الاثنين، 6 أبريل 2009

انا مش ربنا



بسم الله ارحمن الرحيم


الحقيقه مكنتش ناويه اكتب النهارده خالص وكنت ناويه انزل البوست الجاى بعد يوم الجمعه باذن الله علشان احكى ليكوا اللى هيحصل معايا يوم الاربعاء مع اصحابي في دريم بارك

واللى هيحصل يوم الجمعه في اللقاء التدوينى في بورسعيد


بس الحقيقه اللى عاوزه اقوله دلوقتى مش هينفع يتأجل


اللى عاوزه اقوله : انى والله مش بنت قاسيه .. وممكن اسامح جداااااا

بس الوضع الحالى مش هينفع اسامح فيه .. السبب الوحيد مش هو انى محتقره الموضوع واصحابه وعاوزاهم يبعدوا عنى

السبب الاكبر انى مش بحب القصص الملوثه ومش بحب اعرفها لانها بتسبب لى اكتئاب


انا عارفه ان في ناس مش هتفهم كلامى ... بس مش هينفع اوضح اوى يعنى


انا عرفتها قدرا ... والحقيقه مش ارتحت ليها من اول كلمتين .. وقولت لاصحابي المقربين انى مش مرتاحه ابدا

ونصحونى ابعد مش لشكهم في الشخصيه لانهم مش يعرفوها لكن لراحتى وبس


وبعدين حسيت انى ممكن اكون ظالمه .. وقاسيه وشكاكه


وانا عارفه انى شكاكه اساسا جداااااااا ... خصوصا في معارفي اللى على النت

يعنى بمعنى اوضح علاقات النت معظمها لا يتعدى حدود الشاشه وفي كلام معين لا يمكن تجاوزه


المهم : قلت في نفسي مش تبقي شكاكه كالعاده حرام عليكي

وفعلا طلعت شخصيه سويه .. لكن برضه مش عارفه ليه دايما كنت بحس بنقطه كدب او ملاوعه مش عارفه بس دايما كنت بحاول اكون حريصه


في حاجات كتير في الشخصيه دى مش هتناسبنى كصديقه .. بس رجعت اقول لنفسي بطلي كبر نفس حرااااااااااااااااااااااااام

ورجعت تانى ... بس برضه لالالالالالالالالا في حاجه مش مريحه يا غرووووووووووب


ليه ؟؟؟؟؟؟؟؟؟؟

ما علينا

صارحتنى بحاجات كتير ... ونصحتها وساعدتها علشان تكون شخصيه قويه ثابته


بس الحقيقه جت عند نقطه معينه تصارحنى بيها ..... مقدرتش اتمالك نفسي غير وانى بقفل كل ابوابي في وشها

مش هينفع خاااااااااااااالص......الالالالالالالا


مش هينفع حتى اسمعها وهى بتصارحنى بده ... انا مش ربنا

مش هقدر اغفر .........المغفره صفه الهيه فقط فعلا


انا مش هفغر بس مش علشان انا قاسيه او انى مش متسامحه لالالالالا بالعكس انا يمكن قولت في التاج انى بحب التسامح جدا

بس لانى حسيت بقرف ....... القصه مقرفه بالنسبه ليه ...... الحكاوى خلتنى احس انى لازم اكون بعيده عنها وعن الطرف الاخر الى ابعد الحدود


انا بحب اوى القصص الحلوه .. ومش شرط تنتهى بالجواز يعنى ..... لكن تفضل نضيفه ( عفوا ) ملهاش تفسير غير كده

لكن اى قصه عكس ذلك صدقونى بتجيبلي حاله من القرف والاكتئاب الشديد وده اللى حصل معاها



علشان كده انا قررت ابعد ........... الشخصيه اكيد هتعرف نفسها من البوست

سامحينى ........ مش هاقدر اكمل خطوات الصداقه دى واللى يدوب ماخدتش مننا غير اقل من خطوه



ملحوظه بقه مهمه جدااااااااا : يا جماعه انا غيرت الميل بتاعى واى حد كان عندى هبعت ليه اضافه من الايميل الجديد وهو هيعرف انى انا غروب



بس كده انا خرجت اللى جوايه


اشوفكوا بقه بعد رحلتى الى دريم باااااااااااااارك وانتوا لالالالالالالالالا ....... نياهايهاهاهاها ( ضحكات شريره متقطعه )

وبعد يوم اللقاء التدوينى في بورسعيد باذن الله


غروب


36 التعليقات:

Lady E يقول...

