الاثنين، 9 فبراير 2009

غروب + كلمات = انا

بسم الله الرحمن الرحيم
الحقيقه انا باكتب دلوقتى وحاسه انى سعيده اوى لكونى باكتب في المكان ده ...مدونتى الاولى كلمات
ايوه هى دى مدونه كلمات اللى كنت قفلتها وبعدت عنها وبدات ادون في مدونه ما بعد الغروب ..
الحقيقه مدونه غروب كنت باحاول اعمل فيها نيو لوك فباظت خالص وللاسف فقدت كل البوستس بتاعتها
بس الغريب انى مزعلتش على فقدان البوستس دى ...وعلى النقيد كنت حريصه جدا دايما على اى حرف كتبته في كلمات
انا عارفه انى متقلبه وموديه جدا ...بس فعلا انا حاسه بسعاده كبيره ...سعاده طفل ساب بيته لفتره وراح بيت جديد
بس مكنش فرحان بالبيت الجديد ده غير في اوله واديما كان يرجع يبص لبيته القديم ويطمن عليه .....انا كنت باعمل كده
كنت باكتب في غروب ودايما اجى هنا اشوف حاجاتى واكتب حاجات بس محدش يشوفها غير واحده صاحبتى بس وهى الحت عليه
كتير اوى انى ارجع كلمات بس انا كنت بارفض ....كنت بارفض وقتها لانى متعلمتش مبدا انى احافظ على ممتلكاتى لحد اخر نفس
سيبتها بسهوله لبعض المشاكل البسيطه ...اتخليت عن كلماتى عشان اسباب عاديه ممكن يمر بيها اى حد ....بس من النهارده انا مع كلماتى
ومش معنى كلامى انى مش بحب الغروب ...بالعكس انا حبيت مدونه ما بعد الغروب جدا ...وحبيت جدا اسمي ( غروب ) وده السبب اللى خلانى
اسيب اسم المدونه ما بعد الغروب بس البوستس اللى موجوده حاليا هى من كلمات ....انا مسحت منها بعض البوستس اللى ملهاش لزمه وفي حجات هنا برضه
كنت نفسي امسحها لكن الحقيقه مقدرتش ....
يعنى باختصار انا اخدت من الغروب ( البيت الجديد ) زهوته وشياكته والديكور بتاعه واخدت من كلمات ( البيت القديم) جماله وذكرياته وعملت ميكس
بين الاتنين ...الميكس ده هيبقي اغلى شئ عندى لانه يجمع بين احلى حاجتين بحبهم
بجد انا سعيده جداااااااا انى باكتب هنا من تانى
وان شاء الله تفضل كلمات وغروب طول م انا عايشه
واتمنى الشكل الجديد يعجبكوا
غروب ....( saso)

37 التعليقات:

أمل حمدي يقول...

مبرررررررررررررررررررررك

ادعيلي

SHAPE YOUR LIFE (ABOALI) يقول...

غروب +كلمات = انا
اذا كان الغروب هو غروب كل ما لا يرتقى بك فى الدنيا والاخرة
فمرحبا" به
وتاءتى الكلمات لتصف
فايكون الصفاء والنقاء هو العنوان
وهو الكلمة التى ستزداد رونقا" بهذا الغروب


نادر" يا غروب ما اجد حواء اقدر لها تعبيرها و بلاغتها
فاءنا فى عملى اقابل الكثير من بنات حواء

ولكن لم تصادفنى حواء التى تكتب بهذا الاسلوب الذى يفوح منه العطر ومغلفا" بداخله البلسم فتنساب الكلمات الكلمة وراء الكلمة

كتيرون يغوصون فى البحار

ولكنك عندما تغوصين تستخرجى
اللؤلؤ والياقوت والمرجان

عكس كثيرون يستخروجون سمك القرش والثعابين


اتمنى ان تحافظى على مملكتك وحدودها
وان تزينيها بالكلمة الطيبة


تحياتى الراقيه
واشكرك

نفرتارى يقول...

مبروك على الشكل الجديد وانا سعيدة بك جداً .. وكلماتك كلها رقة ووحشتنا كتير .

تحياتى ،،

نفرتارى

غروب يقول...

ماما اموله:

يا روح قلبي وحشتينى والله

ربنا معاكى ياااااااااااااااارب

الله يبارك فيكي

غروب يقول...

ابو على :

ايه ده؟؟؟؟؟؟؟؟؟؟؟

انا كل ده؟؟؟؟؟؟؟؟؟

اخجلتم تواضعنا

انا مش عارفه اقولك ايه والله

ربنا يخليك

انت ابو الابداع والله

نورتنى

غروب يقول...

