والله زمان
قبل 8 أعوام
السبت، 28 فبراير 2009
بسم الله الرحمن الرحيم
اتحدث اليوم عن جميله وابنه عمها عبير
بنات عم ... عاشوا في بيت عيله لاكتر من 16 سنه ...يفصلهم بضع سلالم تتعد على اصابع اليد الواحده
عاشوا العمر سويا .. حقا لم تكن حياتهم معا ورديه ولم تخلو من النزاعات وذلك هو المعتاد ... الحياه متقلبه لا شك
كان بيتهم بيت كبير وجميل ولم يخلو ابدا من الاحبه ففي الدور الاول تسكن الجده والثانى عبير واهلها والثالث جميله واهلها
عائله جميله ..( الوالد .. الوالده .. الاخت الاصغر)
عائله عبير ..( الوالد..الوالده .. الاخت الاصغر)
وذلك لتقارب سن زواج الاخين
مرت عليهم السنوات .. بين ضحك .. وخصام
ولكن من المعتاد حينما يري الصغار تشاجر الكبار يدير كل منهم وجهه عن الاخر
مرت 16 عام من الحياه المختلطه بينهم الى ان شاء القدر ان ياتى عمرو اخا لعبير .. ويقرر الوالد اخذ بيت اكبر منفصل لاجل تامين مستقبل ولى العهد الوحيد
وبما ان البيت الذى كان الجميع يسكنه بيت يندرج تحت مسمي ( ورث) فقرر ابو جميله اعطاء اخوه تمن شقته وياخذها
وبالفعل حضر نقوده وقررا الذهاب الى بيت الاخ الاكبر لتوقيع عقد القسمه ... كان للاسف عقد قسمه الاخين مدى الحياه
اقسم اننى ابكي الان على ما حدث
لم يلحظ الاخين انا هناك عقد قسمه اصلي قد وقعه الجميع حينما طلبت اختهم الاصغر حقها .. واخذته بثمن البيت انذاك
تناسوا شرع الله .. وان للاخ ضعف ما اخذته اخته منذ زمن .. وقررا اعطائه نصيبه حسب ثمن البيت الان
ووافق ابو جميله على ذلك قائلا انه لا مانع من مساعده اخيه
وذهب الجميع الى بيت الاخ الاكبر
ابو جميله .. وابو عبير .. واخوهم الاصغر ( ابو محمد)
وفجاه يعود ابو محمد الى زوجات الاخين قائلا بان الاخين تشاجرا معا وتبادلا الشتائم
ولكن اضاف ان ابو عبير بدا بالسب في حين انه الاصغر
وكرد فعل طبيعي اغلقت كل منهما بابها في وجه الاخرى وانعزل الابناء
وفي صباح اليوم التالى .. رحلت عائله عبير الى البيت الجديد
بلا ادنى تعليق او كلام مع اى طرف من عائله ابو جميله
وتمر سنه تلو الاخرى ... مرت خمس سنوات ..دون اى سلام او كلام بين اطراف العائلتين
خمس سنوات لم تعرف جميله بيت عمها
خمس سنوات جميله لم تخاطب ابنه عمها (اختها التى تربت معها 16 عام )
خمس سنوات لم ترى جميله ابن عمها الاصغر ( الطفل حديث الولاده )
خمس سنوات جميله لم تلقي حضن عمها الاقرب الى قلبها
مرت خمس سنوات بلا تعليق
بلا اى محاوله من اى طرف للاصلاح .. خوفا من الشجار والخطأ
الى ان اتى اليوم التى قررت فيه جميله اخذ دورها في اصلاح ما كان
اتصلت جميله بعمتها الكبري
جميله تبكي: عمتى ... هل انت راضيه عما يحدث ؟؟؟؟؟؟ هل ترضي بوضع عائلتنا ؟؟؟
العمه : لا يا جميلتى ولكن ما باليد حيله ماذا افعل؟
جميله : انا اريد الاصلاح ... ماذا يحدث لو انهم تقابلا معا لقراءه الفاتحه وتصفيه النفوس دون عتاب
دون ابداء اراء او اسباب ... دون تذكر من المخطئ ؟؟؟؟؟؟ لما لا ؟؟؟؟؟؟؟
العمه : اتمنى ذلك والله ولكن يا حبيتى انتى الان لستى صغيره وتعرفى اننى متزوجه وامرى ليس بيدي ولا استطيع فعل اى شئ
خصوصا وانتى تعلمى مدى عصبيه والدك وعمك
جميله: ما رايك يا عمتى بان اتصل بعمى الاكبر واقترح عليه اصلاح الاخوين؟
العمه: اتمنى ذلك وانتى يا حبيبتى رقيقه وجميله وانا احبك لانك تخافي على عائلتنا