ربنا ييسرلك الخير وترتاحي نفسويا
انا كمان لسه بفكر احضر اللقاء التدويني ولا لأ لسه مترددة وهنتظر كلامك عن درم بارك

دمتي بخير

غروب يقول...

ليدي اى

يا اهلا بالقمر

ربنا يسمع منك دعوه جميله جداااا

وان شاء الله تيجي اللقاء واشوفك ياريت والله

وانتظرى بقه كلام فظيييييع عن دريم بارك ههههههه

نورتى

ماء تشرين يقول...

بس ابقى افتكرينا بلعبه وشويه ضحك من بتوع دريم


بنسبه للموضوع انا معاكى لان البنى ادم النظيف مش بيحب حتى يلوث ودانه بسماع قصص ملوثه ولن التمس لها عذرا ابدا فهؤلاء هم من يسيئون الى الحب حقا


تحياتى

Bant EL7ag Dracula يقول...

بصى انك تكونى شكاكه وبتخدى حظرك دى

حاجه كويسه مش قاسوه

وكان المفروض ا شخصيه مش مرتاحه

معها يبقا مع السلامه


بس المهم انك عملتى الصح فى الاخر

SHAPE YOUR LIFE (ABOALI) يقول...

غروب
مش عارف ابعبر بكلام
بس من رائيى انك تغيرى عنوان البوست
وربنا يهدى ويغفر للجميع
ودريم بارك تكون استراحه ليكى تستمتعى بكل ما فيها
وخلى بالك من السجادة اللى هناك


تحياتى

♥نبع الغرام♥♪≈ يقول...

غروب حبيبتى
ربنا يكرمك يارب ويسعدك
وترجعى ان شاء الله بالسلامه
ورحله موفقه بإذن الله تعالى
بس لاذم يكون بالك طويل شويه ومتقسيش على الناس كده ياساره
تقبلى تحياتى

غروب يقول...

ماء تشرين

ماشي هفتكرك فين ؟؟؟؟؟؟؟؟؟؟؟؟؟؟ظ فين؟؟؟؟؟؟؟؟؟؟؟؟؟؟؟؟؟

في الصاروخ ماشي؟؟؟؟؟؟؟؟؟؟؟ بس على مسئوليتك

ههههههههه

انا بس بيجيلي اكتئاب من التلوث

يلا الحمد لله الموضوع شبه انتهى بدون خسائر

نورتينى

غروب يقول...

بنت الدراكولا

مدونتك عجبتنى بجد

فكره يعنى

ههههههههههه

الحرص واجب مش كده؟؟؟؟؟؟؟؟

نورتى يا قمر

غروب يقول...

ابو على

اغير العنوان ليه ؟؟؟؟؟؟؟؟؟؟

يلا سيبك

ادينا بنتكلم واشوف دلوقتى السبب

رحله سعيده ان شاء الله


نياعهاهاهاها

لسانى طالع

هههههههههههههههه

مسدس صغير يقول...

اعتقد الكلام واضح
وكل لبيب بالاشارة يفهم
ربنا يغفر لنا ولها ولكى.
ويهدينا جميعا..
اشكرك على البوست
اتمنى رحلة دريم بارك تبقى رحلة سعيدة وكذلك لقاء المدونين

مسدس صغير يقول...

هو اللقاء التدوينى ده فين بالظبط والساعة كام.
ممكن اجى

الشاعر الحزين يقول...

غروب
لا أعرف كيف أتكلم
ولا أعرف كيف أبدأ
ولكن أعرف أنى لا أستطيع الكلام
ولأنى لا أستطيع الكلام
سأتحدث بدينى الذى هو عصمة أمرى
أنا علمت أنكى تصادقتى مع صديقة لكى
منذ فترة بسيطه
ولكن سؤالى لكى
هل وثقتى بها ؟ هل صدقتى كل كلامها ؟
هل سألتى نفسك يوما لماذا هى هذه ؟
أعتقد أنكى من أذكى الناس
وأعتقد أيضا أنكى تفهمتى كلامى بالغم من أنه ألغاز
ولكن أيتها المسلمه
أما علمتى عن الابتلاء ؟
انه ابتلاء
اسألى نفسك وصدقينى سوف تجدى الجواب
فى النهايه
أتمنى منكى زيارة مدونتى وقراءة البوست الأخير وهو التاج
ولكن اقرأى اجابة السؤال
ما هو مجال دراستك ؟؟؟؟

وأشكرك جدا جدا جدا
ولكى منى وافر الاحترام والتحيه
على ما اتخذته من قرار
وشكرا

ahmed_k يقول...

