والله زمان
قبل 8 أعوام
السبت، 21 مارس 2009
بسم الله الرحمن الرحيم
الحقيقه انا مش عارفه كتابتى للموضوع ده هتعتبر بدعه ولا لأ ؟؟؟
بس انا مش كتباه يعنى علشان النهارده عيد الام ولا حاجه لكن هو مجرد يوم الكل فيه بيعبر عن مشاعره تجاه مامته فانا لقيتها فرصه بقه
اشمعنه مامتى يعنى
بس فعلا مش عارفه هقول ايه لماما
اصل انا مامتى مفيش كلمه ممكن تتقال ليها حقيقي
طبعا كل واحد بيشوف مامته اعظم ام ... لكن انا حتى لو قلت انها اعظم ام هتبقي كلمه قليله والله
لان ماما عملت معايا حاجات واستحملت حاجات ممكن امهات مش تستحملها
يعنى مش مجرد تربيه واهتمام وبس
انا سعيده جدا في الوقت الحالى بعلاقتى بماما ... لانى حاسه انى كبرت لدرجه انى بقيت صاحبتها
ببقي مبسوطه اوووووووووووووووووووووووووى لما ماما تيجي تحكى معايا
يااااااااااااااه ........... ماما بحالها تيجي تكلمنى انا ؟؟؟؟؟؟؟؟؟؟؟؟
تفضفض معايا انا ؟؟؟؟؟؟؟؟؟؟؟؟؟
مش عارفه اقولك ايه بجد يا ماما
انا بجد اكتر من بحبك ... ونفسي اعوضك عن كل دمعه بكتيها بسببي
وانا عارفه ان دموعك بسببى كانت كتير اوى
عارفه يا ماما انا كل ما افتكر اد ايه انا كنت حمل تقيل عليكي ببكي اوى
طبعا مش في هديه في الدنيا كلها تساوى اللى انتى عملتيه
عموما اكيد انا اكبر هديه ههههههههه صح يا مامتى ؟؟؟؟؟؟؟؟؟؟؟؟
عارفه انها هتقولى لا ههههه
الكلام ده طبعا لمامتى البيولوجيه ... اللى هى اغلى حاجه عندى بجد
وعاوزه اهديها الورد ده ....
احلى ورد حسيته يا ماما والله
نيجي بقه لنقطه مهمه خالص
دايما كنت بالاقي اولاد بيقولوا لناس غير مامتهم يا ماما فلانه وده مثلا لكونها غاليه او عزيزه
الحقيقه انا عمرى معملت كده لانى عمرى م لقيت واحده تستحق الكلمه دى غير مامتى
لكن في فتره قريبه من حياتى لقيت الانسانه دى
انسانه حبيتنى بجد .. واعتبرتنى بنتها وانا حسيتها امى حقيقي
لو اتكلمت عن حنانها مش هخلص
انا اتعرفت عليها قدرا لكن كان احلى قدر ومن يومها وهى دى الانسانه اللى بقولها ماما غير مامتى
بس معتقدش بقه انى هقول الكلمه لحد تانى
مش لان مفيش حد تانى يستاهل ..لا
لكن لان انا راضيه بدول وبس ومش محتاجه اكتر من اللى هما بيعطهونى
الست دى هى ....
هى .....
هى.....