وانتهت المكالمه
وفجاه وجدت جميله نفسها لا تتصل بعمها الاكبر بل تتصل بعبير
لم تسمع صوتها منذ خمس سنوات
يااااااااااه افتقدتك كثيرا يا عبير ( في نفسها )
جميله: عمرو .. ممكن اكلم عبير
عمرو الصغير: مين معايا؟
جميله: جميله
تسمع جميله صوت والده عبير...... مين يا عمرو؟؟؟؟؟؟
دى جميله يا ماما
طيب اقفل السماعه وتعالى
وقد كان .. يغلق عمرو السماعه في وجه جميله ويذهب
تبكي جميله ولكنها تصر
وتتصل مره اخرى
عبير : مين
جميله: انا جميله
عبير تغلق السماعه مره اخرى
اتصال اخر
عبير : انتى عاوزه ايه؟؟؟
جميله: عاوزه اتكلم معاكى
جميله: عاوزه اتكلم معاكى
عبير : وانا مش عاوزه
جميله: ليه؟؟؟؟؟ احنا ولاد عم
عبير: متقوليش كده انا معرفكيش ولا عاوزه اعرفكم
جميله: يا بنتى اكبري احنا مش ولاد صغيرين لسه هنتخاصم انا متصله بيكي لسبب اكبر
عاوزين يكون لينا دور نصالح اهالينا
عبير: ومين قالك عاوزين نصالحكوا وتغلق السماعه
اتصال اخر
عبير : وبعدين بقه؟؟؟؟؟؟؟
جميله: ليه مش عاوزين تصالحونا احنا عملنا ايه
عبير : انتى وابوكى حراميه
جمليه: ايه !!!!!!!!!! انتى ازاى تقولى كده على عمك
عبير: انا مليش اعمام ..... انتى عاوزه ايه دلوقتى
جميله: عاوزه افهم انتى فاهمه ايه وانا فاهمه ايه ونرتب افكارنا سوا
عبير : وليه كل ده علشان نتصالح
جميله: يا بنتى لا انا ولا انتى ولا اى حد كان قاعد في المشكله بتاعت الكبار ومحدش عارف مين غلطان
كمان فات سنين كفيله بتصليح العلاقه بين الاخوات
عبير: يعنى المطلوب منى انى اقول لبابا والنبى صالح عمو
لالالالالالالا يا حبيبتى لان لو بابا نفسه جه قالنا عايزين نصالح عمكوا احنا هنقوله لا مش عاوزين
احنا مش عاوزين نعرفكوا تانى
وقفلت السماعه
انهارت جميله وقررت تنسي اهلها للابد
قررت ان حتى اهلها القريبين منها واللى مش في بينهم مشاكل مش هتعرفم ولا تزورهم
لانها مش ضامنه الايام فيها ايه؟
اذا كان اللى عاشوا معاها عمرها كله باعوها امال اللى بعيد عنها ؟؟؟؟؟؟
اذا كان اللى عاشوا معاها عمرها كله باعوها امال اللى بعيد عنها ؟؟؟؟؟؟
ازاى هى قدرت تنسي القساوه وتبدا بالصلح متوقعه انها عمرها مهتقول لحد ازيك يقولها وانتى ماك؟؟؟وازاى عبير فضلت شايله القساوه دى ومين رباها على كده
ازاى ام جميله كانت واقفه جمب بنتها وهى بتتذل من بنت عمها وتقولها معلش انتى بتعاملى ربنا وازاى ام عبير تقولها اقفلى السماعه في وشها دول مش اهلنا
شوفتوا احنا بقه وصلنا لفين ؟؟؟؟؟؟؟؟؟؟
القصه حقيقيه وحصلت والى الان لم يعرف الاخوه اى شئ عن بعض
القصه حقيقيه وحصلت والى الان لم يعرف الاخوه اى شئ عن بعض
الحقيقه اللى دفعنى اكتب القصه دى هو موقف شوفته بعينى اثر فيه جدا ووجعنى اوى
كنت راكبه مواصله عامه والكل ساكت وهادى ومحدش بيتكلم غير ست وراجل ورا بصوت واطى
وفجاه : بكاء شديد جدا بحرقه اى حد ممكن يحسها من الست وهى بتقول حتى اخواتى مسالوش عنى في العيد
طبعا محدش قدر يطبطب عليها ولا يواسيها .. اصل هيواسيها في مين؟؟؟؟؟ في اخواتها
مهما عملت الست دى؟؟؟؟؟ هل ده مبرر يخلى اخواتها يقاطعوها
ولو قولنا ان البنت عار وممكن احيانا في اسباب تخلى الاهل يتخلوا عن بنتهم
ليه الرجاله الاخوات بيسيبوا ايدين بعض؟؟؟؟؟؟؟ ليه مش قادرين نحس كلمه اخ؟؟؟؟؟؟
بيصعب عليه اووووووى والله لما بشوف المناظر دى ..
