السبت، 28 نوفمبر 2009

يوم مختلف تماما

بسم الله الرحمن الرحيم

اولا بشكرك يا نوسه يا قلبي على البوست بتاعك واكيد انا زيك اليوم كان مختلف عندى وكان يوم جميل ويستاهل انى اكتب عنه

http://d0rna.blogspot.com/

انا مبسووووووووووطه اوى انى في اجازه وقادره ادخل مدونتى براحتى

استغل الموقف بقه والحق ارغي باى كلام يجيب صداع قبل الشغل ووجع الدماغ تانى

الحقيقه انا كل سنه في اول يوم العيد مش بخرج عادة من البيت خالص ... بصحي بدرى ساعات بروح اصلي وساعات لأ والسنه دى مروحتش

كنت جعاااااااااانه نووووووووم ... لان بحكم انى اشتغلت وبقيت الست الموظفه على راى ماما فانا بقالي شهر تقريبا مش بمد ايدي في حاجه في البيت

وازاى بقه يكون ده الحال وفي عيد جاى ؟؟؟؟؟؟

فكان لازم انضف قبل العيد ( يوم الوقفه وقد كان ) وعلشان كده نمت كتير

صحيت على الساعه تسعه .. المفروض في الميعاد ده بنكون منتظرين عمو بيجي لينا بعد الصلاه علطول بس هو في الحج السنه دى ومجاش

وكان الدور على بابا هو اللى يروح لاخواته الصبح

قمت فطرت .. وكان مطلوب منى اكوى بقه لان المفروض انا وجهاد معزومين عند ايناس ودى اوووول مره تحصل انى اروح لحد اول يوم العيد ده

بس ظروف شغلي انا وجهاد حكمت بكده

سلمى مش قدرت تيجي .. كان نفسنا والله يا سمسم تيجي بس احنا مقدرين الظروف

المهم ... رتبت انى هتقابل انا وجهاد على الساعه اتنين كده ونروح لسلمى ناخدها ونطب على نوسه

اتقابلت انا وجوجو وكانت وحشانى مووووووووووووووووووووووووووووت مووووووووووووووووت

فضلنا نرغي ونهزر في التاكسي اللى لم يقبل باقل من خمسه جنيه في مسافه لا تتعدى ربع كيلو ههههههههههه

المهم : نزلنا الاول لسلمى فضلنا نخبط نخبط نخبط محدش فتح وكاننا شحاتين بالضبط ههههههههه لحد م طنط فتحت وقالت سلمى مش هتقدر تيجي وخلاص

نزلنا مشينا لحد ايناس

يدق الباب : تفتح البت الشغاله ( ايناس ) وهى رابطه شعرها وماسكه الشرشوبه بتمسح البلاط علشان ستها ساره وستها جهاد هينوروا البيت هههههههه

دخلنا طبعا على طراطيف صوابعنا بعد قلع الشوزات على الباب الداخلى

وبعدين قعدنا في الصالون ودخل عمو ( بجد يا نوسه باباكى رغم انى مش اول مره اتعامل معاه الا انى اكتشفت سر حبك ليه بجد ) ربنا يخليه ليكي

وبعدين فضلنا نرغي ونستعيد الذكريات وكل واحده تقول الجديد لديها في عجاله لان ايناس كانت زى الشغاله رايحه جايه على المطبخ وبتلقط رزقها من هوناك

لحد و اخييييييييييييييرا جه وقت الغدا بعد معذبتنا

وبلالالالالالالالالاش اقول ان ايناس كانت عامله رز تشحففففففففففه لدرجه انى مقدرتش اكل منه غير معلفه واحده يدووووووووب

اما باقي الاكل كانت طنط اللى عملاه وكان بجد ممتاز تسلم ايدك يا طنطى واسفين على تعب حضرتك وانا عارفه انك هتقراى الكلام ( عوووووووووو )

بعدين جهاد طلبت شاى وما ادراكم بشطاره ايناس في عمايل الشاى بصراحه

السؤال الال : جهاد تحبي شاى فتله ولا عادى ؟
السؤال التانى : تحبي الشاى مغلى اوى ولا نص نص

السؤال الثاللث : تحبي كام معلقه سكر ؟
السؤال الرابع : في كوبايه ولا فنجان ؟
السؤال الخامس : تقيل ولا خفيف ؟
جهاد قالتلها انتى ناقص تقوليلي سكر ابيض ولا سكر بنى ؟؟؟؟؟؟؟؟؟ ههههههههههههههههههههه

الحمد لله انى مش بشرب شاى ( اشرب كازوزا انا )

بعدين فضلنا نضحك بقه ونهزر بس بطريقه هيستيريه وانا كنت سعيدده اوووووووى والله

وطلبت جهاد من طنط انها تدعى ليها بالتوفيق في الشغل

سالتنى طنط ادعيلك بايه يا ساسو ؟ قولتلها بعريس هههههههههههه

واتسحبت ايناس من لسانها وحددت اسم ليه واسم لجهاد

يلا هنقول ايه غير ( آآآآآآآآآآآآآآآآآآآآآآآآآآمين يارب )

هههههههههههههههه

نزلنا انا وجهاد بعد يوم عائلي جديد وممتع جدا علشان نتكشي شويه ونرغي بقه وشويه ضحك اصفر وبعدين تروح كل واحده بيتها على امل اللقاء تالت او رابع يوم العيد باذن الله

كان يوم جميل اوى لازم اسجله وافضل فكراه دايما

انا بحبك اوىىىىىىىىىىىىىىىىىىىى يا نوسه وبحبك اوووووووووووى يا جهاد وبحبك اووووووووى يا سلمى

وانتوا اصحاب العمر بجد وربنا يخليكوا ليه

يلا تصبحوا على خيييييييير

غروب

المود بتاعى :

( انا دلوقتى بعيش في حياتى اجمل قصة حب جديد .. فرحة قلبي بحبك فرحة طفل بيحلم ليلة العيد )

19 التعليقات:

ريتاج يقول...

