الأربعاء، 3 سبتمبر 2008

لسه برق لعنيه....


لسه بــــــــــــــرق لعنـيه ... وبخــــــاف منه وعليه

لسانى يا قلبي حايره ... وحياتى وروحى فيه

وبدارى وغصب عنى .... مش بتكلم لآنــــــــــــــى

سامعه جوايا صــــوت

حاسه بغدر البحور ... وبيقتلنى الغرور

ومعذبنى السكـــــــــوت

بهزم احساسي بيه...........قلبي وبأسي عليه

مش عايزه يا عمرى امشي مشوار وملوش حدود

لكن رغم اللى عدى... لكن رغم اللى فات

بنسااه وتعدى مده... وافتكره ذكريــــات

لكن بضعف قصاده... ايوه انا بضعف معاه

قلبي بينسي وعوده... وقساه ساعه لقـــــــــاه

محتاره يا قلبي ليه؟... م ترد عليه ليــــــــــــــــــه؟

عايزه اعرف ليه يا قلبي لسه برق لعنيه؟

24 التعليقات:

mthlykaweyy يقول...
أزال أحد مشرفي المدونة هذا التعليق.
كلام حسام يقول...

الرائعة كلمات
كنت اهم بالرد عليك ولكني شعرت بالاشمئزاز من تعليق الشخص المثلي
لذلك فرجاء ان لا تتركي مدونتك لعبث هؤلاء

احييك لابياتك الراقية السلسة القريبة جدا من القلب

غير معرف يقول...

عايزة تعرفي ليه لانو جواكي

لانه بس هو اللي بينور لقلبك سكة

بتمشي معاه من غير تفكير

هودا الحب علي فكرة
من غير اسئلة

من غير كلام

من غير مجاملات حبيه وامشي يالا


من غير غرور


عموما

شكرا لتعليقاتك عندي

وانا علي فكرة نزلت موضوع جيد وجي اشكرك مخصوص لتعليقك عندي

رمضان كريم وربنا معاكي

Mustafa Şenalp يقول...

çok güzel site. :)

غير معرف يقول...

حبيبي ف عينى انت الاقوى من دنيا زمانها اسود قاتم ...

مش عاوزه اشوفك مظلوم لو حتى هتبقي انت الظالم ....

انا نفسي امل علي القصيدة دي

ممكن ةلا ايه


طبعا عارفة انا مين

a g m

بنت سيناء.. يقول...

كلمات جميلة يا ساسو..بس مش معايا انها ممكن تتأجل شوية وتكتبى مثلا عن يومياتك فى رمضان؟؟انا هستنى يومياتك ومواقفك فى رمضان واعتبرية تاج ليكى

غروب يقول...

المثلي: ردى عليك ف الاخر

شملولى : متشكره جدا على زيارتك واهتامك ...واتمنى دوام التواصل ان شاء الله

a few good men : اهلا بيك اولا وكل سنه وانت طيب ...

ثانيا انت جبت الكلام ده منين ؟؟؟؟؟؟ الكلمات دى بتاعتى ومقلتهاش لحد غير واحد بس وقلتله فعلا انى نفسي اكملها بليز ممكن تفسير؟؟؟؟؟؟؟؟؟؟؟


عزيزتى بنت سيناء: نورتى حبيبتى ونصيحتك مقبوله ولى رد عليها لكن فيما بعد

ahmed_k يقول...

علشان الحب بيلين القلوب
مش بتشوفي كيف يتحول الشخص الغليظ القلب
إلى إنسان رقيق وحالم عندما يصاب بالعشق
كلماتك جميله وكلها عفويه
وصادره من لب القلب


تقبلي تحياتي

غروب يقول...

اهلا وسهلا :

AHMED_K

نورتنى ومشكور جدا على كلماتك الرقيه واجابتك لسؤالى ...

اتمنى لك الخير

أمير البلانكو يقول...

أسلوبك رائع

كلام متناسق وجميل صادر من القلب .

انتي كدا شكلك واقعه في الحب علي الاخر

ربنا يوفقك وأدعيلي انا كمان ربنا يوفقني في حياتي

اتمني أري تعليقاتك في مدونتي

صديق جديد

غروب يقول...

امير البلانكو:

هو يعنى ايه اللانكو دى؟

نورت المدونه وكلامك اسعدنى وكل عام وانت بخير واتمنى لك التوفيق مع من تحب

أمير البلانكو يقول...

saso

بعد السلام

أولا :البلانكو دا لقب لاسم لاعب كره قدم في المكسيك وهو ( بلانكووو )

ثانيآ : ودا الاهم انه لقب لفريق نادي الزمالك لاني بعشق الزمالك جدآ وهو (البلانكو الابيض )

ياريت لو انتي أهلاويه ولا حاجه ماتزعليش مني

رجاء : اذهبي الي مدونتي وأقرائي القصيدتين اللي قبل اللي انتي زورتيها من تحت لفوق لانهم مواقف حدثت لي فعلا ارجو الرد عليهم بدون مجامله

سلام وكل سنه وانتي طيبه

ahmed_k يقول...