اتنين اخوات رجاله بيضربوا بعض
اتنين بيموتوا بعض على ميراث
ابناء طالعه متعرفش بعضيها
ليه كل ده ؟؟؟؟؟؟؟؟؟؟
تعرفوا انا فعلا بزعل عليهم بقول فعلا اللى ف ايده نعمه مش مقدرها
اناي اما اتمنيت يكون لى اخ ... واعطيه عنيه لو طلبها والله
اخ يحمينى .. اخ يكون ضهرى وسندى في الدنيا
اخ لما اتجوز ويكون عندى اولاد يدخل عليه يسال عنى ويضم اولادى
اخ اترمى في حضنه في اى مصيبه
ياااااااااه .. اد كده الناس دي مش عارفه يعنى ايه اخ؟
مش عارفه اقول ايه ؟؟؟؟؟؟؟؟؟؟؟؟؟
يارب اصلح حال الامه وارفع مقتك وغضبك عنا يا ارحم الراحمين
غروب
الاشتراك في:
تعليقات الرسالة (Atom)
60 التعليقات:
اول تعليق
على الانكسار الشجرى البحترى
الثانى كمان
قبل القراءة
لاءنى متوقع انفصال الفروع والثمار
واحتمال الجذر بقى بعيد عن اللحاء
وعملية البناء الضوئى هاتقل
يعنى الرؤية ستقل
بفعل البرورة المتوقعه
ابو على:
ههههههه
د انا لسه ملحقتش اراجعها
انت كنت قاعد على الاب ولا ايه؟
ههههه
اقرء واعلق
بقى المرة اللى جايه
بس اكيد الكلمة الطيبه كالشجرة الطيبه
ههههههههههه
اراجع انا واشوف حكاية الشجر
ياااااااااااا غروب
ايه الدراما دى كلها يا غروب
كل حزن يولد كبير" وبمرور الوقت يقل الى ان يتلاشى
الا قسوة القلوب التى تولد صغيرة ومع الزمن تصبح مثل كرة الثلج تسقط من الجبل
صغيرة وتصبح كبيرة
الرحم جزء مشتق من اسم الرحمن الرحيم
من وصل الرحم وصله الله ومن قطعه
قطعه الله
لا يدرك الكثيرين الى اى طريق يسلكون
ومن العجيب
انتقال القسوة من الاباء للاءبناء
يعنى جيل ورا جيل
بس ثقى ان هناك امل
عندما تطرقى على اى شيىء مهما كان صلب
فالابد ان يتائثر فى يوما ما
لو نظرتى الى الشجرة
لوجدتى الشموخ والكبرياء
فالاشجار لا تموت الا واقفه
فلعلنا نتعظ
اشكرك على روحك وصفائك الجميل
و يااااااااااارب ارحمنا
ابو على:
طب مهى جميله لما حاولت تطرق الشئ الصلب برضه متاثرش
صدقنى احنا بقينا في عالم غريب اوى
عالم بيرمى الاخ اخوه ويدوس عليه
عالم العم بيقسي على بنت اخوه
انا مش قادره اصدق ان ده بيحصل والله
ادعى ان ربنا يرحمنا بجد
بما ان المدونين نايمين اعلق تانى
سيدنا موسى اعطى اخوه اغلى هديه
وهى النبوة
سيدنا على بن ابى طالب اعطى المصطفى حياته
السيده مريم قبلت الاتهامات من اجل ابنها
سيدنا يوسف نسى القاء اخوته له فى البئر
سيد الخلق محمد (ص) صفح عن من قتل عمه حمزة بن عبد المطلب
صفح عن قريش وما فعلته
وفى القراءن
فاصفح الصفح الجميل
فاءين نحن ؟
مش عارفه والله احنا فين
بس انا قولتلك ان القصه حقيقيه بجد
خمس سنين واكتر الاخوات مشافوش بعض
ولا يعرفوا بيوت بعض
كمان انت بتتكلم عن انبياء
لكن احنا؟؟؟؟؟؟؟؟؟؟
احنااااااااا
ايه
هههههههههههه
عندى بوست جديد تعالى اقراءيه تعرفى احنا ايه
ما اجمل موضوعك .. بجد موضوع مهم جدا دلوقتى كل الناس حتى الاخوات بيقتلوا علشان اى مصلحة .. الناس ما بقاش فيها خير .. لكن بأمكانا تغير اى وضع الى الاحسن ان شاء الله طول مع اتقائنا الله موجود .
