والله زمان
قبل 8 أعوام
الجمعة، 10 أكتوبر 2008
كنت فين وقت الكــــــلام .........كنت فين وقت السكات؟
كنت فين ودمـوعى نازله........ تطوى أجمل ذكريـــــات ؟
لما فت قلــــبي يـــصرخ ..........يفتكر عمره اللى فـــات؟
دلوقتى جاى تقولى تانى احتجتلى ؟
واديك ماددها وعنيك سايبها تبصلي؟
م احتجتلك ...مديت ايديا ...ندهتلك
وقلتلك ضم اللى باقي من حكايه كتبها ويانا الزمن
فتحت عينى لقيت دموع وعمر ضاع من غير تمن
مستنى منى اقولك ايه ؟...... ازاى وامتى وفين وليه؟
راجعلى تانى بعد ايه؟
ولا اترمى فجأه في حضنك؟
وانسي جرحى اللى بكيت عمرى عليه؟
مش عايزه منك غير اجابه للسؤال اللى قضيت ايامى فيه
كنت فين وقت الكلام؟ ............كنت فين وقت السكات ؟
الاشتراك في:
تعليقات الرسالة (Atom)
49 التعليقات:
كنت فين وقت الكلام؟ ............كنت فين وقت السكات ؟
كنت فين وقت الالم
كنت فين وقت الاهات
كنت فين وحبى عايش
وانت فكره مات
دلوقتى جاى باكى من الندم
بعد الحضن اللى فيا مات
خلاص شموع قلبى انطفئت
وقلبى من ظلامه مات
روح وراجع تانى
بعد الدمع
الفرح مات
يااااااااااااااااه ايه الحزن الراقى ده
جميل والله
قلبى رن معاها
وحسيت ان كفايه رنات
ولابد اشحن تانى
علشان ارد
واعلق
مش تعليق واحد
لاء
تعليقات
تحياتى
برافو ساره في تقدم هايل احييكي واستمري انا معجب جدا بحماسك ومشاعرك الدافيه الجميله
تحياتي
كنت فين وقت السكات ...اه وقت السكات
خلاص شموع قلبى انطفت
وقلبى من ظلامه مات
..اه تانيه واعتقد كفايه كده
يعنى اهتين فى التعليق ابلغ تعليق عن قد ايه جميله وموجعه وطبيعى تمس اى حد...
ومش هقول بالاخص انا
ايه الجمال الحزين دا
بجد جميلة جدا
حسيتها قوي
تسلمي ياسارة يارب
لسه جايه تسأليه كنت فين؟
وهو ليه مرحمش دمعك وقت البقا ادام عنيه
اوعي حتى تفكري تقولي ليه؟
حبو دا وقلبو ده وهجرو دا
ما يتبكيش لحظه عليه
سيبك يا بنتي
وانسي انك عشتي ليه
وارمي كل حزن الدنيا
في بير غويط
وبكره فرحك يجيلك
وتحلى سنينك بيه
اوعيي تفكري ولا تعاتبي ولا تقولي ليه وازاي واشمعنى؟
ولا تبري ولا تتعبي نفسك
اللي بالشكل ده ميستاهلش تحرقي اعصابك عشانه
احساسك حلو اوييي بجد يعني
ربنا يسعدك :)
كلمات رقيقة جدااااا
صحيح مليئة بالحزن بس ده زادها جمال
تقبلى تحياتى وإعجابى بالإحساس الراقى
كان فى غيبوبه
وافتكر
بس بعد فوات الأوان
تحياتى
كان عايش فى عالم تانى
مش حاسس باللى بين ايديه
و بعد لما ضاع حس بيه
رجع تانى يدور عليه
سلامو عليكم
قصيدة وغنوة في الوقت نفسه
موزونة ومتناغمة جدًا
ما شاء الله
ابداع فعلا !!
