
(قرار جمهورى رقم راحد : مصر دوله اسلاميه فقط ولا مكان لغير المسلمين)
فأنا لا اوافقك عليه !لابد من وجود الاخر بشرط ان يعيش معنا وفقنا مبادئنا.
تحياتى لك مرة اخرى ودعواتى بالنجاح
السلام عليكم
حظى حلو انك زرتى مدونتى
وحظى وحش انك هتتوقفى عن التدوين الفترة دى لكن اقولك :
ياااااااااااااارب
ياااااااااااااارب
يااااااااااااااارب
توفقى فى الامتحانات وما تخفيش وما تقلقيش لان القلق ده دليل النجاح
بس انتى ذاكرى بس وربنا معاكى
والله بجد بدعى من قلبي
الكلام حسيته صادق اوووووى-مرسى جدا على كلامك الجميل-
والى لقاء اخر بعد الامتحانات ان قدر الله ذلك
وبتقولي أنك مش حتجاوبي إجابات فلسفيه
ده كفايه إجابة السؤال الأول قمة الفلسفه هههه
بس أجوبتك جميله ويمكن لو أنا اللي جالي التاج ده مكنتش حجاوب أكتر من كلامك ده
فأن لا تكون مطلوبا خير من أن تكون مطلوبا في جريمة قتل إلا لو كنت خبير جرائم (طبيب شرعي مثلا) ههههه
وفي الختام ربنا يوفقك في إمتحاناتك
وشدي حيلك ومتنسنيش في الحلاوه
وترجعيلنا بألف سلامه
صباحك سكر يا سارة
ربنا يوفقك ويعينك يارب يا قمر
ان شاء الله تعدى الامتحانات على الف خير
مش تخافى القلق دا طبيعى
اجى للبوست بقى
اجابات صادقة اوى يا سارة و بجد من القلب زى ما تعودت منك فى كل كتابتك
رغم صعوبة الاسئلة الا انك قدرت تجاوبى عليها
ربنا يسعدك ويسعد قلبك يارب
و تحققى كل احلامك الجميلة لانك بجد عندك طموح حلو اوى
منتظرة رجوعك بالف خير يارب
تحياتى
يويو
ان شاء الله ربنا يوفقك فى الامتحانات
واجاباتك على التاج بسيطة رغن اعتراضى على اول قرار رئاسي أخدتيه
"لأن مصر طول عمرها بتقدر تستوعب جنسيات وديانات كتير"
ومشكلتنا فى حكومة فاسدة وأخلاق ضايعة مش فى ديانات اخرى موجودة غير الاسلام.
وعموما الاختلاف فى الرأى لا يفسد للود قضية
تحياتى
قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟
لان الرجل ... رجل
والمراه ما هى الا جزء ضعيف منه
والتغييب ده جميل بالنسبه لبعضهن وانا منهن
لايوجد تغيب للمراه هنا بل ان دورها هو الدور الاساسى فلولا عبلة ماكان عنترةوان لم توجد ليلى فلم يوجد شعر لقيس فبمن كان يشدو هل كان سيشدو للبيت ام للرمال
السلام عليكم
بحيكي علي شجاعتك وقبولك التاج
ورغم المذاكرة لكن ربنا قدرك وحلتية
بتفوق وامتياز
ربنا معاكي ينجحك يارب وتحققي كل طموحاتك
تقبلي مروري
ربنا يوفقك
واااااااااااااااااو
بس ايه الاجابات الجامدة ده
مع انك مش بتحبى الفلسفة لكن فيه فلسفة فى اجاباتك
مع انك جادة كمان فيها لكن فيها خفة دم لذيذة
ربنا معاك ويوفقك فى الامتحانات وانا كمان انجح زيك واخلص السنة ده يا رب
تحياتى لك وربنا معاك
شيمو القمر
السلام عليكم
أولا أن مش حبيت أكون أول تعليق
ثانيا بسم الله ماشاء الله عليكي في قوة اللغة العربية
سكلك ليشانش أداب لغة هندية
ههههههههههههههههههههه
ثالثا كان ممكن تحذفي حرف ( لا) يعني اللام ألف علشان عارفك مش حافظة الحروف
لأنه ممكن تستبدليه بالألف لوحدها واللام لوحدها ..خانك ذكائك
مبروك عليكي التاج عقبال دبلة الخطوبة مع ابن الحلال
السلام عليكم و رحمة الله و بركاته
أولا يا غروب ،
ربنا يوفقك يارب يا جميل
و موفقة بإذن الله
شدى حيلك و ابئى طمنينا عاملة ايه فى المذاكرة و الامتحانات
أما بالنسبة للتاج فإجاباتك جميلة بجد
حاسة انها واقعية و صادقة :)
تحياتى ليكى يا قمر
السلام عليكم
بالتوفيق ان شاء الله وربنا معاكي ..
شدي حيلك عاوزين مذاكرة من نار ..
اجاباتك بنفس جمال الغروب وبساطته ..
وياترى اللي ها تقتليهم ها تقتليهم برموش عنيكي ( مع الاعتذار ليوسف بك وهبي في فيلم غزل البنات )
ونفسي اعرف انا عملت فيكي ايه علشان تقتليني .. بالطبع عارف اني مش المقصود بس فكرة القتل دي لا تتفق ورقة المرأة وقلبها الرهيف .. مش كدا ولا ايه ؟
شيدى حيلك يا غروب
ربنا معاكى يارب فىامتحاناتك ان شاء الله وربنا يوقفك جنبك يارب
.....