تحياتى با قمرايه ،،
نفرتارى
معكى حق والله الدنيا خلاص مفيش فيها خير
تحياتى ليكى
دمت بكل خير
شخابيط mahgoub
ابو على المدونيين صاحيين اهم
انا جايه اشرب القهوه مع غروب تتفضل معانا
بس تصدق شكلها هتبقى ساده وانا مبحبهاش ساده
بس حتى لو سكر زياده من اليى قريته هحسها ساده
ايه ده يا غروب هو فيه ايه
ده ولاا قصص المحكمه
شكرا على الواجب وصل انا مروحه
ودموعى على خدى من اليى قريته
غروب
يااااااااااااااااه كل دا خصام بين أخوات والله انا لما قرأت الكلمات اللي انتي كاتباها يا غروب انا في الاول افتكرت انها قصه غير واقعيه لكن مع تأثير الكلمات قلت أكيد دي حقيقيه الكلمات خارجه منك بحزن رهيب حزن يخلي الواحد يقعد قدام الكلمات نفسه يبكي من القصه انتي عارفه انا عندي مشكله قريبه منها بالظبط
والدي وعمي برضه بس مش للدرجه دي انا واولاد عمي مع بعض أكتر من الاخوات وكمان لما أحب أروح لعمي وأقعد معاه عادي خالص وكمان ولاد عمي نفس الموضوع مع والدي لما بيحتاجوا اي شيء علي طول يروحوا لوالدي
بس اللي انتي بتحكي فيه دا كلام صعب أوي اي حد يتحمله ما بالك بجميله دلوقتي أكيد هيا منهاره من كل اللي بيحصل حواليها وأكيد مش هايبقي عندها ثقه حتي في والدها ودا أكبر مشكله المهم
بارب يجمع شملهم من جديد ويجمع شمل الامه الاسلاميه كلها يارب
تحياتي ليكي يا غروب
الفلوس هي سبب المشاكل
ولو دخلت الماديات في العلاقات فمعظمهما بتنتهي بالفشل
تقبلي مروري
مجنووون
ياااااااااااااه
عارفة الموضوع ده بنشوفه كل يوم تقريبا
المصلحة بقت بتربط الناس اكتر من الدم
الاخوات بقوا اغراب وفى ناس ممكن مش بيسألوا على ابوهم وامهم بالشهور
مش عارفة ايه نهاية الغابة اللى احنا عايشين فيها
بس بجد موضوعك جميل
وطريقة كتبته اجمل
تسلم ايديكى
تحياااااااااااتى
قلبي وجعني منها بس بوست رائع
جميلة عملت اللي عليها واللي ربتها عليه امها
عبير عملت برضو اللي ربتها عليه امها.. شوفت قد ايه الست الصالحة نعمة بجد ومحدش عارف
ربنا يجمع شمل المسلمين تحت راية الاسلام
اذا كان ده حال الاخوات.. زعلانين اوي على حال العرب
ربنا يستر بجد
للاسف يا غروب يا حبيبتى الناس نسيت كلمة صلة الرحم
فعلاااااااااااا الحكاية واقعية جدااا
عمرى ماشفت اهل بغباء عبير واهلها
ربنا يهدى المسلمين جميعا
ربنا يكرمك على الموضوع ده
تحياتى
ايمى
ايه البوست الكابييييير ده
هجيله تاني واقرأه علشان دلوقتي عيني بتوجعني عاااااااااااا
غروب
للأسف نحن فى وقت الحياه السائده هى نفسى
ولكن ذلك ليس عزرا
أنا فيه فرق بينى وبين أخى وهو عام بالظبط
عمرى ما كان تعاملنا معا بأنى الأخ الأكبر وهو أصغر منى لا لم يكن هو ليس بأخى فقط ولكنه شقيق عمرى معى فى حزنى قبل فرحى أسأله وأستشيره ويساعدنى وهو بجانبى