أولا عايز أقولك تروحي وترجعي بالسلامه
ورحله سعيده
ولقاء تدويني جميل إن شاء الله

وبالنسبه لموضوع البنت اللي بتقولي عنها أقولك
في أي علاقه وأي أمر
استفتي قلبك وإن أفتاك الناس
فهو خير دليل ومرشد
فالإحساس لا يشعر بشعور نحو شخص آخر بدون مقدمات
فأحرصي على ان تستفتي قلبك
وأن لا يحاولي قمعه فهو أقرب لكي من نفسك
ربنا يوفقك لما فيه الخير

في أمان الله

yoyo يقول...

ماشى يا ستى ناس لها دريم بارك وناس بها الشغل هههههههههههههههههههههه

تروحى وترجعى لينا بالف مليون سلامة يارب
وكمان ان شاء الله تستمتعى باللقاء التدوينى

شوفى يا ساسو ربنا اعطنا القدرة على التسامح والغفران بس انت اللى فيها بقى احنا بشر مش ربنا قدرتنا على التسامح بتختلف مع اختلاف الموقف

وبعدين طالما الانسان مش مرتاح للانسان من الاول مش بيقدر انه يتعامل معه زى ما بيقولوا الانطباعات الاول تدوم
الحمد لله ان الموضوع انتهى على الف خير
واكيد اتعملتى من الموقف دا شىء

ربنا يسعدك ويسعد قلبك يااااااااارب
تحياتى
يويو

أمل حمدي يقول...

مستنياكي ان شاء الله

سلام

الجواز و سنينه يقول...

بصى يا غروب
الدنيا ياما فيها
كان كفايه اوى انك تبعدى عنها مش تعملى عنها بوست
قد يكون حد بينكم مشترك و يفهم هيه مين و ده مش كويس
انتى بس اظاهر اول مره تسمعى الحاجات دى علشان كده الصدمه كان رد فعلها عنيف
بس الدنيا ياما فيها
ربنا يستر على ولايانا

طـائر الليــل الحـزين يقول...

كيفك يا قمر
انا معنديش تعليق على اللى انتى قولتيه
بس انا حبيت اكون متواجدة واقولك خروجة سعيدة ان شاء الله
تحيااااااااااتى يا قمراية

اعشق فى الليل ضوء القمر يقول...

مش عارف اقول إيه
انا بس أثبت وجودى مش اكثر

جارة القمر يقول...

عارفة فكرتيني بموقف لصاحبتي حصل معايا بعد ما عرفت عنها احتقرتها وسبتها كنت فاكراها دهب طلعت فالصو
ماتزعلي كتير على ناس مابتستاهل والتسامح لازم يكون في حاجات معينة يعني كوني حذرة ودي مش قسوة ,,
يارب تتبسطي بالرحلة ومستنية أعرف التفاصيل
محبتي الك

غروب يقول...

عاشقه الاحزان

متشكره لزيارتك

وان شاء الله احاول اهدى

غروب يقول...

عاشقه الاحزان

متشكره لزيارتك

وان شاء الله احاول اهدى

غروب يقول...

مسدس صغير

نسيت اقولك طبعااااا ياريت تيجي

غروب يقول...

الشاعر الحزين

بصراحه لا تعليق

وميهمنيش نوع دراستك اعتقد وايه دخل كلامك بموضوعى؟؟؟؟؟؟؟؟؟؟؟؟؟؟؟

aidy يقول...

غروب ازيك يا بنتى وحشانى ووحشانى مواضيعك

للاسف انا مش عارفة اقولك ايه فى الموضوع ده

بس اعملى اللى مقتنعة بيه

ويارب رحلة دريم بارك تكون حلوة

امانة عليكى يا شيخة تصوريهالى وتبعتيلى الصورة ههههههههههههه

أصلى بقالى كتير مروحتهاش

سلاااااااااااااام

الشاعر الحزين يقول...

غروب

أنا كتبت تعليقى

وأعتقد ان انتى الوحيده اللى فهمتيه

لأنك انسانه زكيه جدا

وفى الاول وفى الاخر

مقدرش أقولك غير

اتقى الله فى حكمك على الاخرين

وشكرا

جنّي يقول...