ابو على :
كلامك حلو اووووووووى
نورتينى كالعاده اول واحد
واشكرك على اهتمامك والمتابعه
عماد الدين يوسف:
شكرا يا استاذ عماد ...تشجيعك يخلينى استمر واقاوم اى شعور بالهزيمه
منور
محاسن صابر:
حاسيه بيكي
ومكنش قصدى دموع عنيكي
انتى دمعك دمع غالي
بيعي وانسي اللى كان ناسيكي
حبيبه قلبي والله بجد الكلام ده من قلبي ليكي انا بحبك جدا بجد
وياريت مكنش اتسببت ف اى دمعه منك لان دموعك غاليه اوى يا حبيبتى
( بوووووووووووسه)
ماما اموله:
حبيبتى نورتينى يا ماما
حلو اوى تعليق ان الجمال حزين
دايما الشئ الحلو بيبقي فيه لمحه حزن
تعرفي يا ماما تعليقك ده فكرنى بكلمه اعز اصدقائي لما مريت انا بظروف صعبه ودبلت عنيه من البكي قالتلى رغم دموعك الا انها زادت عنيكي جمال دايما الحزن بيعطى جمال خصوصا في لغه العيون
تصدقى الكلام ده؟؟؟
بنت الماضي :
ايمان حبيبتى منوووووووره يا قمر
هو البوست ده ماله كده طلع كل المواهب المدفونه عند الكل ولا ايه؟؟؟؟؟؟؟؟
انتى كلامك احلى يا قمر
اتمنى تنورينى دايما
mohammeed ghalia:
اهلا وسهلا بيك واشكرك على كلامك
اتمنى دوام التواصل
blue _wave
غيبوبه ؟؟؟
ده شكله موت مؤقت
بس حاليا فوقته دى مش تهمنى ولا تلزمنى
اشكرك على زيارتك الجميله
زهره الياسمين :
اهلا يا جميل
نورتينى ويارب يكون البلوج عجبك
اشكرك على الزياره الرقيقه وكلامك الجميل
كوارث:
ربنا يخليك اشكرك على كلامك
واتمنى اكون عند حسن ظن الجميع دايما
شكرا
الله عليكى
كل كلمة بجد لمست حاجة جواية . يمكن عشان عيشتها فى يوم من الايام وبرده عشان هى جميلة جدا ودافية ونابعة من القلب . بهنيكى على الكلمات الرائعة بتاعتك . هايلة قوى
تحياتى
حلوة اوى بس صحيح هو كان فين
ههههههههههههههههههههه
تسلمى
وقت الكلام
كنت بأسمع ..
ووقت السكات
كنت بأستنى الكلام ..
ههههههههههههههه
مصدقينك من غير حلفان
فوق فوق وإحنا بيهمنا
المهم أيه الكلام الكبير ده
ومين اللي أمه داعيه عليه ده ؟؟؟
تلاقيه يا ساسو كان مسافر بيكون نفسه
يبقى الراجل معاه حق
يعني عايزاه يتقدم ويدخل
أيد ورا وأيد أدام
ففي الحاله دي الوليد معزور
بس كلماتك جميله إستمري
طائر الليل الحزين
شكرا يا حبيبتى على كلامك الجميل وربنا يبعد عنك اى احساس وحش يارب انتى وكل بنات المسلمين
شكرا على اهتمامك ومتابعتك
شفقه هانم واحسان بيك:
اهلا اهلا نورتونى والله ووحشنى جداااااا
اشكركم على الكلمات الجميله
انا كمان بسال هو كان فين ؟
عمر:
هههههههههه رد دبلوماسي
ميغلطكش خااالص
بس شكلك فضلت تسمع كتير بدون كلام
نورت
ahmed_k
اهلا وسهلا يا استاذ احمد نورت بجد
زيارتك زادتن المدونه جمال
عموما لو كان بيكون نفسه موافقه ومش هسال تانى
بس هو مكنش كده
ههههههه
شفت نسيتنى اقولك حاجه مهمه اووووووووى
ان التعليقات فووووووووووق هههههههههههه
سلام
ههههههههه
اجمل شيى التعليقات فوق والله
لانى فعلا كنت هادخل التعليقات اللى تحت
يعنى لا وقت الكلام ولا حتى وقت السكات
يبقى من الاحسن مش تسال كان فين او حتى تدورى عليها خليها فى حاله احسن الظاهر انه واقع على ودنه بقى هههههههههههههههه
اللى زيه مش تستحق تقول له كنت فين والله
احساسك كان عالى اوى برغم ما بالكلمات من حزن
دمت ددائما مبدعة
تحياتى
يويو
saso
ازيك
فتحت عينى لقيت دموع وعمر ضاع من غير تمن
حرام عليكي والله انتي لسه صغيره طيب انا أعمل ايه وانا عمال أجري في 25 سنه
علي العموم الكلمات جميله والله بجد ومؤثره فعلا