أقول لك شئ كاتمه جوايا إن شاء الله فى خلال الشهر ده هيسافر تابع لعمله لمده عام مش عارف أقول ليكى على قد فرحى بسفره على قد خنقتى حتى المدونه كنت بدخلها كل فتره أكتب موضوع لأنى الفكره بوجود يوم أفتح عينى لا أجده بجانبى بتخلينى أكتب لأهرب من حزنى حتى لما بخرج أو بروح لأصحابى برجع بسرعه علشان أقعد معاه أكبر وقت قبل سفره
وكأنى لم أعيش معه ما يقرب 27 عام شريكا هو فيها لمده 20 عام أعيشها معه فى وعى تام منى
كفايه كده إتخنقت منهم ومن الدنيا
ابو على:
جيت وشوفت البوست ولاول مره احس بالاكتئاب في مدونتك
كل مره بحس انى متفائله يمكن علشان انا داخله اساسا في مود وحش
نفرتارى:
ازيك يا قمر وازاى ساعاتك؟
هههههه
ان شاء الله نتغير بس احنا نحااااااااااااااااول
لا يغير الله قوم حتى يغيروا انفسهم
نورتينى
شخابيط محجوب:
لالالالالالالالالالالالا انا مقلتش ان معتش في خير
الرسول قال الخير في وفي امتى ... لاخر الدنيا ان شاء الله
لكن بجد الناس الوحشه اللى هتموت على الدنيا زادت وبقه الكل بيدوس وخلاص حتى لو بيدوس على اخوه
لا حول ولا قوه الا بالله
متشكره على الرد والزياره
محاسن:
سلامتك يا حبيبتى من اى دموع
بس بجد مش صح اللى قولته ويستاهل قهوه ساده
والله بجد الناس بقت كده والقصه حقيقيه
معلش بقه نصيبك كده معايا المرهد دى
سااااااده
المره الجايه اعملها سكر زياده
والسكر برا علشان خاطرك
ههههههههه
امير:
ازيك اولا
يارب تكون بخير
ثانيا انا مبسوطه ان انت واولاد عمك قادرين تتغلبوا على مشاكل الكبار وفصلتوا عنهم وانت وعمك كويسين والعكس
لكن انا باتكلم عل وراثه القساوه
يااااااااااه
احساس وحش اوووووووووى
ربنا يديم عليك نعمته
نورتنى
انت تسال والكمبيوتر يجيب:
متشكره للدعوهوان شاء الله اكون متواجده قريبا
مجنون
اهلا وسهلا
نورت المدونه بعد غيبه
فعلا الفلوس سبب معظم المشاكل
بس برضه كان لازززززززززززززم يعرفوا انهم اخوات وانهم هيموتوا بدون مليم واحد
نورتنى
طائر الليل الحزين:
ازيك يا حبيتى وحشانى جداااااااااااا
فعلا والله الناس مش بقت مش بتسال على اهلها شهور لالالالالالالالا دى بقت سنين والله اعلم هتنتهى امتى
اشكرك جدا على رايك في طريقه العرض ومنكم نستفيد يا قمر
ههههههههه
( وش مكسوف)
ياااه أد ايه موضوعك قوي يا ساسو
والسبب في المصايب دي حاجات كتير
ممكن يكون الطمع وممكن يكون ضعف شخصيه
أسباب كتيره أهمها البعد عن الله وإحقاق الحق في امور الميراث
فهم كانوا ينوون ظلم أختهم وهضم حقها ففرقهم الله
وجميله عملت اللي عليها وبدأت بالسلام
فهي بنص الحديث الخيره فيهم
(وخيرهما الذي يبدأ بالسلام)
رغم أن البادره كانت الأولى أن تصدر من أحد الأخين لكن الله طمس على قلوبهم
أما عبير وأمها فلا تعليق غير
لا حول ولا قوة إلا بالله
وقد علمنا سيدنا عمر رضي الله عنه حكمة كبيره الكثير يغفل عنها عندما قال للأهل والأقارب
(تزاوروا ولا تجاوروا)
فضعاف النفوس من الأقارب عندما يتجاورون تحدث بينهم المشاحنات والمنغصات التي قد تكون نهايتها الفرقه