نفرتارى:

اشكرك يا قمر

انتوا كمان وحشتونى جدا

نورتى الغروب

dina يقول...

يابنتى البيت الجديد
البيت القديم
المهم بيت العز يابيتنا
المهم انتى فين
الف مبروك على الميكس الجديد
ويارب يكون خير عليكى

غروب يقول...

دينا:

نورتينى يا قمر

انتى وحشتينى جدا

والحمد لله ان امتحاناتك فاتت بخير يا حبيبتى

وان شاء الله البيت الميكس ده يكون فيه الشفا ههههههههه

نورتينى يا دينا

blue-wave يقول...

الف الف مبروووووووووك
واللوك دا تحفه بجد

غروب يقول...

دكتور عمرو

الله يبارك فيك

واللوك حلو عشان بس انت نورته


ربنا يسعدك

نورتنى

غير معرف يقول...

ألف مبروك يا جميل و إن شاء الله تبقى من احلى المدونات الموجودة معانا




انا سعدت بزيارتك جدا و سعيدة أكتر برأيك فيها

ربنا يخليكى :))

شخـا بيــط مـحـجـوب يقول...

الف الف الف مبروك مبروك

مدونتك جميلة جدا تحفة
تحياتى ليكى وتقبلى مرورى
واتمنى ان تكونى صديقة لمدونتى

شخابيط mahgoub

E73 يقول...

بسم الله الرحمن الرحيم
السلام عليكم ورحمة الله وبركاته

باسم الله الله اكبر ندخل بإيدينا اليمين
ههههههههههه
أخيرا يا سوسو فرحنالك كتير قوي
وفرحانة لوصولك للحالة الجميلة دي
بس بيني وبينك كنتي عوزة قالب أفتح من كدة شوية ;) (وش بيغمز يعني)

غروب يقول...

انا ودماغي :

الله يبارك فيكي يا قمر

انتى بجد مدونتك عسوله جدااااا

نورتينى

غروب يقول...

شخابيط محجوب:

اهلا وسهلا بيك

متشكره جدا على رايك سعيده ان المدونه عجبتك ان شاء الله نكون متواصلين علطول

نورتنى

غروب يقول...

E73:

اهلا اهلا ازيك يا استاذه ؟

نورتي بيتك ومطرحك

القالب كده معقول لاحظى انى لسه غروب

بس بجد احلى مفاجاه يا نونو

انا استغربت اوووى ان حد داخل يقولى سوسو وفرحنالك مين دى؟ هههههه

مبروك مدونتك عسل بس لسه شويه تعديلات نبقي نتفاهم فيها

يلا مواااااه

mahasen saber يقول...

ااقول ايه ااقول ايه

من ساعة ما زفتيلى الخبر الهمام بالعنوان الجديد
وانا تايهه لما صوابعى ورمت على الكيبورد

حللتى سهلا وحضرتى اهلا

عارفه لو غيرتى العنوان تانى يا غروب

هزعل هزعل هزعل وبس

بس وحشتينى برضه وعودا حميدا يا جميله

EMMY BABY يقول...

مبروووووووووك مش على مسح مدونة غروب ولكن على عودتك لكلمات

حسيت فى كلامك بصدق جامد اوى والله بجد

واضح فعلا انك بتحبى المدونة دى اوى

ربنا يباركلك فيها وتكملى فيها باذن الله

جميل اوى ان الانسان يعمل ميكس :)

على فكرة حاسة انى كنت اعرفك او اعرفك

ممكن علشان فى اصدقاء كتير ما بينا

ان شاء الله مش هتكون الزيارة الاخيرة

سعيدة انى دخلت مدونتك

تحياتى

ايمى

غروب يقول...

محاسن صابر:

حبيبه قلبي منورانى وانتى كمان وحشتينى جدااااااا والله
معلش والله دى اخخخخخر مره يحصل اى تعديل في المدونه ان شاء الله وسلامه صوابعك

موااااااه

غروب يقول...

ايمي:

الله يبارك فيكي يا قمرايه

الصدق اللى انتى حسيته يا ايمي علشان انا فعلا بحب المدونه دى اووووى

لانها ذكرباتى الاولى والاحلى في التدوين واصحابي الاعزاء جدا كلهم كانوا هنا

وطبعا احنا اكيد نعرف بعض لانك عسوله وكل الناس تعرفك

( وش بيغمز)

نوتينى يا حبيبتى

momken يقول...

الف مبروك

وعوداً حنيداً ان شاء الله

منوره عالم بلوجر كله

البوست جميل والمدونه روعه

تحياتى

أمير البلانكو يقول...