عيدك سعيد

ربنا يسعدك يارب ويفرحك

كل سنة وانتى طيبه وينعاد عليكى الايام بالخير حبيبتى


تحياتى
ريتاج

♥نبع الغرام♥♪≈ يقول...

ازيك ياسارة

وحشتنى اوووووووووووووى
عارفه انى مقصرة معاكى بس غصب عنى واحنا اتكلمنا انهارده وعرفتى سبب زعلى

دعواتك ليا

♥نبع الغرام♥♪≈ يقول...

ربنا يسعدك مبسوطة انك فرحانة وامورك مستقرة

ربنا يسعدك يارب

بحبك اوووووووووووووووووى

ايناس

mony يقول...

كل سنه وانتم كلكم طيبين

بســـمة انور يقول...

ربنا يسعدك دايما يارب يا سارة

كل سنة وانتى طيبه حبيبتى

Cute Kitty **sookra يقول...

ساسو
غروب
كل سنه وانتى فرحانه يارب
ويارب يتملك قصه حبك على خير ياحبيبتى

لاسع افندى يقول...

ربنا يسعدك كمان وكمان



تحيه لاسعه

الشاعر الحزين يقول...

غروب

كل سنه وأنتى طيبه ويارب دايما فى سعاده وفرحة قلب

ربنا يديم البسمه على وجهك

ويخليلك أصحابك ويبارك فيكم جميعا


دمتى بكل الخير

romansy يقول...

من بين كل الدنيا خادتنى عينيك ودتنى لحلم بعيد

بعد ما جيت وكتبت لقلبى بحبك تانى عمر جديد

خليتنى أحب الدنيا وأعيش من تانى حلم جديد



أنا دلوقتى بعيش فى حياتى أجمل قصة حب جديد

فرحة قلبى بحبك فرحة طفل بيحلم ليلى العيد

خليتنى أحب الدنيا وأعيش من تانى حلم جديد

romansy يقول...

كل سنه وانتى طيبه
ويارب يفرحك كمان وكمان

amirelhob يقول...

بوست جميل وبجد حلو اوى جو الاصدقاء دا ويا رب دايما معاهم ومتتحرمنيش منهم ويا رب دايما بتضحكه وبتهزره وقربين من بعض فى الحلو والمر ويا رب ايامكم كلها فرح وتتجوزى العريس ومن قلبى بتمنلك كل خير وسعاده صوحه وتوفيق وفرح وابتسامه تدوم يا رب طول العمر

وردشان smilyrose يقول...

غررررررررررررررررررروب

كل سنة وانتى طيبة يا قمر

ويارب دايما مع اصحابك

زدايما فرحانين كدا

وعيد سعيد عليكم

E73 يقول...

حبيبة قلبي سوسو
يا سلام ياختي بقى بتتريقي على رزي!!!
ماشي ماشي
قولي بقى انك بتفلفصي من انك تجيبيلي عريس
دا الرز بتاعي كان أحسن حاجة على السفرة يا بنتي بتتكلمي في ايه

بس بجد فعلا كان يوم زي العسل

ربنا يخليكم ليا يا رب

آي لاف يوووووووووو

rony يقول...

ربنا يفرح قلبك دايما
ويكملك قصة حبك بخير
وتعيشى احلى احساس فى الوجود
كل سنه وانتى طيبه
تحياتى يا قمر

Asmaa Fathi يقول...

كل سنة وأنتِ طيبة وعيد سعيد عليكِ

أعتذر علي الإنقطاع عن متابعة مدونتك

وأرجو التواصل مجددا ومتابعة سلسلةكتاباتي علي مدونتى ( ألـــــــــم قلـــــم)
تحياتي
Asmaa Fathy

ahmed_k يقول...

فعلا أيام العيد بين الأصدقاء بيكون ليها طعم جديد ربنا يخليكم لبعض
وكل سنه وأنتي طيبه يا ساسو
والعيد الجاي تكوني حققتي كل أمانيكي

أريــــــــــــــــــــج يقول...

كل سنه وانتي طيبه

وربنا يجعل ايامك كلها اعياد وافراح ان شاء الله

E73 يقول...

معلش بس يا سارة بعد اذنك

آينعم انا مليش علاقة بايناس الاحزان ولا بدافع

لكن لو سمحت يا غير معرفردك مستفز
أولا داخل باسم غير معرف ودي مش دليل على الشجاعة أبدا ولا المطالبة بالحق
ثانيا لما تلاقي حاجة زي كدة اعتقد العقل بيقول تروح تنشر التعليق ده عندها هي في مدونتها مش فاهمة جاي تنشره هنا على أي أثاث يعني؟

ولا انت مش واخد بالك ان دي مدونة ما بعد الغروب وحصل عندك لبس ولا حاجة

احب اقولك ان اللي عملته ده أيا كان الشخص لكن ده اسلوب غير لطيف "جبان"

ولو سمحتي يا سارة امسحي التعليق السخيف ده محناش قاعدين في مطش كورة هنا عايز تتهم حد بحاجة يا فندم اتهمه في بيته مش في بيوت الناس

ناس غريبة

اقصوصه يقول...

كل عام وانتم بخير

 

ما بعد الغروب © 2008. Design By: SkinCorner