وبالنسبه ليكي ولا تزعلي يا ساسو
أعتبريني أخوكي بس بس
أتجوزي أنتي بس وحتلاقيني بندهلك من تحت البلكونه ساسو يا ساسو نزلي الحبل جبتلك قرطاس طعميه ب 2جنيه مش خساره في أجدع أخت إن شاالله ما حد حوش
السلام عليكم
ازيك حبيبتى
وحشانى بجد
عارفه
والله فكرتينى بالعيله بتاعتنا بالظبط
سبحان الله
اختلفوا برضوا عشان الميراث والرجاله واكلين حق اخواتهم البنات وحاجه صعبه والله
وحصلت مشاكل كتير اوى
وزى ما يكونوا بقوا اعداء
ولو اى واحده طالبت بميراثها زى ما تكون بتطلب حاجه مش من حقها
الحكايه اللى كتبتيها دى بتحصل كتير جدا جدا
الله المستعان
ربنا يرحمنا بجد
تحياتى ليكى
فتافيت:
نورتى المدونه
وبجد فعلا الست الطيبه دى نعمه لاولادها ودينها
وربنا يصلح الحال للامه كلها
نورتى
ايمي:
ازيك يا قمر
وحشانى
مش عارفه اقولك ايه بس فعلا في حاله غباء سايده
ربنا يرحمنا
ليدي اي:
منتظراكى يا حبيبتى اى وقت تنورينى وسلامه عيونك الف سلامه
اعشق في الليل ضوء القمر:
اهلا وسهلا
جميل اوى ان العلاقه بينك وبين اخوك تكون كده ربنا يديمها عليكوا ويرجعه ليك بالسلامه ويخليكوا لبعض دايما
اما بالنسبه لملتقي الاحبه انا رديت فيها وشوفتها قبل م تبعت لي الرد
ahmed_k:
اهلا وسهلا يا استاذ احمد
نورتنى
بجد كلامك جميل ويمكن هى دى فعلا اسباب الخلاف
انا يشرفنى يكونلى اخ زي حضرتك
بس متنساش بقه الطعميه
ريمان:
ازيك يا قمر انتى كمان وحشتينى والله
وربنا يهدى العيله عندكوا وجميع العائلات لانه بجد بيكون من اسباب الاكتئاب وضعف الشخصيه عند اطفال العيله دى
نورتينى يا جميله
والله يا غروب انا إستغربت من سؤالك
لكن وضحت عندى فى المدونه ممكن إنشغلتى بالمدونه الثانيه ونسيتى التعليق
لكن مستنى أشوف دلوقتى تعليق فى مساكن شعبيه
دى حدوته حلوه بجد
تسلم ايدك
بس حبكه دراميا عاليا للموضوع بجد
غروب
أنا عملت إضافه لينك البرنامج وفيديو شرح التسجيل نبدأ
حلوة القصه دى يا غروب اوى ماشاء الله
كمان التداخل الدرامى فيها رائع وجميل
توريث الطباع مثل توريث الاموال بين الناس
القصه حلوة والسيناريو فيها رائع
ومتفق معاكى ان الطمع فى الدنيا هو سبب كل المشاكل
تسلم ايدك
تحياتى
ازيك يا غورب
عاملة اية وحشانى جداا
يارب تكونى بخير
للاسف بقت دى سنة من سنن الحياة العصرية
دائما ما تتفرع الاشجار وتتساقط اوراقها
تشبية جميل
وموضوع اجمل
اعشق في الليل ضوء القمر:
ان شاء الله
صوت من مصر:
اشكرك بس دي قصه حقيقيه زى مقولت
نورت
اعشق في الليل ضوء القمر:
نبدا دى سؤال ولا معلومه؟؟؟؟؟
ربنا يوفقك
momken:
اهلا وسهلا منور المدونه
اشكرك جدا على رايك وكلامك الجميل
وفعلا الطباع بتتورث زى الفلوس بالظبط
سواء حلوه او وحشه
ربنا يعافينا
نهر الحب:
ازيك يا جميله انتى كمان وحشانى جدا والله وانتى عارفه انى بحبك في الله جدا بدون ما عرفك لكن انا عندى صوره ليكي من ماما اموله في لقاء مدونين