غروب

مبروووووووووووك

بجد انا المدونه دي وحشتني أوي أوي

بجد كانت غاليه عليا لاني كنت بالاقي فيها حاجه انا بحبها اوي وهيا الخواطر الممزوجه بكلمات الشعر
وفرحت أوي لما قلتي انك برضه مش هاتنسي مدونه غروب لانها برضه مدونه غاليه عندي أوي يلا بسرعه بقي عايزك تمتعينا بكلمات جميله كعادتك

تحياتي ليكي يا ساسو
( غروب )

ريمان يقول...

السلام عليكم


اهلا بيكى يا قمر

مش تسيبينا تانى بقه


وانا فرحانه انك رجعتى تكتبى تانى

وعلى فكره


المدونه شكلها جميل جدا

الاستايل بجد رائع

احييكى على ذوقك

hasona يقول...

مبروك ومبارك


وان شاء الله للتقدم والرفعة

وربنا يخليهم لك ويخليكي لهن - ويزيدك من نعيمه

yoyo يقول...

الف مليون مبروك يا قمر
ان شاء الله تكون مدونة جميلة يا قمر
بس بليز بلاش تغيير تانى بقى خلى العنوان ثابت مش كل شوية اسال شيخ حارة المدونات على العوان وكدا هههههههههههههههههه

نورت يا قمر ويارب دايما منورة على طوال

تحياتى
يويو

dr_samarmar يقول...

غروب كلمات ساسو

قريت على قد ما قدرت من البلوج و عجبتنى كلماتك اوى

أيا كان هتكتبى فين فأتمنى تقبلينى من زوارك و متابعينك

و ربنا يسعدك كدا على طول يارب

ahmed_k يقول...

مبرووووووك الميكس الجديد
وبالتوفيق دايما يا رب

وفعلا كنا مفتقدين كلمات
وحبينا ما بعد الغروب
ولكنهم والحمد لله عادوا بخلطه سريه
لنراهم في ثوب واحد

مع خالص تحياتي

غروب يقول...

MOMKEN:

ميرسي جدا نورت المدونه

وان شاء الله تزرونا تانى

غروب يقول...

امير البلانكو:

كنت عارفه والله يا امير ان ده هيكون رد فعلك وسعيده جدا بحبك لمدونه كلمات

وان شاء الله اكتب حاجات قريب تعجبك

منورنى دايما

غروب يقول...

ريمان:

ازيك يا حبيبتى منوره

ومتشكره اوى على زوقك وكلماتك الرقيقه في المدونه

غروب يقول...

حسونه:

متشكره اوى على الزياره والتعليق الجميل

نورتنى

غروب يقول...

يويو:

ازيك يا حبيبتى

بتوحشينى والله

نورتتى

وان شاء الله مش هغير المكان تانى

ولا تروحى لشيوخ تانى

هههههههه

غروب يقول...

دكتوره سمرمر:

يا حبيتى انا اتمنى تكونى من زورارى ومتابعينى

انتى تنورى

وسعيده جدا لاعجابك بلابلوج

غروب يقول...

AHMED_K:

اتاخرت كده ليه هههههههه؟؟؟؟؟؟

معلش سماح المره دى

بس اخر مره

ان شاء الله مش هتفتقدوا كلمات تانى

وان شاء الله الميكس يعجبك

نورتنى

اعشق فى الليل ضوء القمر يقول...

انت عارفه اجمل ما فى الموضوع إيه
إنك مهما عملتى مبتقدريش تبعدى عن مدونتك وده حال معظم المدونينن
لكن إنت فى كلمات أو فى ما بعد الغروب
إنت واحده وإحنا بنقرأ لواحده برده يعنى واحده ديه هى الكسبانه الوحيده
دامت لك مدونتك و تناغم بينكم
ورينا الإبداع

غروب يقول...

اعشق في الليل ضوء القمر:

نورتنى وفعلا انا مقدرش ابدا ابعد عن التدوين

لانه اصبح شئ مهم بفضفض بيه كتير

متشكره اوى لزيارتك وكلامك

ســـهــــر يقول...

غروب انا كل مفتح مدونتك من القائمة عندى بيقولى لم يتم العثور على المدونة

اضطريت اجيبها من السيرش على جوجل
مش عارفة بقا العيب فى اية عندى ولا عندك

بس على كل حال انتى حبيبتنا تحت اى مسمى غروب او كلمات

اللى يهمنا هو قلبك والكلام الصادق اللى بتقولية سواء كنتى سعيدة او مش سعيدة

ومن قلبى بتمنالك دايما السعادة

بحبك فى الله

 

ما بعد الغروب © 2008. Design By: SkinCorner