اجاباتك منطقية وحلوة وصريحة جدا
حظ موفق واستمرى
الى غروب الجميله
اولا : المذاكره اهم حاجه فى الدنيا خصوصا للطلبه
ثانيا : اجاباتك برضه فلسفيه وانت ما بتحبيش الفذلكه لكن اجاباتك اكتر من قويه وخصوصا انتى بتحبى تضحكى وقت الجد ووقت ان لا يكون الضحك
ثالثا : شفتى اللى حصل لايناس وهى بتحبك قوى وانا رحت وباركت لها ويارب تطلع من المود بتاعها
رابعا : تحياتى
طانت سارة
كنت هاغلق ع البوست اللي فات بس النت فصل وبعدها الجهاز عطل وبعد ما صلحته
لقيتك كتبت البوست الجديد
عموما
كلماتك رقيقة واجاباتك متميزة
ومبروك ع الجواز
وبلاش تخطفي حد من عياله
وربنا يوفقك ف الامتحانات
تقبلي مروري
تاج مميز صراحه
وفى نفس الوقت صعب
بس اجاباتك ما شاء الله عليها مميزة
ايناس
متشكره اوى يا نوسه
وايه يا بنتى الاحتلال ده؟؟؟؟؟
ههههههه
منورانى
جاره القمر
متشكره جدا
الشاعر الحزين
متشكره يا علاء على كلامك
والتاج كويس يعنى بس ياريت مش يتكرر
ههههه
norahaty:
اولا متشكره جدا على دعئك ليه وزيارتك
وطبعا اختلاف وجهه النظر لا يفسد للود قضيه
نورتينى
بنجاواتى
متشكره جدا
انت بجد كلامك كان جميل وحسيته فعلا يعنى مش كانت مجامله ولا شئ
نورتنى
استاذ احمد
اهلا وسهلا
نورت
سيادتك داخل تتريق كمان؟؟؟؟؟
جميل اوى
حسابنا بعدين
يويو
صباحك زى الفل
وحشتينى اوووووى
وربنا ميحرمنيش منك
بترفعى من روحى المعنويه والله
ربنا يكرمك يارب
نورتينى
منووووش
نورتى يا قمر
ربنا يخليكي
بس برضه اقول اختلاف الراى لا يفسد للود قضيه
العيسوى الضغير
انا قولت انه لو حتى تغييب
فالنساء بتفرح بالتغييب ده
وانا منهمن
هههههه
فعلا الراجل لازم يبقي اكبر واوضح في الصوره
ودى الطبيعه واللى لازم الست تحبها
عموما نورتنى
القلب الحزين
متشكره جدا
نورت
شيمو القمر
مش هقول غير قمر بقه
هههههههه
نورتينى يا حبيبتى وتسلميلي
ويارب ينجحك يارب باعلى تقدير
ساسو القمر
هههههه
اشمعنه انا بقه
شجر الليمون
اهلا وسهلا
ليه مش عاوز تكون اول تعليق؟؟؟؟؟؟؟؟
مش فاهمه يعنى
كمان انت بتتريق على مستوايا في اللغه العربيه
يا لهووووى
د انا جهبز
هههه
كمان والله والله والله انا فكرت فعلا في حذف الحرف ده
بس ايام م كنت بفهم في العربي قالولى ان ده مش حرف ده استهبال
وتركيب حرفين اختارع يعنى
قولت بلاش اصل الناس تفكرنى جاهله
هههههههههههههه
نورت يا صعيدي وميرسي على سؤالك عليه لايناس
سول ويسبر
ميرسي يا قمر وربنا يخليكي وينجح الجميع ياااااارب
ومتشكره على رايك ف يالبوست وسامحينى بجد انا نقصره معاكى ومع الكل بس مشغوله جدااااا والله
نورتينى يا حبيبه قلبي
جنى
وعليكم السلام
منورنىوالله
اولا ادعيلي بجد انى اقدر اذاكر اساسا
ثانيا
انت بتغازلنى؟؟؟؟؟
يا لهوووى
لالالا د انا ورايا صعايده
هههههههه
كمان فكره القتل بعيده عنى فعلا لكن ماعدا الشخصيتين دول لان محدش يتوقع مدوى اذيتهم ليه ولا انا نفسي كنت اتوقع انى ممكن ف يوم اكره
الحمد لله
جندى مجند
احمد راضي
م عارفه والله اقولك حمد الله ع السلامه ولا مع السلامه
عهههههههه
اللهم لا شماته
ربنا معاك يا احمد
وربنا يخليك وان شاء الله اذاكر واتفوق كالعاده
ههههههه
غرور
نورت يا احمد
عمو فشكول
ههههه
اولا انت اللى جميل
ثانيا : ان شاء الله هذاكر ادعيلي بس
ثالثا : اه شوفت اللى حصل لايناس ربنا يتم لها بخير ويسعدها
رابعا : نورتنى
ههههه
ابنى مصعب
ههههههههههه
نورتنى
وربنا يسعدك يارب ويوفقك انت كمان
وان شاء الله مش هخطف حد تانى هو جوز خالتى بس
ههههههههه
نورت يا مصعب
اجاباتك متميزه
وفقك الله
تقبلي مروري
الفراشه الصغيره
ربنا يخيليكي يا قمر
نورتينى
الشاعر محمد عبد الرحمن
اشكرك
نورتنى
ايه لزمة تكتبي التعليق 3 مرات
مصدقك والله
إرسال تعليق