تحياتي ليكي
ملحوظه
يعني هوا انا لو ماجتشي علشان أزورك انتي ماتعملهاش لوحدك علي العموم انا سايبلك تاكسي مجانآ ومستنيكي هناك عندي في المدونه
أوعي تحاسبي عليا انا المره دي
مع السلامه
والي مزيد من التواصل
hinger:
شفت بقه كويس انى لحقتك ولعلمك في بوست نسيت اكتب فيه الملحوظه دى لقيت تعليق جالى بيفكرنى بيها
هههههههه
yoyo:
ازيك يا قمر وحشاااااااانى
هو شكله فعلا كان واقع على ودنه
اشكرك على كلامك الجميل ومتابعتك
( بوووووووسه)
امير البلانكو:
اهلا اهلا منور
شكرا اولا على التعليق وعلى كلامك
ثانيا شئ غريب انا باجى عندك علطول بس انت اللى مقل اوى في كتاباتك
عموما عندك ردى
ومتنساش تحاسب التاكسي لانى وخداه من عند دكتور عمرو فاروق
كنت فين وقت الكلام؟ ............كنت فين وقت السكات ؟
كنت فين وقت الالم
كنت فين وقت الاهات
كنت وانا فى بعدك دايما ادور عليكى
ولا عمرى نسيتك لحظه ولاعمرى نسيت عنيكى
ساسو
جبت اول طيارة طالعة وجيت ليكى على طول هههههههههه انا اسف والله على الانقطاع بس كنت فى مووود مش مظبوط علشان الحوار اللى انتى عارفاه ده
المهم كلام البوست جميل اوى وان كنت ارى انه بلاش
===========
مش عايزه منك غير اجابه للسؤال اللى قضيت ايامى فيه
كنت فين وقت الكلام؟ ............كنت فين وقت السكات ؟
============
لا بجد كفاية عتاب فى الماضى خلينا نعيش الواقع وعلى راى فودافون "عيش احلى ما فى اللحظة" هههههههه
يلا سلام
انا موجود بس بشغل نفسي جامد اوي علشان مافتكرش حد ولا افكر في حد
ابدع الكلام عندما يكون ردا علي صمت
وابدع الصمت عندما يكون ردا علي كلمات
((دا مأثور من تأليفي )
مش دايما كل حاجة بتتحقق ولا دايما المشاعر بتخنق
بس دايما الخلاف يكون له نهاية
كل يختار نهايته كما يرغب
ويتهم الآخر
لا تتسالي كنت فين ورحت فين
المهم انت فين
على فكرة الكلام حلو جدا.... ايه دة؟؟ حلو فعلا انت بجد بتكتبى حلو جدا ماشاء الله
رومانسي:
لو كانت دى اجابته مكنتش سالته لانى كنت هحسها
نورتنى وشكرا على الزياره الجميله
جمعاوى :
اهلا اهلا منور :
اركن الطياره في لينك المدونه
عايزه اقولك ان ده مش عتاب لان العتاب بيكون مع اشخاص تشتاهل لكن في شخصيات مش تستاهل حتى انك تبص ليها بنظره غضب
عموما الموضوع اللى كان شغلك عرفته وربنا يصبرك وعادى بتحصل في احسن العائلات
سلام
few good men:
اهلا وسهلا نورت المدونه والله
كلامك جميل جدااا وفعلا عندك حق الواحد هيعيش مره واحده ولازم يعرف بس هوو فين مش غيره
مبسوطه اوى ان في ناس هنا ممكن تخرج الواحد من اى ازمه
نورت
انجى:
ازيك يا قمر وحشانى بجد
متشكره اوى على كلامك العسل وربنا ميحرمنيش منك
نورتينى يا قمر
ايه يا جميله مفيش بوست جديد
يا ساسو ....
حبيت بس اتطمن عليكى يا جميله
...خلى بالك من نفسك يا حبيبتى...
شهد الكلمات:
جوجو حبيبتى اهلا وسهلا
طبعااااااااا سانضنضنم اليكم ان شاء الله عن قريب
نورتينى
محاسن صابر:
ربنا ميحرمنيش منك ومن سؤالك يارب
وان شاء الله البوست الجديد مختلف من نوعه وقريب ان شاء الله
سلام يا حبيبتى
تسلم أيديك
كباريه:
شكرا يا حبيبتى ونورتينى والف مبروك على المدونه
saso
شكرآ للمساعده
merciiiiii
thank youuuuuuuuu
شكرآ بكل لغات العالم
العفو يا امير على ايه احنا اخوات
يا عيني يا سارو
كل يوم بكتشف فيكي موهبه شكل
كريم:
شكرا ربنا يخليك ده من ذوقك واشكرك على الزياره
إرسال تعليق