يا ساسو ليه حذفتي تعليقك عندي
ده أنا تأخرت في الرد عليكي
لكي لا أزود التعليقات
علشان المتابعين لمدونتي
يشوفوا ردك وردي عليه


مع خالص تحياتي وتقديري

غروب يقول...

امير : انا بالفعل قراتهم وعجبونى جداااااا بس بدام انت طلبت الرد هدخل تانى اقولك الرد هناك

على فكره انا مبحبش الكوره اساسا


استاذ احمد :

انا الحقيقه مسحت كل التعليقات اللى تخص هذا الشخص لان مجرد وجودى في مدونته او وجوده في مدونتى شئ يسئ لي وانا لا اريد لنفسي الشبهه ولكن انا متابعه حركتك ضده لكن اخى الاكبر قال لى ان ابتعد افضللللللللللل بكثير ولا اضع اسمي مقابل اسم هذا الشخص لاننى بنت ومثل هذا يحتاج رجل يعطيله على دماغه وللاسف هيكون عليك الحمل والعبئ ف الموضوع ده

سلام

مـجـنـووون يقول...

ما أجمل ما تكتبين سيدتي الجميله

مش عايزه يا عمرى امشي مشوار وملوش حدود

عندك حق لازم الواحد قبل ما يمشي في طريق أو في موضوع لازم يعرف نهيته أيه ، وعلي الأساس ده يقرر حيستمر فيه والا يسيبه أحسن

ممكن أعرف مين صاحب المدونة علشان أخد بالي ؟
تقبلي مروري
مجنووون

غروب يقول...

اهلا بيك :
مجنون شكرا جزيلا على كلماتك الرقيقه ...

ولكن ماذا تقصد بصاحب المدونه؟

Unknown يقول...

ان شاء الله يوم السبت الموافق 13/9
هيكون فى تجمع للتبرع فى مستشفى ابو الريش للاطفال
بناء على اقتراح قوس قزح
اتمنى انى اشوفكم هناك
تعالوا نحاول نرسم بسمه ونطهر ذنب
وبعدين هيكون فى افطار جماعى

blue-wave يقول...

الللللللللللللللللللله
لأ بقى
دا بقى فيه منافسه جامدة جدا عليا
اوك
وانا لها:))
بجد كلمات جامدة وجميله جدااااااا
تسلم ايديكى

غير معرف يقول...

saso
انتي نسيتي
انتي قولتيلي خد دول مشخسارة فيك

في بوست الاعتزال


عموما انا بس كنت عايز اكمل عليهم

روحي بصي علي تعليقك حتلاقيهم

غروب يقول...

نهر الحب :
اتمنى اقدر آجى والله بس انا مش من القاهره ...عموما هحاول ويارررررررررررررب اقدر آجى


د|عمرو

منافسه مين بس الله يكرمك انت بترفع من معنوياتى ولا ايه؟؟؟؟؟؟؟

احنا فين وحضرتك فين
نورت المدونه وكل سنه وحضرتك طيب


few good men:
كويس انك فكرتنى .......هههههههه كنت هشك ف ناس تانيه

بس انا بحذرك اوعى تاخدهم بجد.........
لو كملتهم تعطيهوملى في السر وانزلها باسمي فاااااااااهم .هههههههههه

اللهم قد بلغت اللهم فاشهد.

مـجـنـووون يقول...

قصدي علي هذا الشخص الذي كتبتي فيه هذا الكلام

انا الحقيقه مسحت كل التعليقات اللى تخص هذا الشخص لان مجرد وجودى في مدونته او وجوده في مدونتى شئ يسئ لي وانا لا اريد لنفسي الشبهه ولكن انا متابعه حركتك ضده لكن اخى الاكبر قال لى ان ابتعد افضللللللللللل بكثير ولا اضع اسمي مقابل اسم هذا الشخص لاننى بنت ومثل هذا يحتاج رجل يعطيله على دماغه وللاسف هيكون عليك الحمل والعبئ ف الموضوع ده

تقبلي مروري
مجنووون

غروب يقول...

اقصد صاحب مدونه مثلي قوى

يا اخى : مجنوووون

šσяšαяαα يقول...

كلمات ليست كالكلمات

طبعا انتى نورتينى وشفتى كلماتى عاملة ازاى:)

شكرا ساسو ورمضان كريم:)

غير معرف يقول...
أزال أحد مشرفي المدونة هذا التعليق.
 

ما بعد الغروب © 2008. Design By: SkinCorner