هى امى الروحيه
ماما اموله
امى وحبيتى وصاحبتى
كل سنه وانتى طيبه يا اموله
طبعا اول مره اقولك اموله كده بس
اقولك ليه ؟؟؟؟؟؟؟؟؟؟؟؟
لانى بقول لمامتى باسمها وانتى غلاوتك من غلاوه ماما
وطبعا نقيت احلى بوكيه ورد لاحن واغلى ام ( ماما اموله)
اتفضلي يا قمر
لون قلبك يا مامتى ( احلى من الابيض
وعلى فكره .......... ماما اموله مامتى انا بسسسسسسسسسسسس
ماشي؟؟؟؟؟ علشان نبقي على نور ... علشان انا بغير بجد
وقد انذر من اعذر ( هى بتتقال كده صح؟)
ده بقه ورد لكل ام .... وكل سنه وكل الامهات بخير وربنا يخلي كل ام لابنها وكل ابن لامه 
غروب
الاشتراك في:
تعليقات الرسالة (Atom)
58 التعليقات:
كل سنه وكل امه طيبه سواء كان بدعه هذا العيد او لا هذا لا يحرم ان ناتي لامهاتنا بهديه وحتي ولو مش في نفس اليوم ومع الطاعه طبعا لان الهدايا من غير طاعه تقريبا لا تفيد
جزاك الله خير
جـــــــربت مــــــــره تــعمل حاجه للاقـصي
لو ما جربتش جرب تشـــــــارك معــــــــــنا
يمكن نقدم حاجه تكــــــــون مفـــــيده تنفعــنا
ويمكــــن بيها في الجنه ربنا يجــــمـعنـــــــا
خليــــــــــــــــــك جـــرئ وشــاركنـــــــــــا
بامكناك ان تشارك في نهضه امــــــــــــــتنا
لا تقل لا استطيع المشاركه في بناء عزتـــنا
ان عــــــزتنا تكمن في تــحرير غفلــــــــتنا
ندعوك ان تشترك معنا للنهوض بدولتــــنا
لا تتردد فانها فرصتك في مساعده اخواتنا
حمله :بايدينا ندفع الخطر عن الاقصي
رابطه مدونون من اجل فلسطين
ربنا يبارك ليكى فى مامتينك
مامتك البيولوجية ومامتك الروحية ماما امولة
وعلى فكرة دى مش مامتك لوحدك دى مامتنا كلنا..
ماما امولة
ماما امولة
ماما امولة
هههههههههه
عارف ان انتى متضايقة
وبردة
ماما امولة
هههههه
كل سنة وانتى طيبة ومامتك طيبة
وكل الامهات طيبين.
ماشاء الله ربنا يديم المحبة والمعروف بين الأم الحقيقية والأم التانية :)
تحياتى :)
طول عمرك جميلة ورقيقة واحساسك عالى .. ربنا يخلى كل أم ويباركلنا فيهم .
دمتى بكل حب وود ،،
نفرتارى
سيدى يا سييييدى ع الرومانسيه
ايه الجمال ده
يا سيتى ربنا يخليهالك يا رب وما يحرمك منها ابدا ابدا وربنا يديم الموده والحب اللى بينكم
امييييييييييين
على فكره
انتى وحشانى
الام هى الحياه
كل سنه وامهات مصر كلهم طيبين وبخير
وبصحه وسعاده يارب
كل سنة وانتى ووالدتك بخير وتفضلوا مع بعض
وربنايخليكوا لبعض
كل عام وكل أم بخير
وشكرا على المرور الكريم
وربنا يخلي كل ماما ونقدر نسعدهم مش بهدية لا ببر يدوم للأبد
ويبقى التواصل
أختى الحبيبه غروب
عيد الأم صعب ومستحيل أى شخص يوفى امه مهما قال ومهما كتب ومهما سوى ربى يحفظ كل أم ويسعدها يارب ويرحم أمهات المسلمين
انا زيك لياأمين أمى الحقيقيه وأمى اللى ربتنى ربنا يخليهم لى يارب ويحفظهم ويخلى لكى مامتك يارب وأموله وأنتى بجد جميله قووى ياغروب