وكمان بحبك من كلامك واتمنى اشوفك والله
نورتينى يا جميله
هى فوضى:
اهلا وسهلا
متشكره جدا على الزياره والتعليق الجميل
نورت
أصبحنا ثلاثة الأن
معانا فى الشات
ملتقى الصحبة
القصة دى حصلت كتير جدااااااااااااااااااااااااااااااااااااااااااااااااااااااااااااااااا فى مجتمعنا وبتتكرر يوميا موضوع الورث والاخوات حل المشكلة دى ياريت ك واحد يعرف انة يوم ما يفارق الدنيا مش هياخد معاه اى حاجة غير عمله يفضل الانسان يجمع الفلوس ويجى غيرة يصرفها وهو يتحاسب عليها
السكر بره ده ايه الاوبشن ده يا غروبتى
اى حاجه من ايدك طبيعى تقلب سكر زياده
وحشتينى يا قمر برغم انى لسه شايفه تعليقك عندى
بس الحب بئه تقولى ايه
بصى الحكاية دى موجودة فى كل بيت
هقولك اية
انا بقالى اكتر من سنة مش شفت عمتى ولما عزمها بابا على فرحى مش جت مع ان القاعة كانت قريبة من بيتها
وحضرت فرح ابن عمتى التانى من سنة وانا رحت
وغيرة خالى الكبير من اقولك انى بقالى 20 سنة مش شفتة
وهو ساكن فى محافظة تانية ولا حتى سايب عنوان ولما رحت المحافظة دى فسحة حاولت ادور علية ولكن لا آمل
وغيرة وغيرة وغيرة
هتلاقى من دة كتييييييييييييييير
اوى
وقال عايزين العرب تتوح وعايزين وحدة وطنية
مش لما نعمل وحدة عائلية الاول
نبقى نفكر فى الاكبر
تحياتى
هنقول ايه بس يا غروب..
حال الدنيا عاوز يتصلح فى حاجات كتير..
امر محزن جدا..والمحزن اكتر سؤالى..
ازاى اخوات عايشين مع بعض العمر ده كله والاولاد كمان عايشين كل ده مع بعض وفى لحظه يبعدوا عن بعده..ويكون ما بينهم حاجز متين ومرتفع وقوى زى ده..؟
اتمنى ان الاحوال تتصلح ليهم ولجميع المسلمين والمؤمنين لان ربنا ميرضاش بكده..
والطرفين كل واحد فيهم هيتحاسب من ربنا الكريم سواء الغلطان واللى مش غلطان لان ربنا سبحانه وتعالى ميرضاش بكده ابدااا..
اشكرك غروب على القصه الواقعيه دى..
واتمنى تقبلينى فى اول زياره ليا..
اعشق في اليليل ضوء القمر:
الف مبروك
اعطينى بس شويه وقت افهم البرنامج وانزله عندى واشوف هيتعمل ازاى
لانى وقتى ضيق شويه الفتره دى
نورتنى
geo amr:
اهلا وسهلا
عندك حق والله لو كل واحد اقتنع انه هيفارق الدنيا بلا شئ كان الكل ارتاح
نورت المدونه
محاسن صابر:
طبعا اوبشن مخصوص ليكي هو انا عندى اعز منك يا ام عبد الرحمن
انتى كمان بتوحشينى والله جدا واتمنى اشوفك
زوجه عنيده:
الحقيقه مش عارفه اقولك ايه غير ربنا يصلح الاحوال بينكوا وفعلا النسبه زادت اوى وبقت صله الرحم شئ مش في الحسبان
وعلشان كده العرب سايبيبن ايد بعض فعلا
عموما انا مبسوطه اوى بزيارتك وبحب مددونتك جدا
نورتى يا قمر
مياده رافت:
اهلا يا جميله اول زيارخ ليكي منوررررره المدونه
ايوه فلا المطلوب مننا الدعاء ربنا يهديهم ويهدى كل العائلات اللى بينها نزاع على امور تافهه
نورتى
إرسال تعليق