السلام عليكم

اسمحي لي بالتعليق على نقطتين :

الاولى خاصة بمن نعرف او نصادق .. والأصل ان نصادق المؤمن التقي :
عن أبي سعيد الخدري ، رضي الله عنه عن النبي صلى الله عليه وسلم قال : « لا تصحب إلا مؤمنا ولا يأكل طعامك إلا تقي »

ولكن من الصعوبة ان نجد شخصا يوافقنا تماما فكل منا به عيوب قد لا تروق للآخر.. وعلينا الا نفقد الود بيننا وبين من نعرف ..

الثانية خاصة بعبارة انا مش ربنا علشان اغفر وان المغفرة صفة ربانية .. ربنا سبحانه وتعالى وهو الغفور والغفار امرنا ان نغفر ونعفو ونصفح في كثير من آيات القرآن الكريم ومنها :


{وَلا يَأْتَلِ أُوْلُوا الْفَضْلِ مِنكُمْ وَالسَّعَةِ أَن يُؤْتُوا أُوْلِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ وَلْيَعْفُوا وَلْيَصْفَحُوا أَلا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ }النور22

{وَلَمَن صَبَرَ وَغَفَرَ إِنَّ ذَلِكَ لَمِنْ عَزْمِ الأُمُورِ }الشورى43

{قُل لِّلَّذِينَ آمَنُوا يَغْفِرُوا لِلَّذِينَ لا يَرْجُون أَيَّامَ اللَّهِ لِيَجْزِيَ قَوْماً بِما كَانُوا يَكْسِبُونَ }الجاثية14

يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلادِكُمْ عَدُوّاً لَّكُمْ فَاحْذَرُوهُمْ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ }التغابن14

{وَجَزَاء سَيِّئَةٍ سَيِّئَةٌ مِّثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لا يُحِبُّ الظَّالِمِينَ }الشورى40

سلام

غروب يقول...

ايدي

حبيبه قلبي انتى كمان وحشتينى

انا رجعت من دريم بارك ولسه صاحيه من شويه وان شاء الله هبعتلك الصور

غروب يقول...

الشاعر الحزين

لتانى مره اقولك

نو كومنت لانى مش فاهمه ايه علاقه كلامك بموضوعى

غروب يقول...

جنى

متشكره جدااااااا على زيارتك وتعليقك الرائع

بس احب اقولك انى موافقاك في اول نقطه

لكن انا مصادقتش انا اتطلب منى الصداقه وانا قبلت لمجرد انى اساعدها

اما بقه حكايه الغفران

عاوزه اقولك انى المفروض اسامح مش اغفر

وده على حسب الشئ

انا وصلت لنقطه حسيت انى مش هقدر اسامح فيها

ولو طلبت السماح تطلبه من ربنا في صوره مغفره

ياريت يكون كلامى واصلك

اشكرك

غروب يقول...

احمد ك

استاذ احمد

حضرتك طبعا من الناس اللى عارفه الموضوع من اوله

وعارف اد ايه انا كنت خايفه من العلاقه


ولما حسيت انها كويسه رجعت

وهى فعلا مش زى م انا فكرت وقلتلك

لكن برضه مش صح

ما علينا بقه

انت فينننننننننننننننننننننننن؟؟؟؟؟؟؟؟

غروب يقول...

يويو

هههههههههههه

انتى جايه تقرى عليه

النهارده الخميس

عقبالك يا يتى وتروحى

فعلا الانطباعات الاولى غالبا بتدوم والاحساس الاول بيستمر

نورتى

غروب يقول...

ماما اموله

ان شاء الله يا ماما

اشوف بس ظروف ايناس

غروب يقول...

الجواز وسنينه

كنت متوقعه اعتراض حد

بصى انا عمرى مهقول مين الشخصيه او عملت ايه

لكن انا مدونتى دى بتعبر عنى وبفضفض فيها يعنى اى شئ بحسه باكتبه

وده شئ وظرف واحساس مريت بيه فكتبته مش اكتر وكان في نفس الوقت رساله للشخصيه علشان تبعد هى بدون ميحصل تاتش

وصدقينى لو عارفه ان حد هيفهم هى مين مش هاكتب شئ

نورتى

غروب يقول...

طائر الليل الحزين

كفايه تواجدك يا حبيبتى بتنورى المدونه

وربنا يخليكي

غروب يقول...

اعشق في الليل ضوء القمر

وجودك يزيد المدونه نور

غروب يقول...

جاره القمر

صح كده الحرص واجب واتقي شر الشبهات وده اللى انا عملته

اسعدنة تواجدك

 

ما بعد الغروب © 2008. Design By: SkinCorner