ربنا يوفقك
جزاك الله خيرآ
منتظراك ياغروب
كل سنه ومامتك طيبه
ومامه اموله كمان
وانت ياقمر
واكيد مش هنقدر قيمة امهتنا غير لما نبقي زيهم فااتمنى السنه الجايه نقولك انت كمان كل سنة وانت طيبه
تحياتى
كل سنه ومامتك بالف خير
وكل سنه وماما امولة بالف خير
والمفروض ان يوم الام ده يكون في كل يوم مش ليه يوم واحد في السنه
تقبلي مروري
مجنووون
ربنا يخليكي ليا يارب
بجد أنا مش قادرة اعبر عن اللي جواية
يارب يديم المحبة ودايما تبقي بنتي وأنا
أمك
كل سنة وانت طيبة وماما طيبة ويخليهالك ويباركلك في عمرها
ساسو يا أصيلة شكرا
إحساسك حلو فلازم بالطبع
يكون ليكى أمين واحده أنجبتك والأخرى راعتك
انا كمان بس للأسف المرير الأثنين إخوات أمى و خالتى يعنى مبعدتش كثير
لكن قولى لى عامله إيه دلوقت
أحلى حاجه عجبتنى فى كلامك انه خارج من قلبك علطول كده بدون أى عوائق
وده أكتر كلام ممكن يتحس بسرعه
لأنه بيكون سهل يدخل القلب زى ما كان سهل وهو خارج من قلبك
ويارب يخلى أمهاتك وأمهات المسلمين
وتقبلى خالص تحياتى
كل سنه وماما طيبه يا غروب
ماماتي البيولوجيه !! ... لا حول ولا قوة إلا بالله D:
ربنا يديم عليكم الحب و السعاده و التوافق دايما ان شاء الله
السلام عليكم
كل سنة وانت طيبة
وكل سنة وكل أم تكون بأحسن حال
وربنا يخليلك كل أمهاتك ( مامتك - وماما أمولة) ربنا يخليهم ويمتعهم بالصحة والعافية
وربنا يعينك تكوني بارة بهن
وان شاء تكوني بأفضل حال دايما
لون الكتابة مع الورد يبشر براحة وفرحة
تحياتي
سيدتي
كل سنة و كل الامهات بالف خير
مشاعر كبيرة اتقالت في البوست ربي يديمها نعمة عليكي وهي نعمة الحب و الحنان
اتمنى انك تكون بالف خير
في انتظارك عندي في مدونتي
ليدم تواصلنا
مودتي
كل سنه ومامتك بالف خير
وتشوفك احسن بنوته فى الدنيا كلها
وربنا يباركلك فى ماما اموله اكيد هى حد نقى وجميل
وتستاهل حبك
تحياتى
ربنا يديم المحبة يارب وكل عام وكل ام بخير :)
دمتى بكل خير وعطاء
السلام عليكم
كل سنة وانت طيبة ياغروب وماما حبيبتي بخير ومامتك وماما أمولة وكل أمهات المسلمين يارب
سجود
اشكرك جدا
وانتى طيبه وكل سنه وكل ام بخير
نورتينى
مدونون من اجل فلسطين
بجد المدونه حلوه جداااااااااااااااا وانا زورتها فعلا
وان شاء الله احاول اشارك فيها في اقرب وقت
مسدس صغير:
ههههههههههه
بلاش عند يا اخ
حسابنا عندك
نورتنى وكل سنه وانت طيب
الكيت كات
اهلا وسهلا وانت طيب
نورت
نفرتارى:
اهلا يا قمرايه
منوره
كل سنه وماما بخير
ويخليها ليك
ريمان
ههههههه
احرجتينى
انتى ارق واحلى
وانت طيبه يا قمر
ابو على
بلا شك هى حياتى
نورتنى
الفراشه الصغيره
امين يارب
نورتى
زوجه عنيده
اهلا يا حبيبه قلبي
ربنا يخليكي
ويخليلك ماما
وكل سنه وهى طيبه
نورتينى
معتز شاهين
اهلا وسهلا
منور
وانت طيب وربنا يكرمك
عاشقه الاحزان
اهلا يا حبيبتى
منوره
وكل سنه وكل امهاتنا بخير
ماء تشرين
اهلا بالقمر
وانتى طيبه يا حبيتى
وكل امهاتننا بخير يارب
نورتينى
مجنون
وانت بالف خير
نورتنى
ماما اموله
خليكي للاخر يا مامتى
عاشق ضوء القمر
ههههههههه
اعمل مش واخد بالك
ربنا يحفظهم ليك
وكل سنه وهما طيبين يارب
نورت
الشاعر الحزين
ربنا يخليك
فعلا كلامىة من قلبي لانه طالع بدون ترتييب بجد لاغلى ناس
نورتنى
محمد عتلم
وانت بخير
وربنا يكرمك يارب
الرومانيس الاخير
هههههههههه بتتريق حضرتك
مااااااشي
قابلنى على الناصيه
منور يا محمد
وانت طيب يارب
حسونه
اهلا بيك
متشكره جدا على متابعتك بجد
دايما بتنورنى
وكل سنه وانت بالف خير
انا مبسوطه اوى ان حد عرنى وعلق على اللون
هههههههههههههههههه
ربنا يخليك
assao anaroze:
ولو انى مش فاهمه الاسم خالص نوهاااااااااااااائي مع انى بتاعت انجليزي يعنى بس ما علينا
نورتينى وكل سنه وانتى طيبه يا جميله
سهر
ربنا يخليكي شكرا
وطبعا ماما اموله مش منتظره شهادتى
وانا فعلا بموت فيها
نورتينى
البحث عن انا شئ جنونى
اهلا وسهلا
ربنا يخليك
نورتنى
حاجات عيال
اهلا يا جوجو
كل سنه وطنط بالف خير ويخليها لينا يارب
وماما اموله كمان
بحبك يا بت
انت تسال والكمبيوتر يجيب
ان شاء الله اوزركم في اقرب فرصه
شكرا
ارجع بقه لمامتى
ماما اموله
انتى يا ماما تستاهلى اكتر من كده
علشان انتى ام جميله وبتحبينى وانا بحبك
وعلشان انتى مخلصه
واتظلمتى كتير
وان شاء الله اقدر اعوضك
انا بحبك
الكلام مش بيبقى ليه معنى من غير العاطفة اللى بتخرج منه
وكلامك كله عواطف
والورد جميل قوى
انا مامتى بقى تقعد تقول مش عايزة هدايا وانتو كفاية عليا ولو ماجبناش هدية فى عيد الام نبقى لا احنا ولادنا ولا تعرفنا هههههه امهات بقى
عابره سبيل
ههههههههههههههههههه
فكرتينى بماما
امبارح كنا زعلانين
فلما رجعت بليل جبتلها ورد
قالتلى اوعى تفكرى الورد ده هيصالحنى
قولتلها مش ليكي اساسا
واول منزلت لقيتها واخداه وحطاه في ميه
ههههههههههههه
امهات فعلا
ربنا يخليهم لينا يارب
نورتينى يا قمر
السلام عليكم
ربنا يبارك لك في والدتك البيولوجية والروحية ..
وكل عام وكل ام بخير
ورحم الله امي
تحيتي
جنى:
اهلا وسهلا
ربنا يبارك فيك
وربنا يرحم والدتك
وكل سنة وانتى وماما امولة وكل الامهات بخير وصحة
كل سنه وانتى وكل امرأ بخير
وكل امهاتك الروحيه والحسيه بخير
تحياتى
دومتى بخير يا قمر
ويارب نقول السنه الجايه فى عيد الام كل سنه وانتى طيبه يا ماما ..........
ايه بقى
بحييكى على البلوج الجامد جدا ده
اسلام ديو
وانت طيب
نورت
ممكن:
ربنا يخيك وانت طيب
نورتنى
ساظل اشبه نفسي بالانسانه
وانتى طيبه يا قمر
نورتينى
وشكرا على رايك في البلوج
إرسال تعليق